د. نوزاد سامی، تایبەتمەندێ نەخۆشیێن دەروونی دیارکر، خەو پرۆسێسەکا ئالوزە د لەشێ مرۆڤی دا چێدبیت و پێدڤیە هەبیت، ئەو پرۆسێسەیە دەمەکە لەش و مێشکێ مرۆڤی وەلێ بکەت مفایی ژ ڤێ چەندێ ببینیت، و یێ بەردەوام بیت بو رۆژا دووڤدا، و گۆت: خەلک دبێژیت خەو مرنەکا بچووکە، لێ ژ لایێ زانستی ڤە ئەم وەنابێژین، چونکو مێشک بتنێ هندەک بەش دهێنەگرتن د دەمێ نڤستنێ دا و هندەکێن دی زێدەتر کاردکەن ژ دەمێ مرۆڤێ هشیار، و گۆتژی: سەبارەت خەوێ دو تشت هەنە، ئێک وەک نیشان بو نەخۆشیێن دی یێن دەروونی و جەستەیی، یا دوێ بو نەخۆشیێن خەوێ یێن جودا و بتنێ ب نەخۆشیێن خەوێڤە دگرێداینە، و مە گەلەک جور هەنە، ئێک ژوان کێمبوونا خەوێ یە، یادی زێدەبوونا خەوێ یە یا سیێ ئیفلیجا خەوێ یە، رەنگە ببینی ژپێرڤە دخەو دچیت، یان دێ ژبەر خەو ئاخڤن یان برێڤە چن.
د. نوزاد سامی سلێڤانەیی دیارکر ژی خەون پرۆسێسەکە د خەوێ دا چێدبیت و گەلەک بیردوز یێ ل سەر هەین کا خەون چیە، ژوان فروید دبێژن خەون دەربرینە ژ ئارەزویێن مرۆڤی یێن مرۆڤ نەشێت ب رۆژ ئەنجام بدەت و شەرم دکەت بکەت، بەلێ ئەڤە بوچوونەکا کەڤنە، بوچونەکا دی هەیە دبێژن خەون بەشەکە ژ چارەسرکرنا ئاریشێن مێشکی، بوچوونەکادی دبێژن کار مرۆڤ ب رۆژێ چەند نەخۆشیان دبینیت خەون دەربرینێ ژێ دکەت، و گوت: چار قوناغێن خەوێ هەنە، بەهرا پتر ئەو کەسێن خەونا دبینن د قوناغا چارێ دایە، ئەو چاڤێن مرۆڤی بلەز دهێن و دچن، و مرۆڤی نڤستیە ژی، و مێشکی مرۆڤی د بلندترین ئاستێ کارکرنێ دایە، خەون د وێرێ دا پترە، ئەف پرۆسێسا خەونا یا ما دیارکری چار قوناغە، د دەمێ نڤستنێ دا پێنج تا حەفت جارا دهێتە دوبارەکرن، رەنگە ئێک حەفت خەونا د ئێک شەڤ دا ببینیت.
د. نوزاد گوت: خەون ژی جورن، خەون یا هەی مرۆڤ دبێژیت ئەڤە نەخەونە ئەڤە راستیە، بەهرا پتر د قۆناغا چوارێ یا خەوێدا چێدبیت، وی دەمێ مێشکی های ژخۆ هەیە و هەمی تشت د نورمالن، چونکو خەونێن نە معقول ژی یێن هەین، بەهرا پتر د قوناغێن ئێک و دو سێ دا دهێتە دیتن ب دیتنا تشتێن نە مەعقول، و گۆتژی: کابوس ژی جورێن هەین، ئێک ژوان ئەوە خەلک دبێژیت ئەز کەسەکی دبینم دەستحەفکا من ددانیت یان دەڤێ من دگریت بێهنا من تەنگ دبیت، یان ئێک دێ بیژیت ئێک د راهێلیتە من و نەشێم ب رەڤم، ئەم دبێژیاە ڤان کابوس، هندەکان ژی ب ترومایێ ڤە گرێدەین، ئێکێ هەیی تشتەکێ بسەری هاتی، دێ بو صەدمە چێبیت، و دەمێ دهێتە بیرێ دبیتە خەون، بەهرا پتر دژیێ پێنج شەش سالیێ دا زارۆک هەست ب ڤان خەونا دکەن، و رەنگە وان چ ئاریشە نەبن دبیتە تشتەکێ نورمال، لێ ئەگەر مەدیت نەخۆشەکێ تووشی صەدمێ بویی، و پشتی هینگێ ڤان خەونێن نەخۆش دبینت، و کارتێکرنێ ل سەر ژیانا وی دکەن، وی دەمی ئەم ب پێدڤی چارەسەریێ دبینین.
