NO IORG
نووترين نووچه
Authors Posts by شیرزاد نایف

شیرزاد نایف

شیرزاد نایف
176 POSTS 0 COMMENTS

12

شێرزاد نایف
دلسۆزى ڤى سه‌رده‌مى یا ب زه‌حمه‌ت كه‌فتى، دبیت یا بوویه‌ دو جۆر یا خومالى و یا ده‌ستكرد، ئه‌ڤێ چه‌ندێ دێ ل باژارێ دهۆكێ بینى، هه‌كه‌ به‌راوریه‌كێ بكه‌ین، ژ هه‌مى رویه‌كى ڤه‌، دێ بینین بۆ به‌هرا قوربانیدانێ و پێكێشكرنا شه‌هیدان هه‌رده‌م ل پێشیێ یه‌ و ب ناڤێ باژارێ شه‌هیدان هاتیه‌ بناڤكرن، هه‌ر ژ شۆرشێن كه‌ڤن وه‌ره‌ و هه‌تا ئه‌ڤرۆ ژى، هه‌لكه‌فتا ڤێ مژارێ ئه‌نجامێن ڤان هه‌لبژارتنایه‌ یێن ڤێ دوماهیێ، و به‌رى چه‌ند هه‌یڤ و سالان ژى، به‌رى ئاماژێ ب ڤان ئه‌نجامان بده‌ین، بلا گه‌له‌ك دویر نه‌چین هه‌یڤا 11 و 12 و ژ سالا بۆرى، ده‌مێ به‌هرا هه‌رێما كوردستانێ هاتیه‌ بڕین، و مووچه‌ گیرۆ بووین ژ به‌ر سیاسه‌تا به‌غدا یا دژوار، سه‌ره‌راى هندێ كو دو مووچه‌ لسه‌رئێك ب كارمه‌ندێن ئیراقێ ڤه‌ هاتنه‌ به‌خشین، مه‌ دیتن خوه‌نیشادانێن پارێزگه‌هێن ناڤه‌راستا ئیراقێ و ل به‌غدایێ چاوا سه‌رێ خوه‌ دخار، و ب وه‌ شێوازێ ئازر یایى هاتنه‌ جاده‌یان و گه‌فێن تیژ ل ده‌ستهه‌لاتا ئیراقێ دكرن، به‌لێ ل دهۆكێ و باژارێن هه‌رێمێ ژى، چاوا ب گیانه‌كێ تێگه‌هشتى و ره‌وشه‌نبیرى سه‌ره‌ده‌رى ل گه‌ل حوكمه‌تا خوه‌ یا خه‌باتكه‌ر دكرن؟! چونكو خه‌لك و ده‌ستهه‌لات ب خوین و هه‌ستیكا گه‌هشتیه‌ ڤى راده‌یێ ئازادیێ و پێگه‌هشتنێ، هه‌روه‌كو دو گه‌لێن ژێكجودانه‌ ئیراق و كوردستان، ئه‌ڤه‌ ئێكه‌ یا خۆیایه‌ ل ناڤا مه‌دا، لێ ب نێرینه‌كا گشتى و بیانى هه‌كه‌ ته‌ماشه‌ى ڤێ به‌راوردیێ بهێته‌ كرن، دبیت ب خشیمى بهێته‌ لێنێرین، و خه‌لكێ دهۆكێ ژى ڤێ ئێكێ باش دزانیت، به‌لێ ئه‌وا د دلێ ڤى خه‌لكێ بریندار دا و ئه‌و هه‌یڤا هنگڤینى یا د ناڤبه‌را ده‌ستهه‌لاتێ و ملله‌تى دا، هێشتا یا شرینه‌، و ژێك تێرنه‌بووینه‌ و نابن ژى! ئه‌و غایه‌ته‌ یا د دلێ (یه‌عقوب) دا، ئه‌ڤجا دهۆك هه‌ڤالا ته‌نگاڤیایه‌، و جهێ باوه‌ریێ یه‌، دانده‌ها پێشمه‌رگه‌ى بوویه‌، خه‌ون ب هه‌بوونا ڤى كیانى ڤه‌ دیتینه‌، مینا بابه‌كى به‌رێ خوه‌ دده‌ته‌ ده‌ستهه‌لاتا خوه‌، چو جاران یاخى ژى نه‌بوویه‌ چونكو د ره‌وشێ دگه‌هیت و بێهنه‌كا فره‌هه‌ و هه‌دار هه‌نه‌، دیرۆك ژى گرۆڤه‌یه‌ لسه‌ر وان هێرش و پیلانگیریێن دوژمنان، له‌ورا ژى ئه‌ڤرۆ مه‌ دیت بۆ رێژه‌یا پشكداریكرنێ ب ره‌نگه‌كێ گشتى یێ ره‌وشا ئیراقێ هه‌میێ ل پێشیا هه‌موو پارێزگه‌هێ، هه‌رێمێ و ئیراقێ بوویه‌، شه‌رم ژ خزمه‌تكرنێن بچویك دكه‌ت، دو جاده‌یان بۆ دهۆكێ دروست بكه‌ن، دێ رووبه‌رێن ده‌هان جاده‌یان بۆ پێشیا قوربانیدانێ ڤه‌ چیت نه‌ تنێ ب تڤه‌نگا خوه‌، به‌لكو ب ده‌نگێ خوه‌ و وژدانا خوه‌ ژى، هه‌رده‌م ژى بڕبڕیه‌كا حزبا خوه‌ یا خه‌باتكه‌ر و شۆرشگێره‌ و پارتى د ناڤا چاڤێ خوه‌ دا پاراستیه‌ و بلند راگرتیه‌ ژ هێرشێن نه‌حه‌ز و دوژمنان، هێزا وێ ژ دینه‌مۆیا ڤه‌ژاندنا دلێ وێ یه‌ و هه‌رده‌م بارزانى هێما و درووشمێ وێ یه‌ و رۆژا وێ هه‌رده‌م یا زه‌ره‌ له‌و هه‌ر گۆتیه‌ سه‌ركه‌فتن یا مسۆگه‌ره‌!!.

