ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقی رائید شاکر جەودەت دایە دیارکرن:کو ل رۆژا ئەینی 7.7.2017 هێزێن پۆلیسێن فیدرالی ب بەردەوامی پشکنینین و پاقژکرنا وان دەڤەرێن مایی ل باژێرێ کەڤن دکەن،داکو کونترۆلێ ل سەر وان تیرۆرستێن داعش بکەن یێن کو خوە دناڤا تۆنێل و جهێن تەنگ را ڤەشارتین،ئەڤ چەندە هاتیە پێش ژلایێ هێزێن فرقەیا 3 و فرقەیا 5 و 6 و هەروەسا فرقەیا ئالیاتان و فرقەیا بەرپەرچدانەیا ب لەز و فرۆکێن بێ فرۆکەڤان و تۆپخانەیان و هەروەسا مە گەلەک زیان گەهاندینە داعشان.

فەرماندێ پۆلیسێن فیدرالی ئەو ژی گۆتیە:د ڤ کارێ لێگەریان و پشکنینێ دا مە 83 تیرۆرستێن داعش کوشتینە و هەروەسا مە 2 داعش ژی گرتینە،هێزێن پۆلیسان تۆنێلەکا داعشێ گرتیە،دەست ب سەر کارگەهەکا چێکرنا تی ئێن تی یان ژی گرتیە،هەروەسا مە چەندین چەکێن داعشێ ژی پیچکرینە،دیسا هێزێن پۆلیسان 30 خێزان ل مۆسلێ رزگارکرینە.

ئه‌ڤرۆ نیۆز،عه‌زیز ره‌سول:

دەمژمێر 1:30 شەڤا بوری د ‌روودانەکا هاتنوچوونێدا دناڤبەرا دو ترۆمبێلێن پاس دا ژ جۆرێ (ڤیۆ_هایس) 13 كه‌س برینداربوون كو‌ برینێن 8 ژ برینداران د دژوارن و یێن هاتینە ره‌وانه‌کرن بۆ نه‌خۆشخانا گشتی ل سلێمانیێ و 5 بریندارێن دی ژی هاتینە رەوانەکرن بۆ مالێن وان.

حه‌یده‌ر حسێن رێڤەبەرێ گشتی یێ نه‌خۆشخانا شه‌هید شه‌وكه‌ت ل‌ سه‌یدسادق بۆ ئه‌ڤرۆ نیۆز گۆتیە:ل شەڤا بوری و ل دمژمێر 1:30 وان پێشوازی ل‌ 13 برینداران کریه کو ژ ‌ ئه‌نجامێ روودانەکا هاتنوچوونێ ل سه‌ر جادا دناڤبەرا سه‌یدسادق و هه‌ڵه‌بجه دا و ل‌ نێزیك گوندێ گوڵه‌خانه‌ ڕوودایە.

حه‌یده‌ر حسێن دیارکر ژی:سه‌رچه‌مێ برینداران چاره‌سه‌ریا سه‌ره‌تایی بۆ هاتیەکرن و برینا 8 ژ برینداران یا قورس بوو،لەورا هاتینە ره‌وانه‌کرن بۆ نه‌خۆشخانا گشتی یا سلێمانیێ و 5 ژ برینداران كو برینێن وان د سڤک بوون هاتینە رەوانەکرن بۆ مالێن وان.

ئەڤرۆ نیۆز،زنار تۆڤی:

ئەڤرۆ چارشەمبێ رێكخراوا UNICEF ئاشكراکر کو هێشتا 100 هزار زارۆ ل مووسڵ ل ژێر مەترسیا رێكخراوا تیرۆریستی یا داعشێ و بۆردومانا هێزێن هەڤپەیمانان دانە.

رێكخراوا نەتەوێن ئێكگرتی بۆ كاروبارێن زارۆیان د راپۆرتەكێدا نیگەرانیا خوە دەربارەی ژیانا خەلکێ سڤیل ل مۆسل دەربرییە، ب تایبەتی ژی ئاماژە ب هژمارەکا زۆر یا زارۆیان دایە کو هێشتا ل رۆژئاڤایێ مۆسلێ دناڤبەرا هێزێن عێراقی و چەكدارێن رێكخراوا تیرۆریستی یا داعشێ دا ماینە و ژیانا وان د مەترسیێ دایە.

ڤێ رێكخراوێ داخواز ژ هەموو لایەنێن عێراقێ و ڤێ دەڤەرێ کریە کو كار بۆ پاراستنا ڤان زارۆیان بکەن،یێن کو ل مۆسل ئاسێ ماین و هێشتا ژیانا وان د مەترسیێ دایە.