گوت: ئەگەرێن بایلوجی، ئەگەر کەسەکی نەخۆشیەک هەبیت، وەک هەودانێن مێشکی یان وەرەمەک، یان سەرئێشانا دومدرێژ و نەخۆشێن پەنجەشێرێ، ئەوژی ولێ دهێن، هەروەسا مە نەخۆشیێن دەروونی ژی هەنە، گوتژی: بیردوزەک هەیە دبێژیت: کەس نینە خەونا نەبینیت، لێ ئەوێن د قوناغ چارێ را رادبن خەونێن وان دمیننە ل بیرێ، یێن قوناغێن دی نامیننە ل هزرا وان، رامان ئەو نینە خەون نەدیتیە.
دیارکر خەلکەک هەیە ئەگەر چەند رۆژان نەنڤست دچیتە دەرمانخاناو داخازا حەبکێن خەوێ دکەت، ئەڤ چەندە گەلەک یا خەلەتە، ئەم هەتا ئێکی پێدڤی دەرمانەکی بیت، پێدڤیە هەیڤەکێ کامل خەوا وی یا نەباش بیت، ئەوێن کێمتر دهێن هندەک رێکار هەنە ئەم دبێژنێ، پلانەکا دیارکرنا دەمێ خەوێ بو دانین، پێدڤیە دەمژمێر 11 بنڤیت، وەرزشێ ب رۆژ بکەن، کافاین وەک چا و قەهوە و پێپسی خۆ ژێ دووربکەن ژ پینجی ئێڤاری وێڤە نەڤەخۆن، تشتێن گران ب شەڤێ نەخۆن، وەک خارنێن گران و ب دوهن، و ژوورا وی یا تایبەت بیت بێ تەلەفزیون و موبایل تێڤە نەبن، پیچەک یا ساربیت و روناهیا دژوار تێڤە نەبیت، ئەڤە هەمی ئەگەرن خەو پێ باشبیت، و گوت: ڤەکولینا یا دیارکری ژ 30 چرکا تا 30 خۆلەکان، لێ بەهرا پتر خەون ب چرکایە و کێمترە ژ خۆلەکەکێ، یا گرنگ خەوە بو لەشی و دەروونی، یا باش ئەوە شەش دەمژمێرا کێمتر نەبیت و ژ نەهـ دەمژمێرا زێدەتر نەبیت، لێ یێن هەین ب کێمتر تێردبن، ئەو بێ ئاریشەنە.

بەرپەرێ‌ ساخلەمیێ‌:

هەستکرن ب تنێبوونێ ئەگەرێ تووشبوونێ ب نەخۆشیا، خەمۆکیێ، کێشەیێن دومدرێژێن ساخلەمیێ و هەتا مرنا پێشوەخت یا مرۆڤی زێدەدکەت.
ڤەکۆلینەک ژلایێ تیمەکێ ڤەکۆلەرێن تایبەتمەندێن دەروونناسی یێ زانکۆیا ویلایەتا ئەریزۆنا ئەنجامدایە، دوپاتیکریە هەستکرن ب تنێببوونێ ئەگەرێ تووشبوونێ ب نەخۆشیا و خەمۆکیێ زێدەدکەت و مەترسیێن تنێبوونێ وەکو مەترسیێن جگارەکێشانێ نە بۆ ساخلەمیا مرۆڤی.
تایبەتمەندەکێ دەروونناسی ل زانکۆیا ئەریزۆنا، دوپاتکریە کو خواستا مرۆڤی بۆ تنێبوونێ، پێدڤیێن سەرەتای ژلایێ خەڵکێ گشتی زێدەتردکەت و دەمێ ئەڤ پەیوەندییە ب دەست نەکەڤیت، ساخلەمیا مرۆڤی روی ب روی دەرئەنجامێن نەرێنی دبیت.