شێرزاد نایف
هه‌ر وه‌كو ملله‌تێ رۆژهه‌لاتا ناڤین ملله‌ته‌كێ ئاشۆپى یه د خه‌یالێ دا دژیت، نزاحه‌زژ كه‌توارى ناكه‌ت، یانژى خوه تێناگه‌هینیت؟! ئه‌و سه‌رێ پێنچ رۆژان بوو هه‌مى مژوولى ته‌ماشه‌كرنا لافا و لایفێن قورتالكرنا وى زارۆیێ پێنچ سالى یێ مه‌غربى بوون، یێ باژارێ شفشاونێ یێ كو كه‌فتیه د بیرێ دا و ل نیڤا وێ مایه هه‌لاویستى، و نێزیكى حه‌فت هزار كه‌سان ژى ل جهێ روودانێ به‌رهه‌ڤ بووى، هه‌مى ژى تنێ مژوولى لافاكرن و دوعایانه ژ خودایێ مه‌زن، و زكرى و هاواركرنا ناڤێ رب العالمین! و ل هیڤیێ بوون كو ئه‌ڤ زارۆیه ببیته وه‌كو یووسفێ مسرێ! یانكو (یۆزارسیف) ـ بلا بیت ـ كو دێ بیته ئه‌فسانه و موعجیزه! هنده‌كا دگۆتن چنینه مانێ پێغه‌مبه‌ر ژى مووسا و یووسف و یوونس ژى مابوونه د هه‌مان زه‌یقه‌ت دا به‌لێ ب سلامه‌تى ده‌ركه‌فتن، یان ئیبراهیم پێغه‌مبه‌ر ژ ناڤ ئاگرى ده‌ركه‌فت (سالم غانم) لێ بوو سه‌رما و سلامه‌تى.. ئه‌ڤجا ئه‌ز دبێژم بلا ما چ قه‌یدى یه؟!، ده‌ستێن خوه پێكڤه نینن و بلند كه‌ینه ئه‌سمانان بۆ دوعاكرن ژ خودێ، به‌لێ هه‌ر خودێ ته‌عالا د په‌رتووكا خوه یا پیرۆز دا دبێژیت (ولله فی خلقه شۆون)، و هه‌ر دیسا دبێژیت (و قل اعملوا فسیرى الله عملكم و روسوله و المۆمنون)، خه‌لكى و خوه ئه‌و ده‌زگه‌هێ به‌رگریا شارستانى یێ مه‌غرب ژى وه‌سا ب مه‌ندى هزر دكرن ئه‌و زارۆیێ بچووك و نازك و نیان، یێ د وێ بلنداهیێ دا فرى 32 مه‌تران ب ئه‌ردى كه‌فتى و تووشى برینداكرنا دیوارێن ئاخێ و به‌ران بووى یێن بێ دلۆڤانى، و ئه‌وێ بێهنته‌نگیا كو ئۆكسجین نه‌گه‌هیتێ و وێ سه‌رمایا ئه‌م هه‌ست ب دژواریا وێ دكه‌ین، كو سه‌ر وى دا هاتى بۆ ماوه‌یێ پێنچ رۆژێن ره‌به‌ق، و به‌ندكرنا لڤینێ و ته‌شه‌نوجا له‌شى، بێخودان، ژبلى برسێ و ترسێ ب تنێ، و ئه‌و گه‌نجێ خوه‌به‌خش ژۆردا ته‌ڤلى كورتكێ بووى بۆ رزگاركرنێ كو ئه‌و كورتكا ته‌نگ یا 45 سه‌نتیمى و جارجار كێمتر ژى، ده‌رێ وى ل بۆرینا هه‌وایى و ئۆكسجینێ ته‌نگكرى و نێزیكى وى بووى ب تنێ چار مه‌تر مابوون ده‌ستێ وى بگه‌هیتێ یان یێ وى بگه‌هیتێ، چونكو نه‌دشیا خوه بچه‌مینیت، ئه‌ڤ هه‌مى هۆكارێن هه‌نێ، خه‌له‌كێ ساده هزر كر هه‌ما دێ بیته فلمێ هندى و ساخ ده‌ركه‌ڤیت، به‌لێ بۆچى كه‌سێ چو پلانێن ژیر رانه‌گه‌هاندن، هه‌رچه‌نده وه‌خت یێ كێم بوو، به‌لێ دشیان ئه‌و هه‌مى عه‌قل و بلا وه‌لاتێن پێشكه‌فتى و ژیر ژى مینا یابانێ و ئه‌میریكا و ئه‌لمانیا و گه‌له‌كێن دیتر ب ئونلاین پلانه‌كا ب له‌ز هنارتبان، یان ده‌وله‌تا مه‌غرب له‌زربا پتر، یان یا باشتر ئه‌وبوو ئه‌و كه‌سێ ته‌ڤلى كورتكرێ بووى پتر خوه ماندى كربا دبیت گه‌هشتبایێ ب هه‌ر ره‌نگه‌كى ب چنگاله‌كى هه‌لكێشابا بلا پیچه‌كا دى ئه‌و زارۆ بریندار كربا باشتر بوو ژ هندێ ب ئه‌شكه‌نجا نه‌رم بمریت، ل ڤێره دخوازم بێژم یا باش ئه‌وه پتریا مرۆڤان ل ده‌مێ ڤان كاره‌ساتان پتر عه‌قلێ خوه بده‌كه كارى ل شوینا هندێ بمینیته ب گریێ و لافا و ده‌ست داهێلانێ و ژێنه‌هاتنێ، هه‌ر چو نه‌بیت بۆ هه‌مان روودان هه‌كه ل پاشه‌رۆژێ رووبده‌ن، واته ببیته قورتالكه‌ر نه‌ك ب ته‌كه‌هوناتان ڤه بمنیت!. ل داویێ ژى رێز و نه‌وازشێن خوه پێكشێشى مۆرال و دلپێڤه‌برنا وى خه‌لكى هه‌میێ دكه‌م. دلێ مه ژى ب وى فریشته‌ى ڤه دمینت، له‌ورا بلا مرۆڤ ل چاره‌سه‌ریان بگه‌ریێت چونكو خودێ مێشك پێشكێشى مرۆڤى كریه بۆ ڤان بۆیه‌ران و سوپاس بۆ خودێ بۆ هه‌ر حاله‌كى.