21

شێرزاد نایف
باژاری مه‌ یێ بچووكه‌ لێ مرۆڤ لێ زۆر بووینه‌ و ئاڤاهیێن درێژ و لسه‌ر جاده‌یان ژى دكێمن، چونكو هه‌ر ژ كه‌ڤندا ده‌ستهه‌لاتێن ئیراقێ ژى چ بایه‌خه‌كێ باش نه‌دایه‌ ژێرخانه‌یا ئاڤاهیان له‌ورا مابوو مینا گونده‌كێ مه‌زن، راسته‌ كابینه‌یێن كوردى ته‌خسیری تێدا نه‌كریه‌ و ژ ڤى ده‌ستى بریه‌ ده‌ستێ دى، ب ئاڤه‌دانیكرنێ به‌لێ هێشتا نه‌گه‌هشتیه‌ وى ئاستێ پێدڤى ب به‌راوردى ل گه‌ل باژارێن ئیراقێ، پشتى مرۆڤ ل باژارى زۆر بووین و هه‌لبه‌ت ڤان هه‌مى مرۆڤان ژى نوونه‌رێن خوه‌ دڤێت ل نا سازیێن ده‌ستهه‌لاتداریێ و په‌رله‌مانان، به‌لێ ل ده‌مێن بانگه‌شه‌كرنێ، كاندیدێن باژارێ مه‌ پێدڤى ب دیواران دبن بۆ هه‌لاویستنا پۆسته‌ر و وێنه‌ و درووشمێن خوه‌، ژبه‌ر كێمیا هه‌بوونا دیوارێن رێكلامان و جهێن هه‌لاویستنێ، با و باڕۆڤه‌ شه‌ڕى ل گه‌ل وێنه‌یێن وان دكه‌ن، و چ تشته‌كى ل به‌ر خوه‌ ناهێلیت بۆ ماوه‌یێ هه‌یڤه‌كێ زه‌حمه‌ت ئه‌و لافیته‌ و رقعه‌ ددرهن و ئاسنى دشكێن، هه‌ر مه‌زاختنێ ژى پتر دكه‌ن ژ كاندیدێن باژارێن دیتر و هه‌روه‌سا ژى بانگه‌شه‌یا وان ژى تێكدچیت.. ئه‌ڤه‌ ژ لایه‌كى ڤه‌ و ژلایه‌كێ دى ڤه‌، ئه‌و جهێن بلند نینن وێنه‌یێن مه‌زن پێڤه‌ بكه‌ن كو ده‌ستێ خه‌لكه‌كێ نه‌ره‌وشه‌نبیر نه‌گه‌هیتێ بدڕوینن یان كرێت بكه‌ن، كو ئه‌و ب خوه‌ دیارده‌یه‌كا كرێته‌ دهێته‌ كرن ب مخابنى ڤه‌، هه‌ر چاوا بیت ئه‌ڤ جاره‌ باشتره‌ ژ جارێن به‌رى نها ژبه‌ر زێده‌بوونا ئاڤاهیان و هه‌ر وه‌سا ره‌وشا پشتى ده‌ركه‌فتنا ڤایرۆسێ كۆرۆنایێ و كاڕابوونا بیاڤێ ئونلاینێ د هه‌مى بیاڤان دا، باره‌كێ گران راكر لسه‌ر ملێن بانگه‌شه‌یا سه‌ر جاده‌یێ، یا من دڤێن بێژم و بگه‌هینم، ئه‌وه‌ كاندیدێن مه‌ یێن ده‌ڤه‌را مه‌ یێن به‌رێ كو هنده‌ك ژێ بووینه‌ په‌رله‌مانتار و هنده‌ك ژى نه‌، و یێن نها ژى گه‌له‌ك خه‌مێن نه‌بوونا زه‌مینه‌یا خۆش خوارینه‌ وه‌كو هه‌مى كاندیدێن جیهانێ، ژ به‌ر وێ فه‌رامۆشكرنا ده‌ستهه‌لاتێن ئیراقێ یێن ل دژى كوردان سیاسه‌تا ئاڤه‌دانیێ دكرن، كو دمه‌غدوربووینه‌ ژ هه‌ر لایه‌كى ڤه‌، خوه‌ ل ناڤا بازارێ گشتى ژى هه‌تا ڤان سالان چوو سیڤانده‌ نه‌بوون مرۆڤ ل ده‌مێ بارانان خوه‌ بده‌ته‌ به‌ر یانژى ل هه‌تاڤا هاڤینێ بچنه‌ به‌ر سیبه‌رێ یان لسه‌ر جادێ ئێڤاران و سپێده‌هیان تیشكا رۆژێ نه‌كه‌ڤیته‌ چاڤێ مرۆڤى. یا گرنگ ئه‌وه‌ ده‌ربارى ریكلاما كاندیدان دێ خۆشتر بیت و ئه‌و خه‌مێن وان خوارین ئه‌م سڤكتر لێ بكه‌ین، كو ئه‌م ژى د وان بگه‌هین و بزانین ئه‌و ژى ماندی بووینه‌ ب بانگه‌شه‌كرنا خوه‌ ڤه‌، هیڤی دكه‌ین بگه‌هنه‌ ئۆمێدێن خوه‌ و ژ كه‌یفێن سه‌ركه‌فتنێ دا هه‌مى خه‌مێن خوه‌ ژبیربكه‌ن یێن ئه‌ڤرۆ ل بانگه‌شێ دخۆن.!!.

64

شێرزاد نایف
ساناهیترین پرسیاره‌ بۆ هه‌ر كه‌سه‌كێ ب مه‌ژى، هه‌مى دێ بێژن درووشم، به‌لێ لسه‌ر جاده‌یێ وه‌نینه‌، وێنه‌ بۆ جڤاكێ مه‌ گرنگتره‌!!. به‌لێ ژبه‌ر خۆشى و نه‌رماتیا دیمۆكراسیه‌تێ یا ل به‌ر مرۆڤى به‌رزه‌بووى، ژبه‌ر وێ خۆشیێ و ساناهی پشكداریكرنێ د پرۆسه‌یا دیمۆكراسیێ دا، یا ب زه‌حمه‌تكه‌فتى شه‌كره‌كێ بخۆت!، مینا گوتارا جه‌نابێ سه‌رۆك نێچیرڤان بارزانى دوهى ل شێخان پێشكێشكری ب هه‌لكه‌فتا بانگه‌شه‌یا ره‌وا یا ڤان هه‌لبژارتنان، ده‌ما فه‌رمۆتى كو ژبه‌ر وێ باوه‌ریا هندا مه‌زن یا پارتى ب خوه‌ هه‌یى، ئاریشه‌ ژ وێ باوه‌ریا مه‌زن بۆ په‌یدا دبن، ئه‌ڤجا ده‌مێ حزبه‌ك كاندیدێن خوه‌ پێشكێش دكه‌ت و رێیێ ل به‌ر وان ساناهى دكه‌ت بۆ بانگه‌شه‌كرنێ، دڤێت كاندید و هێز و شاره‌زاهیا خوه‌ بزانیت چاوا بانگه‌شیا خوه‌ بكه‌ت و په‌یاما خوه‌ بگه‌هینیته‌ خه‌لكى، ئه‌ڤه‌ ژى دمینیته‌ سه‌ر شێوازێ وێ ریكلامێ و ته‌رویجا كه‌ساتیا خوه‌ بۆ خه‌لكى دكه‌ت، ل دویڤ شێوازێن ده‌روونى، چاوا چاڤ و دلێن خه‌لكى بۆ خوه‌ رابكێشیت،كو ده‌نگان بۆ خوه‌ بده‌ستڤه‌بینیت، دڤێت كاندید ژ خه‌لكى شاره‌زاتر بیت د هه‌مى بیاڤێن ژیانێ دا، بزانیت ل كیش خالا لاواز بده‌ت د دلێ خه‌لكى دا كو دلۆڤانیا وان بده‌ستخوه‌ڤه‌ بینیت، ئه‌و ژى ب دو جۆران دهێته‌ پۆلینكرن ب دیتنا من: ئێك. ب دانا پاره‌یى و رازیكرن ب دیاریان و سۆزێن جه‌سته‌یى. دو. ب گۆتنێن خۆش و دلڤه‌كه‌ر (بلا دخاپینۆك ژى بن) چونكو پره‌نسیپه‌كێ سه‌ربازى هه‌یه‌ دبێژیت (شه‌ڕ خاپاندنه‌) نه‌مازه‌ هه‌لبژارتن ژى جۆره‌كێ شه‌ڕى یه‌، بۆ میناك جاره‌كێ كاندیده‌كێ ڤى باژارى هاتبوو فه‌رمانگه‌هه‌كا مه‌، پتریا ئه‌ندام و كارمه‌ندان نیگه‌رانیا خوه‌ ژ وى كاندیدى دیاردكرن و كه‌ربا خوه‌ ده‌ردئێخست ب به‌هانه‌كێ و ئێكا دى كو ئه‌و نه‌خۆش كه‌ساتیه‌ یان دیرۆكا وى یا پاقژ نینه‌، و دڤیان بره‌ڤن ژ سمینارا وى، به‌لێ پشتى سمینارا خوه‌ پێشكێشكریى و ب وێ قه‌به‌یا خوه‌، هه‌مى كه‌سێن نه‌رازى بێده‌نگ كرن و چاڤێن وان هاتنه‌ شكاندن ب وان گوتنێن خوش و مۆزیكا په‌یڤینا خوه‌، ل دۆر وان زڤرى، و هێدى هێدى ده‌ركه‌فته‌ سه‌ر شاشه‌یێن تلفزیۆنان و خوه‌ لسه‌ر كیستێ كاندیدێن حزبێن دى قژ و قه‌به‌كر گه‌هشته‌ وى راده‌یى ئێدى وان كارمه‌ندان شه‌ڕ بۆ وى دكرن یێن كو دوهى ره‌خنه‌ لێدگرتن!!. به‌لێ ب گشتى دیاره‌ نه‌مایشكرنا درووشم و مانشێتێن كاندیدان ل ده‌ڤه‌را مه‌ نه‌ دگرنگن ته‌مه‌تى وێنه‌یێن سه‌روچاڤان!! خه‌لك سه‌حدكه‌نه‌ وێنه‌ى پتر ژ درووشم و په‌یڤ و په‌یامان، كێم درووشم من دیتینه‌ ل سه‌ر پۆسته‌رێن كاندیدان هاتبنه‌ دانان!، وه‌ك رۆتین هه‌ما وێنه‌كێ ته‌یساندى ب فلته‌ران و هه‌ژمارا وى وه‌كو كاغه‌زێن ته‌پاسان و كۆمكانێ، هه‌كه‌ نه‌ دا خه‌لك ل درووشمى گه‌رهن، وه‌كو دى ژى نائێته‌ ئینكاركرن كو حزبێن كاندیدان ته‌خسیریێ ناكه‌ن بۆ نیشادانا درووشمێن خوه‌، نه‌مازه‌ پارتى دیمۆكراتى كوردستان، چونكو حزبه‌كا مه‌زنتره‌ ژ ڤان هه‌لسه‌نگاندنان، به‌لێ حزب نارابیت بۆ كاندیدان ژى درووشمان دابنیت و ل شینا وان ژى بپه‌یڤیت، دڤێت ئه‌و ژى لڤینه‌كێ بكه‌ن هارى حزبا خوه‌ بكه‌ه‌ن ئیدارا خوه‌ هه‌بیت, سیاسه‌تا خوه‌ هه‌بیت، دڤێت ئه‌وژى د ڤى بیاڤى هارى حزبا خوه‌ بكه‌ن و خودێ ژى دبێژیت ژ ته‌ حه‌ركه‌ت و ژ من به‌ره‌كه‌ت؟!
ب دیتنا من هه‌كه‌ به‌رى كاندید بكه‌ڤنه‌ بانگه‌شێ یان عه‌ره‌فاتێن هه‌لبژارتنان (بلا بیت)، وه‌لاتێن بیانى بلا ببینن و بانگه‌شه‌یێن وان ببینن مفایى بۆ خوه‌ ژ ئه‌زمۆنا وان وه‌ربگرن دا سوبه‌هى ل په‌رله‌مانى ژى رۆله‌كێ ب سه‌ربۆر هه‌بیت!!

