دلۆڤان هالۆ:
ئێكەم پەرتووكا فێركرنا زمانێ كوردی ب زمانێ دانیماركی، ب ناڤێ (فێری كوردیێ ببە) ل وەلاتێ دانیمارك ژلایێ نڤیسەر(دەنیز بەرخودان) هاتە چاپكرن و خەلكەكێ زۆر پێشوازی ل وێ پەرتووكێ كرن و ب كارەكێ باش ل قەلەم دان، نڤیسەرێ وێ ژی دانەیەكا پەرتووكا خوە پێشكێشی هونەرمەندێ مەزن (شڤان پەروەر) ی كریە و دبێژیت هیڤیا من ئەوە نڤشێ نوو ب تایبەت ژی زارۆك و سنێلە مفای ژڤێ پەرتووكێ وەربگرن.
بێوار حەمدی:
مۆزیكژهن (عومران زوهێر) كو دهرچۆیێ پشكا مۆزیكی یه ل پهیمانگهها هونهرێن جوان و ئامیرێ (چهلۆیێ) دژهنیت، د دیدارهكێ دا بۆ رۆژنامهیا ئهڤرۆ گۆت: چهلۆ ئێك ژ ئامیرهیێن ههره گرنگه دناڤ ئۆركێسترایێ دا و پتریا جاران وهك ستایلێ (سلۆ) دهێته بكارئینان، ههروهسا بۆ رتمان ژی دهێته بكارئینان و ب دیتنا من چو ئامیره ب زهحمهت نینن ههكه مرۆڤی حهز بۆ ههبیت.
ههروهسا گۆت: ههكه مرۆڤ كاری بۆ بكهت چو تشت یێ ب زهحمهت نبنه، لێ یا ب زهحمهت ئهوه دهمێ كادرێ پێدڤی نهبیت كو ل جهێن ئهكادیمی هاریكاریا ته بكهت، یان قوتابی نهبیت ههڤڕكیا ته بكهت، مهرهم پێ ههڤڕكیهكا باش ژبۆ هندێ ئاستێ مرۆڤی باشتر لێ بهێت و ب دیتنا من ئامیرێ چهلۆیێ ل گهل ههموو سترانان بكاردهێت و ئهڤ چهنده ل دووف شیانێن ژهنیاری دمینیت.
عەزیز هەورامی:
وێنەگر(وانیار كاكەیی) د دیدارەكێ دا بۆ رۆژنامەیا ئەڤرۆ گۆت: د ژیەكێ بچووكدا من حەزژ كارێ وێنەگرتنێ دكر، لەورا ئەز یێ بەردەوامبووم و هەردەم ئەز دبێژم (فۆتۆ بوویە پشكەك ژ ژیانا من) چنكو مرۆڤ دشێت هەموو جوانیێن جیهانێ تێدا ببینیت، ئانكو هەر وێنەیەك هزار پەیڤان دگەهینیت.
هەروەسا گۆت: ب رێكا زۆمێ كامیرەیا خوە ئەز شیایمە گەلەك دیمەنێن جوانیا باژێرێ خوە (هەلەبجە) بگەهینمە خەلكێ جیهانێ كو ئەڤە ژی دبیتە هاندەرەك كو پتر گەشتیار قەستا دەڤەرا مەبكەن، بۆ زانین ئەز رۆژانە وێنەیان دگرم، لێ پتر وێنەیێن سرۆشتی دگرم و گەلەك دلخۆش دبم دەمێ وێنەیەكی دگرم، چنكو ب هەموو هەست و ڤیانا خوە دگرم و ئەز حەزژ هەموو وێنەیێن خوە دكەم، ب تایبەت ژی وێنەیێ (چرایێ كەڤن) كو من ل گوندێ خوە (هاوار) گرتبوو، هەروەسا من پشكداری د چەندین پێشانگەهان دا كریە.
