ئهڤرۆ نيوز:
ئیبراهیم جەعفەری وهزيرێ دهرڤهيێ عيراقێ ب سهرهدانهكا فهرمى گههشته ههولێرا پايتهختێ كوردستانێ.
ئيبراهيم جهعفهرى گههشته ههولێرێ
نووترين نووچه
- ئەڤرۆ جڤاتا وەزیرێن هەرێما كوردستانێ دێ دو پرسێن گرنگ گەنگەشە كەت
- ترس هەیە پشتی ڤەكێشانا ئەمریكا داعش پتر خوە ڕێكبێخیت
- چو پێنگاڤەكا كریاری بۆ ڕادەستكرنا چەكێ گرۆپان نەهاتییە هاڤێتن
- شۆڕشا ئیلۆنێ بناغەیێ ڕێككەفتنا 11ێ ئادارێ و قەوارەیێ هەرێما كوردستانێ بوو
- سەرۆك بارزانی و سەرۆكێ جڤاتا نوونەرێن ئیراقێ دوپاتی ل پێگیریبوونێ ب دەستووری و ئارامیێ كر
- نێچیرڤان بارزانی: شۆڕشا ئیلۆنێ دەنگێ ڕەوا یێ كوردستانێ گەهاندە جیهانێ
- دەستكەفتێن مە ب ئێكگرتن و هەڤهەلوەستیێ دێ هێنە پاراستن
- سەرۆكاتییا هەرێما كوردستانێ هێرشا درۆنی ل سەر بۆریێن نەفتێ ل سعودیێ پرۆتەستۆ كر
- پارتی دوپاتیێ ل سەر هەڤهەلوەستییا ئالییێن سیاسی دكەت
- ڕەوش ل رۆژئاڤـایێ کـوردستانێ یا ئالـۆزە و خـوەنیشادان بەرفرەهتر دبن
سهرهكى غير مصنف
ل پاشهرۆژهكا نێزيك روبۆت دێ جهێ ڤان ههشت كاران گرن و پێدڤى ب مرۆڤان نابيت
ئهڤرۆ نيوز:
شارهزايا ئهمريكى د وارێ رۆژنامهڤانيا ژمارهيى دا ئيمى وێب دياركر كو ئهو پێشكهفتنا ل ڤێ دووماهيێ دهێته پێش د وارێ رۆبۆتان دا رۆلهكێ مهزن دژيانا مرۆڤان دا دگێرن و گهفن بۆ سهر كارێ مرۆڤان د هندهك واران دا و ههروهكو ئهڤێن ل خوارێ دياركرى:
1- كاشێر (پارهوهرگر):
ژ دهستدانا كارێ ئهو كهسێن پاره و قهر و كريا وهردگرن و كاشێران يێ نێزيك بوويى، ههر وهكو د ڤێ ڤهكۆلينێ دا ديار تهكنولۆژيا دێ زوو جهێ وان وهرگريت بۆ ئهنجامدانا ڤان كاران.
2- بازاركهر:
شارهزايا ئهمريكى پێشبينى دكهت كو ئاميرێن كارێ ريكلامكرن و بازاركرنێ و نامان ب رهنگهكێ گهلهك باش يێ پێش دكهڤن. ئاشكهرا ژى كر كو بزاڤێن نوو يێن ههين و ئاماژێ بۆ چهندێ دكهن كو سرۆشتى كاركهران دهێته خواندن بۆ ريكلامێ و ئهڤه ژى پتر يا كارايه و گۆت: “ئهڤه گهلهك دێ باشتر بيت ژ يا نوكه دبينين”.
3- خزمهتا كاركهران:
گهلهك ژ كۆمپانيێن مهزن خزمهتێن خوه يێ كاركهران ڤهگۆهاستنه وهلاتێن وهكو هندێ و يێن ئاستێ دانا كريێ تێدا يێ كێم. بهلێ ئالاڤێن نوو يێن شرۆڤهكرنا بيروبۆچوون و بهرسڤدانا وان يێن بهرسڤا گهلهك پرسان ددهن دێ بيته ئهگهرهك كو ژمارا كارگهران بهێته كێمكرن و ئهو جهێ وان بگرن.