7

شێرزاد نایف
ده‌ما كو پشتى ریفراندۆمێ هێرشا ئیراقى (بلا بیت) هاتیه‌ سه‌ر ئه‌ردێن مه‌ یێن هه‌رێما كوردستانێ و ب تایبه‌ت ل ده‌ڤه‌را سحێلا، كو ئه‌م ژى هینگى ئێك ژ وان پێشمه‌رگا بووین یێن د ناڤ دا، سه‌رۆك مسعود بارزانى ل وان گاڤان ب خوه‌ هاتبوو وێ ده‌ڤه‌رێ و ب كه‌ساتیا خوه‌ راسته‌وخوه‌ سه‌رپه‌رشتى لێ دكر و ژدل ملێ خوه‌ دابوو به‌ر وى شه‌ڕێ به‌رهنگاریبوونێ، ب كوڕێن خوه‌ ڤه‌ ل سه‌نگه‌ران بوون، مینا هه‌مى جاران، چونكو مه‌ترسیا چاره‌نڤیسێ وێ هێرشا توند دزانى و راسپارده‌یێن سه‌ربازى ددانه‌ پێشمه‌رگێ میحوه‌رێ رۆژئاڤایێ دیجله‌، هه‌مى خه‌مخۆرى و رژدیا وى ل سه‌ر وێ ئێكێ بووكو ده‌مێ گوتێ: دڤێت شه‌ڕێ مانونه‌مانێ بكه‌ن، و پشتى شه‌ڕ بدوماهى هاتى و خه‌ونێن دوژمنان بسه‌رنه‌كه‌فتین، مزگینیا سه‌ركه‌فتنێ گه‌هشتى ب قه‌نجیا خوونا شه‌هیدێن پێشمه‌رگێ كوردستانێ، شنیكا ئه‌وا د دلێ سه‌رۆكى دا بۆ مه‌ پێشمه‌رگه‌ى ئاشكرا بوو، و دلێ خوه‌ بۆ مه‌ ڤه‌كر كا ئه‌وى چ هزر دكرن، به‌رییا وێ خۆراگریا هندا مه‌زن و یا كو نه‌هێته‌ وه‌سفكرن، وى ل مه‌ نه‌ڤه‌شارت، كو ئه‌و د دلێ خوه‌ دا نه‌یێ ئارام بوو، یێ دودل بوو، ده‌مێ پێشمه‌رگێ نفشێ نوى یێ ئه‌ڤرۆ دیتى، یێن ل ژیه‌كێ بچویك، كا دێ چاوا شه‌ڕى كه‌ن، گه‌نجێن ڤى سه‌رده‌مێ نووى یێ مۆبایلێ و ئه‌نترنێتێ و هند شه‌ڕێن مه‌زن نه‌دیتین، مینا باب و باپیرێن خوه‌، د دلێ خوه‌ دا دگۆت، كانێ پێشمه‌رگێ جاران یێ ئیلۆن و گولانێ، خودانێن برنۆیێ و ئنگلیزیێ و جه‌مه‌دانیى؟َ! كو سه‌ركرده‌یێ نه‌مر مسته‌فا بارزانى پشتبه‌ستنا خوه‌ لێ دكر، تانك و ده‌بابه‌یێن دوژمنان دسۆتن و له‌شكرێن ده‌وله‌تان دشكاندن، مینا حسۆیێ دۆله‌مه‌رى، عیسێ سوار، ئه‌سعه‌دێ خۆشه‌ڤى و…هتد. نه‌كو ئه‌ڤ گه‌نجه‌ نه‌شێن خوه‌ ل به‌ر سینگێ ڤان دوژمنێن زلهێز بگرن، لێ ته‌وه‌كلى دكر، ئینا پشتى شه‌ڕى بدوماهى هاتى و دیتیى هه‌مان خوه‌راگریا بابوباپیران بوو و به‌لكو گه‌رمتر ژى بوو، هینگى هاته‌ بیرا وى و گۆتى راسته‌ دبێژن كورێن شێران هه‌ر شێرن…!!، ئه‌ڤجا هینگى رۆندكان خوه‌ د چاڤێن هه‌مى ئه‌فسه‌ر و پێشمه‌رگان هاڤێت ژ وێ وه‌سفا سه‌ركردێ كوردستانێ كرى ژ كه‌یف و چیژا سه‌ركه‌فتنێ، كو هه‌كه‌ هاتبا و دوژمنى ئه‌م شكاندباینه‌، دا چاره‌نڤیسه‌كێ گه‌له‌كێ خراب بیت بۆ مه‌. له‌ورا هنگڤینێ خومالى ئه‌ڤ میناكه‌یه‌ كو چو جاران خراب نابیت!!.ئه‌ڤ مانشێتێ مه‌یێ كو ل سه‌رى هاتى یێ كو بوویه‌ درووشمێ خه‌لكه‌كێ لایه‌نگیرى حزبان وان ل سه‌ر تۆرێن میدیا سۆشیالێ پشتى دو هه‌ڤالێن كاندید د دیداره‌كێ دا بانگه‌شیا خوه‌ دكرن كو ده‌نگێن وان دخومالینه‌!! من ژى وه‌كو نڤیسه‌ره‌كێ پێشمه‌رگه‌ ڤیا ئه‌ز ژى ده‌نگێ خوه‌ بگه‌هینمه‌ وان ئه‌ز ژى ب كاندیدێ خوه‌ ڤه‌، هنگڤینێ خوه‌ بدانمه‌ به‌ر سینگى و بێژم ئه‌ڤه‌ ژى هنگڤینێ من بوو و كه‌س نابێژیت ماستێ من یێ ترشه‌! یانژى هه‌كه‌ تو بێژى هنگڤینێ من یێ خومالى یه‌، پا دیاره‌ ئه‌ز یێ ژ به‌ر په‌زى هاتیم و یێ من شه‌كره‌؟!!.

