زاخۆ، دلۆڤان هالۆ:

هونەرمەندێ گەنج یێ باژێڕێ زاخۆ زێرەڤان زاخۆیی د دیدارەکێ دا بۆ ڕۆژناما ئەڤرۆ دیار کر کو دەستپێکا من یا هونەری ل ئاهەنگێن قوتابیان بوو، و بۆ دەمێ چەندین سالان ئەز ل سەر خزمەتکرنا ئاهەنگێن قۆتابیان یێ بەردەوام بووم و خۆ هەتا ڕۆژا ئەز هاتیمە ئەمریکا ژی من ئاهەنگەك ل باتیفا هەبوو من خلاس کر و ژ نوو هاتم، پاشان من سترانێن کت کتە بۆ ڕادیۆیان تۆمارکرن ب هاریکاریا هونەرمەندان سەمیر زاخۆیی و هاوار میکائیل و عادل حاجی و محەمەد کەمال و محەمەد زاخۆیی، نوکە ژی ئەز ل وەلاتێ ئەمریکا دژیم و هونەر ل ڤێرێ یا ب زەحمەتە، مرۆڤ نزانیت ب خێزانێ یان هونەری ڤە مژوول ببیت، هونەر ل غەریبیا گەلەك یا ب زەحمەتە، لەوما هەر کەسەکێ ل وەلاتێن خەریبیا بشێت خزمەتا هونەرێ کوردی بکەت ئەو کەسە تەمەت کۆمەکا مرۆڤانە، لێ سەرەڕایی ڤێ زەحمەتیێ ئەز یێ بەردەوامم ل سەر خزمەتکرنا هونەرێ کوردی و بەردەوام دچمە ئاهەنگێن کوردان.
ناڤهاتی ئاماژە ب وێ چەندێ ژی کر کو ئەز ب سترانا نەگری دەلالێ بناڤودەنگ بوویمە کو ژ پەیڤ و ئاوازێن خۆرشید ڕەجەبی بوون، و سترانێن دەشتا حەرانێ و سۆزا ئەڤینێ یا عەبدولقهار زاخۆیی ژی ناڤودەنگیەکا باش ب دەستڤەئینا، من گەلەك ستران هەنە و هەمی ل دەڤ من خۆشن و تایبەتمەندیا خوە ل دەڤ من هەنە، و من پتری 15 کلیپان هەنە لێ 10 ژ وان کلیپان ناڤودەنگی بدەستڤەئینایە، ل دەف من هونەر ب گشتی حنێرە و حەز و ئارەزوویە، و خزمەتا مەزن یا گەل و وەلاتیە، و هەر کەسەكێ حنێر نەبیت نەشێت ببیتە هونەرمەند، و ستران ژی نامەیەکە مرۆڤ بگەهینیتە وەلاتی و ئەڤیندار و خێزان و دوست و هەڤالان، هونەری ناڤودەنگی و ڕێزگرتن دانە من و ئازادی ژ من ستاند.
گۆت ژی:»وەکو پەیڤ و ئاواز و پشتەڤانی گەلەك کەسان هاریکاریا من کرییە و یا فەرە ئاماژێ ب ناڤێن وان بدەم و مافێ کەسێ نەخۆم وەکو مامێ من عەبدولواحد، فاخر ئەحمەد، عەبدولعەزیز سلێمان، عەبدولقهار زاخۆیی، ئەرشەد زاخۆیی، فۆئاد ئەحمەد، شەوکەت محەمەد، کەریم حەیدەر، زەمان محەمەد، ڕەمەزان ئەحمەد، شەعبان سەلمان، ئەحمەد یەحیا، پالەوان سندی، و جهێ خوەشحالیێ یە کو ڕۆژ بۆ ڕۆژێ ئاستێ هونەرا کوردی پێشڤە دچیت و خزمەتا هونەری دهێته کرن ب تایبەت ئەو ئاهەنگێن ڤێ دوماهیێ ل زاخۆ هاتینە کرن».
زێدەتر ژی گۆت:»هەر چەندە ئەز حەز ژ سترانێن خەمگین دکەم، لێ ب دیتنا من هەمی ستران خوەشن ئەگەر مرۆڤ بشێت بێژیت و هەر سترانەکا مرۆڤ ب ڕۆحییەت و حەماس و ب دەنگەکێ دروست و مۆزیکەکا باش بێژیت دێ سترانەکا خوەش بیت، و ئەز بەردەوام سترانان ل تۆڕێن جڤاکی ژ پەیڤێن عادل زاخۆ بەلاڤدکەم، نوکە ژی ئەز مژوولی سترانەكا نوو مە ب شێوێ سەمایێ یە و ژ پەیڤ و ئاوازێن ڕێناس ئاکرەیی نە، و ب هاریکاریا هەرمان پیرۆمەری ل چەند ستودیۆیێن تورکیا کار تێدا هاتییە کرن، مۆزیك و دەنگ ب دوماهیك هاتییە، بتنێ کارێ وێنەکرنا کلیپێ مایە».

