ئەڤرۆ، لەزگین جوقی:
هاریكارێ رێڤەبەرێ سەنتەرێ نەخۆشی و چاندنا گۆلچیسكان ل پارێزگەها دهۆكێ دیار كر، بۆ جارا ئێكێ یە ئامیرەكێ گرنگ یێ نۆشداری ب پشتەڤانیا حوكمەتا هەرێما كوردستانێ بۆ شووشتنا پلازما یان گوهۆڕینا پلازمایێ ل پارێزگەها دهۆكێ دهێتە دانان.
د. زانا سەدیق، هاریكارێ رێڤەبەرێ سەنتەرێ نەخۆشی و چاندنا گۆلچیسكان ل پارێزگەها دهۆكێ دیار كر، ئەڤ ئامیرە ب پشتەڤانی و هەماهەنگیا د ناڤبەرا حوكمەتا هەرێما كوردستانێ و ئیراقێ دا هاتیە دانان و گۆت: «ئەڤ ئامیرەیێ شووشتن و گوهۆڕینا پلازمایێ بۆ نەخۆشی ئەنجام ددەت، گەلەك نەخۆش هەنە دەمێ تووشی نەخۆشیێن گۆلچیسكان و هندەك خوینێ و دەماغی پێدڤی ڤێ شووشتنێ دبن».
ناڤهاتی گۆتژی: «ئەڤ ئامیرە دێ گەلەك خزمەتا نەخۆشان كەت، ب تایبەتی ژی بۆ هندەك نەخۆشێن دەگمەن، ئەڤ شووشتنە دێ بیتە رێكەك ژ رێكێن چارەسەریێ و دێ نەخۆشی ژ مرنێ قورتال كەت».
نيشاندان