نووترين نووچه
- سەرۆككۆمارێ توركیا ل هەولێرێ ل گەل سەرۆك بارزانی و نێچیرڤان بارزانی و مەسرور بارزانی كۆمبوو
- سەرۆك بارزانی: داخوازێ ژ رۆژنامەڤانان دكەم ب شێوەیەكێ پیشەییانە راستییان بگەهینن
- داخوازێ ژ رۆژنامەڤانان دكەم پێگیری قانوونا كارێ رۆژنامەڤانیێ بن
- پشتەڤانییا خوە و حوكمەتێ بۆ كارێ راستەقینەیێ رۆژنامەڤانیێ و ئازادییا رادەربڕینێ ل هەرێمێ دوپات دكەم
- نێچیرڤان بارزانی: سەرەدانا سەرۆكێ توركیا ئاماژەیە بۆ پەیوەندیێن ب هێز
- كارێ رۆژنامەڤانی و ئازادییا رادەربڕینێ ل هەرێما كوردستانێ گەشەیەكا گەلەك باش كریە
- سەرۆك بارزانی پێشوازی ل میر و جڤاتا رۆحانی یا ئێزدیان كر
- سەرۆك كۆمارێ توركیا دێ سەرەدانا هەرێما كوردستانێ كەت
- پارتی بەرگریێ ژ مافێ دەنگدەرێن هەموو ئالیێن سیاسی دكەت
- هەلوەشاندنا كورسیێن كۆتا ل پەرلەمانێ كوردستانێ لێدانە ل پێكڤەژیانا ئاشتیانە د ناڤبەرا پێكهاتەیاندا ل هەرێما كوردستانێ
شیرزاد نایف
ناسنامه‌یا پاراستنا ئازادیا جیهانێ
شێرزاد نایف
ئه‌ڤ ناسناڤێ هندێ ژ هه‌ژى و مه‌زن یێ ژ پێشمه‌رگێ كوردستانێ را هاتیه به‌خشین، دڤێت وه‌لاتێن جیهانێ و تایبه‌ت یێن قولپا ئه‌تلانتیك، سه‌روبه‌رێ وى ژى هه‌مان یێ له‌شكرێن خوه لێكربا، ژ پڕچه‌ككرن و كه‌لوپه‌ل و لۆجستیێ، دا كو ئه‌و تیرۆرا مه‌ترسیدار ل سه‌ر جیهانێ سه‌رى هه‌لنه‌ده‌ته‌ڤه، دڤێت هه‌مى پێداویستێن پێشكه‌فتى ب پێشمه‌رگێ كوردستانێ ببه‌خشن، نه‌مازه داخۆیانیێن مه‌زنه په‌رپرسێن وه‌لاتێن جیهانى ژى ب خوه دانپێدان دابوو كو داعش ب ئێكجار قڕنه‌بوویه. نه‌حوكمه‌تا ئیراقێ و نه ئه‌و وه‌لاتێن پشته‌ڤان هاریكارا پێشمه‌رگێ كوردستانێ دكه‌ن، هه‌مى ژى دزانن كو ده‌مێ مه‌ترسیا تیرۆرێ كه‌فتیه سه‌ر جیهانێ، هه‌ر ده‌ستپێكا وان كریارێن ب ناڤێ ئیسلامێ هاتینه رویدان و تایبه‌ت ل 11 سپته‌مبه‌را سالا 2001، ئه‌ڤ جیهانا هنده مه‌زن كه‌فته بن ترسا تیرۆرێ و چه‌ندین كریار و گه‌فێن دیتر هاتنه رویدان، ئه‌ڤ رێكخراوا دبێژنێ (ئه‌لقاعیده) و ل دویڤ دا هاته گوهارتن بۆ چه‌ندین شێوه‌یان كه‌ڤلۆژانكێ خوه نووكرڤه.. ئۆبدێت كر.. میناكا وێ هه‌مان یا ڤى ڤایرۆسێ كۆرۆنایێ یه قۆناغ بۆ قۆناغ خرابتر لێدهێت و مه‌ترسیا وى مه‌زنتر لێدهێت، وه‌كو په‌نجه‌شێرێ یه چه‌ندى بهێته بڕین دێ ڤێراچیت و ژ هێڤێنه‌كى خوه مه‌زنتر لێكه‌ت، ئه‌ڤجا هه‌تا گه‌هشتیه توندترین راده‌یێ خوه كو بوویه داعش یا خویاوى و ل به‌ر ده‌رگه‌هێ مه قویچ بووى، ل سه‌ر وێ هه‌ژاریێ و ته‌په‌سه‌ریا ل ڤى مله‌تێ دهێته كرن، ئه‌ڤ شه‌نسێ خراب ژى ب سه‌رمه دا هات و چه‌ندین شه‌هید و قوربانى مه پێشكێشكرن، لێ پشتى وێ حنێرا پێشمه‌رگێ كوردستانێ ئه‌نجامدایى و ئه‌فسانه‌یا داعش یا مه‌زن شكاندى و سه‌رێ وێ هه‌ڕشاندى دوماهى ئۆپه‌راسیۆن ژى كو ل باهۆزێ ب دوماهى هاتى ل سه‌ر ده‌ستێ كوردان و میرێ داعشێ ئه‌بۆ به‌كر به‌غدادى ب ده‌ڤێ دانێپێدان ب شكه‌ستنا خوه كری، بۆ هه‌مى جیهانێ دیاربوو كا دلسۆزى و خه‌مخۆرى و زیره‌كیا پێشمه‌رگێ كوردستانێ چه‌ندا ئه‌كتیڤه، بۆ دیرۆكێ هاته خۆیاكرن كو پێشمه‌رگه‌ى ئه‌ڤ سه‌ركه‌فتنه بده‌ستڤه‌ئینایه، كو د ئه‌نجامدا دبیته ده‌ستكه‌فته‌كێ جیهانى و شه‌ره‌فا پاراستنا ڤێ جیهانێ ژ مه‌ترسیا ڤان تیرۆرستێن كوژه‌ك و خراب، هه‌ژى هندێ یه كو ئه‌ڤێ ناسنامه‌یێ ل سه‌ر ملێن خوه راكه‌ت، هه‌مى جیهانێ ژى ب گه‌ل و ده‌ستهه‌لات ڤه دانپێدان ب وێ زیره‌كى و سه‌ربه‌رزیا پێشمه‌رگێ كوردستانێ كر، به‌لێ ب مخابنى ڤه پشتى سه‌ركوتكرنا تیرۆرستێن داعش ده‌ملده‌ست ئه‌ڤ رۆلى هاته ژبیركرن ژلایێ جیهانێ ڤه كێمه‌ك تێنه‌بن، ل ده‌سپێكا هه‌میان ژى حوكمه‌تا ئیراقێ ب زارێ سه‌رۆكێ هینگى یێ حوكمه‌تێ حه‌یده‌ر ئه‌لعه‌بادى ل ده‌مێ كۆنگره‌یێ رۆژنامه‌ڤانى خوه ناڤێ پێشمه‌رگه‌ى نه‌ئینا و ئه‌وێ كه‌ربا ڤه‌شارتى د دلى دا ئه‌و گیان نه‌دایێ گۆتنا راستیێ بێژیت!. و ئه‌وان ل پشتى ئه‌نجامدانا پرۆسا ریفراندۆمێ هاتیه‌كرن هه‌ما ئه‌و بهانه‌ك بوو كو هه‌رێما كوردستانێ سزا بده‌ن، و ئه‌و چه‌ند كر ژى ب لێبرینا بۆدجه و مووچه‌یێن وه‌لاتیان و دانان دۆرپێچێان ل سه‌ر هه‌رێمێ، هه‌رچه‌ند سه‌ركردایه‌تیا هه‌رێمێ ژى ب حوكمێ شاره‌زایا خوه و په‌یوه‌ندیێن خوه یێن دوبلۆماسى و ب هێز شیا خوه ل به‌ر رابگریت و ب هه‌دارا حوكمه‌تێ و مله‌تى زیان مه‌زنتر لێنه‌هاتن، به‌لێ دڤیابا قه‌ره‌بۆیا پێشمه‌رگێ كوردستانێ هاتبا كرن و پشته‌ڤانى لێ هاتباكرن د بزاڤێن سه‌رخوه‌بوونا خوه دا ب ئه‌نجامدانا ئه‌نجامێن ریفراندۆمێ، ئه‌ڤجا ئه‌ڤه ژیواره‌كه و دڤێت بۆ خوه وانه و سه‌ربۆران ژێ بگرین بۆ جارێن بهێن.
