ئه‌ڤرۆ نيوز:

برياره‌ ئه‌ڤ شه‌ڤه‌ ل ده‌مژمێر 5 سپێدێ، نه‌وشيروان مسته‌فا رێكخه‌رێ بزاڤا گۆران ژ له‌نده‌ن ڤه‌گه‌ريته‌ هه‌رێما كوردستانێ.

ئەڤرۆ نیوز: رۆندک زەکی:
د گەل بورینا سالان و د ژیەکێ دەست نیشانکری دا زەلام دھێتە گوھۆرین وەکو بچیکەکی لێت دھێت و پێدڤی حەزژێکرن و ڤیان و پووتە پێدانێ دبیت، لەورا ھەگەر زەلام ئەڤان ساخلەتا ل دەڤ ھەڤژینا خوە نە بینن دێ سەحکەنە رێیەکا دی ئانکو حەرژێکرنێ ل دەڤ ژنەکا دی، بەلێ پرسیار ئەوە ئەرێ ئەڤ ژنە ب دروستی حەزژێکرنەکا راست و دروستە یان ب تنێ بوورینا دەمێن خوشن و قەتاندنا پێدڤیانە و پشتی تێر دبیت زەلام جارەکا دی دێ زڤریت بۆ مال زارۆیێن خوە ؟

دێ دڤێ راپۆرتێ دا زانین کا ژنا دویێ چیە ل دەڤ زەلامی:
1- ھاتنا ژنا دویێ د ژیانا زەلامی دا، پشتی ژن ئینانێ چ پێنەڤێت دێ زارۆ پەیدا بن و ژن دێ ب کارێن مالێ و زارۆیێن خوە ڤە مژوول بیت ھەتا رادەکی ئەو پووتە پێدانا دەست پێکێ نامینیت، لەورا گەلەک جاران زەلام نەشێن خوە ل ئەڤان کارێن روتین بگریت و دێ ژ دەرڤەی مال سەحکەتە حەزژێکرن و ڤیانا ژنەکا دی و پتریا چاران ژی دووماھیا پەیوەندیێ زەلام بۆ خوە ژنا دویێ دئینیت.
2- ھەگەر ژن پووتە ب چوانیا خوە نەدەت و پاقژیا سەروسیمایێ خوە ژ بۆ زەلامێ خوە چونکو زەلام ھندی ناڤ سال ڤە بچیت ھەموو دەما حەز دکەت ھەڤژینا خوە ببینت یا جوان و ب سەروبەر.
3- پتریا چاران مەرج نینە دەما زەلام بۆ خوە سەحدکەتە ژنەکا دی ژبلی ھەڤژینا خوە ژ بەر کارێن سکسی بیت، بەلکو دبیت ژ بەر وێ چەندێ بیت دڤێت بۆ خوە سەحکەتە ژیانەکا نوو یا ڤالا بیت ژ نەخوشی و نەرەحەتی و نەبوونا ئارامیێ ئەوا د گەل ھەڤژینا خوە دبورینیت.
4- ھەگەر زەلامی بڤێت کەسەکێ گرنگ بیت و ھێشتا یێ جوان و گەنچ و حەز دکەت گوھـ ل ئاخفتنێن خوش و ئەڤینیێ ببیت، بەلێ ئەڤان گوتنا ژ ھەڤژینا خوە گوھلێ نابیت، دەما ژنەکا دی ئاخڤتنەکا خوەش دبێژیتێ ئەو ئێکسەر دێ کەڤیتە د ئەڤینا وێ دا.

زەلام چ ھەست دکەت دەما ژنەکا نوو دھێتە د ژیانا وی دا؟
دەما ژنەکا دی دھێتە دژیانا زەلامێ ب ھەڤژین دا وی دەمی زەلام گەلەک ھزرا دکەت د گەل پیچەکا خوشیێ و گەلەک ترسێ کو ھەڤژینا وی بزانیت ژنەکا دی یا د ژیانا ھەڤژینێ وێ دا، تایبەت ئەگەر زارۆ ھەبن ھوسا ھزر دکەت کا ئەرێ ئەڤ ئەڤینە دووماھیێ دێ چلێ ھێت دێ بیتە ھەڤژینا وی یان دێ ب دووماھی ھێت، گەلەک جاران زەلام ھزر دکەت کو یێ کەفتیە د ئەڤینیەکا مازن دا، بەلێ ب دروستی چ راستی بۆ ئەڤینیا وی نینن ب تنێ ھندەک تشت یێن ژ دەست داین ژ کەسەکا نێزیکی خوە و ئەو نوزانیت بەلێ دەما ھشیار دبیت ھەر ئێکسەر دێ وێ ئەڤینیێ ھێلیت و بۆ ھەڤژین و زارۆیێن خوە زڤریت.