ئاماژە ب هندێ ژی کریە کو زارۆیێن مۆسل روو ب روو جۆرەكێ توندوتیژیا دەگمەن بووینە،كو یا وەسانە چ مرۆڤان نەدیتیە،هندەک ژ وان هاتینە نەچارکرن کو پشکداریێ د تاوانێن كوشتن و ئەشكەنجەدانێ ژی دا بكەن.

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقی رائید شاکر جەودەت دادیارکرن:کو هێزێن وان هەموو شیان و تەکتیکێن خوە یێن شەرکرنێ ب کارئیناینە و وان گەلەک قوربانی ژی داینه،ژ پێخەمەت زیان نەگەهیته خەلکێ سڤیل،سەرەرای هندێ کو تیرۆرستێن داعش یێ د دۆخێ رەڤینێ دا و یێن خوە دڤەشێرن دناڤ خێزانان دا و هەروەسا یێ خەلکێ سڤیل بۆ خوە دکەنە مەرتال.

هەروەسا دبێژیت:هێزێن فرقەیا سێ یێ بەرهەڤیان دکەن بۆ زالبوون ل سەر جادا سەرچخانە هەتاکو دگەهیته رەخ و روویێن رووباری،دیسا هێزێن فرقەیا پێنجێ ئەرکێ خوە بجهئینایە ل دەڤەرێن بابلسەرا و سیکا ئەربیعا و مەیدانکا ڤەگۆهاستنێ و سیکا زێرینگرا ل مۆسل.

فەرماندێ هێزێن پۆلیسێن فیدرالی ئەو ژی دیارکریە:د هەمان دەمدا هێزەکا ژێگرتی یا مغاویران بەرگریێ ژ دەڤەرێن باکۆرێ نجێفی دکەن و هەروەسا جادا خالد بن وەلید ژی ئێمن کریە ژ بەرمایکێن داعشێ.

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقی رائید شاکر جەودەت دادیارکرن:کو ئەڤرۆ 4.7.2017 هێزێن پۆلیسێن فیدرالی شەرەکێ دژوار یێ ل گەل چەکدارێن داعش ل ناڤەراستا کۆلانێن تەنگ ل رەخ و روویێن دەڤەرا نجێفی ل مۆسلێ کرینە و دڤان شەر و روو ب رووبوونا دا 13 چەکدارێن داعش هاتینە کوشتن،هەروەسا هێزێن پۆلیسان دەست ب سەر چەندین چەک و جەبلخانەیێن جودا یێن داعشێ دا گرتینه و 120 سڤیل ژی رزگارکرینه و ڤەگۆهاستینە کەمپێن ئاوارەیان.

فەرماندێ پۆلیسێن فیدرالی گۆتیە ژی،ئەڤرۆ هێزێن پۆلیسێن فیدرالی ژسێ لایانڤە بەرەف دەڤەرا نجێفی ڤە چووینە،کو دوماهی دەڤەرە مایە ل ژێر دەستێ داعش دا ل باژێرێ کەڤن ل مۆسلێ،هەروەسا دیارکریە ژی،یەکینەیێن لیوا 9 و لیوا 10 چووینە ناڤ دەڤەرا نجێفی و مزگەفتا شێخ ئەبۆ عەلا ژلایێ رۆژئاڤای ڤە،دیسا هێزێن بژارە ژ لایێ باکۆری ڤە ب ئاراستەیێ جادا خالد بن وەلید ڤە چووینە،هەر ئەڤرۆ هێزەکا لیوا 19 ب هەڤکاریا فرقەیا ئالیاتان پێشرەوی کریە ژلایێ رووباریڤە بۆ جادا نجێفی.

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقی رائید شاکر جەودەت دادیارکرن:کو هێزێن پۆلیسێن فیدرالی ب بەردەوامی شەرێن دژوار ل گەل داعشێن تیرۆرست ل بەرەیێ باشۆری یێ باژێرێ کەڤن ل مۆسلێ دکەن،هەروەسا هێزێن پۆلیسان پێشرەوی کریە و بەرەف وان ئارمانجان ڤەچووینە یێن بۆ هاتینە دەست نیشانکرن،هەروەسا هێزین فیدرالی ل دووڤ داعشان کەفتینە،پشتی کو وان شکەستنەکا مەزن خواری،هەر ژ گیانی و چەکی،دیسا نوکە ئەرد یێ پرە ژ تەرمێن وان و چەکێن وان یێ ژناڤبری.

