ئه‌ڤرۆ:

ل گه‌ل هاتنا وه‌رزێ‌ هاڤینێ‌، پتریا وه‌لاتیان ئاریشا بلندبوونا پلا گه‌رماتیێ‌ ل ده‌ف مۆبایلان یا هه‌ی، چو ئه‌و مۆبایل ب سیسته‌مێ‌ ئه‌ندرۆید یان ئای ئو ئێس بیت، دبیت ئه‌گه‌رێ‌ ڤێ‌ چه‌ندێ‌ ژی ب زۆری بۆ هه‌بوونا ئه‌پلیكه‌یشنێن گرێدایی تۆڕێن جڤاكی بن و ل ده‌ف هنده‌ك كه‌سان ژی هه‌بوون و ئه‌نجامدانا یاریان ب ره‌نگه‌كێ‌ به‌رده‌وام كو ژ لایه‌كی ئه‌ڤه‌ دبنه‌ ئه‌گه‌رێ‌ بلندبوونا پلا گه‌رماتیا مۆبایلێ‌ و ژ ره‌خه‌كێ‌ دژی ڤه‌ دبیته‌ ئه‌گه‌رێ‌ زوو ژ ناڤچوونا وێ‌.

– مۆبایلا خوه‌ ڤه‌مرینه‌ و دووباره‌ هه‌لكه‌:

ڤه‌مراندن و دووباره‌ هه‌لكرنا مۆبایلێ‌ دبیته‌ ئه‌گه‌رێ‌ وێ‌ چه‌ندێ‌ ب ره‌نگه‌كێ‌ ده‌می و هه‌كه‌ بۆ ماوه‌كێ‌ گه‌له‌ك كێم ژی بیت ئه‌و هه‌موو یاری و ئه‌پلیكه‌یشن ب تایبه‌ت یێن تۆڕێن جڤاكی بهێته‌ گرتن و ب ڤێ‌ چه‌ندێ‌ ژی ده‌مێ‌ به‌رنامه‌ هه‌موو د گرتی بن، چو پێ‌ نه‌ڤێت دێ‌ پلا گه‌رماتیا مۆبایلێ‌ زووتر هێته‌ خوار.

– كه‌ڤه‌رێ‌ مۆبایلا خوه‌ ژێ‌ ڤه‌كه‌:

ئێك ژ رێیێن هه‌ره‌ گرنگ بۆ نزمبوونا پلا گه‌رماتیا مۆبایلێ‌ ئه‌وه‌ كو ئه‌و كه‌ڤه‌رێ‌ پێڤه‌ ژێ‌ ڤه‌كه‌ی. دبیت ده‌ما ئه‌و ب مۆبایلێ‌ ڤه‌بیت، ببیته‌ ئه‌گه‌رێ‌ رێخۆشكرنێ‌ ل سه‌ر پلا گه‌رماتیێ‌ ژ به‌ر وی كه‌ڤه‌ری پلا گه‌رماتیێ‌ ب ره‌نگه‌كێ‌ كارا ژ مۆبایلێ‌ ده‌رناكه‌ڤیت و دمینیته‌ د ناڤ دا و ئه‌و ژی گه‌رم دبیت و دووباره‌ گه‌رماتیێ‌ بۆ د ڤه‌گه‌رینیت.

زێده‌كرنا پلا گه‌رماتیا مۆبایلێ‌ ب رێیا كه‌ڤه‌ران ژ كه‌ڤه‌ره‌كی بۆ ئێكێ‌ دی یا جودایه‌، دبیت ئێك گه‌له‌ك گه‌رماتیێ‌ بده‌ته‌ مۆبایلێ‌ و ئێك ژی كێم، ئه‌و ژی ل سه‌ر شێواز و ماددێ‌ ژێ‌ هاتیه‌ چێكرن دمینیت، به‌لێ‌ هه‌ر چاوان بیت هه‌كه‌ ل ده‌مێ‌ گه‌رمبوونێ‌ بۆ ماوه‌كێ‌ كێم ژی كه‌ڤه‌ری ژێ‌ ڤه‌كه‌ی -دێ‌ هاریكار بیت كو پلا گه‌رماتیا مۆبایلێ‌ زووتر بهێته‌ خوار.

– مۆبایلێ‌ ب ته‌زینه‌:

ئێك ژ رێیێن دژی یێن گه‌له‌ك زوو دبیته‌ ئه‌گه‌رێ‌ هاتنه‌خوارێ‌ یا پلا گه‌رماتیا مۆبایلێ‌ ئه‌وه‌ ب دانیه‌ د ناڤ ئامیره‌كێ‌ ساركرنێ‌ دا وه‌كو ته‌زینه‌ر یان به‌فرگرێ‌ دا.

– ژینگه‌هه‌كا باش:

بزاڤێ‌ نه‌كه‌ مۆبایلا خوه‌ بۆ ده‌مێن درێژ ل جهه‌كێ‌ ب هێلی كو ببیته‌ ئه‌گه‌رێ‌ بلندبوونا پلێن گه‌رماتیێ‌. بۆ نمۆنه‌ هێلانا مۆبایلێ‌ ل ناڤ ترۆمبێلێ‌ و ل به‌ر تیشكا رۆژێ‌ گه‌له‌ك زوو دبیته‌ ئه‌گه‌رێ‌ بلندبوونا پلا گه‌رماتیێ‌ ژ به‌ر كو ژ لایه‌كی ڤه‌ تیشكا رۆژێ‌ یا دژواره‌ و پلا گه‌رماتیێ‌ ل هاڤینێ‌ یا بلنده‌ و ژ لایه‌كێ‌ دی ڤه‌ ئه‌و شووشا وێ‌ پلا گه‌رماتیێ‌ ڤه‌دگوهێزیت، پلا گه‌رمێ‌ بلندتر لێ‌ دكه‌ت و كارتێكرنا وێ‌ مه‌زنتره‌.