4- كاركهرێن گارگههان:
دڤێت گهلهك كاركهرێن گارگههان خوه ئاماده بكهن ژ بوو ژ دهستدانا كارێن خوه ژ ئهگهرێ رۆبۆتان، ئهوێن دێ كارێ وان و مهزاختيێ وان و دهمێ بهێنڤهدانا وان كێمتر بيت ههر وهكو ئهنترنێت دبێژيت. دبيت كارێن خوه ژى باشتر و ب لهزتر ئهنجام بدهن.
5- فرۆشيار:
شارهزايا ئهمريكى ديار دكهت كو بلوكشێن كو بهرنامهكێ كۆمپيۆتهرى يه بۆ رێكخستنا سيستهمێ بيكتۆن يێ دارايى، دشێت كێشێن مامهلان ب رهنگهكێ ئۆتۆماتيكى و هوور و باوهرپێكرى چاره بكهت و يێ بهرههڤه جهێ خوه ل كهرتێن بهنكى و گرهنتى و بيمهكرنا ئاڤاهيان. دبيت ريكلاما بلوكشن پێنگاڤا ئێكێ يا ڤێ رێ يه.
6- رۆژنامهڤان:
پشتى ئهنترنێتێ دهست دانايه سهر گهلهك رۆژنامان، كارێ كاركهران ژى د حهزا كارێ ئاستهنگان دا(رۆژنامهڤانيێ) دا، هندهك خوارزمى يێن دهێنه چێكرن دشێن ستوريان(بابهتێن رۆژنامهڤانى) دروست بكهت و بدانيته سهر مالپهرێن ئهلكترۆنى بێى دهستكاريا مرۆڤان. رۆژنامهڤانێن رۆبۆت گهلهك بابهت و دهنگوباس يێن بۆ ئاژانسێن دهنگوباسان يێن بهرههڤكرين و گهلهك مفا يێن گههاندينه كۆمپانيان.
7- پارێزهر:
وێب وهسان هزر دكهت كو ب گۆرهى هندهك ئهپليكهيشنێن پاشهرۆژێ دبيت گهلهك ژ كارێن پارێزهران ل پاشهرۆژێ نهمينيت، نڤيسينا وهسيهتێ و بهردان وهكو نمۆنه، ئهڤه ژى چو پێنهڤێت دێ ئهڤ بهرنامه باشتر و ب بهايهكێ كێمتر وى كارى كهن.
8- كاركهرێن بهر تلهفۆنان:
تلهفونێن ئهردى يێن دهێنه كێمكرن و ل جهێ وان ئاميرێن مۆبايلێ يێ جهى دگرن، ئهڤه ژى دێ بيته ئهگهر گهلهك كهسێن ل وان كۆمپانيان كار دكهن بميننه بێ كار و پاشان ژى بهێنه لادان، وێب دبێژيت: “سيستهمێ نوو دێ گهلهك كاران لادهت كو دراستى دا ئێدى پێدڤى ب ههبوونێ نابيت”.
ڤهكۆلينهك: هولهندى بلندترينن و ئهندونوسى كورتترينن.. عيراقى ل رێزا چهندێ نه؟
ئهڤرۆ نيوز:
ڤهكۆلينهكێ ل ڤێ دووماهيێ ئاشكهرا كركو هۆلهندى بلندترين مرۆڤێن جيهانێ نه و ئهندۆنۆسى كوتترينن ل سهر ئاستێ عهرهبان ژى لوبنانى بلندترينن و عيراقى كوتترينن.
ب گۆرهى ڤهكۆلينهكا نوو كو ژ لايێ رێكخراوێن ساخلهميا جيهانى و يونسێڤ ڤه دهركهفتيه، تێدا ئاشكهرا كريه كو ل سهر ئاستێ جيهانێ وهلاتيێن وهلاتێ هۆلهندا بلندترين مرۆڤێن جيهانێ نه ب بلنداهيا مهترهك و 838سهنتيمهتر و ل رێزا دويێ ژى وهلاتيێن مۆنتينيگرۆ دهێن ب درێژاهيا مهترهك و 832 سهنتيمهتر، پاشان ژى دانيماركى و نهرويجى دهێن ب مهترهك و 826 سهنتيمهتر.
