ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقێ فەریق رائید شاکر جەودەت دادیارکرن:کو هێزێن وان کونترۆل ل سەر سێکا ئەو جهێن ماین ل باژێرێ کەڤن ل مۆسلێ کرینە و شەرکرن ژی د بەرژەوەندا هێزێن عێراقی دایە ل هەموو سەنگەرێن شەریدا،هەروەسا گۆتیە:هێزەکا پۆلیسێن فیدرالی یێن عێراقی گەلەک نێزیکی سەرجخانە بووینە،کۆ دوماهیک جهێ داعشانە،دیسا راگەهاندنا سەرکەفتنا دوماهیێ ل شەرێ مۆسل یا گرێدایە ب دەمیڤە،هەروەسا نوکە داعش یێن د دۆخەکێ شکەستنێ دا دژین پشتی کو 80% شیانێن بەرەڤانیکرنێ ژ دەستداین دیارکر ژی:نوکە داعش یێ خوە دناڤا جهێن پری مرۆڤدا ڤەدشێرن،لێ هێزێن مە ب تەکنیکەکا بلند سەردەریێ دکەن،ژ پێخەمەت زیان نەگەهیتە وی خەلکێ مایە دناڤ وان دا.

فەرماندێ هێزێن پۆلیسێن فیدرالی ئەو ژی گۆتیە:کو وان رێنمایی داینە پۆلیسان کو بازار و جهێن بازرگانی بپارێزن و هەروەسا داخواز ژ خۆدان کاران کریە کو ل دەڤەرێن رزگارکری کارێ خوە بکەن.

ئەڤرۆ نیۆز،زنار تۆڤی:

فەرماندێ هێزێن پۆلیسێن فیدرالی یێن عێراقی رائید شاکر جەودەت دادیارکرن:داعش ل باژێرێ کەڤن ل مۆسل هاتیە تێکشکاندن و هەروەسا داعشێ 60% شیانێن خوە یێن بەرەڤانیێ و بارەگایێن خوە ژ دەستداینە،هەروەسا هێزێن مە ب تەکنیکەکا نوو داعشێ دکەنە ئارمانج و ئەم شیاینە داعشێ ژ خەلکێ مەدەنی دوور بکەین و هەروەسا کەتیبەیێن نیشانشکێنا کونترۆل ل سەر کۆلانێن بابلبەیز کریە.

دیسا فرۆکێن مە ژی وان داعشێن ژ باب جەدید درەڤن بۆ سەرجخانە بومبەباران دکەن و مە زیانێن مەزن گەهاندینە رێزێن وان.

ناڤهاتی دیارکریە ژی:ژلایێ مرۆڤایەتی ڤە هێزێن پۆلیسێن فیدرالی بەردەوام وی خەلکێ ماینە ئاسێ قورتال دکەن ل وان جهێن شەر تێدا و هەروەسا هاریکاریان ژی دگەهیننە وان.

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقێ رائید شاکر جەودەت دادیارکرن:ئەڤرۆ رۆژا ئەینی 23.6.2017 هێزێن عێراقی شیاینە ژلایێ باشۆری ڤە 150 مەتران پێشرەویێ بکەن،هەروەسا ژلایێ رۆژئاڤای ژی ڤە هێزێن مە پێشرەوی کریە بۆ ناڤ باژێرێ کەڤن ل مۆسلێ.

هەروەسا گۆتیە:ئەڤرۆ هێزێن پۆلیسان 40 خێزان ل تاخێ بابلبەیز ل مۆسل قوتالکرینە کو مابوونە ئاسێ دناڤ ئاڤاهیێن تی ئێن تی کری دا،دیسا کەتیبەیێن ئەندازیاریا مەیدانی ژی چەندین مین و تی ئێن تی راکرینە کو داعشێ ل سەر جادا فارۆق و سەرجخانە دانابوون،داکو رێگریێ ل پێشرەویا هێزێن عێراقی بکەن.

