ئهڤرۆ نیوز:
رێكخراوهكا تایبهت بۆ جینۆسایدا مهسیحیان ل ههرێما كوردستانێ هاتیه دامهرزاندن و سكرتێرێ رێكخراوا شلومو یا جینۆسایدا مهسیحیان ئاماژه ب ڤێ چهندێ دكهت، كو پشتی ئازادكرنا عیراقێ 1300 مهسیحی شههید بووینه و نێزیكی 150 جهێن ئاینی ژی هاتینه تێكدان.
نهوزاد پۆلس، سكرتێرێ رێكخراوا شلومو یا تایبهتا جینۆسایدا مهسیحیان بۆ رۆژناما ئهڤرۆ گۆت “پشتی كارهساتێن ڤان سالێن دووماهیێ ب سهرێ گهلێ مهسیحی هاتی ل عیراقێ تووشی جینۆسایدێ بووینه، مه ب پێدڤی زانی رێكخراوهكێ ب ناڤێ شلومو یا تایبهت ب جینۆسایدا مهسیحیان دابمهزرینین و حهفتیا بهێت دێ بارهگههێ وێ ب فهرمی ل باژێڕكێ عهنكاوه هێته ڤهكرن”.
سكرتێرێ رێكخراوا شلومو یا جینۆسایدا مهسیحیان خویا ژی كر كو رێكخراوا شلومو دێ بهلگهنامێن كارهساتا ب سهرێ مهسیحیان هاتی چ ل نهینهوا و چ ل بهغدا و دهڤهرێن دی یێن عیراقێ بیت دێ كۆم كهت و نوكه شاندهكێ رابیتا جینۆسایدا نێڤدهولهتی ل ههرێما كوردستانێ یه و سهرهدانا پارێزگهها دهۆكێ كریه و گۆت “ئهڤ شانده دێ ڤهكۆلینان ل دۆر رهوشا جینۆسایدكرنا ههموو وهلاتیێن دهستێ تیرۆرێ ل عیراقێ ب ههموو پێكهاتێن كورد و مهسیحی و ئێزدی كهت”.
ئهڤرۆ نيوز:
شیرهتكارێ ئهنجوومهنێ ئاسایشا ههرێما كوردستانێ د چارچوڤێ پێشوازیكرنێ دا ل ماركۆ كارنێلۆس بالیۆزێ ئیتالیا ل عیراقێ ئاماژه ب وێ چهندێ كر كو دوورپێچا دارایى رۆژ بۆ رۆژێ ل سهر ههرێما كوردستانێ زێدهتر دبیت و پشتى وان ههموو قهیرانێن بهرۆكێن ههرێمێ گرتین، ب تایبهت پشتى حهواندنا نێزیكى دو ملیۆن ئاواره و پهنابهران و ئهڤ چهنده ژى ئهركێ ههرێمێ د شهرێ دژى تیرۆرێ دا و بڕیڤهبرنا هزار و پێنجى كیلۆمهترێن بهرۆكێن شهرى دژوارتر و گرانتر لێ دهێت.
ئەڤرۆ نیوز،زنار تۆڤی:
فیدراسیۆنا تەپاپێ یا جیهانی باشترین پێکهاتەیێ تەپاپێ بۆ سالا 2015 دەستنیشانکر کو تێدا پشکا شێری بەر ب یانەیێن ئیسپانی دکەڤیت. ئەڤ پێکهاتیە ئەڤ شەڤە ب رەنگەکێ فەرمی ژلایێ فیدراسیۆنا تەپاپێ یا جیهانی هاتە دیارکرن کو تێدا ئەڤ یاریکەرە ب رەنگەکێ راستەوخۆ هاتینه دیارکرن. گۆلچی نۆیەر ژ یانا بایرن میۆنخ و هێلا بەرەڤانیێ هەر ئێک ژ تیاگۆ سیلڤا ژیانا پاریس سانجێرمان یا فرەنسی و دانی ئالڤێس ژ یانا بەرشەلۆنا و سێرجیۆ ڕامۆس و مارسیلۆ ژ یانا ریالمەدرید هاتینە هەلبژارتن هێلا ناڤین هەر ئێک ژ ئینێستا ژ بەرشەلۆنا و لۆکامودریج ژ یانا ریال مەدرید و پۆل بۆگبا ژ یۆڤێنتۆس هاتینە دیارکرن هێلا هێرشبرنێ مێسی و نیمار ژ یانا بەرشەلۆنا و کریستیانۆ رۆنالدۆ ژ یانا ریالمەدرید هاتینە هەلبژارتن،وەک باشترین یاریکەرێن جیهانێ بۆ سالا 2015.