نزمترين مرۆڤێن جيهانێ ژى يێن وهلاتێ ئهندۆنيسيا نه ب بلنداهيا مهترهك و 858 سهنتيمهتر، بۆليڤى د سهر وان دا دهێن ب مهترهك و 6 سهنتيمهتر و پاشان ژى فليپينى ب مهترهك و 619 سهنتيمهتر.
ل سهر ئاستێ وهلاتێن عهرهبى ژى وهلاتيێن لوبنانى ل رێزا ئێكێ دهێن ب بلنداهيا مهترهك و 76 سهنتيمهتر و پاشان ژى وهلاتێ سعودى دهێت ب مهترهك و 746 سهنتيمهتر و پاشان ژى سورى دهێن ب مهترهك و 73 سهنتيمهتر.
نزمترين مرۆڤێن وهلاتێن عهرهبى ژى وهلاتێ عيراقێ ل رێزا ئێكێ دهێت كو دبنه نزمترين مرۆڤێن وهلاتێن عهرهب ب رێژا مهترهك و 65 سهنتيمهتر.
ئەڤ پێنج نەخۆشیە ل مال دھێنە چارەسەرکرن
ئهڤرۆ نيوز:
ئهڤێن ل خوارێ ئاماژه پێ هاتينه كرن پێنج نهخۆشى نه و مرۆڤ ژ ههردو رهگهزان تووش دبيتێ و ل مال ژى دهێنه چارهكرن بهرى كو سهرهدانا نوشدار بهێته كرن.
* سوتنێن چاڤی:
ل دەمێ تۆ ب کارێن ناڤمالێ رادبی دبیت بەرھەڤی سوتنا چاڤان ب شلەمەنیێن کەل ببی چ ئاڤ یان زەیت بیت، یانژی دبیت ژئەگەرێ کەرستێن پاقژکرنێ چاڤێن تە ب سۆژن، ل وی دەمی یا باشترە چاڤێن خۆ بۆ دەمێ دەە خولەکان ب ئاڤەکا تەزی بشووی و پاشی کەمادێن تەزی بدانە سەر و ددووڤدا قەستا نوژدارەکێ تایبەتمەند بکە و ھندەک کەرستە وەک (ئەستلین و غازا کاربونیک و بروبان) دبنە ئەگەرێ تەزاندنا چاڤی بەلێ ئەگەر تە چاڤێن خۆ بۆ دەمەکێ درێژ ھێلانە ڤەکری ئەو کەرستە دبنە ھلم و دچاڤی دا نامینن.
* بێھنا دەڤی:
ژ ئەگەرێن ھاتنا بێھنێ ژدەڤی نەخوشیێن ددانانە، ددانا پووچ بووی دناڤ ڤالاھیێن خو دا بەرمایکێن خوارنێ ھەلدگرن، یا ب زەحمەتە ب رێکا فرچەکرنێ بھێنە دەرئێخستن و بەرئاتافی ھندەک کاریگەریێن کێمیاوی دبن و بێھنەکا نەخوش ژێ پەیدادبیت، ھەروەسان کراسکرنا ددانی و چێکرنا ددانی ژی ئەگەر یا دروست نەبیت یان ھەبوونا ڤالاھیان دناڤ ددانان دا دبیتە ئەگەرێ کومڤەبوونا خوارنێ ل وان جھان و ھەروەسان بێھن دکەڤیتە دەڤێ مرۆڤی.
* ژ بۆ کێمکرنا ئێشانا سەری:
گەرمکرنا دەستان بۆ نەھێلانا ئێشانا سەری د بەرێ دا ھەبوو، ب راستی ژی ئەو کریار سەری تەنا دکەت و ئێشانێ ناھێلێت، دەمێ ئەم پێن خو دکەینە دناڤ ئاڤا گەرم دا ھەر ئەو ئەنجام بدەست مە دکەڤن، دەمێ ئەم کەمادا ددانینە ل سەر جینیکێن خو دیسان سەرێ مە تەنا دبیت، بەلێ ئەگەر سەرئێشان یا بەردەوام بوو پێدڤیە قەستا نوژداری بکەی بۆ زانین و چارەسەرکرنا ئەگەرێن وێ.
