قەیس وەیس:
چاڤه‌ڕێ دهێته‌ كرن ئه‌ڤرۆ ده‌ست ب یاریێن گه‌ڕا 10ێ یا خولا ستێرێن ئیراقێ یا فوتبۆلێ بۆ قۆناغا ئێكێ ب ئه‌نجامدانا چار یارییان بهێنه‌ كرن، دڤێ گه‌ڕێ دا زاخۆییان ئه‌ركه‌كێبزه‌حمه‌ت هه‌یه‌ بۆ پاراستنا سه‌رێ لیستێ و دهۆك و هه‌ولێر دێ بزاڤێن ڤه‌گه‌ڕاندنا سه‌ركه‌فتنان كه‌ن و نه‌ورۆز ژی چاڤ سێ خالان بیت.
هه‌ولێر ل باشۆرێ ئیراقێ یه‌
بڕیاره‌ ل ده‌مژمێر 2:30 پشتی نیڤرۆ ل یاریگه‌ها میسان ببیته‌ مێڤانا یانه‌یا مینا یا به‌سرایی د ئێكه‌م یاریێن ڤێ گه‌ڕێ دا، یانه‌یا پایته‌ختێ كوردستانێ د رێزبه‌ندیه‌كا باش دایه‌ ئه‌وا 15 خال كۆمكرین ل رێزا چارێ دهێت، د یارییا بۆری دا تووشی وه‌كهه‌ڤیێ بوو له‌وما ژی بۆ ڤێ یاریێ دێ بزاڤێن ڤه‌گه‌ڕاندنا سه‌ركه‌فتنان كه‌ت ژبۆ به‌رده‌وامی دا ب هه‌ڤڕكییا سه‌رێ لیستێ، د به‌برانبه‌ر دا یانه‌یا مینا خودانا هه‌شت خالایه‌ و رێزا 16ێ دهێت، پێنه‌ڤێت هه‌موو هیڤیێن وێ ژی سێ خالن بۆ پێشڤه‌چوونێ.
ژ یاریێن دی یێن ئه‌ڤرۆ، نه‌فت ئه‌لبه‌سرا- زه‌ورا ل ده‌مژمێر 2:30 پشتی نیڤرۆ، ته‌له‌به‌- كه‌رخ، 5:15 ێ مه‌غره‌ب، نه‌جه‌ف- ئه‌لقاسم 7:30 شه‌ڤ، سوبه‌هی رۆژا ئه‌ینی دویاریێن دی بڤی شێوه‌یی هێنه‌ ئه‌نجامدان، ئه‌لكه‌رمه‌- نه‌فت میسان 2:30 نیڤرۆ، كه‌ربه‌لا- كاره‌با 5:15 مه‌غره‌ب.
زاخۆ دێ بزاڤێن پاراستنا سه‌رێ لیستێ كه‌ت
د یارییه‌كا ئاگرین و كۆپیتكا یاریێن ڤێ گه‌ڕێ دا جه‌ماوه‌رێ وه‌رزشی یێ یانه‌یا زاخۆ چاڤ ل تیما خوه‌ یه‌ ل شه‌مبییا بهێت ل پایته‌ختێ ئیراقێ به‌غدا ده‌مێ دبیته‌ مێڤانا یانه‌یا شورته‌ ئه‌وا دێ ل ده‌مژمێر 5:15 مه‌غرب ل یاریگه‌ها شه‌عب یا نێڤده‌وله‌تی هێته‌ كرن، كوڕێن خابوری بۆ جارا ئێكێ یه‌ د دیرۆكا خوه‌ یا خولا ستێرێن ئیراقێ دا هاتییه‌ سه‌رێ لیستێ پشتی مفا ژ پاشئێخستنا یاریێن هه‌ڤڕكا وێ شورته‌ و یانه‌یا جه‌وییه‌ وه‌رگرتی ئه‌وێن مژویلی یاریێن كۆپا ئاسیا بووین، كوڕێن خابووری د نوكه‌ دا 16 خال كۆمكرینه‌ و جهێ خوه‌ گه‌رمكرییه‌ ل سه‌رێ لیستێ و هه‌موو هیڤی و ئۆمێدێن وێ ئه‌ون به‌رده‌وامیێ بده‌ته‌ ئه‌وی جهی، دیسان ستێرێ وێ ژی یێ نێڤده‌وله‌تی ئه‌مجه‌د عتوان سه‌رێ لیستا گۆلكه‌رێن خولێ دهێت ب حه‌فت گۆلان ئه‌وژی دێ بزاڤێ كه‌ت گۆلان بینت پێخه‌مه‌ت پاراستنا جهێ خوه‌، لێ ئه‌ركێ وان به‌رانبه‌ر یانه‌یا شورته‌ خودانا ناسناڤێ وه‌رزێ بۆری و هه‌ڤركا ب هێز یا سه‌رێ لیستێ ب سانه‌هی نابیت ئه‌وا ب تنێ شه‌ش یاریكرن ل رێزا پێنجێ دهێت ب 14 خالان.