5

شێرزاد نایف
هه‌كه‌ تو بچیه‌ جهه‌كێ پڕى ناكۆكى و كه‌س ئه‌زمانێ كه‌سێ تێنه‌گه‌هیت، هینگى بێده‌نگى و لێبۆرین هێزا ته‌ دده‌ته‌ دیاركرن، هه‌كه‌ تو بزانى زمانێ ئاژاوێ چ پێڤه‌ ناهێت، بێده‌نگى هه‌تا راده‌یه‌كى چاره‌سه‌رى یه‌، دبێژن هه‌كه‌ ته‌ دیت تویێ كه‌فتیه‌ د كورته‌كێ دا، پێنگاڤا ئێكێ یا چه‌ره‌سه‌ریێ ئه‌وه‌، ئێدى براوه‌ستى ژ كۆلانێ! ئه‌ڤجا مه‌نتق دبێژیت ئێكرێزى مه‌رجه‌، په‌رت و به‌لاڤبوونا مه‌ هێزا به‌ڤلێ مه‌یه‌، باوه‌ركه‌ن چه‌ند ئه‌م ل گه‌ل ئێك د خراب ببین هنده‌ د خراب نابین ل هه‌مبه‌رى یێ بیانى، یێ كو ل به‌ر خالێن مه‌ یێن لاواز و ده‌رزێن مه‌ راوه‌ستیایى یه‌، نوونه‌رێ مه‌زن نوونه‌رێ مله‌ته‌كێ مه‌زنه‌، دێ گه‌له‌كا جوان بیت ئه‌و به‌ربژارێن كورد یێن ئه‌ڤرۆ ل ناڤ ئه‌ردێ هه‌رێمێ به‌ربووینه‌ ئێك ژ ئه‌گه‌را مژاره‌كا كه‌ڤن كو مایه‌ هه‌لاویستى ل شوینا كو ل چاره‌سه‌ریێ بگه‌ریێن به‌ربنه‌ ئێكودو، دێ یا جوان بیت هه‌كه‌ تشته‌كى بكه‌ن به‌ره‌ڤاژى خه‌ونێن نه‌حه‌زان دوژمنێن مله‌تێ كورد به‌ڤلێن كوردان، كو بچنه‌ سه‌روستویێن ئێك و كه‌یفا خه‌لكێ بیانى ب مه‌ نه‌ئینن، هه‌ر چاوا بیت ئه‌م كورد پێكڤه‌ دجوانین، سه‌رۆك مسعود بارزانى نیشا مه‌ دایه‌ كو گیانێ تۆلڤه‌كرنێ ده‌ربێخین ژ دلێن خوه‌، ئه‌م خوه‌ پێشبێخین ل جاتى كو كه‌ربوكینێ بحه‌بینین، له‌ورا بلا پێكڤه‌ دجوان بین، ماده‌م كو حزبا مه‌ یا پارتى دیمۆكراتى كوردستان ب هێزترین حزبه‌ ل ئیراقێ بلا ئه‌و ده‌ستكه‌فتێ هه‌رى مه‌زن بۆ مه‌ بمینیت، هه‌كه‌ هاتو حزبێن دیتر ژى ملێ دانا ب ره‌خ ملێ پارتى ڤه‌، ئه‌و هێز دێ بیته‌ په‌رژانه‌كێ هه‌رى ب هێز كو چو لایه‌ن و وه‌لاتێن مه‌زن ژى نه‌وێرین خوه‌ ل هێلا سۆرا كوردایه‌تیێ بده‌ن، ئه‌ڤ حزبه‌ ژى (پارتى) ب گیانێ لێبۆرینێ و ب سینگێ خوه‌یێ به‌رفه‌ره مه‌زن بوویه‌ و خوینا شه‌هیدێن مه‌ برایێ من و برایێ ته‌ بابوباپیرێن مه‌ ملێ خوه‌ دایه‌ به‌ر كو ئه‌ڤ حزبه‌ ببیته‌ ده‌ستكه‌فته‌ك هندێ مه‌زن كو ب ساناهى نه‌كه‌ڤیت ب دروستاهى ژى مینا داربه‌ڕیێ یه‌ نه‌ ب سۆتنێ و نه‌ ب بڕینێ وندا دبیت، له‌ورا گه‌لى به‌ربژارێن كورد چو پارتى و نه‌پارتى ڤێك بكه‌ن و ببنه‌ ئێك هێز و ئێك مال ل ڤێرێ و هه‌رنه‌ وێرێ ببنه‌ ئێك ده‌ست و دل بۆ مه‌ ئه‌نجام و مزگینێن خۆش راگه‌هینن.

14

شێرزاد نایف
پشتى ده‌سپێكرنا بوهارا ئه‌ره‌بى یا جاران ل دووماهیا سالا 2010، گه‌له‌ك وه‌لاتێن ئه‌ره‌بى كه‌فتنه‌ د كاروانێ رۆخیانێ دا، دوور ژ پرسگێركا ئیراقێ كو بوهارا وێ ژ یا وان نێزیكتر بوو و پێستركه‌ك ببوو كو ئه‌و ژى ل شۆپا وێ برۆخن حه‌تا راده‌یه‌كى ب شێوه‌یه‌كى بۆ ئێكێ دیتر، یا گرنگ مژارا وان دوورتره‌ ژ یا ئیراقێ، به‌لێ میناكه‌ك ژ وه‌لاتێن كه‌فتینه‌ به‌ر پێلا بوهارا ئه‌ره‌بى كۆمارا مسرا ئه‌ره‌بى بوو، لێ پشتى ڤان شۆرشان سه‌رگرتین، ره‌وشه‌كا ئالۆز ب سه‌ر گه‌لێن وان داهاتن، و زوى ب زوى ده‌ستهه‌لاتێن وان یێن نوى جهێ خوه‌ نه‌گرتن، لێ هه‌روه‌كو مه‌ دیتى كو جوانترین شۆرشێن بوهارا ئه‌ره‌بى یا مسرێ بوو، هه‌كه‌ بێژین ژلایه‌نێ ئه‌وله‌هیێ ڤه‌، چونكو ل ده‌ستپێكا هه‌مى بیاڤان ئه‌وه‌، شیان ره‌وشێ كونترۆل بكه‌ن و ئاژاوێ گه‌له‌ك نه‌ڤه‌كێشا، دوور ژ مژارا لێكوگوهارتنا جۆرێن ده‌ستهه‌لاتێ ژ یێ ئیخوانان بۆ یێ نیمچه‌ سه‌ربازى كو ژ مورسى بۆ سیسى، ئه‌گه‌رێن خوه‌ یێن بابه‌تى هه‌بوون، ئه‌ڤجا ئه‌م ل گه‌ل وان هه‌مى وه‌لاتان به‌راورد ناكه‌ین، یا گرنگ بۆ مه‌ ئیراقه‌، بۆچى وه‌كو مسرێ لێ نه‌هات كو زوى بسه‌ره‌كى بكه‌ڤیت؟
فاكته‌رێ ئێكێ یێ جوگرافى یه‌، مسرێ جهه‌كێ ستراتجیى یێ گرنگ هه‌یه‌ و ئابوورێ وێ دڤێت هه‌ر د وه‌رارێ دا بیت و هه‌مى دونیایێ په‌یوه‌ندیێن راسته‌وخوه‌ ل گه‌ل هه‌نه‌ و رێكا پارچه‌یا سه‌رێ جیهانێ ب بنێ جیهانێ ڤه‌ گرێدده‌ت. ژبه‌ر ده‌ریا سپى یا ناڤه‌راست و گرێدانا وێ ب ده‌ریا سۆر ڤه‌ ب رێیا ده‌رته‌نگێ سوێس یێ گه‌میڤانیێ ڤه‌، و هه‌رسێ كێشوه‌ران پێكڤه‌ گرێدده‌ت، ئاسیا و ئه‌ورۆپا و ئه‌فریقیا ل سه‌ر ئه‌رد. به‌لێ جهێ ئیراقێ ب تنێ ئێك ده‌رگه‌هێ ئاڤى یێ بچویك هه‌یه‌ ئه‌و ژى به‌نده‌رێ فاوه‌ ل سه‌ر ئاڤا كه‌نداڤى هه‌مى ره‌خێن وێ وه‌لاتێن ئاگرینن!!، و ژبه‌ر سیاسه‌تێن رژێما رۆخیا پرانیا وه‌لاتان كرینه‌ دوژمن و هاتیه‌ دۆرپێچكرن. تایبه‌ت ئیران كو هێشتا برینێن وێ یێن شه‌رێ حه‌فت سالى دنالن و ساخ نه‌بووینه‌.
فاكته‌رێ دویێ، هه‌بوونا سامانه‌كێ به‌شه‌رى یێ ب هێز كو ئه‌و ژى له‌شكرێ مسرى یه‌، له‌شكرێ وان نه‌رۆخیا گه‌لێ مسرێ خوه‌ ب وى له‌شكرى ڤه‌گرت، ئێكسه‌ر وه‌كو سازیه‌كا به‌رهه‌ڤ، هه‌مى داموده‌زگه‌هێن ده‌وله‌تێ راگرتن، و مه‌دیت وه‌زیرێ به‌رگریا مسرى موشیر. محه‌مه‌د حسێن ته‌نتاوى چاوا سه‌ره‌دانا مه‌یدانا ته‌حریر ل قاهیره‌ كر ل ناڤا خوه‌نیشاده‌ران وه‌كو سه‌رۆكه‌كى هاته‌ پێشوازیكرن، و تانك و ده‌بابه‌یێن وان ل ناڤا جادده‌یان دا، چه‌ند ڤیانه‌كا موكم د ناڤبه‌را له‌شكرى و هه‌ڤوه‌لاتیان دا هه‌بوو. سه‌ربۆره‌كا سه‌ركه‌فتى بوو، جهێ خۆشحالیا هه‌مى جیهانى بوو. لێ له‌شكرێ ئیراقى هاتبوو پووچه‌لكرن ژ لایێ هێزێن هه‌ڤپه‌یمانان ڤه‌ و ژێرخانا وێ یا به‌شه‌رى و یا مادى ل كێمیێ دایه‌ ناخێ وێ لاوازكریه‌. ئێدى كه‌س نه‌شێت كونترۆل بكه‌ت، ژبه‌ر به‌ربه‌لاڤبوونا میلیشیێن جۆروجۆر. هه‌ر دیسا نێزیكبوونا ئیراقێ ژ ڤى كوژیێ جیهانێ یێ هشكباوه‌ریى لێ به‌ربه‌لاڤ و هنده‌ك حزبێن ئیسلاما سیاسى و ئیران ب ره‌خ ڤه‌، و ل سه‌ر دا ژى ئه‌ڤغانستان، و بنگه‌هێ تیرۆرا جیهانێ ئه‌لقاعیده‌ و ل دویڤدا ژى نوسره‌ و یێن وه‌كو وێ حه‌تا كو گه‌هشتیه‌ داعش و خویشكێن وێ. به‌لێ مسرێ چو هه‌ڤسویێن ب وى ره‌نگى نه‌بوون. ژ هه‌ردو ره‌خێن خوه‌ ڤه‌ یێ باكۆر و یێ رۆژئاڤا ڤه‌ هه‌مى ئاڤ بوو.. و د بن دا ژى وه‌لاتێن ئه‌فریقى یێن ژبرسان دا دنالن، و ل نیڤێ ژى رووبارێ درێژى نیلى پارچه‌یێن مسرێ دپارێزیت ژ مایتێكرنێن توندره‌و.
3ـ فاكته‌رێ جڤاكى و ره‌وشه‌نبیرى و شارستانى ژى گه‌لێ مسرێ دده‌ته‌ ناسین و ب لاندكا شارستانى و ئایینان دهێنه‌ ناسین، نابێژم ژ گه‌لێ ئیراقێ باشتره‌ به‌لێ باندۆرێن هزرێن توندوتیژیێ و تائیفه‌یێن جۆره‌ و جۆر ل سه‌ر دكاریگه‌رن و جۆره‌كێ مه‌زنكرنا ئایدیان دده‌نێ. كو حه‌زا تۆلڤه‌كرنێ و ته‌نازول نه‌كرنێ.. زێده‌بارى وى مێشكى سه‌ربازى و دكتاتۆرى وگیانێ تۆلڤه‌كرنێ یێ رژێمێن ل دویڤ ئێك د سه‌رێ خه‌لكى دا چاندى و په‌روه‌رده‌كرى. دبیت نه‌گونه‌ها هه‌ڤوه‌لاتیان بیت.
هه‌كه‌ وه‌نه‌بیت ژى ئه‌م یێن دبینین مسر چاوا ژ لایێ ئاسایشێ ڤه‌ ب ده‌سته‌كێ پوولایى كونترۆل ل سه‌ر كری، به‌لێ ئیراقێ هێشتا له‌شكره‌كێ نشتیمانى نینه‌.

