بێوار حەمدی:
بەرپرسێ رێكخراوا لاوانی بەخشندەی كوردستان دیار كر، ئەم ب تنێ بۆ پشتەڤانیا گەنجان كاردكەین و ئەندامێن مە هەمی گەنجن، ب رێیا رێكخراوا مە نوكە گەلەك گەنج ب ئازادانە ل سەر كارێن خۆ نە و داهاتەكی بۆ خۆ ژێ پەیدادكەن.
عەباس زێباری، بەرپرسێ رێكخراوا لاوانی بەخشندەی كوردستان ل ئاكرێ د دیدارەكێ دا بۆ رۆژناما ئەڤرۆ گۆت: ئەڤە بۆ ماوێ پێنج سالایە ئەڤ رێكخراوە هاتینە دامەزراندن، مەرەم ژ دامەزراندنێ وێ ئەوە ئەم گەنجێن خۆ ل رەوشەنبیری و زانستی و تەكنولوژیایێ پێش بێخین و مفای ژ هێز و شیانێن وان ببینین و ئەو ژی مفای ژ پرۆژێن مە ببینن و گۆت (ئەم ب تنێ بۆ پشتەڤانیكرنا گەنجان كاردكەین و ئەندامێن مە هەموو گەنجن و هەموو د سەر ژیێ 18سالیێ دانە و نێزیكی 70% كورن و 30% كچن).
بەرپرسێ رێكخراوێ هێشتا گوت: ب رێیا ڤێ رێكخراوێ مە گەلەك دەلیڤەیێن كاری ژ بۆ گەنجان رێكخستینە، نێزیكی 11 گەنجان نوكە ل سەر كارێن خۆ نە و ب ئازادانە كاردكەن و داهاتەكی بۆ خۆ و خێزانا خۆ پەیدادكەن و گۆت: ئەم هندەك دەلیڤێن دی ژی یێن كاری پەیدا دكەین ب رێكا ڤەكرنا خۆلان).
عەباسی ئاشكرا ژی كر، ئەم گەلەك چالاكیان ژی بۆ گەنجا ئەنجام ددەین وەكی ( ڤەكرنا خولێن فێربوونێ، خولێن پیشەیی، خولێن كومپیوتەری) هەر دیسان پشكداری كرنا وان د كور و سمیناران دا یێن تایبەت ب وان ڤە ژ بۆ وێ چەندێ مفای ژێ ببینن و باوەری ب خۆبوون ل دەڤ پەیداببیت، دا كو چاڤێ وی نەمینتە ل موچەیی و دامەزراندنێ، بەلكو زێدەتر گرنگیێ ب كەرتێ تایبەت بدەت.
ل دووماهیێ ژی دیار كر، ژ بۆ داهاتی مە پرۆژەیێن باشتر هەنە و ب تایبەت بۆ سالێن بهێت دێ بزاڤێ كەین گرنگیێ پتر ب تەكنولوژیایێ و پەروەردێ و ژینگەهێ بدەین و هەروەسا گرنگیدان ب گەنجێن خودان شیان و بەهرەمەند.
نيشاندان