قەیس وەیس:

چاڤەڕێ‌ دهێتە كرن ئەڤرۆ چار یاریێن مایی ژ هەڤڕكیێن گەڕا نەهێ‌ یا خولا ستێرێن ئیراقێ‌ یا فوتبۆلێ‌ بهێتە كرن، یانەیا زاخۆ ب پشتگەرمییا پشتەڤانێن خوە چاڤ ل سەركەفتنێ‌ یە و یارییا دهۆك بەرانبەر نەورۆز هاتە پاشئێخستن.
زاخۆ دێ‌ بزاڤێن ڤەگەڕاندنا سەركەفتنان كەت
بڕیارە ئەڤرۆ ل دەمژمێر 7:30 شەڤ تیما فوتبۆلا یانەیا زاخۆ دناڤ ئەرد و جەماوەرێ‌ خوە دا مێڤاندارییا یانەیا ئەلكەرمە یا نەنباری بكەت د یارییەكا ب سانەهی نابیت بۆ كوڕێن خابۆری ئەوێن د یارییا بۆری دا بەرانبەر مینا بێ‌ گۆل وەكهەڤبووین و دەلیڤەیا سەرێ‌ لیستا دیرۆكی ژ دەستدایین و پاشڤەچووینە رێزا شەشێ‌ ب 13 خالان ژ سێ‌ سەركەفتن و چار وەكهەڤی و ئێك خوسارەتی هەیە، ژلایێ‌ خوەڤە یانەیا ئەلكەرمە یا ئەنباری ئێك ژ یانەیێن نوو هاتییە د ناڤ خولا مەزنانن دا لێ‌ دەستپێكەكا ب هێز و هەڤڕك هاتییە ئەوا شیایی 14 خالان كۆمبكەت ل رێزا سێیێ‌ بهێت ژ چار سەركەفتن، دو وەكهەڤی و دو خوسارەتی هەنە، دبیت وەكو ناڤ ژیێ‌ وێ‌ چار سالن و یانەكا نوویە لێ‌ وەكو پێكهاتی كۆمەكا باش یا یاریزانان بەردەستێ‌ وانە و گۆلكەرێ‌ وان یێ‌ نێجیری جۆن ئۆكێلی خودانێ‌ چار گۆلانە رێزا سێیێ‌ دهێت.
د بەرانبەر دا یانەیا زاخۆ ب سەركێشیا راهێنەرێ‌ خوە یێ‌ قەتەری تەلال ئەلبلۆشی و كاپتنێ‌ تیمێ‌ و هەلبژارتیێ‌ ئیراقێ‌ ئەمجەد عتوان ژلایێ‌ جەماوەری ڤە داخوازكرنیە ژبۆ ڤەگەراندنا ئاست و ئەنجامێن سەركەفتی یین تیما خوە، هەرچەندە پشكەكا پشتەڤانێن زاخۆ ژ یاریزان و راهێنەرێن خوە د تۆرەنە لێ‌ هەردەم پشتەڤانێن زاخۆ دناڤا یاریگەهێ‌ دا بووینە ئەگەر مۆرالا وان بلند بكەت، فیركا دادڤانی دێ‌ ئەنجامێ‌ یاریێ‌ ئێكلاكەت.
ژلایێ‌ خوەڤە ژبەر پشكدارییا تیما یانەیا دهۆك د كۆپا كەنداڤی دا فدراسیۆنا فوتبۆلا ئیراقێ‌ بڕیاردا یارییا دهۆك دگەل نەورۆز یا ڤێ‌ حەفتیێ‌ بهێتە پاشئێخستن كو دبیە یارییا سێیێ‌ د خولێ‌ دا بهێتە پاشئێخستن پشتی یاریێن دگەل شورتە و ئەلقاسم ژبەر هەمان ئەگەر بوو، بۆ زانین ل سێشەمبییا بهێت دهۆك دێ‌ ل وەلاتێ‌ ئیماراتێ‌ بیتە مێڤانا یانەیا نەسر یا ئیماراتی ژ چارچووڤەیێ‌ كۆپا كەنداڤی دا و سەركەفتنا وێ‌ دێ‌ دەربازبوون بۆ قۆناغا دویێ‌ مسۆگەر كەت.
ژ یاریێن دی یێن ئەڤرۆ د خولا ستێرێن ئیراقێ‌ دا، دیالا- ئەلنەفت، كەربلا-نەفت ئەلبەسرا، ئەلحدود- ئەلقوە ئەلجەوییە.