ل سەر ھەڤژینێ چ پێدڤیێ بکەت دا کو زەلام سەحنەکەتە ژنا دویێ؟
ل سەر ھەموو ژنا پێدڤیە ئەو داخوازیێن ھەڤژینێ وێ ژێدکەت بۆ ب جھـ بینیت د گەل وان قووناغێن ژیێ زەلامی سەر دەرباز دبیت تایبەت دژیێ 35 ھەتا سالێن خوە یێن چلا دەرباز دکەت چونکو ئەڤە ئەو ژیە یێ زەلام ھزرا گەنجاتیا خوە دکەت و دڤێت ب زڤرینیتە ڤە ھەگەر خوە ژ دەرڤەی مالا وی ژی بیت.
یا ل سەر ھەڤژینێ پێدڤی ئەوە گەلەک خوە بۆ زەلامێ خوە جوان کەت، دیسا چاڤێ خوە ل زەلامێ خوە بکەت وەکو زارۆیەکێ خوە چونکو بەریا نھا ژی مە گۆت بۆ زەلام وەکو زارۆیایە و پێدڤی ب پووتەدانێ یە، یا ژ ھەموویێ گرنگتر ئەوە ل دەما کریارا سکسی ژن و زەلام پێک نەکەن پتریا جاران ئەڤە بوویە ئەگەرەکێ سەرەکی کو زەلام ژنا دویێ بینیت چونکو کریارا سکسی ل دەڤ ھەڤژینان، وان پتر نێزیکی ھەڤ دو دکەت. دڤێت ھەموو دەما تو ھەڤژینێ خوە بدانی کەسەکێ گرنگ د خێزانێ دا و بۆچوونا وی ژ بچووکترین کار ھەتا مەزترین کار وەرگری دا کو ھزر بکەت ئەو کەسەکێ گرنگە ھەگەر بەروڤاژی بیت دێ زەلام سەحکەتە وێ کەسێ یا کو وی ددانیت کەسەکێ گرنگ و بۆچوونا وی یا گرنگ بیت ل دەڤ وێ.

یا ل سەر زەلامی پێدڤیە چ بکەت دەما ئەو ژ ژیانا خوە یا ھەڤژینیێ تێر دبیت؟
یا ل سەر زەلامی پێدڤی زیکا پەیوەندیا نەکەت کو ب تنێ ئەو و ھەڤژینا خوە ل گەل ئێک نا گونجن، ھەگەر ھات و زەلامی پەیوەندیەکا ئەڤینیێ ژی کر بلا زیکا پەیوەندیێن سکسی پەیدا نەبن ژ بەر کو تو دڤی دەمی دا یێ ھەڤژینا خوە دکوژی و ھەگەر ھات و تە ئەڤینا خوە ب خوە نەخواست ژی دێ ل وی دەمی ئەڤینا خوە کوژی ب خەما.

ل ڤێرێ مە زانی کا دەما زەلام سەحدکەتە ژنا دوێ ئەگەر چنە و بوچ و مەزانی دەما ھەڤژینا ئێکێ ئەڤینیێ و خوشیا بۆ زەلامێ خوە پەیدا نەکەت ئەو ل ئەڤینەکا راست و خوش دگەریت.

ئه‌ڤرو نیوز ،بارزان مزوورى
راید فیراس یاسین،به‌رپرسێ راگه‌هاندنا به‌ره‌ڤانیا باژێرێ ئاكرێ بو مالپه‌رێ ئه‌ڤرو نیوز ئاشكرا كر كو ئه‌ڤرو تیمێن وان هاتن ئاگه‌هداركرن كو دوو زاروك هه‌ڤالێن ئێك بناڤێ “ئاده‌م قائیم و سیف الله‌ مجید ” ژیێ وان هه‌شت سالى بون ل ناحیا روڤیا كو ب مه‌ره‌ما مه‌له‌كرنێ چوینه‌ سه‌ر ئاڤێ ژبه‌ر نه‌شاره‌زایا وان بو مه‌له‌كرنێ هه‌ردوو د خه‌ندقن و تیمێن وان ته‌رمێن وان ئیناینه‌ ده‌ر .