پارزینكێ دانپێدانێ
شێرزاد نایف
دوور ژ مژارا نه‌ریت و میتیۆلجیێن ئایینى یێن بۆزیان ژلایێ ئاییندار و ره‌به‌نێن وان و هه‌ر وه‌سا یێن كریستیانان و ئه‌رتودوكس و كاتولیك بۆ ڤه‌كرنا ده‌رگه‌هێ دانپێدان ب گونه‌ه و شاشیێن خوه ل به‌رامبه‌رى سندۆقێ و ل پشترا ژى ئه‌و زه‌لامێ ئایینى گوهداریا هه‌میان دكه‌ت، كو تۆبه بۆ وان دهێته رۆخسین بۆ هندێ مرۆڤ ل گه‌ل دلێ خوه سپى ببیت، و سوبه‌هیا وى گه‌شتر ببیت. لێ نها ئه‌م وه‌كو جڤاك و تاكین ڤێ ژینگه‌هێ، وه‌ختێ ئه‌م شاشیێن خوه دكه‌ین، دچنه د ده‌رگه‌هێ رابردویى دا، و ل خوه‌زڤرین و په‌شێمانى ژى گه‌له‌ك ژ وان شاشیان نازڤرینن، به‌لێ هه‌كه ئه‌و په‌شێمانى هه‌بیت ژى باشتره ژ كو نه‌بیت، بلا راستڤه‌نه‌كه‌ت، به‌لێ ئه‌وێ مینا ب عه‌ره‌بى و ب ئیسلامى دبێژن، (أچعف الایمان) لاوازترین باوه‌ریى یه، و دبیت ژى قه‌نجیه‌ك بیت، به‌لێ ئه‌ڤ قۆناغا په‌شێمانیێ ئه‌رێ ئه‌م گه‌هشتینێ، پشتى كو مه هه‌میان ته‌خسیرى د گه‌نده‌لیێ و كرنا شاشیان و گونه‌هان دا نه‌كری!, د ڤێ سه‌ربۆرا خوه یا كوردستانیبوونێ دا، مه‌هه‌میان بێ ده‌ستنشانكرن، هه‌ر كه‌س و ل جهێ خوه، ئه‌ڤجا ژ دزیێ بگره، پیچاتیێ، دره‌وكرنێ، واسته‌یێ، دامه‌زراندنا یێ نه‌ژ هه‌ژى یان ب جوداهیكرن، خیانه‌تكرن، غه‌دركرن، رێزنه‌گرتن ل یێن ژێرخوه دا، نیازخرابى و …هتد. ژ كریارێن نزم ـ ب رێز ڤه ـ ئه‌ز نابینم ئه‌م هێشتا گه‌هشتبینه قۆناغا ڤێ په‌شێمانیێ و گله‌یكرنا وژدانێ ژ مه، هه‌ر وه‌كو حه‌مه‌ربوون د فه‌رهه‌نگا مه دا نینه، به‌رپرس دلێ خوه ب ده‌ستهه‌لاتێ ناسۆژن، برا دلێ ب برای ناسۆژیت، كێم كه‌س خوه ل هه‌ڤدو دكه‌نه خودان، و ل هه‌ڤالێن خوه ب سه‌میان ده‌رناكه‌ڤن، به‌لێ یا د دلێ مه هه‌میان دا كو ئه‌وێ دانپێدانێ بكه‌ین، ئه‌وا دبێژنێ دانپێدانا قه‌نجێَ!! هه‌ر چه‌نده ئه‌و دانپێدان وان گونه‌هان ب ئێكجارى راستڤه ناكه‌ت، به‌لێ چریسكه‌كه ژ هیڤیان بۆ پاشه‌رۆژا نفشێ پشتى مه یانكو یێ نها گه‌شه دكه‌ت، جخسیه‌كه دێ شین بیته‌ڤه، بلا نیازپاكیێ بچینین دا زارۆیێن مه‌ژى وێ نیازێ بكه‌نه كریار.. (انما الاعمال بالنیات). له‌ورا وه‌رن دا ئه‌م ژى ڤى ده‌گه‌هى ڤه‌كه‌ین هه‌كه ب رێیا ئایینى مه نه‌بیت، ژبلى رۆخسینا توبه نصوحا، دبێژیت خودێ هه‌مى گونه‌هان دغه‌فرینیت، و ده‌رگه‌هێ تۆبێ یێ ڤه‌كریه، وه‌رن دێ باشتر بیت گه‌ر ئه‌م ل ده‌ستپێكێ ل گه‌ل خوه ده‌سپێبكه‌ین لگه‌ل خوه په‌شێمان ببین، و پاشى ل خوه بزڤرین پێداچوونه‌كێ د كار و كریارێن خوه دا بكه‌ین، پاشى توبێ راگه‌هینن بۆ یێ به‌رامبه‌رى ژى، تشته‌كێ هه‌یى بكه‌ینه پیڤه‌ر ئه‌و ژى دبێژنێ (قیاس النفس) وه‌ختێ مرۆڤ نانه‌كى بخۆت، هه‌كه نانه‌كى نه‌ده‌ته هه‌ڤالێ خوه یێ برسى بلا هه‌ما هه‌ر چو نه‌بیت، كه‌یفا مرۆڤى ب هه‌ژاریا وى نه‌ئێت. هه‌ر چه‌نده مه ماف یێ لسه‌ر ئێك هه‌یى ده‌ستێێ یێ دى بگریت، به‌لێ كى د خوینیت و كى دنڤیسیت، دڤێت یێ مه شاشى ل هه‌مبه‌رى وى كری بۆ قه‌ره‌بۆ بكه‌ت یان داخوازا لێبۆرینێ ژێ بكه‌ت! و گیانێ لێبۆرینێ بكه‌ینه ره‌وشتێ خوه ئه‌م خساره‌ت نابین!! .
بۆچى گه‌نجێن بیانى قه‌ستا وه‌لاتێ مه دكه‌ن؟!
شێرزاد نایف
هه‌ڤسه‌نگیه‌كا سه‌یره ئه‌ڤ كۆچبه‌ریا خه‌لكێ مه یێ ئیراقێ و ب تایبه‌ت ژى یێ هه‌رێما كوردستانێ بۆ ده‌رڤه‌ى وه‌لاتى، ئه‌ڤ هه‌مى گل و گازنده‌یێن زۆر یێن دهێنه‌كرن، بۆچى و پتریا وى خه‌لكێ چۆچ دكه‌ن یێن هه‌رێمێ كو ره‌وشا وان یا دارایى یا باشه و ب گۆره‌یى هاتیه خۆیاكرن ژ لایێ هنده‌ك نڤیسینگه‌هێن گه‌شتوگوزاریێ ڤه كو مه‌هه‌میان ژ وان بهیستیه كو هه‌ر كه‌سێ بچیت وێ رێكێ نه‌فه‌رى و كێمى ده‌فته‌ره‌كا دۆلارى هه‌یه و لسه‌ر دا، هه‌ر كه‌سێ ئه‌ڤ گۆمه هه‌بیت هه‌ما بۆ خۆ فێقى بكریت و بفرۆشیت لسه‌ر كۆشكه‌كا لسه‌ر جادێ دێ شێت قازانج كه‌ت و ب شۆل بكه‌ڤیت، ئه‌م یێن دبینین رۆژ بۆ رۆژ خه‌لكێ ژده‌رڤه یێن دهێنه ئۆفیسا ئاكنجیبوونێ و نڤیسینگه‌هین هاورده‌كرنا كرێكارێن بیانى مه زۆر هه‌نه، باشه هه‌كه شۆل نه‌بیت پا ئه‌ڤه كینه و دهێنه چ؟! یان ئه‌و كارێن ئه‌و دكه‌ن گه‌نجێن مه ژخۆ ناگرن بكه‌ن؟! ڤێجا ژ به‌ر باوه‌رنامه‌یێن خوه‌یه یان ژبه‌ر نه‌رییته‌كا جڤاكى یه؟ ژ وه‌لاتێ توركیا دهێن ل ڤێره خوارنگه‌هان ڤه‌دكه‌ن و جهێن بازارى و كرین و فرۆتنێ ڤه‌دكه‌ن، ژ سووریا دهێن ژ جۆرجیا دهێن، ژ مسرێ دهێن، ل ئوردن و لوبنان دهێنه هه‌رێما كوردستانێ كاردكه‌ن و ژ ره‌خه‌كى ڤه خه‌لكێ مه یێ كۆچبه‌ر دبیت. كه‌س تێناگه‌هیت هه‌ڤسه‌نگیه‌كا ئالۆزه، وه‌كو دى ژى بارێ ئه‌منى یێ سه‌قامگیره و دبیت ژى لسه‌رانسه‌رى جیهانى چ باژار نه‌بن ژ یێن هه‌رێمێ ئارامتر بن، تایبه‌ت ژى دهۆكێ.. گه‌له‌ك حاله‌ت هه‌نه نابیت مرۆڤ 100% گونه‌هێ بێخیته سه‌ر ملێن ده‌ستهه‌لاتێ، هه‌ره‌وه‌كو یا بوویه نه‌ریته‌ك هه‌ر تشتێ بوو دێ تبلا خوه كه‌نه د چاڤێن ده‌ستهه‌لاتێ و حوكمه‌تێ دا، باشه بۆچى ده‌مێ ره‌وشا هه‌رێمێ یا باش و بۆدجه و مووچه نه‌هاتینه بڕین، حوكمه‌تێ ژى ته‌خسیرى نه‌دكر د دامه‌زراندنا خه‌لكى دا؟! و ئه‌م دزانین ژى ئه‌ڤا هاتیه روودان هه‌مى هۆكار چنه و كینه ئه‌و دۆخ بۆ مه رێسایى پیلانێن وان دوژمنانه یێن هێرشێن سه‌ربازى كرینه وه‌لاتێ مه!. نه‌شیان یێن ب ڤان رێیان دهێنه مه، ده‌ستهه‌لاتا مه یا ب هێزه ب تنێ مینا دبێژن.. فه‌قیرى ژه‌نگا مێرانه، دوژمنى ژى ل وى وه‌ته‌رى دایه، كو به‌ڕكى ژ بن پیێن حوكمه‌تا بكێشیت، ئه‌ڤجا هۆكار دیار و ئاشكرانه، چونكو حوكمه‌تا ئیراقێ ژى د دۆخه‌كێ ب ڤى ره‌نگى دایه به‌لێ چونكو پارێزگه‌ه گه‌له‌كن و قه‌ربارێ وێ مه‌زنه دیارناكه‌ت، بلا هه‌لسه‌نگاندنا ب به‌لانس ب ڤى ره‌نگى بیت، و من نه‌گۆتیه ده‌ستهه‌لاتێ چو شاشى ژى نینن، به‌لێ ب وژدان حاكم بیت. نه‌كو كێر زۆر بن ل سه‌ر له‌شه‌كى هه‌كه بكه‌ڤیت، به‌لێ ئه‌م باش دزانین كو ده‌ستهه‌لاتا و تایبه‌ت پارتیا زۆرینه د ناڤدا ره‌ه و ریشالێن وێ د درێژن و دچرن، ناكه‌ڤیت، دۆخه‌كێ جودایه ئه‌گه‌ر ژى هه‌ر دوژمنێن مرۆڤێ كورد بۆ خاستینه، هه‌كه نه بۆچى گه‌نجێن بیانى قه‌ستا وه‌لاتێ مه دكه‌ن؟!
ده‌زگه‌هێ دیتنێ و به‌رزه‌كرنێ!
شێرزاد نایف
ئاریشه‌كا گشتیه ل ناڤ هه‌مى جڤاكان هه‌یه، نه‌مازه ل ناڤ وه‌لاتێ مه ل ڤان دووماهیان زێده‌تر به‌ربه‌لاڤ بوویه، ژبه‌ر مژویلبوونا تاكێن ل ناڤ جڤاكێ ژبه‌ر چڕبوونا كار و كریار و خزمه‌ت و په‌یوه‌ندیێن زۆر بووین پشتى ده‌ركه‌فتنا تۆرێن سۆشیال میدیایێ، له‌ورا په‌یوه‌ندیان كارێن مه هه‌میان زۆر كرینه چو ب سه‌ره‌دان یان ئه‌ركێن گالارى!، ئێدى مێشكێن مه هه‌میان ته‌حه‌مولا ڤان هه‌مى ئایكۆن و فۆلده‌رێن ژیانێ ناكه‌ن، ژبه‌ر هندێ ژبیركرن ئه‌ڤرۆ یا سه‌رێ خوه دخۆت، له‌ورا دێ كه‌لوپه‌ل و به‌لگه‌نامه و پاره و زێر و تشتێن خوه به‌رزه‌كه‌ین، ئه‌ڤجا ته هند دیت كارێن ته ئالۆزتر لێهاتن، ل ڤان دووماهیان ئه‌م یێن دبینین چه‌ند خه‌لك تشتێ خوه وه‌ندا دكه‌ن، و چه‌ند ژى ڤه‌دبینن، ئه‌ڤجا یێ ب وژدان هه‌بیت دێ ل خودانان گه‌ریێن، یان یێ وندا دكه‌ت، دێ ل هه‌مى رێیان گه‌ریێت كو تشتێ خوه یێ به‌رزه‌كرى بزڤرینته‌ڤه، مه ژى چو رێكێن ئێكگرتى نینن، یان دێ بۆ خوه قه‌ستا رادیۆیێ كه‌ن، نامه‌كێ بۆ خه‌لكى فرێكه‌ن یێ تشته‌كى بینیت بزڤرینته باره‌گایێ وێ، یانژى دێ ل رۆژنامێ به‌لاڤ كه‌ت و پتریا جاران دادگه‌ه یان ده‌زگه‌هێن دادوه‌ریێ ژێ خوازن ئه‌وێ بكه‌ت، یانژى دێ قه‌ستا ناڤه‌ندێن پۆلیسان كه‌ت، كو بزاڤێ بۆ بكه‌ن لێبگه‌ریێن، یانژى ڤان رۆژان دێ بینى ل سه‌ر په‌یچ و ئه‌كاونتین تۆرێن جڤاكى به‌لاڤ كه‌ن، به‌لێ گه‌له‌كا جاران مینا ده‌رزیكه‌كێ د بنێ به‌حرێ دا، هه‌كه چو رێك نه‌دیتن، ئایه‌ته‌كێ دخوینن و دوعایان دكه‌ن كو تشتێ خوه ببینن، یانژى هنده‌ك قه‌ستا وان كه‌سان دكه‌ن یێن ساحر یان نڤشتیان چێدكه‌ن، ئه‌و ژى دێ ب رۆلێ خوه پاره‌كى ژێ چه‌رخینیت و هنده‌ك دره‌وان بۆ كه‌ت، دێ سێ كاغه‌زا ده‌تێ بێژیتێ هه‌ر شه‌ڤ ئێكێ بسۆژه و ئێكێ دانه بن سه‌رێ خوه، دێ وى كه‌سى د خه‌وا خوه دا بینى یێ پاره ته دیتی یان دزى، یان دى بێژیتێ چه‌ند نۆكه‌كا بكه د ناڤ شیشه‌كى دا و ب ئاڤێ بداگره، چه‌ندى ئه‌و نۆك بوه‌رمن، ئه‌و كه‌سێ پارێ ته دزى یان دیتى، ئه‌و ژى دێ وه‌رمیت.. وهتد ژ ڤان سوحبه‌تێن مللى. یا گرنگ ئه‌وه مینا وه‌لاتێن ئه‌ورۆپى ده‌زگه‌هه‌كێ گشتى بهێته دانان بۆ هه‌مى ڤان جۆره كیشه‌یان مینا هێلێن گه‌رم، یێن خزمه‌تگوزارى، هه‌ركه‌سێ تشته‌كى ببینیت یان به‌رزه بكه‌ت په‌یوه‌ندیێ ب وێ ئۆفیسێ بكه‌ت، هه‌مى ڤان جۆره كێشه‌یان چاره‌سه‌ر كه‌ت، مینا تۆره‌كا ئێكگرتى یه ل سه‌رانسه‌رى وه‌لاتى، كارو ئه‌ركێن وان ب تنێ ئه‌وه مالێ حه‌لال یێ خه‌لكى بزڤرینیت، ڤێجا هنده‌ك قانوون و ده‌ستوورێن خوه هه‌نه پێڤه دگرێداینه، بۆ رێكخستنا ڤێ مژارێ. هه‌لبه‌ت یێ تشته‌كى بینیت ژى هه‌كه نیاز هه‌بن وى تشتى بۆ خوه راكه‌ت، وژدانا وى دێ شه‌رم كه‌ت كو ئه‌وى ئه‌مانه‌تى بۆ وى ده‌زگه‌هێ دلراست بزڤرینت, و یێ به‌رزه‌كریى ژى دڤێت جاران وژدان هه‌بیت، خه‌لاتێ وى بده‌تێ یێ ڤه‌دیتى، یانژى هه‌كه نه‌بیت، ده‌زگه‌ه حه‌قێ ماندیبوون و خه‌لاتكرنا وى ب ستویێ خوه بگریت. یان هه‌ر چو نه‌بیت دوعایان بۆ بكه‌ت و سۆپاسێن ژدل بۆ بكه‌ت. ڤێجا كى بكه‌ت و كى پێ رادبیت؟! ئه‌و مه په‌یام گه‌هاند و یا خوه ل سه‌ر ملێن خوه راكر و مه ژى ئه‌ڤ ده‌سپێشخه‌ریا وندابوویى ڤه‌دیت به‌س كى دێ مه خه‌لات كه‌ت… هه‌لبه‌ت ئه‌ز بخوه!!.
