هه‌ولێر، قائید میرۆ:
ل چه‌ند رۆژێن بۆری هژماره‌كا حاله‌تێن كوشتن و خوكوشتنێ هاتینه‌ تۆمار كرن، ڤه‌كۆله‌ره‌كێ جڤاكی ژی ئاشكرا كر، زۆربوونا توندۆتیژیێ و دیاردا كوشتنێ گرێدایی ره‌وشا جڤاكی و ده‌روونیا خه‌لكێ كوردستانێ یه‌ و دبێژیت، په‌یوه‌ندیێن ئه‌ڤی سه‌رده‌می ل گوره‌ی به‌رژه‌وه‌ندیانن و هه‌رده‌مێ به‌رژه‌وه‌ندی كه‌ڤتنه‌ د مه‌ترسیێ دا بڕیارێن شاش دهێنه‌ دان.
به‌هێز سابر، ڤه‌كۆله‌رێ جڤاكی بۆ رۆژناما ئه‌ڤرۆ دیار كر، هه‌ر ده‌مێ د جڤاكه‌كی دا ئاریشه‌ به‌ر ب زێده‌بوونێ چون په‌یوه‌ندیێن جڤاكی دێ‌ لاواز بن و رێزگرتن و كاریگه‌ری نامینیت دناڤ خێزانێ دا، زۆر جارا دهێته‌ گۆتن ده‌مێ‌ به‌رژه‌وه‌ندی دكه‌ڤنه‌ د ئاسته‌كێ خراب دا ئاریشه‌ په‌یدا دبن و ئه‌ڤه‌ دبیته‌ ئه‌گه‌رێ زێده‌بوونا گڤاشتنێن ده‌روونی ل سه‌ر مرۆڤی، د ئه‌ڤی ده‌می دا تشته‌ك نامینیت كاریگه‌ری ل سه‌ر په‌یوه‌ندیێن جڤاكی هه‌بیت و گۆت: (بتنێ به‌رژه‌وه‌ندی دهێته‌ به‌رچاڤ وه‌رگرتن و زۆر جاران ژی دگه‌هیته‌ ئاسته‌كی مه‌ترسی ل سه‌ر به‌رژه‌وه‌ندیێن كه‌سه‌كی په‌یدا دبن و دبیته‌ ئه‌گه‌ر بۆ ئه‌نجامدانا تاوانان).
به‌هێز گۆتژی: (جڤاكێ مه‌ جڤاكه‌كێ گه‌رمه‌ و له‌زێ دكه‌ت د بڕیاردانێ دا و زوو توڕه‌ دبیت و كارڤه‌دان په‌یدا دبن ئه‌ڤه‌ ژی زۆر جاران دبیته‌ ئه‌گه‌رێ كوشتنێ و خوكوشتنێ، چونكی ده‌مێ گڤاشتنێن ده‌روونی زێده‌ دبن دبیته‌ پالده‌ر بۆ ڤێ چه‌ندێ رێزگرتن و ڤیان نه‌مینیت ل هه‌مبه‌ر ئێك ده‌مێ رێزگرتن و ڤیان نه‌ما دێ توندۆتیژی زێده‌ بیت).
ڤه‌كۆله‌رێ جڤاكی ئاماژه‌ بڤێ‌ چه‌ندێ‌ ژی كر، په‌یوه‌ندیێن نوكه‌ دناڤبه‌را مرۆڤان ب گشتی و هه‌تا په‌یوه‌ندیێن دناڤا خێزانێ ژی ل سه‌ر ئاستێ به‌رژه‌وه‌ندیان ب ڕێڤه‌ دچن، له‌وڕا ژی ده‌مێ به‌رژه‌وه‌ندیێن ئێكی دكه‌ڤنه‌ د مه‌ترسیێ دا، كارڤه‌دان په‌یدا دبن ژلایێ ئه‌ڤی كه‌سی ڤه‌ و كاره‌سات په‌یدا دبن و گۆت: (هه‌موو ئه‌و توندۆتیژیا دهێته‌ كرن ژ ئه‌نجامێ نه‌بوونا ڤیانێ یه‌ دناڤبه‌را جڤاكی دا، هه‌ر په‌یوه‌ندیه‌كا ل سه‌ر بنه‌مایێ به‌رژه‌وه‌ندیان ژی دهێته‌ چێكرن ئه‌نجام دێ رۆژه‌كێ هه‌ر ب دووماهی هێت و هنده‌ك جاران ژی ب كاره‌سات و تاوان ب دووماهی دهێت، ژبه‌ركو به‌رژه‌وه‌ندی حوكمی دكه‌ت، زۆر جاران ژی ده‌مێ به‌رژه‌وه‌ندی دكه‌ڤنه‌ مه‌ترسیێ دا مرۆڤ بڕیارا كوشتنا كه‌سێن نێزیكی خوه‌ ژی دده‌ت).
ڤه‌كۆله‌ر به‌هێز گوتژی: (روودانێن ئه‌ڤ ساله‌ و رۆژێن بۆری راستیا ئه‌ڤێ چه‌ندێ دیار كریه‌ و چه‌ندین حاله‌ت ب تنێ ئه‌ڤ ساله‌ هاتینه‌ تۆمار كرن كوڕی باب كوشتیه‌ و بابێ كوڕ و برایێن خوه‌ كوشتینه‌ و بای خوشك كوشتیه‌، له‌ز كرن د بڕیارێ دا و سه‌ره‌ده‌ری كرن ل گوره‌ی به‌رژه‌وه‌ندیان تاوان دووڤدا دهێن و نابیت مرۆڤ ل گوره‌ی به‌رژه‌وه‌ندیێن خوه‌ سه‌ره‌ده‌ریێ ل گه‌ل به‌رامبه‌ری خۆ بكه‌ت).