ئهڤرۆ نيوز:
وهزارهتا خواندنا بلند و ڤهكولينێن زانستى ئهڤرۆ رێنمايێن پێدانا ناسناڤێ زانستى پهسهند كرن و بريار ل سهر ڤهكرنا خواندنا ئێڤاران ل زانكۆيێن حكومى كر كو ب پارهكێ كێمتر ژ زانكۆيێن ئههلى قوتابى بهێنه وهرگرتن.
د كومبوونا ئهڤرۆ يا وهزارهتێ دا، بهحسێ ڤهكرنا كۆليژێن خواندنا ئێڤاران ل زانكۆيێن حكومى بۆ سالا خواندنێ 2015 – 2016 هاته كرن و بريار هاته دان كو پشكێن دخوازن ڤهكهن دڤێت كوالێتيا خواندنێ و پێدڤيا بازارێ كارى ل بهرچاڤ بهێنه وهرگرتن و 30 % دڤێت كرێيا خواندنێ ژ زانكۆيێن تايبهت كێمتر بيت.
ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 11ى كانوونا دويێ يا سالا 2016ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 دولارێ ئهمريكى | 1240 |
| 1 يۆرۆيێ ئهورۆپى | 1340 |
| 1 ليرێ توركى | 415 |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.netبكه.
زاخۆ، نەوزاد زادە ھلوری:
ئازاد جەوھەر میدیاکار و بەرپرسێ نڤیسینگەھا کوردستان تیڤی ل دەڤەرا زاخۆ دیارکر کو ئەڤە ١١ سالە ئەو کارێ رۆژنامەڤانیێ ل کوردستان تیڤی دکەت و بۆ ئەڤرۆ نیوز گۆت: (دەستپێکا من یا راگەیاندنێ ل کوردستان تیڤی بوویە و ل وی دەمی کوردستان تیڤی بو من وەکو قوتابخانەیەکێ بوویە و نھا وەکو بەرپرسێ نڤیسینگەھێ بەردەوامم و ژبلی پێشەیا رۆژنامەڤانیێ چوو کارێن دن ژی ناکەم).
زێدەتر گۆت : ( پێخەمەتی نە راوەستانا بزاڤا میدیایی یا نڤیسینگەھا کوردستان تیڤی ل زاخو و خزمەتکرنا وەلاتیێن دەڤەرێ من زێرێن ھەڤژینا خوە بو کوردستان تیڤی فروتینە و کو ئەو ژی گوھارک و رستکەک و گوستیرکا ھەڤژینیا و مە شیا ب وان پارەیان ھەشت ھەیڤان درێژیێ ب کارێ خوەیی َمیدیایی ل زاخو بدەین دا کو گازندەیێن دەڤەرا زاخو بو جھێن پەیوەندیدار بگەھینین).
ناڤبری نھا کار لسەر دانانا ئاژانسەکا جیھانی بو بەلاڤکرنا دەنگ و باسێن ب لەز مینا ئاژانسا ئەنادول دکەت کو ئەو ببیتە ژێدەرێ دەنگ و باسێن جیھانی و ل دوماھیێ گۆت : ( نھا راگەھاندن ل کوردستانێ بەر ب پێشڤە دچیت بەلێ بوو گەھشتنا گوپیتکا پێشکەفتێ و ھەڤریکیا جیھانی پێدڤی یە زێدەتر خزمەت بوو راگەیاندنا کوردستانێ بھێتەکرن و شاشیێن خوەیێن راگەیاندنێ راستڤە بکەین).
ئازاد جەوھەر ل سالا ١٩٨٢ ل زاخو ژدایکبوویە و سێ زارو ھەنە و د درێژاھیا ئاخفتنێن خودا گۆت : ( بەری خێزانێ پێکبینم من ئەڤیناری دگەل کچەکێ ھەبوو بەلێ ئەو ئەڤینی سەرنەگرت و نەچاربووم ب رێیەکا دن ھەڤژینیێ ب ھەلبژێرم و پاشان من دگەل کەسەکا دن ھەڤژینیێ بێی ئەڤینی پێکئینا و نھا ئەم زور پێکڤە بەختەوەرین و ئەز ھەڤژینا خوە ب ھەموو جیھانێ نادەم و ئێکانە کەسە د دلێ من دا و گەلەک ژی حەژێ دکەم).
نيشاندان