دیدار، سالار محەمەد دۆسكی
3 – 3
ل دور رۆژێن خوەشێن ژیانا وی ژی گۆت: دەمێ دەستهەلاتا سەدام حسێن هاتیە ژناڤبرن گەلەك كەیفا من هات و من گۆت نەخوشیێن مللەتێ مە ب دوماهی هاتن.
ل دوماهیێ ناڤبری گۆت: هیڤی یا من ئەوە گەنج و كورد پەروەرێ مە مێژوویا رابردوویا مللەتێ خوە بخوینن وسەر وی بنیاتی خوە ئاڤا بكەن، و گوهداری یا ئەوان كەسان نەكەن ئەوێن پرۆپاكندا و هێر ڤە و ێڤە دبەن و نەشێن خزمەتا مللەتی بكەن، و باوەری یا من و بەرپرسم ژ ئاخفتنا خوە هەتا ئەم دمرین ئەم كەسەكێ ژ كەسایەتی یا سەرۆك مەسعود بارزانی نابینین بۆ مللەتێ كورد و هیڤی دكەم دیف پرۆپاكندا كەسەكێ ناچن.
پێشمەرگەیێ شۆڕەشا گولانا پێشكەفتنخواز، نایف بێگداودی، دپەرتووكا خوە یا بناڤێ (سێگوشەیا مرنێ) لاپەرێ 22 و 23 پەسنا رۆلێ پێشمەرگە(سەدیق سەعدی زاویتەی) دكەت و بێژیت: سەیدق سەعدی زاویتەی فەرمانبەر بوو ل فەرمانگەها چاندنێ ل كانی ماسێ و هەمان دەم رێكخستیێ نهێنی بوو و هندەك جاران بنەجها وی ل گوندێ مەبوو ل مالا مامێ من محەمەدی، ل هاڤینا سالا 1977ێ مەزانی كو سەدیق ژلایێ رژێما بەعسڤە هاتیەگرتن، وی دەمی من چ بابەتێن پارتایەتی و سیاسی نەزانین، لێ هند من زانی دگۆتن سەدیق سەرا كوردینیێ هاتیەگرتن، رۆژەكێ ژوان رۆژان چوومە مالا مامێ خوە كوڕمامێ من لوقمانی جلكێن سەدیقی نیشا من دان كو پێلاڤەكا بلند بوو دگۆتنێ ( كەعب عالی) و پەنتەلونەكێ دەلنگ فرەه و چەند قەمیسەك بوون، ، ل تیرمەها سالا 1978ێ دەمێ گوندێ مەژی هاتیە سوتن و ئەم ڤەگوهاستینە ئوردیگایێ بێرسڤێ مالا مامێ من جلكێن سەدیقی ژی ل گەل خوە برن.
پێشمەرگەیێ شۆڕەشا گولانا پێشكەفتنخواز، نایف بێگداودی، زێدەتر گۆت: ئەو تشتێ هەتا نوكە مایە ل بیرا منپشتی سالا 1979ێ سەدیق ب لێبورینەكا گشتی هاتە ئازادكرن، و هەر وێ سالێ هاتە سەردانا مە ل ئوردیگایێ بێرسڤێ و دەم شەڤ بوو و ئەم ل ناڤ حەوشا مالا مامێ من دروینشتی بووین، و ل دورێن سەدیقی كومبووین وی بو مە بەحسێ ژیانا خوە یا زیندانێ و رەنگێن ئەشكەنجەدانێ و سوتنا جگارا یا ل سەر دەستێ من دیارە.
