دیدار، سالار محەمەد دۆسكی:
1-4
26 سالان پێشمەرگە بوویە ل شۆڕەشا گولانێ، دو جاران بریندار بوویە و جارەكێ ب چەكێ كێمیاوی، دو جاران ژ لایێ دەولەتا توركیا ڤە دهێتە دەستەسەركرن، پشتی ئەشكەنجەدانەكا زور دهێتە ئازاد كرن، و پشتی سەرهلدانێ ڤەدگەریتە وەلاتی و بەردەوامیێ دەتە ژیانا خوە و مخابنی ڤە هەتا نوكە بێ مووچە یە.
پێشمەرگێ شۆڕەشا گولانێ سالم سەعید تاهر بەگ خەلكێ گوندێ (بێرومان) ژدایك بوویە، سالم دبیتە نەڤیێ (عەبدوللا بەگێ)، سالم سەعید تاهر بەگ د دیدارەكێ دا ل گەل رۆژناما ئەڤرۆ گۆت: باپیرێ بابێ من (عەبدوللا بەگ) هەمی ژیانا خوە سەرێ خوە بۆ چ دەست هەلاتێن عیراقێ نەچەماندیە و هەر دەم پشتەڤانێ مالێن شێخان بوویە ل دەڤەرا بارزان و شورەشا بارزان ل سالالا 1943 پشكدار بوویە، (عەبدوللا بەگێ) دناڤا مللەتی دا رێزەكا مەزن لێ دهاتەگرتن و گەلەك هاریكار و پشتەڤانێ هەژاران بوویە، داپیرامە (ئاسمیخانێ) كو دبیتە خێزانا (عەبدوللا بەگێ) 150 سالان ژیایە، ل سا 1990 ل كەمپا (موشێ) ل وەلاتێ توركیا وەغەرا دووماهیێ كریە و ژنەكا گەلەك یا زیرەك بوویە و گەلەك بەحسێ (عەبدوللا بەگێ) كریە و هەتا هاتیە دەستەسەركرن و هاتیە شەهیدكرن ل گەل مالا بارزان بوویە و تەنازول ژ مافێن مللەتێ كورد نەكریە بۆ دوژمنی، خو سەرفەرازدبین ژ مالەكا بڤی رەنگی بین كو شیابیت خزمەتا مللەتێ خوە و گەل كورد كربیت، (عەبدوللا بەگ)ی بتنێ كورەك هەبوو بناڤێ ( تاهر بەگ) ئەو ژی ل شورەشا ئیلونێ رۆلەكێ مەزن هەبوویە و گەلەك شەرێن مەزن پشكداربوویە وەك شەرێن (مەتینی، زاویتە، لوما، گەلی عمر ئاغا، چومان) هەمی شورەشێن ئیلونێ وەك سەركردەك دناڤ دابوویە، (تاهر بەگێ) هەشت كور و دو كچ هەبووینە و بابێ من (سەعید بەگ) كورێ مەزن بوویە ل گەل مامێن من هەمی بەردەوام ل گەل شورەشا ئیلونێ بووینە هەتا سالا 1975ێ و بنەمال هەمی چووینە ئیرانێ و مالا مە دویر بوو ژ بنەمالێ و مالا (سەعید بەگ) ل ئیرانێ بر بوو دەڤەرا (مازەندەران) ل سەر سنورێ روسیایە و مە چ دەنگ و باسێن مام و باپیرێن خوە و هەتا وێنێن واژی مەنەزانی یێ چەوان یە و ئەف دیركەتنە گەلەك ڤەكێشا هەتا سالێت نوتان بەردەوام بوو.
پێشمەرگێ شورەشا گولانێ، سالم سەعید تاهر بەگ زێدەتر بەحسێ ژیانا خوە یا كەسوكی كر و دیاركر كو خواندنا خوە ل گوندێ (سینیا) دەسپێكریە، گۆت: وی دەمی بابێ من بەرپرسێ زێرەڤانێن خودێ ژێ رازی (مەلا مستەفا بارزانی) بوو ل (قصر السلام) ل دەڤەرا چومان و مالا مە بۆ وێ دەڤەرێ دهێتە ڤەگوهاستن و مە خواندنا خوە وێ دەڤەرێ بەردەوامی دایێ و ئەو دەڤەر بارەگایێ شورەشا ئیلونێ بوویە و هەر دەم فرۆكە و شەر وێ دەڤەرێ بوون و بیرا مە دهێت ئەم دخەندەكا دا دهاتین و چووین چونكە بەردەام ل وێ دەڤەرێ شەر بووینە و جارەكێ دەنگێ فرۆكان هات و پێشمەرگەی و خەلكی رەڤین چوونە بن پرەكێ و مالا مە نێزیك پرێ بوو و فرۆكێ دیت دەمێ پێشمەرگە و خەلك چووینە بن پرێ ئێكسەر ئەو پرك توپ بارانكر و زێدەتر ژ (30) پێشمەرگە و خەلكێ سڤیل لبن وێ پرێ بوون و ئەو خەلك و هەمی شەهید بوون و دایكا من ئەم كربووینە داپیەكێ دا و فرۆكێ توبارانكر و تاپی سەر سەرێ مە دا ئینا خوار و دووڤ دا ئەم دەرخستین