میترۆیا هه‌رێمێ!
شیرزاد نایف
مژار یا هاتنوچوونێ و ڤه‌گوهاستنێ یه ل هه‌رێما كوردستانێ و دانانا پاسێن درێژ یان میترۆیا سه‌رئه‌رد ـ نابێژم ژێرئه‌رد ـ و سكه‌یێ شه‌مه‌نده‌فرێ كو ژ مێژه باس لێ دهێته‌كرن و د ناڤ ماسته‌رپلانان دا هه‌یه، به‌لێ رویدانێن دراماتیك و نه‌ئارامیا ئیراقێ و هه‌رێمێ ده‌لیڤێ ناده‌ن زێده‌بارى قه‌یرانێن ئابۆرى، ئه‌ز دێ به‌هرا پتر شینكێ خوه ل پارێزگه‌ها دهۆكێ ده‌م، چونكو ئه‌م یێن ل ناڤدا و دبینین، كو هه‌تا به‌رى سه‌رهلدانێ ى گه‌له‌ك رێك هه‌بوون، هه‌ما رێچكا ده‌واران بوو، به‌ره به‌ره ژبه‌ر پێدڤیاتیێ هاتینه زفتكرن ب خێرا حوكمه‌تا هه‌رێما كوردستانێ و بووینه جاده، ژبه‌ر شه‌ر و شه‌ماته‌یێن رژێما رۆخیایى مابوونه وه‌سا، لێ ئه‌ڤرۆ ره‌وش باشتره، ئه‌م یێن دبینین كو پتریا ئامرازێن ڤه‌گوهاستنێ یان ترومبیلێن كه‌سۆكینه یانژى ته‌كسینه یانژى ره‌فێن بچویك و دته‌نگن مه دئینن و دبه‌ن، ل دهۆكێ خوه پایسكلێ هه‌وایى ژى بكێر ناهێت ژبه‌ر ژێهه‌لى و ژۆردانیان، به‌لێ ماتۆرسكل ڤان دووماهیان پیچه‌كى به‌ربه‌رلاڤ بووینه، بارا پترا وان ژى بۆ كه‌یفێ دهێنه بكارئینان نه‌ك بۆ پێدڤیێ، هه‌ر وه‌سا ل ره‌خه‌كێ پارێزگه‌هێ ته‌كتۆكێن هندى ژى ل ناڤ كه‌مپێن ئاواره‌یان دا دهێنه بكارئینان. بلێ ده‌رباره‌ى دانانا پاسێن مه‌زن، مژار ل پارێزگه‌ها دهۆكێ یێن جاران ئه‌وبوو كو ئه‌و هه‌ژمارا مه‌زن یا ته‌كسیان ل دهۆكێ ژێده‌ره‌كێ بده‌ستڤه‌ئینانا قووتێ هزاران خێزانانه، داكو نه‌میننه بێكار، هێلاینه و دبێژن هه‌م باشه ژى دا فیته‌ر و فرۆشیارێن كه‌لوپلێن ترومبێلان ژى كار بكه‌ن و هه‌ر تشتێ گرێدایى ڤێ چه‌ندێ، وه‌لاتى دبیته قوربان، یێ كو پێدڤى ب میترۆیێ و پاسێ هه‌یى، نه‌مازه كار هه‌مى كێم بووینه و بیاڤێن كارى و دامه‌زراندنێ نه‌ماینه، لێ وه‌كو دى ب دیتنا من هه‌كه میترۆ بهێته دانان بلا پلانه‌كا زانستى بهێته دانان كو چاره‌سه‌ركرنا وێ ئاریشێ ژى، ئه‌و هه‌ژمارا ته‌كسیان ب نیڤى بیت، چونكو هه‌ر كۆمه‌له‌گه‌ه پێدڤى ب ته‌كسیێ هه‌یه بۆ گه‌له‌ك كاران وه‌كو كه‌سێن بله‌ز پێدڤى گرتنا ته‌كسیێ بن، یان ڤه‌گوهاستنا كه‌لوپلان، یان ئشتیراك یان گه‌هشتنا ژڤانێن فرۆكخانه‌یان و…هتد. وه‌كو دى هه‌كه ئۆفیسه‌ك بۆ دامه‌زراندنا میترۆیێ یان شه‌مه‌نده‌فرێ هه‌بیت، دێ وان كه‌سێن ماینه بێكار ل ناڤ وێ سازیێ دا ده‌نه كارى. ئه‌ڤه ژ لایه‌كى ڤه، و ژلایه‌كێ دى ڤه، هه‌كه فرۆكخانه‌یا دهۆكێ بهێته دانان، دێ گه‌له‌ك بیاڤێن كارى ڤه‌بن بۆ گه‌له‌ك كه‌سێن بێكار، و هه‌كه گیرۆ ببیت، ئه‌وێن دكارى دا دێ خانه‌شین بن، بلا كور و كچێن وان ل وان جهان كاربكه‌ن و بارێ كه‌سێ نامینیته ل ئه‌ردى، دێ پتر دیمه‌نه‌كێ شارستانى ده‌ته وه‌لاتێ مه، و خه‌لك ژى دێ مژویل بیت ب كار و ئه‌ركێن خوه ڤه. و مینا دبێژن هه‌ر ئێك دێ رزقێ خوه خۆت، یێ میترۆیێ دێ كارێ خوه كه‌ت و یێ ته‌كسیێ ژى و یێ صیناعێ ژى، و به‌لكو ژى جاده‌یێن مه پیچه‌كێ سست ببن ژ وێ قه‌ره‌بالغا هه‌یى.