فەرماندێ پۆلیسێن فیدرالی ئەو ژی گۆتیە:نوکە داعش یێن هاتینە دۆرپێچکرن ل وان دەڤەرێن هەبوونا وان لێ هەین،ژلایێ فرقەیێن 3 و 5 و 6 فرقەیا ئالیات و فرقەیا پەرپەرچدانەیا ب لەز ب هەڤکاریا فرۆکێن سەربازی و فرۆکێن بێ فرۆکەڤان و تۆپخانەیان،هەروەسا هێزێن مە چەندین جه ل دەڤەرێن مزگەفتا عەزام و مەیدانا ڤەگۆهاستنێ ل لایێ راستێ،چەندین جهێن دی ژی کونترۆلکرینە.

ئەڤرۆ نیۆز،زنار تۆڤی:

پۆلیسێن فیدرالی یێن عێراقێ چەندین ئامارێن گرنگ هەر ژ دەستپێکا ئۆپەراسیۆنا شەرێ مۆسل هەتاکو نوکە بەلاڤ دکەن،کۆپیەک ژ وان ئاماران بۆ ئەڤرۆ نیۆز ژی هاتیە.

فەریق رائید شاکر جەودەت فەرماندێ پۆلیسێن فیدرالی ل عێراقێ دایەدیارکرن،هەر ژ رۆژا دەستپێكرنا ئۆپەراسیۆنا رزگاركرنا مۆسلێ وان 190 گەرەکێن گرنگ ل مۆسلێ ئازاد كرینە.

گۆتیە ژی هێزێن وان هێرش کرینه سەر 128 ئارمانجێن زیندی و وان زیانەکا مەزن گەهاندیە داعشێ.

هەروەسا د وان ئاماران دا دیارکریە کو هەر ژ رۆژا ئۆپەراسیۆنا مۆسلێ وان زیدەتری 2604 مەترێن دوجا ل باژێرێ مۆسلێ كونترۆلکرینە.

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقێ رائید شاکر جەودەت دادیارکرن:کو هێزێن وان ئەڤرۆ ئێکشەمبیێ 79 داعش ل مۆسلێ کوشتینه و هەروەسا 550 سڤیل ژی ژبن کونترۆلا داعشێ ل دەڤەرێن بابلجدید و پرا کەڤن و تاخێ شیفا ل مۆسل قورتالکرینە.

هەروەسا گۆتیە ب هەڤکاریا خەلکێ سڤیل ئەم شیاینە ب دەهان تیرۆرستێن داعش بگرین کو ل گەل خەلکێ ئاوارە درەڤین.

فەرماندێ پۆلیسێن فیدرالی ئەو ژی ئاشکراکریە کو تێرۆستێن داعش ب تەمامی تێکچووینە و ل چەند دەمژمێرێن داهاتی دا ئەم دێ چینە وان جهێن مایی یێن ل ژێر کونترۆلا وان دا ل باژێرێ مۆسل.

ئەڤرۆ نیۆز،زنار تۆڤی:

فەرماندێ هێزێن پۆلیسێن فیدرالی یێن عێراقێ فەریق رائید شاکر جەودەت دادیارکرن،کو ئەڤرۆ شەمبیێ 1.7.2017 هێزێن پۆلیسێن فیدرالی یێن عێراقێ شیان ب چنە رۆژهەلاتێ باژێرێ مۆسل و پرا ئاسنی رزگارکریە و ئالایێ عێراقێ ل سەر پرێ هاتیە بلندکرن.

هەروەسا یەکینەیێن پۆلیسێن فیدرالی بازارێ ئەربیعا رزگاکریە و نوکە یێ بەرەف جادا غازی ڤه دچن. ناڤهاتی هەروەسا دیارکریە،کو هێزێن پەرپەرچدانەیا ب لەز یێن پۆلیسێن فیدرالی تاخێ شیفا ل باکۆرێ باژێرێ کەڤن ل مۆسلێ ب تەمامی کونترۆلکریە و گەهشتینە بەر لێڤێن رووباری.

فەرماندێ هێزێن پۆلیسێن فیدرالی ئەو ژی گۆتیە،د ئۆپەراسیۆنا رزگارکا تاخێ شیفا دا ب دەهان تیرۆرستێن داعش هاتینە کوشتن و هەروەسا 32 ترۆمبێلێن تی ئێن تی کری ل گەل 50 کەمەرێن مینرێژکری و 150 تی ئێن تی یێن ئەردی هاتینە ژناڤبرن،هەروەسا هێزێن پۆلیسێن فیدرالی کونترۆل ل سەر قوتابخانا ئەلعوبەیر کریە ل بابلجەدید.