نایف بێگداودی، بەردوامیی دەتە گۆتنێن خوە و بێژیت: ل پائیزا سالا 1983ژی سەدیق زاویتەی ئەفسەرەكێ ئیراقێ ب پلا عەقید بناڤێ( عەقید مەولود مستەفا ئەعواش) ل ناڤبەرا ئترویش و پێدە ل گوندێ دزێ ب ترۆمبێل ڤە دەستەسەركر، و پاشی فرێكرە زیندانا لقێ ئێك ل (زێوە شكان) و (مەولود) ب شاشی ڤە هاتبوو دەڤەرێن رزگاركری، ل سالا 1985 من عەقید (مەولود) ل خالا زیندانا لقێ دیت و نیاسی، ئەو گەلەكێ دیندار و قورئان خوین بوو و ل گەل زیندانیان ل زیندانێ ڤە نەبوو، دژورەكا بچویكڤە بوو ل تەنشت لێنانگەها زیندانێ، رێڤەبەرێ زیندانێ ئیبراهیم عەسكەری بوو و پێشمەرگا گەلەك رێز لێ دگرت و ئەو ئەندازیارێ ئەلكترونی بوو و گەلەك جاران دەمێ دەزگایێن بێتیلێ یێن لقێ ژ كار دكەفتن، ئەو دچوو چاك دكرن و دیسا وی ل سەر رویبارێ گوندی كارەب ب رێكا ئاڤێ بۆ بارەگایێ لقێ ئێك دروستكر، من جارەكێ پرسیار ژێ كر و گۆتێ: بۆچی هەردەم تویێ بێگێولی؟ تو دگەل زیندانیان ل زیندانێ ڤە نینی و ئەم گەلەك رێزێ ل تە دگرین، وی گۆت راستە بەلێ من كچێن سنێلە و مەزن هەنە و ئەز نوزانم دیركەفتنا من ژوان دێ چەوا هێنە پەروەردەكرن، یا دیار بوو كاك (سەدیق زاویتەی) پەشێمان ب بوو، كو (مەولود) دەستەسەركری چونكە من دیت بەردەوام سەرەدانا وی ئەفسەری دكر، و ئەو ئەفسەر نێزیكی سێ سالان ما دخالان زیندانێ ڤە پاشی هاتبوو ئازادكرن.
نایف بێگداودی، بەحسێ ئەنفالێن رەش دكەت، گۆت: ل ئەنفالێن رەش سالا 1988ێ گەلەك ژن و زارۆك و پیرۆ و دایك و باب ژێك ڤە قەتیابوون و هەر ئێك چووبوو وەلاتەكی، سەدیق سەعدی زاویتەی چوو بۆ رۆژهەلاتێ كوردستانێ و خانما وی ژی ل گەل مە هاتە كەمپا گەڤەرێ و پاشی موشێ، پشتی بورینا چەند سالان هەر دو ل ئەورۆپا گەهشتنە ئێك، مالا سەعدی زاویتەی مالباتەكا بناڤ و دەنگ و شۆڕەشگێر بوو ل دەڤەرێ، وان گەلەك قوربانی ژی داینە.
جهێ ئاماژەكرنێ یە كو پێشمەرگەیێ هەر دو شۆڕەشێن ئیلۆن و گولانێ (سەدیق سەعدی محەمەد) یێ بەرنیاس ب (سەدیق زاویتەی) ل سالا 1953 ل گوندێ زاویتە ژ دایك بوویە، ل سالا 1973 – 1975 پێشمەرگە بوو ل گەل بابێ خوە، ل سالا 1976 دووبارە پەیوەندی ب رێكخستنێن نهێنیێن پارتی دیموكراتی كوردستان كریە، ل سالا 1977 ئاشكرا دبیت و ل كانی ماسێ ژلایێ رژێما بەعس ڤە دهێتە دەستەسەركرن، و ل سالا 1979 ب لێبورینەكا گشتی دهێتە ئازادكرن، ل سالا 1981 پەیوەندی ب شورەشێ دكەت و لژنا شێخان دبیتە بەرپرسێ رێكخراوا شەهید عەلی عەبوو، ل سالا 1986ێ دبیتە ئەندامێ لژنا ناوچا دهۆك، ل سالا 1988ێ ئاوارەی رۆژهەلاتێ كوردستانێ دبیت و پاشی دچیتە دەرڤەی وەلاتی، پشتی سەرهلدانا سالا 1991ێ دزڤریتە كوردستانێ نوكە كارگێرێ لقێ چاردە یە و ئاكنجیێ ناحیا زاویتە یە.