ژلایه‌كێ دى ڤه سوحبه‌ته‌ك هه‌بوو، كو ئه‌لمانیا وان میترۆیێن خوه (شتراسن بان) یێن نها بكه‌ته دیارى بۆ ئیراقێ و بۆ خوه هنده‌كێن نوو بدانیت، هه‌كه وه‌سا بیت دێ بارێ گرانێ هه‌یى ژى ل سه‌ر ئابۆرێ مه سست كه‌ت. ئه‌م ب وێ ژى درازینه..مانێ ئه‌و به‌رى مه گه‌هشتینه ژیانا شارستانى!. هیڤیى دكه‌م لایه‌نێن په‌یوه‌ندیدار خوه‌دیێن مژارێ ل ڤێ گوتارێ بهێنه ده‌نگ و هه‌ما شه‌كره‌كێ بخۆن، بێژن باش یان خراب!!
ره‌وشه‌نبیریا پاراستنا ئاڤێ!
شێرزاد نایف
دلپێڤه‌برن ب ئاڤێ دلپێڤه‌برنه ب ژیانێ و مرۆڤاتیێ و وژدانێ، نه‌بوونا ئاڤێ كێمبوونا هه‌بوونا ئۆكسجینى یه، كه‌س نینه ڤێ چه‌ندێ نه‌زانیت، ئه‌ڤجا چاوا ئه‌م دزانین و ئه‌م خوه تێناگه‌هینین؟! هه‌كه نێرینه‌كێ بده‌ینه سه‌ر نه‌خشه‌یا جیهانێ و دابه‌شوونا ئاڤێ ل سه‌ر جهێن ئه‌رد دێ دیار بیت كا چه‌ند ب زه‌حمه‌ته ئاڤ بگه‌هیته هه‌مى جهان، و چه‌ندا ب مه‌ترسی یه، ئه‌و وه‌لاتێن دوور ژ ئاڤا ده‌ریایان و ئۆقیانۆسان، ب رێیا رویباران و جۆیێن ئاڤێ و ئاڤێن ژێرئه‌رد ژ بیر و بیرێن ئیرتیوازى و كه‌هنیێن ئاڤێ، مینا پترۆلێ یه، گه‌له‌ك زانا دبێژن كو ئه‌و ژى یه‌ده‌كه و دبیت رۆژه‌ك بهێت و گوهۆرینێن سروشتێ وى هشك بكه‌ت، هنده‌ك دبێژن كو ئاڤا ژێر ئه‌رد ل گه‌له‌ك ئه‌ردێن كێشوه‌رێن ئه‌مریكى وه‌ك یێن مه نینه تو بچى بۆ خوه ئیرتیوازى بینیه ده‌ر!.
ئه‌ڤجا مژار ل ڤێره فۆسكا وى ل سه‌ر چاوانیا سه‌رده‌ریكرنا مه‌یه بۆ مه‌زاختنا ئاڤێ چه‌ند ب هه‌ده‌ر و بێبه‌ختى و توندى چاڤێ خوه دده‌ینه گرنگترین نیعمه‌تێن ژیانێ؟ چه‌ند بێ سه‌روبه‌رى گرنگیێ ب ڤى بهایێ گران دده‌ین؟! ئه‌م یێن دبینین چاوا سۆنده‌یێ ئاڤێ خه‌لك دهێلنه ڤه‌كرى و بهه‌روه دچیت!. كه‌س ژى خوه لێ ناكه‌ته خودان؟! هه‌ر كه‌سێ ته‌وافا تانكێ وى یێ ئاڤێ ژكاركه‌فت، ئه‌و ما وه‌كو خوه كێم كه‌س دروست دكه‌ن، یان خیره‌ت ناكه‌ن یان دلپێڤه نینه دو هزار دیناران لێ بمه‌زێخیت، یان تانك كون ببیت… ته‌وافه‌كا بهایێ وێ دو هزار دینار دبیته ئه‌گه‌رێ هه‌ده‌ردانا گۆژمێن مه‌زن ژ ئاڤا ساز. كو سامانه‌كێ نشتیمانى و مرۆڤاتى و سروشتى یه، یان له‌حیمه‌كێ فه‌ورى ب هزار دیناران تانكێ درهایى دروست ناكه‌ن، گه‌له‌ك ده‌ڤه‌ران ب ماتۆران ئاڤێ دكێشن و هنده‌ك دكه‌نه دو ماتۆر، ل ده‌ڤه‌ره‌كێ دیارده‌كا گه‌ندلیێ ده‌ركه‌فتیه، به‌رتیلا دده‌نه كارمه‌ندێن ل سه‌ر قفلا و جهێن كونترۆلا ئاڤێ، ل دویڤ گوتنێن خه‌لكێ وێ ده‌ڤه‌رێ.
دیسا ل ده‌ڤه‌ره‌كا دهۆكێ پتریا خانیێن سه‌رپێچ بوون، ئه‌ز ئێڤاره‌كێ ل وێ را بۆریم، من دیت چه‌ندین مالان ئاڤا ب سه‌ر تانكێن وان دا دچیت و كه‌س دروست ناكه‌ت! ئه‌و ئاڤا زه‌لالا جوان و شرین یا ب كولان و جاده‌یان دا دچیت!!. ئه‌رێ ئه‌ڤه نه‌گونه‌هه؟! و بۆچى كه‌س دلێ خوه پێناسۆژیت؟! ئه‌ڤرۆ دێ قه‌تیێت به‌لێ سوبه‌هى كور و نه‌ڤیێن مه دێ میننه تێهنى، ل ڤێره ئه‌ز ره‌خنێ ناهاڤێژمه د گولا لایه‌نێن په‌یوه‌ندیدار دا، به‌لێ دكه‌ڤیته سه‌ر ملێن هه‌مى جڤاكێ ب تاك و كۆم و ئۆرگان ڤه. كو ئه‌ڤێ ره‌وشه‌نبیریێ به‌لاڤه بكه‌ن و خه‌لكى ب وژدانا پاكڤه پتر گرێبده‌ن، نه تنێ ئاڤێ به‌لكو هه‌مى سامانێن دیتر ژى مینا كه‌هره‌بێ و گاز و غاز و ئه‌نترنێت و..هتد. گه‌له‌ك شێوه‌یێن تێكدانا پاراستنا ئاڤێ هه‌نه كو نه كارێ مه‌یه وه‌كو تایبه‌تمه‌ندى لێ بلا جۆره‌كێ ره‌وشه‌نبیریێ بیت، مینا ئاڤدانا كه‌ساتیى و مه‌شته‌لان ب وان رێنما و راسپارده‌یێن ئۆفیسێن چاندنێ به‌لاڤ دكه‌ن، مینا ئاڤدانا ل ده‌مێن سپێده‌هیان و ره‌شاندن ل شوینا بكه‌نه گه‌ڕ، … یان چاندنا رووه‌كێن دێم كو پێدڤى ب ئاڤدانێ نه‌بیت. و گه‌له‌ك و گه‌له‌ك تشتێن دیتر مه ده‌ریاره‌كه ژ په‌یڤینێ ل سه‌ر ڤێ مژارێ، چونكو وه‌لاتێ مه یێ دویره ژ ئاڤێن مه‌زن، به‌لێ ب ڤێ ئاڤا هه‌یى بحه‌شته و بلا ئه‌و بحه‌شت بۆ مه بمینیت!.
تایبه‌تمه‌ندى د حزبێ دا یان حزب د تایبه‌تمه‌ندیێ دا؟!