ئەڤرۆ نیۆز،زنار تۆڤی:

ئەڤە وێنێ منارا حەدبایە ل باژێرێ مۆسل کو دوهی ژلایێ تیرۆرستێن داعش ڤە هاتیە پەقاندن و ئەڤ منارا دیرووکی ل ڤی باژێری خرابکریە.

ل دووڤ ژێدەرێن مێژوویی ئاڤاکرنا ڤێ منارێ ڤەدگەریتە بەری 900 سالان ل باژێرێ مۆسل و ئێک نیشانێن هەرە مەزن بوو،ل ڤی باژێری و مۆسل ب منارا حەدبا دهاتە نیاسین.

هەژی ئاماژە پێدانێیە کو پشتی داعش ل مۆسل توشی شکەستنێ بووین،چەندین جهێن کەلتۆری خرابکرینە و ژ ناڤبرینە و زیانەکا مەزن گەهاندیە شارستانیەتا ڤی باژێری.

ئەڤرۆ نیۆز،زناز تۆڤی:

فەرماندێ پۆلیسێن فیدرالی یێن عێراقێ رائید شاکر جەودەت دادیارکرن: کو پۆلیسێن فیدرالی ب هەڤکاریا هێزەکا مغاویر یا تایبەت هێرشکریە سەر بابلبەیز ژ پێخەمەت هەموویێ کونترۆل بکەن.

هەروەسا یەکینەیێن فرقا پێنج ئەڤرۆ پشتی شەرەکێ دژوار مزگەفتا حامدین کونترۆلکریە،دیسا هێزێن مە ژلایێ باشۆرڤە یێ شەرەکێ دژوار ل گەل تیرۆرستێن داعش ل بابلبەیز و باب جەدید و بابلتوب دکەن،بەری ب گەهنە وێ پلانا بۆ هاتیە دانان ل دەڤەرا سەرجخانە.

ناڤهاتی دیارکر ژی:ئەڤرۆ هێزەکا پۆلیسێن فیدرالی شیاینە ب درێژاهیا 100 میتران ل باکۆرێ باژێرێ کەڤن بۆ لایێ مزگەفتا زیوانی ڤە ل مۆسل پێشرەویێ بکەن.
هەروەسا هێزێن مە شیاینە 8 داعشان ب کوژن کو 5 ژوان  نیشانشکێن بوون و سێ یێن دی ژی ل سەر ماتۆرسکلێن مینرێژکری هاتینە کوشتن.

فەرماندێ پۆلیسێن فیدرالی ئەو ژی دیارکریە:پشتی هێزێن وان مزگەفتا حامدین کونترۆلکری نوکە هێزێن پۆلیسان یێن د پێشرەویێ دا بۆ گرتنا کەنیسەیا شەمعون ل باژێرێ مۆسل.

ئەڤرۆ نیۆز،زنار تۆڤی:
فەرماندێ هێزێن پۆلیسێن فیدرالی یێن عێراقێ فەریق رائید شاکر جەودەت دادیارکرن،هێزێن پۆلیسێن فیدرالی ل باژێرێ کەڤن ل مۆسلێ چەندین تیرۆرستێن داعش دۆرپێچکرینە،هەروەسا چ دەلیڤە ژی بۆ وان نینن کو ئەو ب رەڤن و خوە قورتال بکەن و گۆت ژی،هێزێن مە شیاینە ل سەرێ جادەیا بابلبەیز ل مۆسلێ 43 تیرۆرستان ب کوژن،کو سێ ژ وان شارەزایێن چێکرن و دانانا تی ئێن تی بووینە،ئەو ژی دیارکریە:کو هێزێن عێراقی 5 ترۆمبێلێن مینرێژکری ژناڤبرینە و ل گەل راکرنا 15 تی ئێن تی یێن ڤەدای،هەروەسا هێزێن پۆلیسان 4 ئاڤاهی ژ مین و تەقەمەنیان پاڤژ کرینە و دیسا مە جهەکێ چێکرنا چەکی ژی ژ تیرۆرستان ستاندییە.