شەمال ئاکرەیی
1
دەم خۆلەک خۆلەک،
ژ دارا ڤی تەمەنی..
هەر رۆژ د وەریێت.
2
هێشتا کەنی یا وێ،
رندترین سەمفۆنیایە..
د ناخێ من دا.
3
د ڤێ سندۆقێ دا،
دەمژمێرا بابێ من..
هێژ نە نڤستییە.
4
گولەکا سۆر،
د قەشایێ دا شینبوو..
یا دەڤ ب کەنی.
5
د ڤالاتیێ دا،
دەنگێ من بۆ من زڤڕی..
لێ من نەنیاسی.
6
ئەڤ هیڤیێن من،
هەردەم د بێ سیبەرن..
کانێ رۆناهی؟
7
وێ چاڤەک نقاند،
تەڤ سیستەم سەروبن کر..
من خۆ دیت رادەست.
8
چاڤێن من،
هەر ل وان باژێڕایە..
ئەوێن دل بری.
9
د ئەلبۆمێ دا،
دێمەک ل من خۆیا بوو..
من ژ بیر کربوو.
10
رۆندکەک وەریا،
ژ کێ کۆڤانێ ڤەرەست..
من قەت نەزانی!
11
ئەلندەک هەلات،
تەڤ خەون ڤەڕەڤاندن..
چ بۆ من نەمان.
12
تیرۆژکێن رۆژێ،
ئەڤ خەونێن من دوور برن..
ئەز ژی ل گەل بووم.
13
رۆناهییا چرای،
گەلەک دێم نیگار کرن..
لێ هەر زوو نەمان!
14
بلبلی دخواند،
های ژ دونیایێ نەبوو..
وەک ڤی دلێ من.
15
ژێر تەخێن بەفرێ..
نیسانۆک دگڕنژی..
رندی دبەخشی.
16
رویبار یێ دبۆریت،
یێ ب زڤڕۆک و پێلە..
مینا دلێ من.
17
دەما ڤێ زستانێ،
کراسێ سپی هاڤێتی..
بەهار گڕنژی.
18
قەهوەیا تەزی،
مینا هندەک کەسایە..
بەرێ دگەرم بوون.
19
خەو هەر هات و چوو،
ل دۆر هزران زڤڕی..
وەک ڤی سەرێ من.
20
ڤێ برویسیێ،
تاڕییا شەڤێ ترساند و..
خۆ زوی بەرزەکر.
چاڤەڕێ دهێتە كرن سوبەهی ئەینی ل دەمژمێر سێیێ ئێڤاری تیما یانەیا ئافرەتێن دهۆكێ د ناڤ ئەرد و جەماوەرێ خوە دا مێڤاندارییا تیما كچێن یانەیا سیرۆانی حەلەبجە بكەن، ئەوا بڕیارە ژ چارچووڤەیێ هەڤڕكێن گەڕا دویێ و هاتنێ ژ چارچووڤەیێ قۆناغا چارگۆشەیا زێرین بەر ب دەربازبوون بۆ یارییا دووماهییا خولا فوتسالا كچێن كوردستانێ، ژلایێ دووڤە یانەیا ئافرەتێن هەولێری دێ مێڤاندارییا كچێن یانەیا چەمچەمال كەن.
تیما ئافرەتێن دهۆكێ قارەمانا وەرزێ بۆری بەرانبەر دو ڕێكانە، سەركەفت بۆ یارییا دووماهیێ و بەردەوامی دان بەر ب ئارمانجا خوە، خوسارەتی دێ وەرزێ ئەڤ سالە دەست ڤالا بیت و هیڤیێن پاراستنا ناسناڤێ خوە یێ وەرزێ بۆری نا مینت، د یارییا ئێكێ یا ڤێ قۆناغێ دا ب ئاست و ئەنجامەكێ لاواز ژ پارێزگەها هەلەبجە ڤەگەڕیا بوون پشتی ب گۆلەكێ دگەل سیرۆانی هەلەبجە وەكهەڤ بووی، د یارییا سوبەهی دا ئەركێ ئافرەتێن دهۆكێ ب سانەهی نابیت بەرانبەر تیمەكێ كو باش د زانین دێ چەوا سەرەدەریێ دگەل یاریێ كەت، لێ تیما دهۆكێ خودان یاریزانێن شارەزا و هەلبژارتیێ ئیراقێ نە شیانێن باش هەنە و دشێن یا پێدڤی ئەنجامبدەن.