و دو رۆژا ماینە نەخوشخانێ دا و دووڤ دا نەكسویا سالا 1975ێ دهێت و خێزانا مە بەرەف ئیرانێ ڤە دچیت و ئەم دزیلێن عەسكەری دا بووین و بیرا من دهێت زیلەكا عەسكەری بەرا مە دچوو و هونەرمەندێ خودێ ژێ رازی (محەمەد شێخو) ل گەل خێزانا خوە تێدا بوو و دەمێ سازا خوە ئینایە دەرێ و سترانا (ئەف فەلك) گۆت و زڤستان و بەفر بوو و دیمەنەكە هەر دەم ل پێش چاڤێن مەیە و ئەم برین ل ئوردیگایێ(رەبەتێ) ئاكنجی كرین، دووڤ دا حوكمەتا ئیرانێ ئەو خەلك بەلافكر و هەر هندەك برنە دەڤەرەكێ و گەلەك خێزان كو ئەم ئێك ژ وان خێزانان بووینە ڤەگوهاستینە باكورێ وەلاتێ ئیرانێ ل (مازندەر) ئاكنجی كرین و گەلەكێ دوركرین ل سەر سنورێ روسیا و مە خواند و هەمان دەم مە كاركرژی كر و ئێكەم جار مە كارێ وێنەگرتنا فوتوگرافی كر، ل سالا 1979 دەمێ شورەشا ئیسلامی یا خومەینی هاتیە سەر دەست هەلاتێ من ب چاڤێن خوە دیت هاتنە ناف جادێ و تەقەكرن و خەلك كوشتن و دلوڤانی ب كەسێ نەدبر و ئەو باژێرێ ئەم تێدا دئاكنجی كو دبێژنێ(كومبەدێ كاوس) پتر ژ هەمی باژێرەكێ ئیرانێ شەری تێدا ڤە كێشا و (12) رۆژان شەر تێدا بەردەوام بوو و گەلەك ژ خەلكی مرن ژ برسادا چونكە من كارێ وێنەگریێ دكر ئەز ئاسێ بووم ل سەر كاری و من ئاگەه ژ خێزانا خوە نەبوو و نەچاربووم دەركەڤن ژ سەر كاری و بەرەف مالا خوە بچم چونكە من چ ژ خێزانا خوە نەدزانی و پشتی چوونا (50) مەتران گولەك هات و پێ من كەفت و سمت و بریندار بووم و مە خودایت ل نەخوشخانێ و (21) رۆژا ژ مالا خوە دیركەفتم هەتا شەر هاتیە راوستاندن و خێزانا من پشتی ماوەكی ل من گەریاین و ئەم دیتین.
سالم سەعید ئەو ژی گۆت: پشتی كوداتا ئیرانێ ل سالا 1979 دەنگۆیێ ئازاكرنێ ئانكو(عەفویێ) ژلایێ حوكمەتا عیراقێ ڤە بەلابوو و هژمارەكا مەزن یا وی خەلكی ناڤێن خوە نڤێسین كو ڤەگەرنە عیراقێ و باپیر و مرۆڤێن مە ل (تەبرێزێ) و چەند باژێرێن دی بوون و گەلەك درەنگ دەنگ و باس ژێ وەرگرتن، باپیرێ من بریاردا نەچن و ئەو خێزانێن ڤەگەریاین هاتنە دهۆكێ و حوكمەتا بەغدا دگۆتنێ(عائدون) خێزانا مە هاتە دهۆك و ل باگێرا دووڤ دا دهۆكێ ئاكنجیبوون و بابێ مە بزافكرن بەردەوامیێ بدەنە خواندنێ و هاتمە دامەزراندن ل پەروەردێ و ژیێ من گەلەكێ بچووك بوو بەلێ چونكە (عائدون) بووینە حوكمەتێ دامەزراندم و پشتی شەرێ عیراق و ئیرانێ دەست پێكری، كاودانێن بابێ من گەلەك نەخوش بوو و بەردەوام دهاتە دەست سەركرن و هەر دەم دگۆتێ تو نامێن بابێ خوە و مەسعود بارزانی ڤەدگوهێزی و كاودان گەلەك نەخوش بوو و بابێ من بەردەوام دهاتە ئێشاندن و ئەم بەردەوام بووین ل سەر خواندنێ و دیسا هەمان دەم ئەم فەرمانبەر بووین ل پەروەردێ ژی، بیرا من دهێت ئاهەنگەك ل سینەما دهۆك هاتە ئەنجامدان و هونەرمەندێ عیراقی (سەعدون جابر) بەرهەف بوو و پەروەردێ ژی پلێت دابوومە كو بەرهەڤی ئاهەنگێ بین، ئێكێ ئەمنێ هەبوو دگۆتنێ(مەحمود) دەمێ ئەز و برایێ من دیتین ل دەرگەهێ سینەمایێ گۆت بلا ئەفە نەچنە ژوور (عائدون) ئەم برایێ من لێكەفتن و برایێ من ئەو برینداركر و برایێ من گەلەك ئێشاند و ترۆمبێلا هەوار هاتنێ گەهاندە نەخوشخانێ و سالێن 1984- 1985 گەرمە گەرما بەعسیا بوو.
نيشاندان