شێرزاد نایف
مژار سیسته‌مێ ته‌كنوقراتیكرنا سازیێن فه‌رمی و نه‌فه‌رمى یه ل سه‌رانسه‌رى ئیراقێ و هه‌رێمێ ژى، د زاراڤه‌كێ نێزیكتر دا ب عه‌ره‌بى دبێژنێ (خصخصه) هه‌ر كه‌س و لایه‌نه‌كێ دێ كارێ خوه یێ بسپۆر ئه‌نجامد ده‌ت، لێ حزبیكرنا داموده‌زگه‌هان دبیت مافه‌ك بیت، ژ ئه‌نجامێ وێ ره‌نج و خه‌بات و قوبانیدانێن مه‌زن بن یێن حزبه‌كێ سه‌میانى ل خوه‌دیێن وێ كربیت، و ئه‌م و ماف و ئمتیازات باجه‌یا وێ چه‌ندێ بن، و جهێ خۆشحالیا وژدانێ یه كو تو ببینى كه‌سه‌ك كوڕێ شه‌هیدى یه یان خه‌باتكه‌ره‌كه ژیانا خوه ل چه‌لوچیا بربیت و رۆژێن سه‌خت و نه‌خۆش ب سه‌ر وى و خێزانا وى دا هاتبن، تو ببینى ئه‌ڤرۆ یێ خۆشیێ ب ژیانێ دبه‌ت و خودێ بۆ وى قه‌ره‌بۆكربیت ب رێیا وێ حزبا ئه‌و گه‌هاندیێ، هه‌ر چه‌نده ده‌رباره‌ى ملله‌تێ مه، ما ئه‌و مال و كه‌سن چو نه‌خۆشى و ده‌رده‌سه‌رى نه‌دیتبن؟! به‌لێ دا كو ده‌قێ یا بابه‌تى بیت، وه‌سا دده‌ینه خۆیاكرن، به‌لێ پشتى بۆرینا ده‌مى دێ هنده‌ك ئێلنجى ل هنده‌ك سازى و پۆستان دیار بن، ژبه‌ر كو بیاڤێ زانستى و بسپۆریێ مه‌رجه‌كێ سروشتى یه و ل هه‌مى جیهانێ ب گۆره‌یى ڤى مه‌رجى كار و ئه‌ركێن خوه دا پارڤه دكه‌ن، له‌ورا ئه‌ڤه چه‌ندین سالێن دویر و درێژ ب سه‌ر مه دا چوون، و گه‌له‌ك یێن گه‌هشتینه خه‌ون و هیڤیێن خوه، بلا ده‌لیڤێ بده‌نه سه‌رێن زانا و بسپۆر د بیاڤێ كارێ خوه دا، دا چو دابڕینێن ئه‌ستوونى و ئاسۆیى نه‌هێنه رویدان، خوه د ناڤا حزبێ ژى دا تایبه‌تمه‌ندیكرنا به‌ش و لقێن وێ ژى دڤێت جۆره‌كێ به‌حتیه‌تێ تێدا هه‌بیت، دا كو دلێ خه‌لكى خۆش ببیت، هه‌كه د شیانێ د حزبێ دا بیت هه‌ر تشتێ دڤێت بكه‌ت، و چه‌كۆچێ خه‌لكێ وێ چو زیانان نه‌گه‌هینیتێ بلا حسێبه‌كێ بۆ وژدانێ و بۆ خه‌لكێ هه‌ڤسوى ژى بكه‌ت ژ ده‌وروبه‌ران، چونكو حزب وه‌سا دهێنه زانین ئه‌و سینگێ مه‌زنه یێ بابینیێ یه یێ مله‌ت سه‌رێ ب ته‌نا دانیته سه‌ر وى سینگى و گلوگازنده و خواسته‌كا خوه دگه‌هینیتێ. گه‌له‌ك سه‌رێن پڕى زانین و شیان د ئیفلجكرینه، و گه‌له‌كێن به‌ره‌ڤاژى ژى لسه‌ر پۆستێن گرنگن ب قورخكارى خوه ب سه‌ر داداینه و حزب ژى ژبه‌ر باشیى و دلپێڤه‌برن هاتیه پاشگوهخستن.
راسته گه‌له‌ك كادر هه‌بووینه وه‌كو جۆكه‌رى بووینه هه‌ر كارێ دابایێ دا ئه‌نجامده‌ن، ئێك بوویه وه‌زیرێ په‌روه‌ردێ و پاشى بوویه وه‌زیرێ چاندنێ و پاشى پارێزگار و … هتد، دبیت هنیگى ئه‌و ده‌مه‌كێ پێدڤى بوو و كادرێن بسپۆر نه‌بووینه، به‌لێ نها قۆناغ هاتیه گوهۆرین، پارتى ژ وان حزبانه یا كو شه‌رم ژ ئه‌ندامێن خوه دكه‌ت و دلێ وێ یێ نازكه ناخوازیت دلێ كه‌سێ بهێلیت، هزر دكه‌ت به‌لكو ئه‌و كه‌سێن شاش ل خوه بزڤرن و ئه‌و ب خوه دروست ببن، به‌لێ دڤێت ژبیرا خوه نه‌به‌ت ژى كو باشیا زێده ژى دبیته خرابى!.
تایبه‌تمه‌ندى د حزبێ دا یان حزب د تایبه‌تمه‌ندیێ دا؟!
شێرزاد نایف
مژار سیسته‌مێ ته‌كنوقراتیكرنا سازیێن فه‌رمی و نه‌فه‌رمى یه ل سه‌رانسه‌رى ئیراقێ و هه‌رێمێ ژى، د زاراڤه‌كێ نێزیكتر دا ب عه‌ره‌بى دبێژنێ (خصخصه) هه‌ر كه‌س و لایه‌نه‌كێ دێ كارێ خوه یێ بسپۆر ئه‌نجامد ده‌ت، لێ حزبیكرنا داموده‌زگه‌هان دبیت مافه‌ك بیت، ژ ئه‌نجامێ وێ ره‌نج و خه‌بات و قوبانیدانێن مه‌زن بن یێن حزبه‌كێ سه‌میانى ل خوه‌دیێن وێ كربیت، و ئه‌م و ماف و ئمتیازات باجه‌یا وێ چه‌ندێ بن، و جهێ خۆشحالیا وژدانێ یه كو تو ببینى كه‌سه‌ك كوڕێ شه‌هیدى یه یان خه‌باتكه‌ره‌كه ژیانا خوه ل چه‌لوچیا بربیت و رۆژێن سه‌خت و نه‌خۆش ب سه‌ر وى و خێزانا وى دا هاتبن، تو ببینى ئه‌ڤرۆ یێ خۆشیێ ب ژیانێ دبه‌ت و خودێ بۆ وى قه‌ره‌بۆكربیت ب رێیا وێ حزبا ئه‌و گه‌هاندیێ، هه‌ر چه‌نده ده‌رباره‌ى ملله‌تێ مه، ما ئه‌و مال و كه‌سن چو نه‌خۆشى و ده‌رده‌سه‌رى نه‌دیتبن؟! به‌لێ دا كو ده‌قێ یا بابه‌تى بیت، وه‌سا دده‌ینه خۆیاكرن، به‌لێ پشتى بۆرینا ده‌مى دێ هنده‌ك ئێلنجى ل هنده‌ك سازى و پۆستان دیار بن، ژبه‌ر كو بیاڤێ زانستى و بسپۆریێ مه‌رجه‌كێ سروشتى یه و ل هه‌مى جیهانێ ب گۆره‌یى ڤى مه‌رجى كار و ئه‌ركێن خوه دا پارڤه دكه‌ن، له‌ورا ئه‌ڤه چه‌ندین سالێن دویر و درێژ ب سه‌ر مه دا چوون، و گه‌له‌ك یێن گه‌هشتینه خه‌ون و هیڤیێن خوه، بلا ده‌لیڤێ بده‌نه سه‌رێن زانا و بسپۆر د بیاڤێ كارێ خوه دا، دا چو دابڕینێن ئه‌ستوونى و ئاسۆیى نه‌هێنه رویدان، خوه د ناڤا حزبێ ژى دا تایبه‌تمه‌ندیكرنا به‌ش و لقێن وێ ژى دڤێت جۆره‌كێ به‌حتیه‌تێ تێدا هه‌بیت، دا كو دلێ خه‌لكى خۆش ببیت، هه‌كه د شیانێ د حزبێ دا بیت هه‌ر تشتێ دڤێت بكه‌ت، و چه‌كۆچێ خه‌لكێ وێ چو زیانان نه‌گه‌هینیتێ بلا حسێبه‌كێ بۆ وژدانێ و بۆ خه‌لكێ هه‌ڤسوى ژى بكه‌ت ژ ده‌وروبه‌ران، چونكو حزب وه‌سا دهێنه زانین ئه‌و سینگێ مه‌زنه یێ بابینیێ یه یێ مله‌ت سه‌رێ ب ته‌نا دانیته سه‌ر وى سینگى و گلوگازنده و خواسته‌كا خوه دگه‌هینیتێ. گه‌له‌ك سه‌رێن پڕى زانین و شیان د ئیفلجكرینه، و گه‌له‌كێن به‌ره‌ڤاژى ژى لسه‌ر پۆستێن گرنگن ب قورخكارى خوه ب سه‌ر داداینه و حزب ژى ژبه‌ر باشیى و دلپێڤه‌برن هاتیه پاشگوهخستن.