8

شێرزاد نایف
قۆناغێن پێشڤه‌چوونا په‌یوه‌ندیێن هه‌رێما كوردستانا ئیراقێ ل گه‌ل فره‌نسا رۆژ بۆ رۆژ گه‌شه‌ترن و جهێ كه‌ربوكینا دوژمنێن ڤه‌شارتى یێن كوردانه‌، چونكو رێیه‌كا سه‌ركه‌فتى یه‌ ب وى جۆرێ تێگه‌هشتنێ ل گه‌ل وه‌لاته‌كێ هه‌موو دونیا دزانیت یێ نه‌زیهه‌ و خاپاندن و زه‌غه‌لى و موئامه‌ره‌ د فه‌رهه‌نگا وى دا نینن، دیرۆكه‌كا سپى و سه‌ركه‌فتى هه‌یه‌، یاریێ پاقژ دكه‌ت، ب زه‌لامینى شه‌ڕى دكه‌ت، وه‌لاته‌كه‌ شه‌رم ژ خوه‌ دكه‌ت، هێمایێن وێ دونیا هه‌ژاندى یه‌ ب ناڤێ خوه‌ یێ بژاره‌ و تو باوه‌ردكه‌ى نه‌ڤیێن وان خیانه‌تێ ل كوردێن سته‌ملێكرى بكه‌ن، نه‌ڤیێ ناپلیۆن پۆناپه‌رت، ڤۆلتێر، دیكارت، جان جاك رۆسۆ، سارته‌ر، فۆگۆ.. هتد. فاكته‌رێ خرابناك د سه‌رده‌ریكرنێ دا نینه‌، دۆستاتیا دروست دكه‌ن، بۆ نموونه‌ هه‌كه‌ وه‌لاته‌كێ هه‌ڤدوژ ل گه‌ل كوردان په‌نایا پرۆتۆكۆلێن موئامه‌راتى ببنه‌ فره‌نسا، چه‌ندى به‌رژه‌وه‌ندیا وان یا ب بها بیت، خیانه‌تێ ناكه‌ن، وه‌كو گه‌له‌ك رێككه‌فتن و موئامه‌رات ل سه‌ر سه‌رێ كوردان هاتینه‌ كرن، له‌ورا ژى ئه‌ڤ جۆرێ په‌یوه‌ندیان ژى یێ كو كه‌سێ نێچیرڤان بارزانى ژێ گرتى و ل سه‌رێ لیستا ئه‌جینده‌یێن په‌یوه‌ندیێن سیاسى دانایى، فه‌رنسا بوویه‌ و ئه‌ڤ په‌یوه‌ندیانه‌ د چه‌ندین قۆناغان ده‌ربازبووینه‌، هه‌روه‌كو ل مانشێتى مه‌ كرینه‌ لێڤڵێن سه‌ركه‌فتنێ.
چونكو هه‌رده‌م فره‌نسا ئێكه‌م وه‌لات بوویه‌ د هاوارا كوردان دهێت ل ده‌مێن به‌رته‌گیان و نه‌خۆشیان، ل ده‌سپێكێ ب قۆناغا پاراستنێ و سه‌میانبوونێ بوویه‌، ل سه‌رهلدانا 1991 بگره‌ فه‌رنسایا (فرانسۆا میتران) بۆ پاراستنا كوردان ل ئیراقێ ب ره‌نگه‌كێ فه‌رمى ب رێیا جڤاتا ئێمناهیا نیڤده‌ولى و په‌سنینا بریارا 688 ل 5 نیسانا 1991، به‌رێ بنیاتێ قانوونى ده‌ولى بوو، ژبۆ قه‌ده‌غه‌كرنا فرینا ئیراقى، ب هه‌ماهه‌نگى ل گه‌ل برتیانیا و ئه‌مریكا، پاراستن ب ڤى ره‌نگى بۆ هه‌رێما كوردستانێ دابینكر، ل گۆر وێ ئێكێ ژى ژیرخانا كیانێ كوردى ده‌سپێكر، ب شه‌رعیه‌تا ده‌ستوورى ل ئیراقا پشتى سه‌دام ل 2005. رۆلێ دانیال میته‌ران ژى هند یێ به‌رز بوویه‌ ب ناڤێ دۆستا گه‌لێ كورد هاتیه‌ ناڤداركرن.
ئه‌ڤ سه‌متا فره‌نسا به‌رده‌وام بوو ل گه‌ل مه‌ كوردان و ل قۆناغه‌كا هه‌ستیار و مه‌ترسیدارتر ژى دیاربووڤه‌ ل ده‌مێ هێرشا داعش سالا 2014 و هه‌روه‌سا هێرشا حه‌شدا شه‌عبى ژى پشتى پرۆسا ریفراندۆمێ ل چریا ئێك سالا 2017 ل سه‌رده‌مێ سه‌رۆكێ وێ فره‌نسۆا هۆلاند و سه‌ره‌دانا وى بۆ هه‌ولێرێ و به‌ره‌یێن شه‌ڕى ل گه‌ل سه‌رۆك مسعود بارزانى ده‌مێ په‌یوه‌ندیا ته‌لفۆنى هاتیه‌ ئه‌نجامدان، هاتنا وى گه‌له‌ك به‌لانسێن مه‌زن گوهۆرین بۆ دوورخستنا مایتێكرنێن ده‌ولى ب به‌هانه‌یێن داعش و شه‌رێ سووریا و ناكۆكیێن د ناڤبه‌را رۆسیا و توركیا دا، دوور نه‌بوو ئه‌م ژى هاتباینه‌ دۆراندن، دیاركر كو هه‌رێم نه‌یا بێخودانه‌ و هنده‌ك وه‌لات هه‌نه‌ پشتا راستیێ و مه‌زلۆمان دگرن!!. ئه‌ڤجا ئه‌ڤ مژاره‌ ژ بیاڤێ مرۆڤاتى بوو یێ سیاسى و پرۆتۆكۆلى و ئابوورى و ئێمناهى و…هتد.
ل دووڤرا ژى و پشتى سه‌رده‌مى وى سه‌رۆكى، سه‌رده‌مێ ماكرۆنى هات، ئه‌و ژى به‌رده‌وام بوو ل گه‌ل هه‌رێمێ و د قۆناغا هه‌ستیار و چاره‌نیڤساز دا ژى ل مه‌ بوو خودان ل ده‌مێ قه‌یرانا ئابوورى ل سه‌ر حه‌فكا مه‌ شدیایى و بێهنا هه‌ڤوه‌لاتیان ته‌نگبوویى وحوكمه‌ت كه‌فتیه‌ دده‌راڤێ نه‌خۆش دا و ململانا پتریا ده‌وله‌تان ل گه‌ل هه‌رێمێ گه‌هشتیێ لۆتكێ، سه‌رۆكێ حوكمه‌تا ئیراقێ حه‌یده‌ر ئه‌لعه‌بادى دڤیا دانپێدانێ ب هه‌رێمێ نه‌كه‌ت ب گه‌ل و حوكمه‌ت ڤه‌، به‌لێ ماكرۆنى پیشوازیا نێچیرڤان بارزانى كر و دیسا په‌یاما فره‌نسا یا ب هێز گه‌هشته‌ هه‌مى لایه‌نێن زلهێز وه‌كو سه‌رۆكه‌كێ وه‌لاته‌كێ مه‌زن مه‌حفیرێ سۆر بۆ سه‌رۆكێ حوكمه‌تا هه‌رێمێ دانا.. ئه‌و لێڤلێ سه‌خت ژى ده‌ربازكر، ب راستى دڤێت ئه‌و قه‌نجى ببیته‌ دیرۆكه‌كا شه‌نگدار د ناڤ به‌رپه‌رێن كوردینێ دا!.
له‌ورا ژى ب گه‌رمى و ل ده‌مێن گونجاى جاره‌كا دى پێشوازى ل سه‌رۆك و رێبه‌رێن هه‌رێما كوردستانێ دهێته‌كرن، د گه‌ل دا كۆمدبن. ب هیڤیا لێڤلێن بلندتر و بلندتر.