ته‌لال ئه‌لبلۆشی: یا دشیان دا بیت بۆ سه‌ركه‌فتنێ دێ كه‌ین
راهێنه‌رێ یانه‌یا زاخۆ یێ قه‌ته‌ری تەلال بلوشی دیار كر ب ده‌ستڤه‌ ئینانا سه‌رێ لیستێ ب كاره‌كێ كۆم هاتییه‌ و گۆت: تیما مە د قوناغەکا باش دا دەرباز دبیت و پێدڤییە ژی ئەم ل سەر ڤێ چەندێ د بەردەوام بین هەتا کو خول ب دووماهی دهێت و پێدڤیە ژی مە هەناسەیەکا درێژ بۆ خولێ هەبیت، یاری ب زه‌حمه‌ت دكه‌ڤن لێ یاریزانێن مه‌ هه‌تا نوكه‌ ب ئه‌ركێ خوه‌ ڕادبن، ئەڤ چەندە یا گرنگە ژبەرکو رێک و پێکیا تیما مە زێدەتر دیار دبیت.
نه‌ورۆز به‌رانبه‌ر حدودا وێران كری
ژلایێ خوه‌ڤه‌ تیما یانه‌یا نه‌ورۆز دێ شه‌مبییا بهێت ل یاریگه‌ها خوه‌ مێڤاندارییا یانه‌یا حدود ل ده‌مژمێر دو یێ پشتی نیڤرۆ كه‌ت، ل دووڤ هه‌لوه‌ستێ هه‌ردو یانه‌یان د رێزبه‌ندیێ دا ئه‌ركێ كوڕێن باژێرێ سلێمانیێ ب سانه‌هی یه‌ ئه‌وێن ئه‌وێن ب حه‌فت یارییان هه‌شت خال كۆمكرین رێزا 17ێ دهێن، لێ یانه‌یا حدود هه‌موو خوساره‌تی هه‌نه‌ و چ خال نینن ل رێزا 20ێ و دووماهیێ دهێت.
دهۆك چاڤ ل ڤه‌گه‌ڕاندنا سه‌ركه‌فتنایه‌
پشتی تیما یانه‌یا دهۆك ژ گه‌هشتا خوه‌ یا یاریێن كۆپا كه‌نداڤی هاتی د ماوه‌یێ مه‌هه‌كێ دا سێ یاریێن وێ یێن خولا ستێرێن ئیراقێ هاتبوو پاشئێخستن دگه‌ل هه‌ر ئێك ژ شورته‌، ئه‌لقاسم و نه‌ورۆز و مژویلی یاریێن كۆپا كه‌نداڤی بووی و سێ یاریێن خوه‌ به‌رانبه‌ر مێڤاندارا خوه‌ زه‌فار یا عومانی كری ب گۆله‌كێ وه‌كهه‌ڤ بووی، دووڤدا یانه‌یا نه‌سرا ئیماراتی بوو مێڤانا وێ و ب دو گۆلان وه‌كهه‌ڤبوون، دیسان یا سێ شه‌مبییا بۆری ل ئیماراتێ بۆ مێڤانا نه‌سر ب دو گۆلان به‌رانبه‌ر گۆله‌كێ تووشی خوساره‌تیێ بوو، بڕیاره‌ ل ئێكشه‌مبییا بهێت دناڤ ئه‌رد و جه‌ماوه‌رێ خوه‌ دا ڤه‌گه‌ڕێته‌ خولا ستێرێن ئیراقێ و مێڤاندارییا یانه‌یا دیالا بكه‌ت ئه‌وا دێ ل ده‌مژمێر 5:15 مه‌غره‌ب هێته‌ كرن، پشته‌ڤانێن دهۆكێ غه‌ریبیا خولا ئیراقێ دكه‌ن و چاڤه‌ڕێ سه‌ركه‌فتنا تیما خوه‌ نه‌، د نوكه‌ دا یانه‌یا دهۆك ب شه‌ش یارییان پتنێ پێنج خال كۆمكرینه‌ ل رێزا 18ێ دهێت و مێڤانا وێ دیالا چار خال كۆمكرینه‌ ل رێزا 19ێ دهێت.