* شیر بۆ قولونێ باشە:
گوڤارەکا خوارنێ یا پزیشکیا ئەمریکی دیارکر کو شیر پەنجەشێرا قولونێ کێم دکەت، 18 کەسێن کو رۆژانە 1000ملگم کالسیومی ڤەدخون ژ بەرھەمێن شیری، بۆ دەمێ حەفتیەکێ لێ راوەستیان و جوداھی دناڤبەرا دەستئاڤا وان دا ھاتە کرن و ڤەکولەران زێدەبوونەکا بەرچاڤ د ئەگەرێ پەنجەشێرا قولونێ دا دیت و دبیت ئەگەرێ وێ ڤەگەریتە وێ چەندێ کو کالسیوم و فوسفات رادبن ب قورتالکرنا لەشی ژوان ترشیاتیێن کو چەنداتیا دەستئاڤێ چارەسەردکەن.
ئێزدى كوردێن بێخشن (ئهگهر رۆژا دیار بیت، پێدڤى ب رۆناهیا ههیڤێ ناكهت)
ههموو دهردهسهریێن ددیرۆكێدا هاتینه سهرێ نهتهوا كورد و ههیا رۆژا ئیرۆ ژ بێتفاقى و پهرتهوازهیا جهێ خوه د ناڤ تهڤنێ جڤاكێ كوردان دا كریه یا ژ ههموویێ نهخوهشتر ئهوه ههر كهس ب ئهڤێ كێمانیێ دزانیت” سیاسهتا ژێكڤهكه، بسهركهڤه”، لێ دیسا ژى ههر ل سهر ڤێ دههو دوویێ دبهردهوامن و “دانێ وان د قازانهكێ دا ناكهلیت”. ئهڤ ل ههڤ نهكرنه بۆیه سهدهم ههموو ههلێن ب دهستڤه ئینانا مافێن نهتهوهیى دبهرههڤ دبهر ئاڤێ دا بچن و ل داویێ ببن پاڵێن پووشى، نموونه هند دمشهنه مرۆڤ شهرم دكهت رێز بكهت لێ ههما هوون و خوهدێ مێزهى رهوشا نوكه بكهن كانێ پهرتهوازهیا نهتهوا كورد گههشتیه چ قۆناغ!!
پهرتهوازهیا هێزێن سیاسى و جڤاكى ئهڤرۆ ل كوردستانێ گهههشتیه ئاستێ ههرى بلند و مهترسیدار لێ د سهر ڤێ ههموویێ ڕا كار بگههته تهخهكا ههره ڕهسهنا جڤاكێ كورد “ئێزدیان” و مینا چیایێن كوردستانێ ب درێژیا دیرۆكێ خوه لبهر ههموو ههوێن بهۆژاندن و ژ كۆك راكرنێ گرتین و ناسنامه و زمانێ مه پاراستى و پیرۆزى دایێ، “ئێزدى” كو ل دهف ههر كوردهكى ب كوردێن ڕهسهن دهێنه ههژمارتن و جهێ سهربلندى و شانازیا مهنه ، گومانا نهكوردبوونێ بێخنه پال و بازرگانیێ ب دۆز و خهم و كارهساتێن وان بكهن، بازرگانێن درێغیێ ب فرۆتنا ههر پیرۆزیهكێ ناكهن، تنێ بهرووكێن وان دا گهرم ببن.
رهوشا كوردستانێ ب گشتى د قۆناغهكا پرى وهرگوهێز و وهرچهرخ دا دبووریت و ب تهڤنهكێ مهترسیدار وهرپێچایه و ئاسۆیهكا نهدیار ل بهندا كوردستانێ یه لێ ئهڤه نابیته سهدهم كو ئهم بێدهنگ و بێ ههلویست بین بهرامبهرى ڤان بزاڤێن دهێنه كرن بۆ پتر پهرتهوازهكرنا تهڤنێ جڤاكێ كوردستانێ.