15

شێرزاد نایف
نه‌خۆشترین ده‌نگێ تراژیدیك ز ه‌نگا خوه‌ ل سه‌رێ مرۆڤى دده‌ت و مرۆڤى دكوژیت، ده‌نگێ ئامیره‌یێ نووچێكرى یه‌ یێ هه‌ناسه‌كرنا ده‌ستكرد (cpapi)، كو وه‌كو چاڤدێریه‌كا چڕ دكه‌ت، بۆ نه‌خۆشێن بێنته‌نگیێ بارا پتر هاتیه‌ ئافراندن و به‌ربه‌لاڤ بوویه‌ پشتى به‌لاڤبوونا په‌تایا كۆرۆنایێ ل سه‌رانسه‌رى جیهانى، جاران پشكێن جودا هه‌بوون یێن چاڤدێریكرنا چڕ، (إنعاش) و نها ژى هه‌تا راده‌یه‌كى، به‌لێ ئه‌ڤ ئامیره‌یێ گه‌رۆك كو ئۆكسجینا فۆل و یا ئێكسه‌ر دده‌ت دكارین بێژینێ (ئینعاشه‌كا گه‌رۆك)، گه‌له‌كێ ب هێزه‌ خوه‌ دهاڤێته‌ ناڤ سیهێن مرۆڤى و هاریكاریا هه‌ناسه‌كرنێ دكه‌ت، ماسكێ زى ب هێز دهێته‌ شداندن ل سه‌ر ده‌ڤ و دفنێ، هه‌ر چه‌نده‌ دبیت باندۆرێن لایه‌نى هه‌بن ل سه‌ر ساخله‌میا مرۆڤى به‌لێ ژ نه‌چارى و بۆ قورتالكرن ژ مرنێ دهێته‌ گرێدان، هینگى دهێته‌ گرێدان ده‌مێ ئامیره‌یێ ئۆكسجینى دگه‌هیته‌ بلندترین راده‌یێ خوه‌، نه‌چار دبن سى پا پى گرێدده‌ن، هه‌لبه‌ت گرێدانا گه‌له‌ك ئامیره‌یان دبیته‌ بارگرانى ل سه‌ر كارگه‌ها به‌رهه‌میئینانا ئۆكسجینى، و ژماره‌كا ده‌ستنیشانكرى هه‌یه‌ بۆ هه‌مى پارێزگه‌هێ، راسته‌ ئامیره‌كێ زۆرێ پێشكه‌فتى یه‌ و یێ زیره‌كه‌ و ب هونه‌ر دهێته‌ گرێدان، به‌لێ تشتێ دخوازم بێژم و ئاراسته‌ى نوشدارێن به‌رهه‌ڤكارێن وى ئامیره‌ى دكه‌م وه‌كو پسیار، ئه‌ڤ زه‌نگا هندا نه‌خۆش یا ژێ دهێت هه‌ر ناڤبه‌را چه‌ند چڕكه‌یه‌كان زه‌نگا نه‌خۆش بۆ گوهان دهێته‌ لێدان، مه‌ژیێ مرۆڤى دبه‌ت، مرۆڤى بێزار دكه‌ت نه‌ خۆله‌كه‌ و دونه‌ و نه‌ ساته‌كه‌ و دونه‌ رۆژن و حه‌فتى و هه‌یڤن ئه‌و تكتك مه‌ژیێ مرۆڤى دكۆلیت ب وى ده‌نگێ بلند، كو چو ڤالیۆم ژى پێڤه‌ نینن تو بێده‌نگ بكه‌ى؟ هنده‌كان بێده‌نگ كرنه‌ك پێڤه‌ هه‌یه‌ به‌لێ ب تنێ بۆ ئێك خۆله‌كه‌، ئه‌رێ هه‌كه‌ مرۆڤ چاڤدێرێ نه‌خۆشى بیت و ئه‌ڤ ده‌نگه‌ مه‌ژیێ مرۆڤى بهه‌ژینیت، ئه‌رێ بۆ نه‌ساخى دێ چاوابیت یێ كو چ په‌یڤه‌ك ژێ نه‌هێت؟!.
ئه‌ڤه‌ دۆخه‌كێ دوورنى یه‌، هه‌ر چه‌نده‌ ئه‌م نه‌ك نوشدارێن ده‌روونینه‌، به‌لێ یا ب سه‌رێ مه‌ دهێت، ئه‌م وه‌ك مرۆڤ خوه‌دى هه‌ست و نه‌ست و ده‌روون، پسیار ئه‌وه‌ ئه‌رێ بۆچى نۆشدارێن ئه‌ڤ ده‌زگه‌هه‌ چێكرین باشترین و ئاقلدارتینن، و ل ڤى سه‌رده‌مێ پێشكه‌فتى بۆچى ئه‌و تشت ل به‌رچاڤ وه‌رنه‌گرتیه‌؟! دبیت به‌رسڤ ئه‌و بیت، كو ئه‌و ده‌نگێ لێدانا له‌زاتیا دلى یان بێنته‌نگیێ كازى دكه‌ت، دا هه‌میان های ژێ هه‌بیت و ب له‌ز نۆشدار د هاوارێ بچن، به‌لێ یێ نه‌دیتى نزانیت چه‌ند ئه‌ڤ سه‌لیقا مرنێ، مرنێ نێزیك دكه‌ت، ژ به‌ر وان بیرهاتنێن نه‌خۆش یێن من ژ زه‌نگا ڤى ئامیره‌ى دیتین، ئه‌ز دلناهێلم بیرهاتنا وه‌غه‌ركرنا دایكا خوه‌ بینم زمان پشتى ئه‌ڤ (سى پا پى) یه‌ بۆ هاتبوو دانان.. وه‌غه‌را خێرێ بیت و مالا وێ به‌حه‌شتا به‌رین بیت.