هه‌لوه‌ستێ گشتی یێ ڕێزبه‌ندیێ بڤی ڕه‌نگی یه‌.
1- زاخۆ 16 خال
2- ئه‌لنه‌فت 16 خال.
3- زه‌ورا 15 خال
4- هه‌ولێر 15 خال.
5- شورته‌ 14 خال ژ شه‌ش یارییان.
6- ئه‌لكه‌رمه‌ 14 خال.
7- ئه‌لنه‌جه‌ف 13 خال.
8- كه‌ربه‌لا 13 خال.
9- كاره‌با 13 خال.
10- جه‌وییه‌ 12 خال ژ شه‌ش یارییان.
11- نه‌فت میسان 12 خال ژ هه‌شت یارییان
12- ئه‌لته‌له‌به‌ 11 خال.
13- ئه‌لكه‌رخ 11 خال.
14- ئه‌لقاسم 10 خال ژ هه‌شت یارییان.
15- نه‌فت ئه‌لبه‌سرا نه‌هـ خال.
16- نه‌ورۆز هه‌شت خال ژ حه‌فت یارییان.
17- ئه‌لمینا هه‌شت خال ژ هه‌شت یارییان.
18- دهۆك پێنج خال ژ شه‌ش یارییان.
19- دیالا چار خال.
20- ئه‌لحدود چنه‌ خال.پێنج ئێكه‌مین گۆلكه‌رێن خولێ پشتی یاریێن گه‌ڕا نه‌هێ بڤی ره‌نگی نه‌.
1- ئه‌مجه‌د عتوان، حه‌فت گۆل – یانه‌یا زاخۆ.
2- موهه‌نه‌د عه‌لی، پێنج گۆل – یانه‌یا شورته‌.
3- حاتم ئه‌لحارس، چار گۆل – یانه‌یا ئه‌لقاسم.
4- جۆن ئۆكۆلی، چار گۆل- یانه‌یا ئه‌لكه‌رمه‌.
5- محه‌مه‌د ئه‌لقاسم، چار گۆل- یانه‌یا جه‌وییه‌.
گرنگترین گۆلكه‌رێن یانه‌یێن كوردستانی د خولێ دا.
ژبلی ستێرێ یانه‌یا زاخۆ ئه‌مجه‌د عتوان ئه‌وێ ل سه‌رێ لیستێ دهێت، ئه‌و یاریزانێن گۆل بۆ یانه‌یێن خوه‌ یێن كوردستانی كرن بڤی ره‌نگی نه‌.
1- شیركو كه‌ریم، چار گۆل- هه‌ولێر.
2- جۆستاڤۆ هنریك- سێ گۆل- زاخۆ.
3- مه‌روان حسێن، سێ گۆل- نه‌ورۆز.
4- یوسف بن سوده‌، سێ گۆل- هه‌ولێر.
5- ئه‌حمه‌د مه‌حمود، دو گۆل- نه‌ورۆز.
6- كۆلین ئه‌ندرسۆن، دو گۆل- هه‌ولێر.
7- ناسر محه‌مدوهـ، دو گۆل زاخۆ.
8- ئه‌یوب نناحی، گۆله‌ك – زاخۆ
9- هه‌ر ئێك ژباشه‌نگ عه‌بدوللا، پیته‌ر گورگیس، به‌یار ئه‌بۆ به‌كر، شه‌رقی ئه‌لبه‌حری گۆله‌ك هه‌یه‌ د خولا ستێرێن ئیراقێ دا.
فدراسیۆنا فوتبۆلا ئیراقێ پاشئێخستنا یارییان ڕدكر
ب فه‌رمی فدراسیۆنا فوتبۆلا ئیراقێ ڕه‌دكر بۆ حه‌فتیێن بهێت یاریێن خولێ یان یێن چه‌ند یانه‌یان بهێنه‌ پاشئێخستن ب بوهانه‌ پشكدارییا چه‌ند یاریزانێن ئه‌وان یانه‌یان دناڤ رێزێن هه‌لبژارتیێ ئیراقێ دا، ئه‌ڤچه‌نده‌ هات پشتی هاتیه‌ ڕاگه‌هاندن هه‌لبژارتیێ ئیراقێ دێ پشكداریێ د كۆپا كه‌نداڤی دا كه‌ت ئه‌وا بڕیاره‌ هه‌ڤڕكیێن وێ دێ ل 21ێ ڤێ مه‌هێ وه‌لاتێ كوه‌یت مێڤاندارییا كۆپایێ كه‌ت، دیاركر بۆ هه‌ر یانه‌كێ ئه‌گه‌ر ڕاهێنه‌ر كاساس پێدڤی بیت زێده‌تر ژ دو یاریزانان نا هێنه‌ داخوازكرن، ئه‌ڤچه‌نده‌ ژی پێخه‌مه‌ت چ كارتیكرن ل سه‌ر ئاستێ ئه‌وان یانه‌یان نه‌كه‌ن ده‌مێ یاریێن خوه‌ ئه‌نجامده‌ن.