ناهێت ماندهل كرن كو برایێن مه یێن ئێزدى گهلهك ئازار و جهفا كێشاینه و سهدهمێن ڤان ئازاران كورد بوون و ئایینێ پیرۆزێ وان بوویه، ئهو ئایینێ ههموو تێكستێن وى یێن پیرۆز ب زمانێ كوردى هاتینه نڤیسین، ب ڤى رهنگى پیرۆزى دایه گرنگترین خالا نهتهوبوونێ كو زمانه، ئهڤجا ب چ ڕهنگ و ب كیژان مهتۆد و لۆژیكێ گۆمانێ دئێخنه ناسناما كوردبوونا ئێزدیان!!
ل سهر ڤێ پهرتهوازهیا لایهنێن سیاسى یێن كوردستانى لێ ههموو ل سهر بێ خشیا كوردبوونا ئێزدیان دكۆكن، ئێزدى خوهدى جههكێ ههرى بلند و برێزن و شانازیێ ب وان دبهن كو د سهر وان گڤاشتن و ههوێن بهوژاندنێ(تهصهیر) دا ناسناما كوردبوونا خوه پاراستنه و بهلكو ئهم كوردێن بوسلمان حهسوودیێ ب پاكیا كوردبوونا وان دبهین.
بازاركرن ب ئازارێن ئێزدیان و دووركرنا وان ژ ههڤ نهژادنێن وان(كورد)، نه بزاڤهك نوویه بهلكو گهلهك كهڤنه لێ ههموو بزاڤێن ب ڤى رهنگى ب ههروه و مایه پووچ دهركهفتنه و ئهڤ بزاڤێن نوكه دهێنه كرن، چارهنڤیسێ وان ژ یێن بهرێ باشتر نابیت.
بهرى نها ژى مه ژ پهرلهمانێ كوردستانێ داخاز كربوو كو ههر پارتهكا ب ناڤێ ئۆلى بهێته دامهزراندن، قهدهغه بكهت، داكو بازار ب ئۆلى نههێته كرن و ژ ئاراستهیێ خوه یێ پیرۆز ئهوژى پاكرهوان كرنا مرۆڤیه ژ گونهه و خرابكاریێ، دهرنهكهڤیت. ب ههمان رهنگ دامهزراندنا پارتهكێ ب ناڤێ ئێزدیان ژبلى زیانێ پێڤهتر تشتهكى دن ل كوردێن ڕهسهنێن ئێزدى زێده ناكهت و دێ ب ڤێ رێكێ داگیركهرێن كوردستانێ دهرزا ل نابهینا مه زێده بكهن و ڕهواتیا دۆزا كوردى بۆ كێشێن ناڤخوهیى و لا بهلایى بهن، كو ئهڤرۆ ژ ههردهمهكى زێدهتر مه پێدڤى ب ئێكرێزیا نهتهوهیى ههیه و دا مینا مهلایێ جزیرى بێژین:
دل گهشته مه ژ دێرێ ناچم كنشتهیێ قهت
محراب وێ ب من ڕا وهور دا بچینه لالهش
يوئێن توركيا ب كوشتن و وێرانكرنا چهند دهڤهرێن باكوورێ كوردستانێ تۆمهتبار دكهت
ئهڤرۆ نيوز:
نڤيسينگهها مافێن مرۆڤى يا رێكخراوا نهتهوێن ئێكگرتى راپۆرتهك دهربارهى بنپێكرنێن هێزێن ئهمنى يێن توركيا بهلاڤكر و ئهو وهلاته ب كوشتنا ب ب سهدان كوردان تۆمهتبار كرينه.
راپۆرت ژ 25 لاپهران پێك دهێت و ئاماژێ ب وێ چهندێ دكهت كو د ناڤبهرا تيرمهها 2015ێ و ههتا كانوونا ئێكێ يا 2016ێ پێشێلكاريێن مهزن ل توركيا هاتينه ئهنجام دان و پتريا وان پێشێلكاريان ل باكوورێ كوردستانێ بووينه.
