دیدار: رەمەزان دەشتمری/ زاخۆ

2 – 2

ل ئەوی دەمی خێزانا من و دگەل برایێ‌ دەیكا من من ژی ل كەمپا ئامەدێ‌ ئاوارەببین. برایێن من و دگەل دگەل كەس و كارێن من گەلەك پرسیارا من ژ زیندانێن وەلاتێ‌ توركیا كرن و ب ڕێكا پارێزەرەكێ‌ كوردێ‌ خەلكێ‌ باژێرێ‌ ئامەدێ‌ ب ناڤێ‌ یەشار چوون بۆ ناڤ زیندانا نیلدا یا باژێرێ‌ ئامەدێ‌ كو زانین ئەز یێ‌ ساخم و ل زیندانا باژێڕێ‌ مەلاتیا دا دژیم. ئەوبی ل ڕۆژا سەرەدانێ‌ و بۆ جارا ئێكێ‌ خێزانا من دگەل دایك و برایێن من و دگەل هەڤال محمەد حاجی شەرنەخی ئەندامێ‌ لیژنا سەرپەرشتیا كەمپا ئامەدێ‌ یا پەنابەران هاتن بۆ سەرەدانێ‌ و مە ئێك و دوو دیت و ب دیتنا ئێك و دوو شادبین. هەلبەت دەمێ‌ ئەز ل زیندانا وەلاتێ‌ توركیادا كو من دابی دیاركرن كو ئەز كەسەكی پێشمەرگەمە و خەلكێ‌ وەلاتێ‌ ئیراقێ‌ مە و خەباتێ‌ ل دژی دەستهەلاتا ئیراقێ‌ دكەین و هەر وەسا ل ئیراقێ‌ ئەز تومەتباربیم و حوكمێ‌ سێدارەدانێ‌ ل سەر من هەبو. ئەوبی ل ئەوی دەمی ئەز ل زیندانێ‌ دا ڕۆژانێن حوكمی ب شەڤ و ڕۆژ بۆمن دهاتن هەژمارتن. چ جاران ئەز قەنجیا پارێزەرێ‌ كورد یەشار ژبیرناكم ژبەركو ئەوی زور هاریكاری و پشتەڤانیا من دكر. بەری ڕۆژانێن من ل زیندانێ‌ دا ب دوماهیك بێن ئەز ژلایێ‌ ئیدارا زیندانا مەلاتیاڤە هاتم ئاگەهداركرن كو دێ‌ من ڕادەستی حكومەتا ئیراقێ‌ بكەن. من دزیندانێ‌ ڤە پارێزەرێ‌ خۆە ئەوێ‌ كورد ئەوێ‌ ب ناڤێ‌ یەشار ئاگەهداركر كو دەمێ‌ ڕوژێن من یێن حكومكرنێ‌ ل زیندانێ‌ ب دوماهیك بێن دەولەتا توركی دێ‌ من ڕادەستی حكومەتا ئیراقێ‌ كەت. ئەوبی ئەڤی پارێزەرێ‌ كورد یەشار گەلەك پێكول ب ڕیكا ڕێكخراوێن بیانی گرێدان و هەر دەما ئەڤی زیندانیێ‌ خەلكێ‌ ئیراقێ‌ ژ زیندانا وەلاتێ‌ توركیا دا هەر دەما ڕادەستێ‌ حكومەتا ئیراقێ‌ بكەن و حوكمێ‌ سێدارەدانێ‌ یێ‌ ل سەر هەیە و نابیت ئەڤ كەسە ب چ شێوا ڕادەستی حكومەتا ئیراقێ‌ بێت كرن. ئەوبی ئەڤی پارێزەری ناڤێ‌ من دگەل ڕێكخراوەكا مافێ‌ مروڤی یا ئەروپی تۆمارکر و ل ڕۆژا 7/8/1990ی ئەز هاتم ئازادكرن و ب ڕێكا (un) ئەز هاتم وەرگرتن و هەر ئێكسەر ب ڕیكا فروكخانەیا باژێڕێ‌ ئامەدێ‌ ئەز ڕەوانەیی ئەوروپا كرم و ئەز خێزانا من وەك پەنابەر ل وەلاتێ‌ سوێدێ‌ هاتین وەرگرتن. پشتی من پەنا ل ئەوی وەلاتی وەرگرتی هەر ئەز ل حكومەتا ئیراقێ‌ دا وەك تومەتبار مام. ئەوبی پشتی سەرهلدانا بهارا سالا 1991ی ل كوردستانێ‌ هاتیكرن و وەلاتێ‌ مە ئەڤا مە خزمەت و خەبات بۆ كری و دارا ئازایێ‌ ب خوینا هزاران گەنجێن وەلاتی ئاڤدایی و ل سالا 1993ی ئەز بۆ جارا ئێكێ‌ هاتم