عەلی حاجی:

د داخویانیەکێ دا سەرپەرشتێ تیما تەپاپێی زاخۆ یا پشکدار د خولا ستێرێن ئیراقێ یا تەپاپێی دا بۆ رۆژنامەیا ئەڤرۆ دیار کر وان سەرکەڤتن بەرامبەر گەرمە دڤێت و تیما وان د باشترین قوناغ دایە.
زێدەتر حەمید ئیسماعیل گۆت: د یاریا بوریدا تیما مە بەرامبەر مینا وەکهەڤ بوو و هەکە یاریزانێ مە ب کارتا سور نەهاتبایە دویر ئێخستن بێگومان دا شێن سەرکەڤتنێ تومار کەین،بۆ یاریا بەرامبەر گەرمە هەمی بەرهەڤی هاتینە کرن ژ بۆ هندێ بشێن سەرکەڤتنێ تومار بکەین،هەردوو یاریزانێن مە ئەیوب نەناح و ئیبراهیم هیسار ژ هنگاڤتنێ ڤەگەریاینە و دێ دگەل تیمێ دا بن ژ بۆ ڤێ یاریێ لێ بریارا پشکداریکرنا وان یاریزانان د دەستێ راهێنەرێ تیمێ دایە،یاریزان هەمی د بەرهەڤن و ئارمانجا مە هەمیان سێ خالێن وێ یاریێ نە.
لدوماهیێ گۆت ژی: پشتەڤانیکرنا جەماوەری د ڤێ یاریێ دا ب گرنگ دبینن و ئامادەبونا وان ژی دێ کارتێکرنا خوە هەبیت ژبەرکو د هەمی یاریان دا جەماوەرێ مە رولەکێ باش هەیە.

پەروین سەلاح

تیما باسكێت بۆلا یانه‌یا دهۆك شیا قۆناغا دویێ یا خولا پلا دو یا ئیراقێ ب سه‌ركه‌ڤیانه‌ ده‌رباز بكه‌ت، پشتی شیایی د هه‌رسێ یاریێن خوه‌ یێن كۆما سێیێ ب سه‌ركه‌ڤیت و ده‌رباز بیته‌ قۆناغا سێیێ و ڤه‌بر بۆ خولا پلا ئێك و سه‌ركێشیا كۆما خوه‌ بكه‌ت، د هه‌ڤڕكیێن واندا ئه‌وا ب پشكدارییا چار یانه‌یان ل هه‌ولێرا پایته‌خت ب شێوه‌یێ كۆمڤه‌بوون خول ئێك قۆناغ هاتینه‌ كرن.
د یارییا ئێكێ دا ب سه‌ركه‌ڤت ل سه‌ر شه‌قلاوه‌ ب 99-37 خالان، یارییا دویێ 101 خال به‌رانبه‌ر 66 خال سه‌ركه‌ڤن ئینا و یاسێیێ به‌رانبه‌ر ئه‌حرار 74- 68 خال.
دهێته‌ چاڤه‌ڕێ كرن پشتی ب دووماهی هاتنا قۆناغا دویێ یا كۆمان فدراسیۆنا باسكێت بۆلا ئیراقێ پشككێشانا قۆناغا سێیێ و دووماهیێ یا ده‌ربازبوونێ بۆ خولا پلا ئێك ئه‌نجامبده‌ت.
میقداد رەعەد راهێنەرێ تێما یانه‌یا دهۆك بۆ رۆژناما ئەڤرۆ گوت: ل دووڤ به‌رنامه‌یێ مه‌ دانایی ئه‌م به‌رده‌وامین ل سه‌ر به‌رهه‌ڤیێن خوه‌ و پلانێن ده‌ربازبوونێ بۆ پلا ئێك و دووڤدا بۆ پلا نایاب، قۆناغا ئێكێ و دویێ ب سه‌ركه‌ڤتیانه‌ ل دووڤ پلانێن مه‌ دچن هه‌تا ڕاده‌یه‌كێ مه‌زن، گه‌شبینن دێ شێن بۆ قۆناغا سێیێ باشتر خوه‌ به‌رهه‌ڤبكه‌ین.

فدراسیۆنا فوتبۆلا جیهانێ‌ فیفا 11 دیارترین بەربژار بۆ هەڤڕكیێ‌ ل سەر خەلاتێ‌ the best ئەوا دێ‌ باشترین یاریزانێ‌ جیهانێ‌ بۆ وەرزێ‌ 2024ێ‌ هێتە دەستنیشانكرن، ئەو یاریزانێن هاتینە دیاركرن ئەو ژی.