عەلی حاجی:

چاڤەڕێ‌ دهێتە كرن ئەڤرۆ ژی چار یاریێن مایین ژ هەڤڕكیێن گەڕا شەشێ‌ یا قۆناغا ئێكێ‌ ژ خولا پلا نایابا كوردستانێ‌ یا فوتبۆلێ‌ بهێنە ئەنجامدان، یانەیا زاخۆ شەڕێ‌ ب دەستڤە ئینانا سەرێ‌ لیستێ‌ كەت و شێروانە دێ‌ بۆ پاراستنا وێ‌ كەت.
ئەو یاریێن دێ‌ ئەڤرۆ هێنە كرن، پێشمەرگەیا هەولێر- زاخۆ، شێروانە- هەولێر، دەربەندیخان- سەید سادق، سیروانی نوو- شەقلاوە، بۆ زانین هەمو یاری دێ‌ ل دەمژمێر دو یێ‌ پشتی نیڤرۆ هێنە ئەنجامدان.
ل دور به‌رهه‌ڤیێن تیما زاخۆ نه‌دیار عه‌لی سه‌رپه‌رشتێ تیمیچ بۆ رۆژنامەیا ئەڤرۆ دیار کر یاریا وان بەرامبەر پێشمەرگەیا هەولێرێ گرنگە و ئارمانجا ژی سێ خالێن یاریێ نە تیما هه‌ڤڕك دناڤ یاریگەها خوە دا ژ تیمێن ب زەحمەت و هێزە ژبەر هندێ ئەڤ یارییە بۆ مە یا ب سانه‌هی نابیت، لێ چوونا مە بۆ ناڤ یاریگەها وان دا نە بتنێ ژبۆ خالەکێ یە بەلکو بۆ ب دەستڤەئینانا سێ خالێن یاریێ نە، ژبه‌ركو دێ مە پتر نێزیکی لیستا سەرێ خولێ کەت و ئەڤ چەندە ژی ژ ئارمانجێن مە یێن سەرەکینه‌.
هه‌روه‌سان ناڤهاتی گۆت: تیما مە بەرهەڤیێن تمام کرینە و ڕاهێنەرێ مە لاوازیێن تیما بەرامبەر هەمی بۆ یاریزانان دیار کرینە دێ ل سەر شێوازێ خوە یێ بەردەوام یاریێ کەین و دێ هەولدەین ئەم زال ببین ل سەر تیما وان، هەمی یاریزانێن مە د ئامادەنە و تیما مە ژی د رەوشەکا باش دا دەرباز دبیت و کارگێریا یانێ ژی پشتەڤانیەکا باش ل تیما مە دکەت پێخەمەتی هندێ ئەم ل سەر ئاست و ئەنجامێن خوەیێن باش د بەردەوام بین.

شاهۆ فەرید:

بڕیارە ئەڤرۆ رۆژا پێنچ شەمبی قوناغا ئێكێ یا كومەڤكرنا یانەیێن باكوور و باشوور بۆ هەڤركێن خولا پلەیا نایاب ئیراقێ یا تێنسا مێزی دەستپێبكەن ئەوا هەشت یانەیایێن هەرێمێ دێ پشكداربن هەر دو یانەیێن دهۆك و پۆلیتەكنیكی دێ نوونەراتیا پارێزگەهێ كەن.
ل دور دووماهی بەرهەڤیێن پارێزگەها دهۆكێ بۆ مێڤانداریكرنا قۆناغا ئێكێ‌ عەلی موستەفا ئەندامێ فێدراسیۆنا ئیراقێ یا تێنسا ل سەر میزێ رۆژنامەیا ئەڤرۆ دیار كر، ئەڤا ماوەكێ درێژە بەرهەڤی بۆ قارەمانیێ هاتینە كرن، وەكو دیار هەردو نوونەرێن پارێزگەهێ دهۆك و پۆلیتەكنیك ب شێوەكێ‌ باش خوە بەرهەڤكرینە، كەمپەكێ راهێنانان بۆ هەموو یاریزانێن پشكدار دگەل یێن پیشەكارێن ئیرانی مە دانابوو ئەوێن دگەل یانەیێن هەرێمێ هەموو یاریزان ئاستێ وانا گەلەكێ باشە، هەر یانەكێ مافێ سێ یاریزانان و ئێكێ پیشەكارێ دەرڤەیی وەلاتی بینیت، مە بزاڤ كرن شیاین پێشەكارەكێ بۆ یانەیا دهۆك بینین.