راسته گه‌له‌ك كادر هه‌بووینه وه‌كو جۆكه‌رى بووینه هه‌ر كارێ دابایێ دا ئه‌نجامده‌ن، ئێك بوویه وه‌زیرێ په‌روه‌ردێ و پاشى بوویه وه‌زیرێ چاندنێ و پاشى پارێزگار و … هتد، دبیت هنیگى ئه‌و ده‌مه‌كێ پێدڤى بوو و كادرێن بسپۆر نه‌بووینه، به‌لێ نها قۆناغ هاتیه گوهۆرین، پارتى ژ وان حزبانه یا كو شه‌رم ژ ئه‌ندامێن خوه دكه‌ت و دلێ وێ یێ نازكه ناخوازیت دلێ كه‌سێ بهێلیت، هزر دكه‌ت به‌لكو ئه‌و كه‌سێن شاش ل خوه بزڤرن و ئه‌و ب خوه دروست ببن، به‌لێ دڤێت ژبیرا خوه نه‌به‌ت ژى كو باشیا زێده ژى دبیته خرابى!.
دهۆكێ د زێرى بهه‌لینن!
شێرزاد نایف
دلسۆزى ڤى سه‌رده‌مى یا ب زه‌حمه‌ت كه‌فتى، دبیت یا بوویه دو جۆر یا خومالى و یا ده‌ستكرد، ئه‌ڤێ چه‌ندێ دێ ل باژارێ دهۆكێ بینى، هه‌كه به‌راوریه‌كێ بكه‌ین، ژ هه‌مى رویه‌كى ڤه، دێ بینین بۆ به‌هرا قوربانیدانێ و پێكێشكرنا شه‌هیدان هه‌رده‌م ل پێشیێ یه و ب ناڤێ باژارێ شه‌هیدان هاتیه بناڤكرن، هه‌ر ژ شۆرشێن كه‌ڤن وه‌ره و هه‌تا ئه‌ڤرۆ ژى، هه‌لكه‌فتا ڤێ مژارێ ئه‌نجامێن ڤان هه‌لبژارتنایه یێن ڤێ دوماهیێ، و به‌رى چه‌ند هه‌یڤ و سالان ژى، به‌رى ئاماژێ ب ڤان ئه‌نجامان بده‌ین، بلا گه‌له‌ك دویر نه‌چین هه‌یڤا 11 و 12 و ژ سالا بۆرى، ده‌مێ به‌هرا هه‌رێما كوردستانێ هاتیه بڕین، و مووچه گیرۆ بووین ژ به‌ر سیاسه‌تا به‌غدا یا دژوار، سه‌ره‌راى هندێ كو دو مووچه لسه‌رئێك ب كارمه‌ندێن ئیراقێ ڤه هاتنه به‌خشین، مه دیتن خوه‌نیشادانێن پارێزگه‌هێن ناڤه‌راستا ئیراقێ و ل به‌غدایێ چاوا سه‌رێ خوه دخار، و ب وه شێوازێ ئازر یایى هاتنه جاده‌یان و گه‌فێن تیژ ل ده‌ستهه‌لاتا ئیراقێ دكرن، به‌لێ ل دهۆكێ و باژارێن هه‌رێمێ ژى، چاوا ب گیانه‌كێ تێگه‌هشتى و ره‌وشه‌نبیرى سه‌ره‌ده‌رى ل گه‌ل حوكمه‌تا خوه یا خه‌باتكه‌ر دكرن؟! چونكو خه‌لك و ده‌ستهه‌لات ب خوین و هه‌ستیكا گه‌هشتیه ڤى راده‌یێ ئازادیێ و پێگه‌هشتنێ، هه‌روه‌كو دو گه‌لێن ژێكجودانه ئیراق و كوردستان، ئه‌ڤه ئێكه یا خۆیایه ل ناڤا مه‌دا، لێ ب نێرینه‌كا گشتى و بیانى هه‌كه ته‌ماشه‌ى ڤێ به‌راوردیێ بهێته كرن، دبیت ب خشیمى بهێته لێنێرین، و خه‌لكێ دهۆكێ ژى ڤێ ئێكێ باش دزانیت، به‌لێ ئه‌وا د دلێ ڤى خه‌لكێ بریندار دا و ئه‌و هه‌یڤا هنگڤینى یا د ناڤبه‌را ده‌ستهه‌لاتێ و ملله‌تى دا، هێشتا یا شرینه، و ژێك تێرنه‌بووینه و نابن ژى! ئه‌و غایه‌ته یا د دلێ (یه‌عقوب) دا، ئه‌ڤجا دهۆك هه‌ڤالا ته‌نگاڤیایه، و جهێ باوه‌ریێ یه، دانده‌ها پێشمه‌رگه‌ى بوویه، خه‌ون ب هه‌بوونا ڤى كیانى ڤه دیتینه، مینا بابه‌كى به‌رێ خوه دده‌ته ده‌ستهه‌لاتا خوه، چو جاران یاخى ژى نه‌بوویه چونكو د ره‌وشێ دگه‌هیت و بێهنه‌كا فره‌هه و هه‌دار هه‌نه، دیرۆك ژى گرۆڤه‌یه لسه‌ر وان هێرش و پیلانگیریێن دوژمنان، له‌ورا ژى ئه‌ڤرۆ مه دیت بۆ رێژه‌یا پشكداریكرنێ ب ره‌نگه‌كێ گشتى یێ ره‌وشا ئیراقێ هه‌میێ ل پێشیا هه‌موو پارێزگه‌هێ، هه‌رێمێ و ئیراقێ بوویه، شه‌رم ژ خزمه‌تكرنێن بچویك دكه‌ت، دو جاده‌یان بۆ دهۆكێ دروست بكه‌ن، دێ رووبه‌رێن ده‌هان جاده‌یان بۆ پێشیا قوربانیدانێ ڤه چیت نه تنێ ب تڤه‌نگا خوه، به‌لكو ب ده‌نگێ خوه و وژدانا خوه ژى، هه‌رده‌م ژى بڕبڕیه‌كا حزبا خوه یا خه‌باتكه‌ر و شۆرشگێره و پارتى د ناڤا چاڤێ خوه دا پاراستیه و بلند راگرتیه ژ هێرشێن نه‌حه‌ز و دوژمنان، هێزا وێ ژ دینه‌مۆیا ڤه‌ژاندنا دلێ وێ یه و هه‌رده‌م بارزانى هێما و درووشمێ وێ یه و رۆژا وێ هه‌رده‌م یا زه‌ره له‌و هه‌ر گۆتیه سه‌ركه‌فتن یا مسۆگه‌ره!!.
نيشاندان
WP Facebook Auto Publish Powered By : XYZScripts.com