17

شێرزاد نایف
نێزیكترین هه‌ڤالێ وى، مرۆڤى نه‌ دزانى كى یه‌، من هزر دكر ئه‌زم ژ هه‌میان نێزیگتر بۆ وى، نه‌ك تنێ هه‌ڤال و هه‌ڤكار و هه‌ڤپیشه‌ د وارێ ره‌وشه‌نبیرى و راگه‌هاندنێ دا، به‌لێ من هه‌ست كر برایه‌كه‌ یان ئه‌ندامه‌كێ خێزانێ یه‌، چونكو چو ده‌لیڤه‌ نه‌بوون سستى بكه‌ڤیته‌ د هه‌ر كاره‌كى یان سه‌ره‌رده‌ریكرنه‌كێ دا ل گه‌ل وى، چو ئاجزیه‌ك ژى رۆژه‌كێ ژى په‌یدانه‌بوویه‌ هه‌ر ژ ده‌مێ من نیاسى ژ سالێن به‌رى نۆتێ، هه‌كه‌ تشته‌ك رویدابا ژى، وه‌كو حه‌نكێ بوویه‌، یان نه‌ وى ل خوه‌دیار دكر كو یێ تۆره‌ ژ من و نه‌من ژى، چونكو دل نه‌ ددا مرۆڤى خه‌مبار بكه‌ت، پشتى وه‌غه‌ركرنێ بۆ من دیاربوو كو ئه‌و مرۆڤه‌ یێ نێزیكى هه‌مى هه‌ڤال و كه‌سێن مه‌ دنیاسین… نها پشتى وه‌غه‌ركرنا ئیسماعیل تاهر جانگیر ئه‌م دوجاركى زیانداربووین، ئێك وه‌كو كه‌سه‌كێ جڤاكى دل مه‌زن و جامێر و باوه‌ردار، و ژلایێ دى ڤه‌ ژى، وه‌كو فه‌رهه‌نگه‌ك و بانكه‌كا پێزانینان و پڕى زانست و ره‌وشه‌نبیرى، هه‌مى ژى ژ وێ تێكۆشانا وى ب ژیانا خوه‌ رابری ب ساله‌ها سالان ب خواندنێ و خۆپێگه‌هاندنێ و سه‌ربۆرێن بیاڤێن ره‌وشه‌نبیریى و رۆژنامه‌ڤانى و ئه‌ده‌بى و شه‌ریعه‌تێ، چونكو د هه‌مى بیاڤان دا سه‌بۆرێن دوور و درێژ هه‌بووینه‌ و ب هه‌ردو زمانان عه‌ره‌بى و كوردى و ئنگلیزى ژى هنده‌ك جاران.. بیرا من دهێت ئه‌وى ل مالا خوه‌ ئه‌رشیفه‌كێ زه‌نگین یێ په‌رتووكان هه‌بوون، بۆ نموونه‌ ئه‌ز پێدڤى ب كۆڤارا (العربی) بووم، بۆ ڤه‌كۆلینه‌كێ، ته‌نێ وى هه‌مى هه‌ژمارێن وێ هه‌بوون، و باشترین كۆڤارا یا مه‌هانه‌ یا عه‌ره‌بان بوو كو ل كۆیتێ ده‌ردكه‌فت.. هینگى ل گۆڤارا دیجله‌ یا لاتینى كاردكر و ل رادیۆیێ ل تلفزیۆنێ كار دكر وه‌كو به‌رهه‌ڤكرنا نووچه‌ و به‌رنامه‌یان، ل گه‌له‌ك رۆژنامه‌یێن ئیراقى وه‌كو ئه‌لسباح و ئه‌لسه‌باح ئه‌لجه‌دید، و گه‌له‌ك و گه‌له‌كێن دیتر یێن نه‌ ل بیرا منن.. كه‌سه‌كێ خودان په‌یوه‌ندیێن گه‌له‌كێن گه‌رم بوو، هه‌ر جه و پۆستێ وه‌رگرتبا باره‌گایێ وى دبوو ناڤه‌نده‌ك گه‌له‌ك مرۆڤان قه‌ست دكرێ، ژ به‌ر هندێ بۆ من باش دیاربوو كو برێڤه‌برن مه‌رج ئه‌وه‌ مرۆڤ یێ كاڕا بیت، چه‌ندى پۆسته‌یێ مه‌زن بیت، واته‌ كه‌سایه‌تى مه‌رجێ برێڤه‌برنێ یه‌، ژبه‌ر هندێ من ددیت ئه‌و یێ هه‌ژى گه‌له‌ك پۆستێن به‌رزتر بوو، پێ هاتبانه‌ راسپاردن، به‌لێ وه‌سا دیاردبوو ژ سه‌ره‌دریكرنێن خوه‌ دا كه‌سه‌كێ ئارام و رازى ب هه‌ر شه‌نسه‌كى بوو، ئه‌وى ل شوینا هندێ كو شه‌ڕێ پله‌ و پۆستا كربا، ئه‌وى ل هه‌ر جهێ لێ با خوه‌ و ئۆفیسا خوه‌ پێشدئێخست، خه‌لك ل دۆر خڕڤه‌دبوو، ژ رۆژنامه‌ڤان و هه‌لبه‌ستڤان و ره‌وشه‌نبیر و هه‌تا كه‌سێن گه‌له‌ك ساده‌ ژى، ب دیوانا وى شاد دبوون، تشته‌ك نه‌بوو د فه‌رهه‌نگا وى دا كو دبێژنێ خۆمه‌زنكرن!. ئه‌و ب خوه‌ كه‌سه‌كێ دیندار بوو و د بیاڤێ خودێ ناسینێ دا ژى جاره‌كى گۆتبوو، كو یه‌قینا من ب هه‌بوونا خودایه‌كێ ب تنێ یا مسۆگه‌ره‌، و یێ به‌رده‌وام بوو ل سه‌ر نڤێژى و ئه‌ركێن خوه‌ یێن دینى، به‌لێ گه‌له‌ك خوه‌ ده‌رنه‌دئێخست ژبه‌ر گه‌له‌ك كه‌سێن جودا ژ هزر و ئایدیێن وى، چونكو دیالۆگه‌كه‌ ناگه‌هیته‌ چ راده‌یان، و وى نه‌دڤیا ببیته‌ ئه‌گه‌ر كو هنده‌ك هه‌ڤپیشه‌ و هه‌ڤكارێن وى ژێ تۆره‌ ببان.
شیره‌ته‌كا گه‌له‌كا جوان دكر، دگۆت من نه‌ڤێت من چو كه‌س هه‌بن پیچه‌كا هه‌ستیارێ ژى هه‌بیت د ناڤبه‌را من و وى دا، هه‌ر كه‌سێ د ناڤبه‌را من و وى دا یا نه‌خۆش بیت، ئه‌ز ناهێلم دڤێت ل گه‌ل هه‌میان یێ راست بم و چو ئاریشه‌ و سلبوونه‌ك د ناڤبه‌را من و وى دا هه‌بیت، چو ئه‌و یێ نه‌حه‌ق بیت یان یێ به‌رامبه‌رى.. چه‌ندى به‌حسێ مه‌زنیا دلێ وى بكه‌ین بدوماهى ناهێت، گه‌له‌ك گرێداى باژارێ خوه‌ دهۆكێ بوو، ته‌ نه‌ دزانى كیش عه‌شیره‌ته‌ یان كیش لایه‌نه‌كه‌ مرۆڤه‌كێ مللى بوو، حه‌ژ مرۆڤینیێ دكر، مخابن مه‌ ژ ده‌ستدا و سلاڤان بۆ گیانێ وى یێ پاك دهنێرین…