فوتسالا ئافرەتێن دهۆكێ شیابوو وەكو سەركێشا كۆما ئێكێ دەربازبیتە ڤێ قۆناغێ پشتی شیایی 16 خالان سەڕێ لیستێ بهێت ب پێنچ سەركەفتن و وەكهەڤییەك ببیتە ئێكا یانە د قۆناغا كۆمان دا چو خوسارەتییان نە دەت، د بەرانبەر دا تیما كچێن فوتسالا سیرۆانی حەلەبچە ل رێزا دویێ د كۆما دویێ دا هاتبوو ب كۆمكرنا نەهـ خالان.
تیما دهۆكێ چو بژاردە نینن ژبلی سەركەفتن و هەر ئەنجامەكی دی د بەرژوەندییا وێ دا نابیت، هەكە یاری ب وەكهەڤی ب دووماهی هات ئێكسەر دێ بۆ پەنەلتییان چیت پێخەمەت دیاركرنا تیما دەربازبووی بۆ فینالا كوردستانێ، د بەرانبەر دا یارییەكا دی هەیە ئەوا یانەیا ئافرەتێن هەولێر دێ مێڤاندارییا كچێن یانەیا چەمچەمال كەت، ئافرەتێن هەولێر ب نەهـ گۆلان شیابوو سەركەفتنێ ل سەر چەمچەمال بینت و ب رێژەیا مەزن پلێتا دەربازبوونێ بۆ فینالێ مسۆگەر بكەت.
ل دۆر دووماهی بەرهەڤیێن تیما ئافرەتێن دهۆكێ ئاراز سالح ڕاهێنەرێ ئێكێ یێ تیمێ گۆت: یارییا سوبەهی بەرانبەر سیرۆانی حەلەبجە چارەنفیسە بۆ هەردو تیمان، د یارییا ئێكێ دا ئەم هەردو تیم وەكهەڤ دەركەفتین، پێنەڤێت یاری ب سانەهی نابیت، وەكو تیما فوتسالا ئافرەتێن دهۆكێ بەرهەڤیێن باش مە كریینە و پلانێن یاریێ هاتینە دانان، ئەم ڕژدین د ڤێ یاریێ دا ب سەركەڤین، هەموو یاریزان د بەرهەڤن و كارگێرییا یانەیێ ژی هەر تشتەكێ پێدڤی بۆ تیمێ بەرهەڤكرینە.
بۆ زانین تیما یانەیا ئافرەتێن دهۆكێ مەزنترین رێژا گۆلان د خولێ دا هەنە ئەو ژی گەهشتینە 56 گۆل تۆماربكەن، هەروەسان هێرشبەرا وێ سیپەل شوكر خودانا 26 گۆلانە سەرێ لیستا گۆلكەرێن خولێ دهێت، هەڤالا وێ یوسرا ئیبراهیم خودانا 15 گۆلانە.
د داخویانیەكێ دا مەحفۆز ئیبراهیم ئەندامێ فدراسیۆنا فوتبۆلا ئیراقێ یا یارییا كیك بۆكسینگێ دیار كر چار یاریزان دگەل دادڤانەكێ پارێزگەها دهۆكێ ل باژێرێ ئەنتالیا یا وەلاتێ توركیا نە ژبۆ پشكدارییێ د قارەمانییا نێڤدەولەتی یا ڤەكری( Turkish open wako world cup)، ئەوا دوهی ب پشكدارییا زێدەتری هزار یاریزانێن 85 وەلاتێن جیهانی بن و هەتا 18ێ ڤێ مەهێ یا بەردەوام بیت.