كوردستانێ‌ و من بایێ‌ ئازادیێ‌ ب سەرفرازی و سەربلندی هەلكێشا و من دەست ب معاملاتێن خۆە یێن پێشمەرگایەتیێ‌ و زیندانی سیاسی كر بەلێ‌ دبێ‌ ئەنجام بوون. ئەز ڤەگەڕیام بۆ وەلاتێ‌ سویدێ‌ ڤە و ب ڕیكا ناما و پەیوەندییا من كەس و كارێن خۆە ئاگەهی ژئێك و دوو هەبوو. ل سالا 2005ی بۆ جارا دووێ‌ ئەز بۆ كوردستانێ‌ هاتم و جارەكا دیتر من دەست ب معاملاتێن خۆە یێن خزمەتا پێشمەرگایەتی و زیندانێ سیاسی كرن هەر دبێ‌ ئەنجام بوون. هەر ئەز مام چاڤەڕێ‌ كو خزمەتا پێشمەرگایەتیێ‌ و زیندانی سیاسی بێمە وەرگرتن. بەلێ‌ هەر ئەڤێ‌ جارێ‌ ژی چ تشت دیار نەبی و ئەڤێ‌ جارێ‌ ژی بێ‌ هیڤی بیم و ب ئەوان سەر و دلێن شكەستی ڤە بۆ وەلاتێ‌ سوێدێ‌ ڤەگەڕیام. ئەوبی ل سالا 2012ی بۆ جارا سیێ‌ ئەز بۆ كوردستانێ‌ هاتم و هەر دیسان من جارەكادیتر دەست ب معاملاتێن خزمەتا پێشمەرگایەتی و زیندانێ‌ سیاسی ل زاخۆ كرن. ئەڤێ‌ جارێ‌ دەزگەهێ‌ زیندانیێ‌ سیاسی ل زاخۆ گوتن من : تو نە زیندانیێ دەولەتا ئیراقێ‌ دا هاتی زیندان كرن و حكومكرن ئەڤ ڕێنمایێن زیندانیا ژتە ناگرن ژبەر كو تو یێ‌ ل وەلاتەك دیتر هاتی زیندانكرن. من هەر دگوتە ئەوان ژبەر خاترا پێشمەرگایەتی و كوردینیێ‌ ژبەر ئینانا چەك تەقەمەنیا بۆ شوڕەشێ‌ دئینان و ئەز ل وەلاتێ‌ توركیا هاتبیم گرتن و زیندانكرن. بەلێ‌ ئەوان هەر دگوتنە من: ئەڤ ڕینمایە ژ تە ناگرن.
هەر وەسا پێشمەرگە و زیندانیێ‌ سیاسی خالد سلێمان گوت: من دەست ژ معاملاتێن زیندانیا بەردا و من دەست ب معاملاتێن خزمەتا پێشمەرگایەتیێ‌ ل لقێ هەشت كرن و بەرسڤا من هاتەدان و گوتن: ب مخابنیڤە تۆ گیروبی و معاملاتێن خزمەتا پێشمەرگایەتیێ‌ یێن هاتین ڕاگرتن و كەسەك وەك پێشمەرگە ناهێتە خانەنشینكرن. لەوما ب راستی گریێ‌ مروڤی بۆ خزمەت و خەبات و ماندیبون و دەردەسەری و تومەتبارێ‌ دەولەتا ئیراقێ‌ ب حوكمێ‌ سێدارەدانێ‌ و زیندانێ‌ دەولەتەكا دیتر بیت و كوردستان و وەلاتێ‌ مرۆڤ یێ‌ ئازاد بیت و حكومەت و پەرلەمان ل وەلاتی دەستهەلاتداربن و مرۆڤ د ئەڤی وەلاتی دا ژ ئەرك و مافێن خۆە یێن ڕەوا بێ‌ بەهربت. لەوما ب ڕیكا ڕۆژنامەیا ئەڤرۆ ئەز ئەڤێ‌ گازییا خۆە بۆ هەمی جهێن شولەژێ‌ و پەیوەندیدار بلند دكم و ب تایبەتی جەنابێ‌ سەروك و لێڤەگەڕێ كوردستانێ‌ جەنابێ‌ مەسعود بارزانی كەسێن وەكی من پێشمەرگە و زیندانیێ‌ سیاسی ل ئەڤی وەلاتی بێ‌ بەهربت و بێ‌ مووچە و ژ پارچا ئەردی ژی بێ‌ باربت. ئەڤجا ئەز نزانم ئەڤە ژبێ‌ شانسیا منە و یانژی ژبێ‌ دادپەروەریێ‌ یە كو كەسێن وەكی من ل وەلاتی دا هەبن و کەس خۆە ل ئەرك و مافێن وان نەكن خودان.