ئەنجامێن پشككێشانا قۆناغا 16ێ یا قارەمانییا یانەیێن ئۆرۆپا قارەمانێن یاریێن ب هێز دناڤبەرا یانەیێن پشكدار پەیداكر و ئاستەنگ بۆ هندەكێن دی پەیدا كر، ئەوا دوهی ل باژێرێ نیۆن یێ سویسری هاتیە كرن.
یانەیا بەرشەلۆنا قارەمانا وەرزێ بۆری دێ بەرانبەر ناپۆلی قارەمانا ئیتالیا د یارییەكا پڕی هەڤڕكی و ئاستەنگ دا بیت تایبەت بۆ بەرشەلۆنا ئەوا نوكە د خولا ئسپانیا دا ئاست و ئەنجامێن لاواز پێشكێش دكەت، ژلایەكێ دووڤە پاریس سانجێرمان یا فرەنسی دێ شەڕی دژی یانەیا ریال سوسیداد یا ئسپانی كەت، د بەرانبەر دا ریال مەدرید دێ ڤەگەڕیت و دیرۆكا خوە بەرانبەر لایپزیك یا ئەلمانی نووكەت.
پشككێشانێ دەلیڤەكا باش دا مانچستەر ستی قارەمانا وەرزێ بۆری یا چامپیۆنزێ و ئێخستە بەرانبەر یانەیا كۆبنهاگن یا هۆلەندی، هەروەسان دەلیڤەكا باش دا یانەیا بایرن میۆنخ بۆ دەربازبوون بەر ب قۆناغا هەشتێ پشتی یارییا وێ هاتییە دیاركرن دێ بەرانبەر لاتسیۆ یا ئیتالی بیت.
ل دووڤ ئەو ئاستێ مە یانیێن ئۆرۆپا د چامپیۆنزێ دا دیتین، رو ب روبوونەكا هەڤسەنگ دناڤبەرا هەر ئێك ژ یانەیا ئەنتەر میلان یا ئیتالی بەرانبەر ئەتلەتیكۆ مەدرید بیت، هەروەسان ئارسنال یا ئنگلتەرایێ دێ بەرانبەر پۆرتۆ یا پۆرتۆگالی بیت، ژلایێ خوەڤە برۆسیا دۆرتمۆند یا ئەلمانی بەرانبەر ئایندهۆڤن یا هۆلەندی بیت.
بۆ زانین یاریێن قۆناغا 16ێ دێ ب هاتنۆچوون بن، یێن ئێكێ ل 13، 14، 20 و 21ێ شۆباتا سالا 2024ێ ل یاریگەهێن، پۆرتۆ، ناپۆلی، پاریس، ئەنتەر میلان، ئاینهۆڤن، لاتسیۆ، كۆبنهاگن و لایپزیك هێنە كرن، و یارییا دویێ ل یاریگەهێن هەڤڕكێن وان بن ل پێنج، شەش، 12 و 13 ئادارا سالا بهێت هێنە كرن ژبۆ دەربازبوون بۆ قۆناغا هەشتێ.
پشككێشانا چامپیۆنزێ د بەرژوەندییا چار یانەیێن مەزن دایە و ئاستەنگ بۆ بەرشەلۆنا پەیدا كر
نيشاندان