هەروەسان ناڤهاتی گۆت: ئەڤ قارەمانییە فەرمی یە و ژلایێ فدراسیۆنا كیك بۆكسینگت جیهانی واكو هاتییە پەسەندكرن و پێشبینی دهێتە كرن زێدەتری 350 یاریزانێن كوڕ و كچ بۆ سیستەمێن جودا پشكداریێ بكەن، شاندێ نوونەرێن پارێزگەهێ و كوردستانی ژ چار كەسان دگەل سەرۆك شاندەكی یە، ئەحمەد ئیدریس بۆ سیستەمێ ماستەرێ و هەر ئێك ژ مەحمود حەسەن، ئەڤەند محەمەد و ئەیهەم ئێحسان ژ یانەیا تەناهی ئەوێن دێ شەڕی ب ڕێیا سیستەمێن فول كۆنتاك، سیمی كۆنتاك و لایك كۆنتاك كەت، هەروەسان دادڤانێ پارێزگەهێ یێ نێڤدەولەتی و كوڕێ باژێرێ دهۆكێ محەمەد شنگالی دێ هەڤڕكیێن چەند یاریێن قارەمانیێ بڕێڤە بەت، داخوازا سەركەفتنێ بۆ هەموو پشكدارێن كوردستانی دڤێ هەلكەفتا مەزن یا جیهانی دا دكەین.
ژلایێ خوەڤە سالح كەكۆ ڕاهێنەرێ نێڤدەولەتی و یانەیا دهۆكێ گۆت: پشكدارییا چار یاریزان و دادڤانەكێ پارێزگەها دهۆكێ د قارەمانییا نێڤدەولەتی دا جهێ دەستخوەشیێ یە ژبەركو ئەڤ قارەمانییە دهێتە پلەكرن كۆپا جیهانی ئێك ژ مەزنترین و ب هێزترین قارەمانیێن جیهانی نە، پشكدارییا یاریزانێن مە دگەل دادڤانەكی گرنگییا خوە یا تایبەت هەیە ژ هەر لایەكی ڤە، تایبەت لایەنێ هەبوونا یاریزانێن كوردستانی د قارەمانییەكا مەزن دا، دبیت ئەركێ وان ب سانەهی نەبیت هەتا بگەهنە میدالییەكێ یان ناسناڤەكی لێ پشكداری د ڤێ قارەمانیێ دا پێنگاڤەكا گەلەك باشە و گەشبینن دێ ئاستەكێ مەزن نیشان دەن.
هەروەسان ناڤهاتی ئەوچەندە ژی خۆیاركر هەر چار یاریزانێن مە د بەرهەڤبن و ڕژدن ل دووڤ شیانێن خوە بشێن سەركەفتنان بینن و هەروەسان دادڤانێ مە محەمەد شنگالی نێڤدەولەتییە و شارەزاهییەكا باش یا هەیی من باوەری یا هەیی دێ هەموو د سەركەفتی بن، بۆ مە گرنگ پشكدارییا یاریزانێن كوردستانی یە د ڤێ هەلكەفت و فەستیڤالا مەزن یا جیهانی دا یە.
رەمەزان زەكەریا
چاڤەڕێ دهێتە كرن ئەڤرۆ نوونەرا دویێ یا پارێزگەها دهۆكێ تیما فوتبۆلا یانەیا شێخان جەنگەكا ئێكلاكەر دگەل تبما یانەیا حاجیاوا ئەنجامبدەت ژبۆ گەهشتن ب خولا پلا ئێكا كوردستانێ كود بیتە یارییا پاشكۆ و چارەنڤیس دناڤ بەرا هەردو یانەیان دا، ئەوا بڕیارە ل دەمژمێر سێ ئێڤاری ل یاریگەها شەهید فرانسۆ هەریری ل هەولێرا پایتەخت بهێتە ئەنجامدان .