، هه‌رهین محه‌مه‌د:

هونه‌رمه‌ند شه‌ریف قه‌یرانی د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: ئه‌ڤه‌ هه‌یامه‌كه‌ ئه‌ز مژوولی چێكرنا دوو كلیپامه‌ و ئێك ژوان دوقۆلی بوو ل سالێن نوتان هونه‌رمه‌ند ئیمرای گوتبوو من ژی جاره‌كا دی نووكره‌ڤه‌ و سترانا دویێ ژی من گۆتیه‌ و هه‌ر دو كلیپ ژ وێنه‌گرتنێ ب دووماهی هاتینه‌ و ژڤانه‌ ل ڤان نێزیكان بهێنه‌ به‌لاڤكرن.
قه‌یرانی گۆتژی: گه‌له‌ك حه‌ز ژ باشوورێ كوردستانێ دكه‌م بتایبه‌تی دهۆكێ و گه‌له‌ك یێ ژێ خه‌ریبم و دبه‌رنامێ من دایه‌ بۆ هه‌لكه‌فتا نه‌ورۆزێ بهێمه‌ دهۆكێ و ل گه‌ل چه‌ند هونه‌رمه‌ندێن ده‌نگ خۆش و ناڤدار برینمه‌ خوارێ و سترانه‌كا دوقۆلی چێكه‌م و ل باشوورێ کوردستانێ گه‌له‌ك ده‌نگێن خوه‌ش هه‌نه‌ و گوهداریا وان ژی دكه‌م و هه‌ردیسان ئه‌و ژی حه‌ز ژده‌نگ و ستایلێ من دكه‌ن و ده‌مێ دبینم سترانبێژه‌ك سترانێت من دبێژیت گه‌له‌ك كه‌یفخوەش دبم و بۆ من دیاردبیت ژ حه‌زژێكرن سترانێن من دبێژن.

هه‌رهین:

سه‌لاح مازی رێكانی، ده‌نگبێژێ كوچكودیوانان دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ دبێژیت: سترانا فلكلۆری یا كوچكودیوانان هه‌رده‌م بۆ من یا خوەشه‌ ب تایبه‌ت هه‌كه‌ ل دیوانه‌كێ بم و ده‌نگبێژه‌كێ وه‌كو من یێ ئاماده‌بیت ب ستران و په‌سته‌ ب هاڤێژنه‌ به‌رئێك ل وی ده‌می بۆ من گه‌له‌ك یا خۆشه‌ و هه‌ردیسان هه‌كه‌ ئه‌ز ل ئاقاری یێ بتنێ بم ژ هه‌موو دلێ خوه‌ سترانان بخوه‌ دبێژم ئه‌و ده‌مه‌ ژی بۆ من گه‌له‌ك یێ خوه‌شه‌ و پتریا سترانێن فلكلۆری و كوچكو دیوانان سه‌رهاتی و داستان بووینه‌ و گه‌له‌ژوان نوكه‌ دبه‌رزه‌نه‌ و ناهێنه‌ گۆتن و دبینم هه‌كه‌ جهه‌ك هه‌بیت دوڤچوونا ئه‌ڤان سترانێن به‌رزه‌ بكه‌ت و جاره‌كا دی ب ده‌نگێ ده‌نگبێژان توماربكه‌ت
دێ پتر سترانا فلكلۆری یا كوچكودیوانان ده‌وله‌مه‌نتر لێهێت.
هێشتاژی گۆت: به‌ری نوكه‌ تیپا داسنیا هه‌بوو هه‌موو ده‌نگبێژ ل وێری كۆمڤه‌دبوون و ستران دگۆتن پێكڤه‌ و هه‌ر ئێكی كاره‌كێ هونه‌ری كربا وه‌كو تۆماركرنا سترانێ، یان ئاماده‌با ل به‌رنامه‌كێ تەلەڤزیۆنی ئاماده‌ببا ل وێری به‌حس لێدكر و هه‌ردیسان ئه‌و تیپه‌ د بۆ ده‌رگه‌هه‌ك بۆ سترانبێژێن گه‌نج ژی ل وێرێ هه‌موو سترانیێژ دیتن و مفا ژێ وه‌ردگرت نوكه‌ ئه‌و تیپه‌ نه‌مایه‌ و هه‌موو ده‌نگبێژ یێت به‌لاڤه‌بووین و داخوازا من ژ جهێن په‌یوه‌ندیدار ئه‌وه‌ جاره‌كا دی ئه‌ڤێ تیپێ ب زڤرینن و ئاڤاهیه‌كێ به‌ر فرەهـ بۆ بهێته‌ ته‌رخانكرن.