38

مه‌ چو دوژمن نینن!
شێرزاد نایف
یا ره‌وا و دروست ل سه‌ر ئاستێن نێڤده‌ولى دهێته‌ گۆتن كو كه‌س دوژمنێ كه‌سێ نینه‌، به‌لى پا یا راستى ئه‌وه‌ كو ئه‌م ب خوه‌ هه‌مى دوژمنین ل پشت په‌ردا، كو دوژمناهى د ناڤبه‌را ئایدولۆجیان دایه‌، نه‌ك د ناڤبه‌را گه‌لان و ملله‌ت و نه‌ته‌وه‌یان دا، چونكو هینگى دێ بیته‌ كاره‌سات نه‌ مازه‌ د ناڤ ئه‌ده‌بیاتێن سیاسه‌تێ دا. هه‌كه‌ تو ل ره‌هوریشالێن سیناریۆیا پارچه‌بوونا مه‌ وه‌كو كورد و كوردستانێ بگه‌ریێى و بڤه‌گه‌ریێه‌ ده‌سیپێكێن رێككه‌فتنا سایكس پیكۆ، دێ بۆ ته‌ دیار بیت كو ئه‌وێن مه‌ ناڤێ دوژمن دانایه‌ سه‌ر، ده‌ستێن خوه‌ ب وێ رێككه‌فتنێ پیس نه‌كرینه‌، به‌لكو ئه‌م و ئه‌و یێن ئه‌م دبێژینێ (دوژمن) ب تنێ د ناڤ هه‌ڤسه‌نگیێ دا (عه‌بدوله‌مه‌ئمۆر) بووین، كێ ئه‌م پارچه‌ كرین، دڤێت ئه‌و دوژمنێ دورست بیت، كا بۆچى و ژ به‌ر چو مه‌ره‌م ئه‌م خستینه‌ د ناڤ ئالۆزیێن ڤێ هه‌ڤسه‌نگیێ دا و پشتى هینگى ده‌ڤه‌ر ب جه هێلایه‌؟! واته‌ پێشده‌م خوه‌دیین ڤێ رێككه‌فتنێ، ئه‌ڤ ره‌هه‌نده‌ ل پێشچاڤ وه‌رگرتینه‌، ئه‌وا وان خواستى بكه‌ن، كرن كو مه‌ ئه‌ڤان نه‌ته‌وه‌یێن ل ڤێ كۆژیێ هه‌میان به‌رده‌نه‌ ئێك، و تایبه‌ت ژى ئه‌م كورد ره‌وشا مه‌ ژ یا هه‌میان خرابتر لێكرن و كرینه‌ د ناڤ ته‌ڤنه‌كێ ئالۆز را! .
ژبه‌ر هندێ ژى ئه‌ڤ سه‌ره‌ده‌یكرنا سیاسى یا هنده‌ك حزبێن مه‌ ل گه‌ل ده‌وربه‌ران دكه‌ن و ب تایبه‌ت پارتى دیمۆكراتى كوردستان یا دروسته‌ و باشتر چاره‌نڤیسێ مه‌ دزانن، سه‌ره‌راى هه‌بوونا هێز و ئیراده‌كا پۆلایى ژلایێ پێشمه‌رگێ كوردستانێ و ملله‌تى ژى، لێ كه‌س نه‌شێت د ده‌رئه‌نجامى دا شه‌ڕێ پتر ژ چار وه‌لات ب نه‌ته‌وه‌ ڤه‌ بكه‌ت، نه‌مازه‌ ئه‌و یێن ل سه‌ر خورتیا زالبوونا ده‌ستهه‌لاتا خوه‌، ئه‌ڤا نها ب ده‌ست مه‌كه‌فتى ژى خێره‌كا مه‌زنه‌، ئه‌و ژى هه‌كه‌ ئه‌و سیاسه‌تا شێتانه‌ یا سه‌دامى نه‌با و ئه‌و مه‌زلۆمیه‌تا ل جیهانێ ده‌نگڤه‌دایى، باوه‌رم دا هه‌ر ب ڤى ده‌ستودارێ نها بیت یێ كو ئه‌و وه‌لات تێدا، ژ به‌ر هندێ ب دیتنا من یا شاشه‌ بێدلیا توركیا یان ئیرانێ یان سووریێ بكه‌ین. و چو به‌هانه‌یان بۆ وان نه‌هێلین، و هه‌تا راده‌یه‌كێ باش ئه‌م شیایین په‌یاما خوه‌ یا ره‌وا بگه‌هینینه‌ وان و هه‌مى جیهانێ ژى، ئه‌وژى ب وێ سیاسه‌تا حه‌كیمانه‌ یا مه‌رجه‌عێ كوردستانێ مه‌سعود بارزانى، ئه‌و ژ هه‌ر كه‌سه‌كى باشتر دزانیت، ره‌نگڤه‌دان و په‌نایێن ده‌وروبه‌ران دێ د چاوا بن، هه‌مى رێ ل وان گرتن كو بهێن هه‌ڤركیا مه‌ بكه‌ن، له‌ورا یێن په‌نایێ دبه‌نه‌ شیوه‌یێن ڤه‌شارتى ل پشت په‌رده‌یان و ژ به‌ر هندێ ژى جه‌نابێ وى خوه‌ ژ گێرانا فه‌رمى یا ده‌ستهه‌لاتێ چه‌نده‌كێ دوور خست، وه‌كو دى ژى سیاسه‌ت هه‌ر سیاسه‌ته‌ و جه‌نابێ وى ژى مه‌رجه‌عه‌.
دبینم وه‌كو پره‌نسیپه‌كێ لۆژیك چه‌ندى ئه‌م هه‌ڤالان بۆ خوه‌ زێده‌بكه‌ین و دوژمنان كێم بكه‌ین، هنیگى ئه‌م دێ دسه‌ركه‌فتى بین, لێ نابیت ئه‌م پتر ڤان هۆڤان زێده‌تر بئازرینین. راسته‌ هه‌ر وه‌كو مسعود بارزانى یێ مه‌رجه‌ع هه‌رده‌م دبێژیت، دڤێت گیانێ تۆلڤه‌كرنێ لاده‌ین و ل شووینێ ئه‌م خوه‌ بیش بێخین، هه‌ر چه‌نده‌ مه‌ ئه‌و ژى ئه‌نجامدا، و مه‌ سه‌ركه‌فتن ژى تێدا ئینا، كو ناڤوده‌نگیا سه‌ربۆرا هه‌رێما مه‌ ده‌نگ ڤه‌دا ل جیهانى، لێ ل دووماهیێ كه‌ربوكین ودارێتا پیلانان ژ كه‌ربه‌كا داگرتى هاتنه‌ هۆلى.
و ل دووماهیێ دبێژم، مه‌ گه‌له‌ك ده‌ستێ ئاشتیێ و براینیێ درێژكریه‌، و بلا هه‌ر ل سه‌ر باشیێ د به‌رده‌وام بین و بلا ئه‌وێن كه‌ربوكین ژ بێگونه‌هێن مله‌تێ مه‌ وه‌رگرتین بمینن د وێ كه‌ربێ دا حه‌تا كو ب وان ب خوه‌ڤه‌ دپه‌قیت و و خێرێ بكه‌ بلا د ئاڤێ بچیت .. و هه‌ربژیت ئاشتى!!

website security
WP Facebook Auto Publish Powered By : XYZScripts.com