ئه‌ڤرۆ، هه‌رهین محه‌مه‌د:

ڤه‌كرنا سه‌نته‌ران بۆ قوتابیان به‌رب زێده‌بوونێ‌ نه‌ و خولێن جودا جودا تێدا دهێنه‌ ڤه‌ كربن ب تایبه‌تی یێن زمانی و زانستی و دڤان خولان دا رێیه‌كا مه‌زن یا قوتابیان تێدا پشكداردبن لدور ڤی بابه‌تی ژی ماموستایه‌ك دیاردكه‌ت كو قوتابی ماموستای نه‌چاردكه‌ت خولێ‌ ڤه‌كه‌ت و هه‌كه‌ ب دروستی قوتابی ل قوتابخانێ‌ گوهداریا ماموستایی بكه‌ت پێدڤی خولێ‌ نابیت.

په‌روه‌ر عه‌بدولعه‌زیز رێڤه‌به‌رێ‌ قوتابخانا یاسا یابنه‌ره‌ت بۆ به‌رپه‌رێ‌ په‌روه‌رده‌و زانكۆ یێ‌ رۆژناما ئه‌ڤرۆ خوه‌یا دكه‌ت، گه‌له‌ك جاران قوتابی ماموستایێ‌ خوه‌ نه‌چار دكه‌ت خولان ڤه‌كه‌ت و دبیت ل قوتابخانێ‌ قوتابی گه‌له‌ك بن و قوتابی باش دوانێ‌ نه‌گه‌هیت و ل خولێ‌ ژمارا قوتابیان كێمتر بیت و هه‌رئه‌و بابه‌ت و وانه‌یه‌ یا كو ماموستای ل قوتابخانێ‌ شرۆڤه‌كری نه‌كێم نه‌ زێده‌تر و دبیت ل قوتابخانێ‌ پتر پێزانیان بده‌ته‌ قوتابی ژ ده‌مێ‌ ئه‌و ل خولێ‌ وانێ‌ شرۆڤه‌كه‌ت، به‌لێ‌ قوتابیێ‌ مه‌ هه‌موو ده‌مان حه‌ز ژتشتێ‌ ئاما ده‌كری دكه‌ت و حه‌زدكه‌ت ماموستایێ‌ خولێ‌ بتنێ‌ تشتێ‌ گرنگ بۆ بێژیت و بتنێ‌ وان بۆ تاقیكرنێ‌ بخوینت و گه‌له‌ك جاران قوتابێن من ژ داخازا ڤه‌كرنا خولێن بهێزكرنێ‌ دكه‌ت، به‌لێ‌ ل گه‌ل هندێ‌ نینن بهێنه‌ ڤه‌كرن، چونكو ئه‌وا ل ل خولێن ب هێزكرنێ‌ دهێته‌ شرۆڤه‌كرن ل قوتابخانێ‌ ژی هاتیه‌ گۆتن زێده‌ترژی گۆت: گه‌له‌ك قوتابی هزردكه‌ن هه‌كه‌ چو خولا بهێزكرنێ‌ دبیت ماموستایێ‌ وی ئه‌سئیلا تاقیكرنێ‌ بۆ بێژیت و ئه‌ڤ چه‌نده‌ ب چو ره‌نگان ناچێبیت و نا رویده‌ت و هه‌كه‌ ویزاری نه‌ بیت دبیت ماموستا تشتێن گرتگ بۆ قوتابی دیاربكه‌ت، به‌لێ‌ هه‌كه‌ ویزاری بیت پێدڤیه‌ په‌رتوك هه‌موو بهێته‌ خاندن و شرۆڤه‌كرن و  ماموستایێن من ژی ل گه‌ل ڤه‌كرنا خولێن بهێزكرنێ‌ و یێن تایبه‌ت نینن و هه‌موویان ژی سویند یا خاری هه‌ر زانسته‌ك و زانینه‌كا هه‌بیت ل قوتابخانێ‌ ب گه‌هینه‌ قوتابی و ژدانا خوه‌ ئارام بكه‌ن و گه‌ل.