روبهرت كولڤيل ئاخفتنكهرێ ب ناڤێ كۆمسيۆنا مافێن مرۆڤى يێ رێكخراوا نهتهوێن ئێكگرتى هوشدارى دايه ئهنقهره و راگههاند پێشێلكارى و رێزنهگرتن ل مافێن مرۆڤى دبنه ئهگهرێ كووربوونا جوداهيان د ناڤ توركيا دا و دروستبوونا ئالوزى و نهئاراميێن زێدهتر.
كولڤيل ئاماژه ب وێ چهندێ ژى كريه كو د ماوێ ئێك سال دا ڤهكولهرێن رێكخراوا نهتهوێن ئێكگرتى ڤيايه سهرهدانا دهڤهرێن جودا يێن باكوورێ كوردستانێ بكهن دا كو ژ نێزيك هايدارى رهوشا وێ دهڤهرێ بن، بهلێ نهشياينه.
سەرەدانا تەخ و چینێن جوداجودایێن کوردستانێ بو سەر مەزارێ نەمران ل بارزان
ب وێنه: دارا ئهڤينداران ل دهۆكێ ب نياسه
ئهڤرۆ نيوز، نەوزاد زادە ھلۆری:
کەڤنترین و مەزنترین دار ل ھەرێما کوردستانێ دکەڤیتە گوندێ ھلورا یا سەر ب کارگێریا ناحیا شێلادزێ ب دویراتیا 8کم و بەرکەڤناتی و مەزناھیا وێ گەشتیار ناڤێن خوە و ئەڤیندارێن خوە ل سەر دنڤیسن و ژ بەر ڤێ گەلەک ب دارا ئەڤینداران ددەنه نیاسین.
سەدیق عەبدوللا وەلاتیەکێ گوندێ ناڤھاتی یە بۆ ئەڤرۆ نیوز گۆت: (مەزنترین دار ل ھەرێما کوردستانێ دکەڤیتەگوندێ مە و ناڤێ وێ دار چنارا خالانەیە کو ژیێ وێ دڤریت بو 400 سالان بەری نھا و بلنداھیا وێ دگەھیتە 30م و رووبەرێ دەردورێن قورمێ وێ دارێ دگەھیتە 14.5م و گەلەکا ب خەم و رەوشە ب تایبەتی د وەرزێ بھارێ دا و سالانە خەلکەکێ زۆر قەستا وێ دکەت بو دیتنێ وهكو گەشتوگوزار).
زێدەتر گۆت: (ھەر کەسێ بھێتە سەرەدان و دیتنا ئەڤێ دارێ ناڤێت خوە ب رەمز و پیتێن جوان دنڤیسن کو ئەڤ یەک ژی رامانە کو ناڤێت خوشتڤی و ئەڤیندارێن خوە ل سەر دنڤیسن و ھندەک ژی وەکو بیرھاتن ناڤێت خوە دنڤیسن).
ناڤبری د درێژاھیا ئاخفتنێن خوه دا گۆت: (ئەو ئەڤیندار و کەسانێن کو ناڤێت خوە دنڤیسن ناڤێت وان نێزیکى 10 سالان ل سەر دارێ دمینن و ژێ ناچن و دەما بوو جارا دویێ دھێنە سەرەدانا وێ دارێ گەلەک ژ وان کەیف خوش دبن و ھندەک ژی ئاخینکان رادھێلن بو بیرھاتن و ئەڤیندارێن خوە).
ئهڤى وهلاتيێ گۆندێ هلۆرا ل دوماھیێ گۆت: (ناڤ نڤیسان ژل ایێ ھەردوو رەگزایە، بەلێ پرانیا وان کور دنڤیسن).