ژبلی ڤان ئه‌گه‌ران چه‌ند ئه‌گه‌رێن دژی یێن هه‌ین گرنگه‌ تو بزانی وه‌كو:

–              بكارئینانا مۆبایلێ‌ ل ده‌مێ‌ بارگه‌كرنێ‌.

–              گه‌له‌ك ب كارئینانا وێ‌ ب تایبه‌ت ل ده‌مێ‌ یاریان و د ناڤ ئه‌نترنێتێ‌ دا

–              ده‌مێ‌ هنده‌ك یاریان دهێلیه‌ ڤه‌كری ب تایبه‌ت ئه‌ڤێن مه‌زن و قه‌باره‌كێ‌ مه‌زن ل بارگێ‌ دبه‌ن پێدڤی ب كاره‌كێ‌ زێده‌تره‌ ژ به‌رنامێن دی.

ل ڤان حاله‌تان ژی ل سه‌ر ته‌ پێدڤیه‌ تو بۆ ماوه‌كی بێهنا مۆبایلا خوه‌ ڤه‌ده‌یی، دیسا ل ده‌مێ‌ بارگه‌كرنێ‌ ب كار نه‌ئینی. گه‌له‌ك باشه‌ هه‌كه‌ ئه‌ڤ كه‌رستێن تو بۆ بارگه‌كرنێ‌ بكاردئینێ‌ یێن ئورجینال بن. هنده‌ك كارێن نه‌یێن گرنگ یێن ناڤ مۆبایلا خوه‌ ب راوه‌ستینی. رۆناهیا مۆبایلا خوه‌ كێم بكه‌ی دا كو ژیێ‌ پاتریێ‌ درێژ ببیت.

ل دووماهیێ‌ ژی هه‌ر ده‌ما ته‌ دیت مۆبایلا ته‌ یا گه‌رم دبیت و ئه‌و گه‌رماتی ژ رێژا نۆرمال زێده‌تره‌، گه‌له‌ك باشتره‌ بۆ ماوه‌كی ب راوه‌ستینی دا كارتێكرنێ‌ ل چاره‌سه‌ركاری (پرۆسێسه‌ری) نه‌كه‌ت و مۆبایلا ته‌ زوو ژ كار نه‌كه‌ڤیت.

ئه‌ڤرۆ:

د ڤان چار سالێن بوری دا، ئه‌پ ستورێ‌ ئه‌ندرۆیدێ‌ نێزیكی ملیۆن ئه‌پلیكه‌یشنا ژ ده‌ست دان ئه‌و ژی ژ ئه‌گه‌رێ‌ كریارێن پاقژكرنێ‌ و ئه‌ڤه‌ ل ده‌ف ئه‌پ ستوری یا گرنگ نینه‌ كا چه‌ند ژ ڤان كوالێتی هه‌بوو یان نه‌، یا كرنگ ئه‌و كه‌فتنه‌ به‌ر لێگه‌رێ‌ پاقژكرنێ‌ یێ‌ تایبه‌ت ب ئه‌پ ستوری ڤه‌ و ئه‌و ب كریایه‌كا باش دزانن بۆ پاقژكرنا ئه‌پ ستوری ژ هه‌ر كریاره‌كا خرابكاران.

هه‌ر چه‌نده‌ پشكدارێن سیسته‌مێ‌ ئه‌ندرۆید خزمه‌تێن ڤان ئه‌پلیكه‌یشنا ژ ده‌ست دده‌ن، به‌لێ‌ هه‌ر وه‌كو كۆمپانیا گۆگل به‌حس لێ‌ دكه‌ت ئه‌ڤه‌ ب مه‌ره‌ما وێ‌ چه‌ندێ‌ تایبه‌تمه‌ندیێن بكارئینه‌ران پتر دهێنه‌ پاراستن و دا مه‌ترسی ل سه‌ر مۆبایلێن وان نه‌بیت ژ لایێ‌ هێرشكاران ڤه‌.

ب گۆره‌ی راپۆرته‌كا مالپه‌رێ‌ tradingplatforms هژمارا ئه‌پلیكه‌یشنان د ئه‌پ ستوری دا گه‌له‌ك كێم بوویه‌ ب ره‌نگه‌كی ل سالا 2018ێ‌ 3.6 ملیۆن ئه‌پلیكه‌یشن هه‌بوون، به‌لێ‌ ل سالا 2022ێ‌ بوویه‌ 2.6 ملیۆن.

ب گوره‌ی ڤان ئاماران دیار دبیت كو ئه‌پ ستوری د چار سالێن دووماهیێ‌ دا، 26% ژ ئه‌پلیكه‌یشنێن خوه‌ ژ ده‌ست داینه‌ ب تایبه‌ت هه‌كه‌ ئه‌م وێ‌ چه‌ندێ‌ به‌رچاڤ بكه‌ین كا د ڤان چار سالێن بوری دا، چه‌ند ئه‌پلیكه‌یشنێن نوو ژی هاتینه‌ چێكرن، به‌لێ‌ ئه‌ڤه‌ وێ‌ چه‌ندێ‌ ناگه‌هینیت كو زیان گه‌هشتیه‌ ئه‌پ ستوری ب ژ ده‌ست دانا وان، به‌لكو بۆ پتر رێكخستن و پاراستنا نهێنیان بوویه‌.