ئه‌ڤرۆ نيوز:
ڤەبرینا ھەناسێ ل دەمێ نڤستنێ دا دبیتە ئەگەرێ وێ چەندێ نەخۆش ھشیارببیت بێی کو ئاریشا خوە بزانیت، کافایین ھاریکارە بۆ باشکرنا بیردانکا مرۆڤی و لەشی چالاک دکەت ھەکە مرۆڤی ب شێوەیەکێ ھەڤسەنگ خوار و زێدە خوارنا وی دبیتە ئەگەرێ زێدەلێدانا دلی و بلندبوونا فشارا خوینێ.
گەلەک کەس ھەست ب وەستیان و دامابوونا دومدرێژ دکەن ھەتا ھەکە گەلەک کار ژی نەکەن، بەلێ گەلەک کەس ژ وان نزانن ئەگەر چیە، ل ڤێرێ دێ ئەگەرێن وێ دیارکەین.
1- دەمێ مرۆڤ تێرخەو نەبیت، کارتێکرن ل بیردانکا مرۆڤی دبیت، لەورا دڤێت مرۆڤ رۆژانە 7-8 دەمژمێرا بنڤیت.
2- ڤەبرینا ھەناسێ ل دەمێ نڤستنێ دا دبیتە ئەگەرێ وێ چەندێ نەخۆش ھشیارببیت بێی کو ئاریشا خوە بزانیت، ھەر ل وی دەمی ھزر دکەت ئەو تێرخەو بوویە، ئەڤە تشتەکێ راست نینە، بۆ چارەکرنا ڤێ ئاریشێ پێدڤیە سەنگێ خوە کێم بکەن ھەکە یێ قەلەو بیت، جگارا بھێلیت و ھندەک رێکێن چارەسەریێ وەربگریت ل دووڤ مەترسیا حالەتی.
3- برسیبوون مرۆڤی دوەستینیت، خوارن ب رێیەکا نەرێکخستی دیسا مرۆڤی ماندی دکەت، لەورا پێدڤیە خوارنەکا ھەڤسەنگ ھەبیت داکو رێژا شەکرێ کێم نەبیت و مرۆڤ ھەست ب وەستیانێ نەکەت، لەورا یا گرنگە مرۆڤ تێشتێ بخووت و ھەموو دانێ، خوارنێ پرۆتین و شەکرێن پێدڤی دناڤدا ھەبن.
4- کێمخوینی، ئەنیمیا ئێک ژ ئەگەرێن وەستیانێ یە، ب تایبەت ل دەڤ ژنان، ھاتنا عادەیا ھەیڤانە رەنگە ببیتە ئەگەرێ کێمبوونا ئاسنی و رێگربیت بۆ ڤەگوھاستنا خوینێ بۆ پشکێن دی یێن لەشی، ئەنیمیا دھێتە چارەسەرکرن ب خوارنا خوارنێن پێکھاتێن ئاسنی وەکو گوشت و مێلاک و ھندەک دەرمانان.
5- خەموکی نە ب تنێ کارتێکرنێ ل دەروونیا مرۆڤی دکەت، بەلکو گەلەک نیشانێن لەشی ژی پەیدادکەت، وەکو وەستیان و سەرئێشان و کێمخوارن، چارەکرنا وێ ئەوە قەستا نوشداری بکەی ھەکە ھات و بۆ دەمێ چەند حەفتیا ڤەکێشا و باش نەبوو، نەخوش مفای ژێ وەردگریت ھەکە چارەسەریا دەروونی و دەرمانێن دژی خەموکیێ ب کاربینیت.
6- پەریزادە کونترولا نوونەراتیا خوارنێ دناڤ لەشیدا دکەت، ئانکو لەزاتیا کو لەش خوارنێ بۆ ھێزێ ڤەدگوھێزیت، دەمێ چالاکیا وێ کێم دبیت مرۆڤ قەلەو دبیت و ھەست ب وەستیانێ دکەت، ل وی دەمی یا پێدڤیە نەخوش پشکنینا خوینێ بکەت، ھەکە دیاربوو رێژا ڤی ھورمونی یا کێمە، خوارنا حەبێن ھورمونی دێ ھاریکاربیت بو ڤەگەراندنا وی.
7- کافایین ھاریکارە بۆ باشکرنا بیردانکا مرۆڤی و لەشی چالاک دکەت ھەکە مرۆڤی ب شێوەیەکێ ھەڤسەنگ خوار و زێدە خوارنا وی دبیتە ئەگەرێ زێدەلێدانا دلی و بلندبوونا فشارا خوینێ.
8- ل گەلەک دەمان وەستیان نیشانا ھەبوونا نەخوشیەکا مێزەرۆیێ یە.
9- نەخۆشێ شەکرێ ئاریشا خوە ژ وێ چەندێ دبینیت کو ئاستێ گلوکوزی دناڤ خوینێ دا بلند دمینیت ل شوونا کو ببیتە ھێز، ئانکو لەش مفای ژێ نابینیت، ھەکە تو بەردەوام د وەستیێی گەلەک یا گرنگە پشکنینەکا شەکرێ بکەی.
10- وەستیان نیشانەکە کو لەشێ مرۆڤی ھشک ببیت، لەشی بەردەوام پێدڤی ب ئاڤێ و شلەمەنیا ھەیە و پێدڤی یە مرۆڤ ل دووڤ پێدڤیا خوە وەربگریت.
11- ھەکە تو ب ئەنجامدانا کارێ، خوە یێ، رۆژانە ڤە ماندی دبی، ئەڤە نیشانا وێ چەندێ یە کو دلێ تە ب شێوەیەکێ دروست ب کارێ خوە رانابیت، ھەکە تە تێبینی کر یا ب زەحمەتە ب کارێن خوە وەکو بەرێ راببی، شیرەتا ژ نوشدارەکی وەربگرە.
12- کارکرنا ب شەڤێ و گەشتیاری و جوداھیا دەمی دناڤبەرا وەلاتەکی بو ئێکێ دیتر وەستیانێ پەیدادکەن.
13- ھەکە بۆ دەمێ پتری شەش ھەیڤا تە ھەست ب وەستیانێ کرن، ب شێوەیەکی کو کارتێکرن ل بزاڤێن تە یێن رۆژانە ھاتە کرن، دبیت ئیشانا زەڤلەکا ئەگەرێ وێ چەندێ بیت