ل سەر ئاستی یاریزانێن كوڕ
گۆد بیلینهگام، ستێرێ‌ هەلبژارتیێ‌ ئنگلتەرا و یانەیا ریال مەدرید یا ئسپانی ل وەرزێ‌ 2023-2024ێ‌ ناسناڤێ‌ خولا ئسپانیا و چامپیۆنزا ئۆرۆپا، 23 گۆلان د 42 یارییان دا ئیناینە، دگەل هەلبژارتیێ‌ ئنگلتەرا گەهشتبوو یارییا دووماهییا یۆرۆیا 2024ێ‌.
دانی كارباخال، یاریزانێ‌ هێلا بەرەڤانیێ‌ یێ‌ هەلبژارتیێ‌ ئسپانیا و یانەیا ریال مەدرید ئێك ناسناڤێ‌ چامپیۆنزێ‌ دگەل ریالێ‌ و دگەل ئسپانیا ناسناڤێ‌ یۆرۆیا 2024ێ‌ ب دەستڤە بینت.
ئیرلینگ هالاند هێرشبەرێ‌ هەلبژارتیێ‌ نەرویج و یانەیا مانچستەر ستی یا ئنگلتەرایێ‌، د خولا پرێمەر لیگ دا ژ 27 یارییان 31 گۆلان تۆماربكەت و بوو گۆلكەرێ‌ خولێ‌، گۆلكەرێ‌ دیرۆكی یێ‌ نەرویجێ‌ ب تۆماركرنا 38 گۆلان ژ 39 یارییان.
تۆنی كرۆس، ستێرێ‌ بەرێ‌ یێ‌ هەلبژارتیێ‌ ئەلمانی و یانەیا ریال مەدرید، دگەل ریالێ‌ سێ‌ ناسناڤ دەستڤە ئیناینە، بوویە ئێك ژ باشترین یاریزانێن هێلا ناڤین ل سەر ئاستێ‌ جیهانێ‌.
كیلیان مپابی، هێرشبەرێ‌ فرەنسی و یانەیا ریال مەدرید ل وەرزێ‌ بۆری 2023-2024 دگەل یانەیا خوە یا بەرێ‌ پاریس سانجێرمان یا فرەنسی 27 گۆلان ژ 29 یارییان ئیناینە و ناسناڤێ‌ خول و كۆپا فرەنسا دەستڤەئینایە، باشترین هێرشبەرێ‌ ل فرەنسا و گۆلكەرێ‌ چامپیۆنزێ‌ ب هەشت گۆلان دگەل هاری كینی دهێت.
لیۆنێل مێسی، ستێرێ‌ بەرنیاس و خودانێ‌ حەفت ناسناڤێن باشترین یاریزانێ‌ جیهانێ‌ یە، سەرباری ژیێ‌ وی گەهشتییە 37 سالی.
رۆدری هێرناندێز، یاریزانێ هەلبژارتیێ‌ ئسپانیا و یانەیا مانچستەر ستی یا ئنگلتەرایێ‌، دگەل یانەیا خوە خەلاتێ‌ باشترین یاریزانێ‌ كۆپا یانەیان ب دەستڤە بینت دیسان باشترین یاریزانێ‌ كۆپا ئۆرۆیا 2024ێ‌، دیسان ل مەها بۆری تەپا زێری یا گۆڤارا فرانس فوتبۆلێ‌ یا سالا 2024ێ‌ ب دەستڤە ئینایە.
فێدیریكۆ ڤالڤێردی، یاریزانێ هەلبژارتیێ‌ ئۆرۆگۆایی و ریال مەدرید یا ئسپانی پەنجەمۆرا خوە دگەل هەردو تیمان هەبوویە، دگەل ریالێ ناسناڤێ‌ خولا ئسپانیا و چامپیۆنزێ‌ ب دەستڤەئینایە، ئێك ژ ئەگەرێن سەرەكی بوو هەلبژارتیێ‌ خوە بەر ب رێزا سێیێ‌ ل سەر ئاستێ‌ كۆپا ئەمریكا ببەت.
ڤێنێسیۆس جۆنیرۆ، ستێرێ‌ یانەیا ریال مەدرید یا ئیسپانی و هەلبژارتیێ‌ بەرازیل، د وەرزێ‌ 2023-2024ێ‌ دگەل ریالێ‌ ژ 39 یارییان 24 گۆل تۆماركرینە، دیارترین گۆلێن وی ل سەر یانەیا بۆرۆسیا دۆرتمۆند یا ئەلمانی یارییا دووماهییا چامپیۆنز لیگ، دیسان سێ‌ گۆل هاتریك ل سەر یانەیا بەرشەلۆنا ئینابوو د یارییا دووماهییا كۆپا سۆپەرا ئسپانیا.