لدور هه‌مان بابه‌ت سه‌گڤان ئه‌مین عه‌بدوللا ماموستایه‌ل قوتابخانا گرده‌مه‌ند دبێژیت: ڤه‌كرنا خولێن هلڤینی گرنگیه‌كا مه‌زن هه‌یه‌ بۆ قوتابی ژ بۆ بلندكرنا ئاستێ‌ وی یێ‌ زانستی و گه‌ر قوتابی ب  بابه‌ته‌كی یێ‌ لاواز بیت دشێت دڤان خولان دا خوه‌ ب هێز بكه‌ت و هه‌ردیسان گه‌له‌ك مفایێن دی ژی هه‌نه‌ وه‌كو به‌رده‌وامی دانه‌ ب پرۆسه‌یا خاندنێ‌ و بجه ئیتانا ئارمانجێن په‌روه‌ردێ‌ و ب هێزكرنا ئاستێ‌ په‌روه‌ردی َو یێ‌ ره‌و شه‌نبیری ل ده‌ڤ قوتابی و هاریكاره‌ بۆ قوتابی كونترولكرنا بابه‌تێ‌ خاندنێ‌ و هاریكاره‌ بۆ قوتابی دزانینا پرسیاران دا  سه‌گڤانی هێشتاژی گۆت: ماموستا ل قوتابخانێ‌ هه‌موو ده‌مان خه‌مخورێ‌ قوتابیه‌ و هندی دشیان دا بیت بابه‌تی ب دروستی و رونی شرۆڤه‌دكه‌ن و دگه‌هینته‌ قوتابی و ژدانا خوه‌ ئارام دكه‌ت و نابینم چو جوداهی دناڤبه‌را وێ‌ شرۆڤه‌كرنا ماموستا ل ت ده‌مێ‌ ماموستا قوتابخانێ‌ شرۆڤه‌ دكه‌ت و یال خولێ‌ شرۆڤه‌دكه‌ت و دبیت ل قوتابخانێ‌ قوتابی یێ‌ ماندی بیت و هزرا وی نه‌ ل پولی بیت، به‌لێ‌ ده‌مێ‌ دهێته‌ خولێ‌ ئه‌وی ئارمانجه‌ك ل به‌ره‌ ئه‌و ژی سه‌ركه‌فته‌ ب ته‌كركیزی گوهێ‌ خوه‌ ده‌ته‌ وانێ‌ و ئه‌نجامه‌كێ‌ باش دئینت، به‌لێ‌ ئه‌و باوه‌ری یا بۆ قوتابی چێبووی هه‌كه‌ ب چیته‌ خولا ب هێزكرنێ‌ دێ‌ نمره‌كا باش ب ده‌ست خوه‌ ڤه‌ ئینت و هه‌ست پێدكه‌ت كو ماموستایێن شاره‌زاو خودان سه‌ربور ڤێ‌ خولێ‌ دا پشكدارن و وانێ‌ دبێژن و دڤان خولان دا دبینم هه‌ردولا دمفا دارن قوتابی و ماموستا و هه‌ر ئێك ژوان ئارمانجه‌ك تایبه‌ت هه‌یه‌.