ژدهستدانا بیردانكێ.. داعش و چرچل
چهندى هزر بكهم كو ئهو ئێشا ژدهستدانا بیردانكێ (فقدان الژاكره) ئهوا ئهم گهلهك د فلمێن ئاكشن و یێن درامایان دا دبینین، یان د رۆمانان دا دخوینین، ههما دهروهكه و تشتهكێ دهستكرده، یانژى راستیه هنده مهزن دكهن ههتا دبیته تشتهكێ وهسا كو خهلك باوهر ژێ بكهن، جارهكێ من بهیانهك و كهنیهك و ژبیركرنا میلان كۆندێرا خواند كو “بهختهوهرترین مللهت ئهون یێن بێ بیردانك و بێ دیرۆك” من ژى سهحركه ئهمریكا! ئهرێ عیراقا 1941 دشیا ل بهرامبهر ئمبراتۆیا بریتانیا یا مهزن براوهستێت كو دهسههلاتى ل چارێكا ئاكنجیبووێن ئهردى كرى و 33 ملیۆن كیلۆمهترێن چار گۆشه گرتین، چارێكا جوگرافیا ئهردى؟ فهریق حسێن فهوزى سهرسالارێ لهشكرى و پهسهندهك و سیردانهكا چارگۆشا زێرین، ههر چار عهقیدان: سهلاحهدین ئهلسهباغ، فههمى سهعید، كامل شهبیب و مهحموود سهلمان. پلان بۆ شۆرهشێ دنابوون د شهرگهها شهرێ جیهانێ یێ دویێ دا، دیسا كهس چالاكتر نینه ژ موخابهراتێن ئهنگلیزى كو دهستێن خوه یێن درێژ كو دگههنه ههمى تشتێن ڤهشارتى، بایۆزێ بریتانى دنڤیست كو شۆرهش یا گهههشتیه بهردهرێ مالێ، لهندن ژى بهرسڤ نادهت، بالیۆزێ بریتانى كورنۆالیس گۆت:
ـ شۆرهشا مایس ئهز ڤهجنقاندم ههتا رادهیێ هندێ ئهز گوهشیم و گێژكرم، بهلێ چرچل ب ههدراى یێ چاڤهرێ بوو دا كو داگیركرنا عیراقێ بزڤرینتهڤه، شۆرهش بوو پشتا لهشكرێ عیراقێ شكاند، خوه تشتهك بۆ نههێلا و چهك و فرۆكه و ئهفسهر و سهرباز نههاتنه قهربۆكرن ب چو رهنگهكى، لهشكرێ عیراقێ پتر ژ ههشتێ ژ سهدێ ژ هێزا خوه یا ئهسمانى ژ دهستدا و پتر ژ فرهقهكا پیاده یا تهمام. چرچل ئهڤ سهربۆره بۆ خوه گرتبوو، ژ كێ ژ بسمارك ئهوێ سڤكاتى ب نابلیۆنێ سیێ یێ دهخهس كرى، دا كو دهلیڤێ بدهتێ و بێگونهه بكهت كو بۆ داگیركرنا فرهنسا ههمیێ یێ چاڤهرێ بوویێ. بسماركى پێهنهك ل پاشیا نابلیۆنێ سیێ دا بهر ب رۆما ب نهفكریهكێ رهزیل، برۆسیا و كۆماریا فایمار و ئهو ویلایهتێن دیتر بوونه ئێك دا كو ئهلمانیا یا ئێكگرتێ دیار ببیت، وهكو ستریهك د ناڤ تهنگا ئهورۆپا ههمیێ را!!. ئهرێ عیراقا پشتى 2003 دكاریت ل بهرامبهر ویلایهتێن ئێكگرتى یێن ئهمریكى براوهستێت؟ بیرهاتنا پێنجهمێن یا داگیركرنا ئهمریكى ل پایزا 2010 ل سهر مهرا دهرباز دبیت، كهس ژى داخۆیانیێن سهیدایێ راج بهحس ژێ ناكهت: لهشكرێ عیراقى نهكاریت سنۆرێن خوه یێن ناڤخوه یى نهك یێن دهرڤه بپارێزیت! ههر وهسا داخۆیانیێن گهلهكان كو خوهڤهكێشانا ئهمریكى درهوهكه، مانۆرهیهك بۆ هندێ كو وانهیهكێ بدهته سیاسهتمهدارێن عیراقێ و جیهانێ، وانهیهكا نوو د براگماتیێ دا، دا كو پهیڤا دووماهیان یا وان بیت: ئهرێ مه نهگۆتبوو ههوه؟ هوون بۆچى جارا ئێكێ گۆهێ خوه نادهنه كهسێ؟ ئهرێ پێدڤیه كارهسات بهێته روودا ندا ژنوو تێبگههن كا چ دهێته روودان؟ ئهرێ هوون بۆچى ههمى ئێكێن شاش ههمیان دجهربینن، بهرى كو بهێنه رێكا راست و هنگ د جهرباندى؟ ههر وهسا ژى داعشێ ژى وهكر دهمێ حوهكمهتا عیراقێ گوهشاندى حهتا گێژ كرى، ئابوورێ وێ تێكدا و نیڤا لهشكرێ وێ ژى پووچ و پهلاچهكر، كهلوپهل و چهك ناڤودهنگى و مۆرالا وى، زێدهبارى وێرانكرنا سێ پارێزگههێن وێ ب ههمى قهصهبهیێن وێ ڤه، باژارێن وێ ژێرخانێن وێ ههمیان، ئهڤ ڤهجنقینا حوكمهتا عیراقێ، هینگى كۆچكا سپى یا بچووك ل دهڤهرا كهسك، ب ههدارى چاڤهرێ دكر ـ جوداهیهكا مهزن ههبووو د ناڤبهرا چاڤهرێكرنێ و تكبیرێ دا، ئهڤجا درووشمێ وان ئهوه خشیمیا مه جهێ كهیسگرتنا وانه، نهك مهرجه ژى كو كهسێ عهرهب سیخۆرهك بیى یان دهستكهك بیت یان خاین بیت، ئهو بهسى وانه كو یێ نهزان و خشیم بیت، ههر دهم وى تشتى دكهت یێ كو ههردهم دوژمن ل هیڤیا وى تشتى. هینگى یێ نهزان دێ زیانێ گههینته خوه پتر ژ دوژمنێ خوه! پشتى دووماهیا داعش بالیۆز دێ دهسههلات خوه جارهكا ل سهر عیراقێ رائێخیت، ب ههمى سازیێن خوهڤه چو دبچووك بن یان مهزن، ژ پهیرهوێن خواندنا بنهرهت بگره ههتا سیستهمێ ناڤخوه یێ جڤاتا نوونهران و یا دادگهها ئێكگرتى، زێدهبارى بنگههێن ئهسمانى و یێن پیاده یێن نوو، ئهوێن كو رهنگه بنگههێ ئهنجۆلیك كریه بنگهههكێ ناڤهندى!.
و/ ئهڤرۆ
رهوشا سهقايێ سوبههى
ئهڤرۆ نيوز:
رێڤهبهريا گشتيا كهشناسى و بيڤهلهرزێ ل ههرێما كوردستانێ راگههاند كو سوبههى رۆژا سێشهمبى رێكهفتى 10ى كانوونا دويێ 2017 ئهسمانێ دهۆكێ دێ ئهورهكێ ناڤهندى بيت و هندهك جاران ژى بۆ ئهردهكێ تهمام هێته گوهؤڕێن.
پشكا پێشبينيان ل رێڤهبهريا گشتيا كهشناسى و بيڤهلهرزێ ل ههرێما كوردستانێ د نڤيسارهكێ دا كو دانهك بۆ ئهڤرۆ نيوز رهوانه كرينه راگههاند كو ژ ئهنجامێ فشارێن بلندێن رۆژههلاتێ توركيا دهێته پێشبينيكرن ئهسمانێ دهۆكێ ئهورهكێ ناڤهندى بيت و هندهك جاران ژى بۆ ئهردهكێ تهمام هێته گوهؤڕێن.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژههلات بيت ب رهنگهكى د ناڤبهرا 5 ههتا 15كم دا و ماوێ ديتنێ ژى دێ د ناڤبهرا 9 بۆ 10كم دا بيت، پلێن گهرمێ ژى دێ د ناڤبهرا 1 بۆ 12 پلان دا بن.
نيشاندان
WP Facebook Auto Publish Powered By : XYZScripts.com