عەلی موستەفایی گۆت ژیی: سیستەمێ خولێ هەر یانەك دێ حەفت یاریا ئەنجامدەت یێن كۆما خوە، لێ‌ هەتا نوكە دیار نینە كۆما دویێ‌ یا گرێدایی ب ناڤەراست و باشوورێ ئیراقێ دێ ل كیڤە یاریێن خوە ئەنجامدەن، هەبوونا پێشەكاران ئاستێ خولێ بەر ب باشبوونێ ڤە دچیت، یاریێن كۆمائێكێ یا باكوور دێ هۆلا یانەیا دهۆك ڤە یاریی هێنە ئەنجامدان، داخازا سەركەفتنێ بۆ هەموو یانەیێن پشكدار دخوازم و تایبەت یانەیا دهۆك و پۆلیتەكنیكی نوونەریێن پارێزگەهێ ئاست و ئەنجامێن باش دەستڤەبینن و هیڤییا من ئەوە مفایی ژ مێڤانداریێ‌ وەربگرن.

پەروین سەلاح:

بڕیار ئه‌ڤرۆ هۆلا گرتییا یانه‌یا دهۆك یا وه‌رزشی مێڤاندارییا قۆناغا چارگۆشه‌یا زێرین یا خولا پلا دو یا ئیراقێ یا باسكێت بۆلێ مێڤانبكه‌ت، ئه‌وا چار یانه‌ تێدا پشكدارن ئه‌و ژی دهۆك، سۆلاڤ، ئاسۆ و زانكۆیا سلێمانی، یاریێن وان بشێوه‌یێ هه‌به‌ركی، ئانكو یانه‌یا دهۆك خودانا رێزا ئێكێ یا كۆما هه‌ولێرێ دێ به‌رانبه‌ر یانه‌یا زانكۆیا سلێمانی خودانا رێزا دویێ یا كۆما كه‌ركووكێ، یانه‌یا سۆلاڤا نوو سه‌ركێشا كۆما كه‌ركووكێ دێ به‌رانبه‌ر یانه‌یا ئاسۆ خودانا رێزا دویێ یا كۆما هه‌ولێرێ كه‌ت، سه‌ركه‌فتی دێ به‌رانبه‌ر سه‌ركه‌فتیان كه‌ن وهه‌ردو تیم دێ ده‌ربازنه‌ پلا ئێكا ئیراقێ و هه‌ردو یانه‌یێن خوساره‌ت دێ یاریێ بۆ پلێته‌كا ده‌ربازبوونێ كه‌ت.
ئه‌ڤرۆ ل ده‌مژمێر سێیێ ئێڤاری تیما دهۆك دێ یارییا خوه‌ به‌رانبه‌ر زانكۆیا سلێمانی كه‌ت، سۆلاڤا نوو و ئاسۆ ل ده‌مژمێر پێنجێ ئێڤاری دێ به‌رانبه‌ر ئێكبن.
ل دور به‌رهه‌ڤیێن یانه‌یا دهۆكێ میقداد ره‌عدی راهێنه‌رێ تیمێ بۆ رۆژنامه‌یا ئه‌ڤرۆ گۆت: هه‌ر پشتی ب دووماهی هاتنا قۆناغا كومان ئه‌وا ل حه‌فتیا بۆری ب دووماهی هاتی ئه‌م ل سه‌ر به‌رهه‌ڤیێن خوه‌ نه‌ ڕاوه‌ستیاینه‌، لێ ب شێوه‌كێ جودا و ڕێكخستی و دانانا پلانێن باشتر بۆ یاریێن ئه‌ڤرۆ، پێنه‌ڤێت یاری بۆ یاری ئاست به‌ر ب هێزتر دچیت و یانه‌یێن ب هێز دمینن، مه‌ كار ل سه‌ر ڕاستڤه‌كرنا ئه‌وان شاشیێن یاریزانان د ناڤ یاریگه‌هێ دا كرییه‌، ب مۆراله‌كا بلند گه‌شبینن یاریزانێن مه‌ دێ ل دووڤ پلانێن مه‌ شێن سه‌ركه‌فتنان ئینن و ده‌ربازبنه‌ پلا ئێك، ئه‌م ب كوڕێن باژێرێ خوه‌ و یاریزانێن خوون گه‌رم و گه‌نج هه‌ڤڕكیێ دكه‌ین.