بزاڤ ئاراس، ماموستایێ‌ بابه‌تێ‌ بیركاریێ‌ یه‌ل قوتابخانا ماردین یابنه‌ره‌تی كچان ده‌ته‌ زانین كو شرۆڤه‌كرنا هه‌موو ماموستایان وه‌كو ئێك نینه‌ و ماموستا هه‌نه‌ ئه‌وا ل قوتابخانێ‌ شرۆڤه‌دكه‌ت ل خولێ‌ وه‌سا شرۆڤه‌ناكه‌ت و به‌رۆڤاژی وهه‌كه‌ ماموستایێ‌ دلسوز بیت ئه‌و تشتێ‌ لده‌ڤ ل قوتابخانێ‌ بێژیت باشتره‌ خولێ‌ ڤه‌كه‌ت و مه‌ره‌م ژ ڤه‌كرنا خولێن هاڤیینی، ئانكو یێن ب هێزكرنێ‌ ئه‌وه‌ گه‌له‌ك جاران قوتابی ماموستای نه‌چار دكه‌ت خولێ‌ ڤه‌كه‌ت و ئه‌ڤ یه‌كه‌ ژی بۆ دو ئه‌گه‌ران دزڤریت یان ماموستا ب رێیه‌كا دروست وانێ‌ نا گه‌هینت، یان قوتابی ب دروستی گوهێ‌ خوه‌ ناده‌نه‌ ماموستایی ده‌مێ‌ شرۆڤه‌دكه‌ن و ئه‌ركێن ماموستا ده‌ت بجه نائینن و ده‌مێ‌ دبیته‌ ده‌مێ‌ تاقیكرنێ‌ ئه‌ركێن وان هه‌موو كه‌فتینه‌ سه‌رئێك و تێنه‌ گه‌هشتیه‌ و ل وی ده‌می قوتابی دێ‌ په‌نایێ‌ به‌ته‌ به‌ر ماموستایێن تایبه‌ت و خولا و گه‌له‌ك بابه‌ت هه‌نه‌ مرۆڤ دشێت ل مال ژبه‌ركه‌ت، به‌لێ‌ بابه‌تێ‌ بیركاریێ‌ پێدڤیه‌ كه‌سه‌ك مرۆڤی تێبگه‌هینت، ئانكو هه‌كه‌ ب دروستی قوتابی گوهێ‌ خوه‌ بده‌ته‌ وانێ‌ ده‌مێ‌ ماموستا شرۆڤه‌ دكه‌ت و پێدڤی ماموستایێ‌ تایبه‌ت و چوونا خولان نابیت ناڤهاتی هێشتاژی گۆت: من گه‌له‌ك چاڤدێریا قوتابیان كریه‌ ئه‌ویێن دچنه‌ خولان بتنێ‌ قوتابیێ‌ نه‌هێ‌ و دوازدێ‌ ئاماده‌یی یه‌، چونكو ئه‌و قوتابی نه‌هێ‌ ویزاری نه‌ و شێوازێ‌ پرسیاران نزانیت دڤێت شێوازێ‌ پرسیاران بزانیت و ماموستایه‌ك بۆ بێژیت و هه‌ردیسان قوتابێ‌ دوازدی َل هندی َدگه‌ریت ماموستا ل خولێ‌ رێكێن ب سانه‌هی و تشتێ‌ گرنگ بۆ بێژیت.

ئاكرێ‌، ره‌مه‌زان زه‌كه‌ریا:

ده‌مێ‌ چه‌ندین سالایه‌ پله‌ بلندكرنا مامۆستا ل كه‌رتێ‌ په‌روه‌ردێ‌ هاتیه‌ راگرتن و پلا چو مامۆستایه‌كێ‌ بلند نه‌بوویه‌ ئه‌ڤێ‌ چه‌ندێ‌ ژی كاریگه‌ری ل سه‌ر مامۆستا دروستكریه‌ و مامۆستایه‌ك ژی ئاشكرا دكه‌ت، كو راگرتنا پله‌ بلندكرنێ‌ ئاستێ‌ زانستیێ‌ مامۆستای كێمكریه‌ و قوتابی ژی زه‌ره‌رمه‌ندێن سه‌ره‌كینه‌ دخوازین كو پله‌ بلند مامۆستا ده‌یت پێ‌ بكه‌ت.