فلۆریان فێرتێز، یاریزانەكێ‌ پێشكەفت دگەل یانەیا بایرن لیڤەركۆزێن و هەلبژارتیێ‌ ئەلمانیا، دگەل یانەیا خوە ناسناڤێ‌ خول و كۆپا ئەلمانییا ب دەستڤە ئیناینە، 18 گۆل و 20 ئەسێست دهەموو پشكداریێن خوە یێن وەرزێ‌ 2023-2024 دا هەنە.
لامین یامال، ئێك ژ یاریزانێن دی یێن پێشكەڤتی دگەل هەلبژارتیێ‌ ئسپانیا و یانەیا بەرشەلۆنا بوویە جهێ‌ سەرنجراكێشا جادا وەرزشی ژیێ‌ وێ‌ هێش نەبوو 17 سال، یاریەكا جوان و ئاستەكێ‌ بلند نیشان دایە.
ل سەر ئاستێ‌ كچان هەر ئێك ژ ئیتانا بۆنماتی – ئسپانیا و یانەیا بەرشەلۆنا، باربرا باندا- زامپیا و یانیا ئۆرلاند براید، كارۆلین گراهام هانسن – نەرویجی و یانەیا بەرشەلۆنا، كێرا والش- ئنگلتەرا و یانەیا بەرشەلۆنا، خەدیجە شاۆ- جامایكا و مانچستەر ستی، لۆرین هێمپ- ئنگلتەرا و مانچستەر ستی، لیندسی هۆران- ئەمریكا و ئۆلمپیك لیۆن، لۆسی برۆنز- ئنگلتەرا و چێلسی، مالۆری سۆانسۆن- ئەمریكا و شیكاگۆ رێد ستارز، ماریۆنا كالدینتی- ئسپانیا و ئارسنال، ناومی جیرما- ئەمریكا و سان دیێگۆ، ئۆنا باتلی- ئسپانیا و بەرشەلۆنە، سەلما بارالۆێلۆ- ئسپانیا و بەرشەلۆنا، سۆفیا سمێس- ئەمریكا و بۆرتلاند سۆرێنز، تابیسا چاونگا- مالاوی و ئۆلمپیك لیۆن، ترێنیتی رۆدمان- ئەمریكا و واشنتۆن سبێرێت.
ل سەر ئاستێ‌ ڕاهێنەران بۆ بەربژارەتیان باشترینێ‌ سالێ‌، یێ‌ ئیتالی كارلۆ ئەشلۆتی- ریال مەدرید، یێ‌ ئەرجەنتینی لیۆنێل سكالۆنی، یێ‌ ئسپانی لویس دی لافۆینتی، یێ‌ ئسپانی و یانەیا مانچستەر ستی پێب گواردیۆلا، یێ‌ ئسپانی و یانەیا بایرن لیڤەركۆزن چاڤی ئالۆنسۆ.
بەربژێرێن باشترین گۆلپارێز، یێ‌ ئۆكرانی و یانەیا ریال مەدرید ئاندرێ‌ لۆنێن، یێ‌ ئسپانی و یانەیا ئارسنال داڤید رایا، یێ‌ بەرازیلی و مانچستەر ستی ئیدرێسۆن، یێ‌ ئەرجەنتینی و ئاستۆن ڤێلا ئیمیلیانۆ مارتینێز، یێ‌ ئیتالی و پاریس سانجێرمان جیانلۆیجی دۆنارۆما، یێ‌ فرەنسی و میلان مایك كینیان و یێ‌ ئسپانی و ئەتلەتیكۆ بیلباۆ ئۆنای سیمۆن.
بەربژارێن راهێنەرێن بۆ تیمێن كچان، ئارتۆ ئیلیاس- بەرازیل، ئیلینا سادیكۆ، سوید- سێلتیك گلاسكۆ، ئیما هایس، ئنگلتەرا- چێلسی، فۆتۆشی ئكیدا، چاپان، گارێس تایلۆر، ئنگلتەرا و مانچستەر ستی، جۆناس خێرئالدێز، ئسپانیا و واشنتۆن سبێرێت، ساندرین سۆبیراند- پاریس، سۆنیا بۆمباستۆر ئۆلمپیك لیۆن و چێلسی.
ل سەر ئاستێ‌ گۆلپارێزێن كچ، ئیلسیا ناهر، ئەمریكا- شیكاگۆ رێد ستارز، ئان كاترین بیرگۆ ژ ئەلمانیا و چێلسی، ئیاكا یاماشیتا، چاپان و مانچستەر ستی، كاتا كۆل، ئسپانیا و یانەیا بەرشەلۆنا، ماری ئیربێس ئنگلتەرا و یانەیا مانچستەر یۆنایتد.