ل دوور دووماهی بەرهەڤیێن وان مەهدی سالح جێگرێ سەرۆكێ یانەیا شێخان بۆ رۆژناما ئەڤرۆ گۆت: تیما مە یا فوتبۆلێ ب رەنگەكێ گشتی ئەڤسالە ل خۆلا پلە دو یا كوردستانێ ئاستەكێ زۆر باش پێشكەشكر هەتا گەهشتیە یاریا فینالێ بەرانبەر یانەیا بەردەڕەش لێ ل یاریا دیاركرنا قارەمانا خۆلا پلە دوا كوردستانێ تیما مە ب گۆلەكا بێ بەرامبەر تووشی خوسارەتیێ بوو بەرامبەر كو ئەنجامەكێ چاڤەرێكری نەبوو بۆ یانەیا مە سەرباری ئاستێ بلند یێ یاریزان.
ناڤبری گۆتژی : پشتی ژ دەستدانا قارەمانیێ و پلێتا ئێكسەر بۆ پلا ئێك كار و پلان كو بۆ یارییا گەهشتن ژ چارچووڤەیێ پاشكۆیێ دگەل یانەیا حاجیاوا هاتییە دانان، كادرێ ڕاهێنانێ و هەموو یاریزان ب هەموو رەنگا خوە بەرهەڤكریە وەكو كارگێریی ژی هەر تشتەكێ پێدڤی بۆ تیمێ هاتییە دابینكرن پێخەمەت گەهشتن بەر ب ئارمانجا خوە و دێ یاریەكا ئێكلاكەر بیت و دووماهی دەلیڤە ل بەر دەستە سەركەڤین بۆ خۆلا پلە ئێكا كوردستانێ.
ناڤهاتی خویاكر: وەك هەر یارییەكا بۆری تیم یا بەرهەڤە و ڕژدە دەستەیا راهێنەران د بزاڤێن بەردەوام دانە كو شاشیێن یانەیێ بەرامبەر یانەیا بەردەڕەش ئەنجامدای چارەسەر بكەین بۆ یاریا پاشكۆ دگەل یانەیا حاجیاوا و گۆت: گشەبینن یارییا ئەڤرۆ دەستكەفتەكی بینن و دلێ جەماوەرێ خوە خوەشبكەین بەر ب پلا ئێك بچین.
رۆژنامەیا ماركا یا ئسپانی نهێنیەكا مەزن و مەترسیدار دناڤ پێكهاتیێ تیما ریال مەدرید یا ئسپانی دا دیاركر ب هەبوونا كوداتا یا یاریزانێ وێ یێ بەرازیلی ڕۆدرێگۆ گۆس ئەوێ د یارییا بۆری دا بەرانبەر بەرشەلۆنا دار ِدكری وەكو یەدەك بهێتە دناڤ یاریگەهێ دا و بڕیا ردا ئێك یارییا بهێت یا ریال مەدرید پشكدار نەبیت.
د دووماهی ووشانا خوە دا رۆژنامەیێ دیار كر ڕدورێگۆ نە زێدە توورە بوویە ژبەركو ڕاهێنەرێ وی كارلۆ ئەنشلۆتی گرنگی پێ نەدایە و هێلا یاریزانێ یەدەك تایبەت پشتی هاتنا سێ ئنگلتەرایی جود بێلێنگهامی، دیسان پشتی زانی ڕاهێنەرێ نوو چاڤی ئەلۆنسۆ ژی حەزا هەیی وەكو پێكهاتیێ ئەنشلۆتی یارییا بكەت ئێدی ڕۆدرێگۆیی بڕیار دایە نە بتنێ كۆداتا بەرانبەر ریالێ بكەت بەلكو یاریێن مایی ژ خولا ئسپانیا و قارەمانییا یانەیێن جیهانی یاریێ بكەت و دیسان بڕیار دایە بۆ وەرزێ بهێت ئێكجاری خوە ژ یانەیا ریالێ دووربێخیت.
نيشاندان