ئەڤرۆ نیۆز،زنار تۆڤی:
فەریق رائید شاکر جەودەت فەرماندەیێ هێزێن پۆلیسێن فیدرالی یێن عێراقێ دادیارکرن:کو هێزێن پۆلیسێن فیدرالی شیاینە 40% کونترۆلێ ل سەر بابلبەیز بکەن و هەروەسا ل دۆرێن 400 میتران هێزێن پۆلیسان نێزیکی جادا فارۆق بووینە و مزگەفتا حامدین ژی دۆرپێچکریە و گۆتیە ژی: مە هێزێن پشتەڤانیێ ڤرێکرینە بۆ گرتنا هندەک ئارمانجێن گرنگ وەکی مزگەفتا ئاغاوات و پاشا و رابعیە و عومەر ئەسوەد زیوانی و بیلال حەبەش و کەنیسێن لاتین و شمعون،ژ پێخەمەت بهێنە کونترۆلکرن.
هەروەسا دیارکر ژی: یەکینەیێن کەتیبەیا شەڤێ،د پێشرەویێ دانە داکو کونترۆلێ ل سەر بازارێ سەرجخانە و بازارێ سەیاغ و بازارێ ئەربیعا بکەن و ل سەر داعشێن تیڕۆست زال ببن و هەروەسا بگەهنە جادا کۆرنیش ل سەر رووباری.

ئەڤرۆ نیۆز،زنار تۆڤی:
فەریق رائید شاکر جەودەت فەرماندێ هێزێن پۆلیسێن فیدرالی یێن عێراقێ دادیارکرن:کو یەکینەکا تایبەت کو ناڤێ وێ کەتیبەیا شەرکەرێن شەڤێ یە، کو ل مۆسل هاتیە دامەزراندن و هەروەسا هاتینە راسپاردن بۆ رزگارکرنا سەرجخانە،کو ئەڤ جهە دهێتە هژمارتن سەنتەرێ فەرماندەیا داعشێ کو ڤی جهی کۆنترول ل سەر باژێرێ کەڤن هەیە،هەروەسا هێزێن مە ل چەندین جهان چووینە دناڤ ڤی جهی دا،ژ پێخەمەت تێرۆرستێن داعش دۆرپێچ بکەن و وێ ڤەدەرێ ژ تێڕۆرستان پاقژ بکەن و ب شێین رێکێن ئێماهیێ بۆ ڤالەکرنا خەلکێ پەیدا بکەین،ل وان جهێن شەر لێ هەین.
زێدەتر گۆتیە:شانەیا راگەهاندنا جەنگی یا فرقەیا 16 شیاینە بێژەر و پێشکێشکارێ رادیۆیا بەیان یا گرێدای داعشێ یێ بناڤێ عەلا سامی خەتیب ل دەڤەرا نەبی یۆنس بگرن،پشتی خەلکێ جهێن پەیوەندیدار هایدار کرین،کو ئەو یێ هاتیە وێ دەڤەرێ.

ئەڤرۆ نیۆز،زنار تۆڤی:
فەرماندێ هێزێن پۆلیسێن فیدرالی یێن عێراقێ فەریق رائید شاکر جەودەت دا دیارکرن:کو هێزێن پۆلیسێن فیدرالی شیاینە پێشرەویێ ل شەرێ ئازادکرنا مۆسلێ دا بکەن و هەروەسا ئەو شاینە ل باژێرێ کەڤن 32 داعشان ب کوژن و دیسا هێزێن وان 4 ماتۆرسکل و سێ جهێن رەشاشەیان ژناڤبرینە و گۆت ژی هێزێن مە ب کووراتیا 200 مەتران چووینە دناڤ جادا فاروق دا،مە کونترۆل ل سەر مزگەفتا هادی و ئاڤاهیێ بەرەڤانیا باژێری ژی کریە.