مامۆستا هه‌وار سادق، بۆ ئه‌ڤرۆ گوت: راگرتنا پله‌ بلندكرنا مامۆستا كارتێكرن كریه‌ ل كارێ‌ مامۆستایان و ژلایێ‌ ئه‌كادیمی و ده‌رونی كو مامۆستا وه‌ك به‌رێ‌ ڤیان بۆ ل سه‌ر كارێ‌ خوه‌یێ‌ مامۆستایه‌تیێ‌ نه‌مایه‌ ، هه‌روه‌سا زینه‌كا مه‌زن ژی گه‌هشتیه‌ مامۆستا ژلایێ‌ ماددی ڤه‌ و كو ماددی ژی وه‌ك پێدڤی نینه‌.

مامۆستای زێده‌تر دوپاتكر راگرتنا پله‌ بلند كرنێ‌ بۆ ده‌مێ‌ چه‌ندین سالا كاریگه‌ریه‌كا مه‌زن ل سه‌ر ئاستێ‌ زانستیێ‌ مامۆستا دروستكریه‌ و كو ژبه‌ر ڤێ‌ چه‌ندێ‌ قوتابی زه‌ره‌رمه‌ندێن به‌رده‌وامن ، چاڤێ‌ مامۆستا ل كابینا نه‌هێ‌ یه‌ كو دوباره‌ پله‌ بلند كرن بۆ مامۆستا هه‌بیت، ژبه‌ر كو هه‌تا نوكه‌ مامۆستا چاڤه‌رێ‌ دكه‌ن و بێ‌ هیڤی نه‌بوونه‌ .

سه‌میر ناسر  سه‌رپه‌رشتیێ‌ په‌روه‌رده‌یێ‌ ل په‌روه‌ردا ئاكرێ‌ بۆ ئه‌ڤرۆ گوت : ده‌مه‌ پله‌ بلندكرنا مامۆستایان و سه‌رپه‌رشتێن په‌روه‌رده‌یی هاتیه‌ راوه‌ستن و ئه‌ڤێ‌ چه‌ندێ‌ ژی كاریگه‌ریا خۆ هه‌بوویه‌ چه‌ندین سه‌رپه‌رشت و مامۆستا هه‌نه‌ كو هه‌تا نوكه‌ پلێن وان نه‌هاتینه‌ بلند كرن ، ڤێ‌ چه‌ندێ‌ كاریگه‌ری ل سه‌ر پله‌یێ‌ مامۆستایان و راتبێ‌ وان هه‌یه‌ ، یێ‌ سالا 2014 یه‌ پله‌ بلندكرن هاتیه‌ راوه‌ستاندن .

هه‌روه‌سا گوت: راگرتنا پله‌ بلندكرنا مامۆستا ب ره‌نگه‌كێ‌ گشتی كاریگه‌ری هه‌یه‌ ژبه‌ركو ده‌مێ‌ پله‌ بلند نه‌بیت راتب ژی زێده‌ نابیت ، ڤێ‌ چه‌ندێ‌ كاریگه‌ری ل سه‌ر مامۆستا هه‌یه‌ ، به‌لێ‌ سه‌ره‌رای ڤێ‌ چه‌ندێ‌ ژی مامۆستا به‌رده‌وامن ل سه‌ر كارو ده‌واما خوه‌ ، مامۆستایێن هه‌میشه‌یی ژی دزانن كو ژبه‌ر كریزا دارایی ئه‌ڤ چه‌ند دروستبووه‌ ، پێدڤیه‌ پله‌ بلند كرن ده‌ستپێبكه‌نه‌ڤه‌ ژبه‌ركو دێ‌ كاریگه‌ریا وێ‌ مه‌زنتر بیت مامۆستا چاڤه‌رێ‌ بلند بوونا پلێن خۆ دكه‌ن كو وه‌ك جاران بهێنه‌ بلند كرن.