ئه‌ڤرۆ نیوز:
هونه‌رمه‌ندێ به‌رنیاسێ كورد شڤان په‌روه‌ر ئاشكرا كر كو ئه‌و دێ داستانا شنگالێ نڤێسیت و گوت” ئه‌وا دشیانێن من دا بیت ژ ئالیێ هونه‌رى ڤه‌ دێ بۆ شنگالێ كه‌م، نوكه‌ ئه‌ز مژوولى نڤیسینا داستانا شنگالێ مه‌ و شنگالى و ئێزدى ل هه‌ر جهه‌كێ بن، ئه‌وێن سه‌باره‌ت ئێزدخان و ئێزدییه‌تێ پێزانین هه‌بن دشێن، پێزانینان بۆ ئێمێلێ من sivanname@hatmail .com بهنێرن.
شڤان په‌روه‌ر هه‌روه‌سا گوت” شنگال پارچه‌كه‌ ژ ئاخا كوردستانێ و ئێزدى كوردێن ره‌سه‌نن، وان گه‌له‌ك ده‌رده‌سه‌رى دیتن، هه‌موو خه‌لكێ جیهانێ ئاگه‌هدارى ئێشێن وانن”.
شڤان په‌روه‌ر گوت” ئه‌ز ئازادكرنا شنگال پیرۆز دكه‌م، به‌لێ شنگال نوكه‌ یێ كاڤل بووى، پێدڤیه‌ ئه‌م هه‌مى بزاڤا بۆ ئاڤه‌دانكرنا وێ بكه‌ین، هه‌تا كو خه‌لكێ وێ ڤه‌گه‌ریته‌ڤه‌ و ژیانا خوه‌ ده‌رباز بكه‌ن”.

ئه‌ڤرۆ نیوز:

ئه‌ڤرۆ د چارچوڤێ پشكداریكرنێ د مه‌راسیمێن هه‌شتێ یێن هه‌وا سالانه‌ یا به‌رهنگاربوونا توندوتیژیا دژى ژنان، ره‌نگێ ریباتا نێچیرڤان بارزانی و قوباد تاڵەبانی یا پرته‌قالى بوو.
كوسار كه‌ریم ئه‌نداما جڤاتا بلندا خانمان راگه‌هاند كو ره‌نگێ پرته‌قالى هێمایه‌كه‌ بۆ به‌رهنگاربوونا توندوتیژیا دژى ژنان و ل پرانیا پایته‌ختێن ولاتێن جیهانێ ل رۆژا جیهانیا ژنان ، د مه‌راسیمان دا ره‌نگێ پرته‌قالى هه‌لدبژێرن.

ئه‌ڤرۆ نیوز:

ره‌جه‌ب ته‌یب ئه‌ردوگان سه‌رۆك كومارێ توركیا راگه‌هاند كو پشتى روودانا كه‌تنا فرۆكا رووسى ل سه‌ر ئاخا ولاتى وى، وى په‌یوه‌ندى ب فلادیمیر بوتین كریه‌، به‌لێ به‌رسڤا تله‌فونا وى نه‌دایه‌.
پشتى كه‌تنا فرۆكا رووسى ل سه‌ر ئاخا توركیا، په‌یوه‌ندیێن توركیا و رووسیا به‌ره‌ڤ ئالوزبوونێ چووینه‌.

ئه‌ڤرۆ نیوز:

كریستیانو رۆنالدو رژدى ل سه‌ر وێ یه‌كێ كر كو په‌یوه‌ندیێن وى ل گه‌ل یاریكه‌رێ ویلزى گاریس به‌یل دخوش، د یاریا شڤێدى یا ریال مه‌درید به‌رامبه‌ر شاختار، كامیران وێنێ ئاهه‌نگا رۆنالدو و بێل به‌لاڤكر ده‌مێ كو خوه‌ ل ئێك وه‌رگرین و رۆنالدو ب پاسه‌كا جوانا بیل گوله‌ك توماركرى.
پێشتر دهاته‌ به‌حسكرن كو په‌یوه‌ندیێن بێل و رونالدو دنه‌خوشن ب تایبه‌ت كو كو رۆنالدو هه‌ست دكر كو به‌یل پاسان بۆ وى ناده‌ت.

ئه‌ڤرۆ نیوز:

نازدار جزیرى بۆ جارا ئێكێ ل به‌رپه‌رێ خوه‌ یێ ئینستگرام وێنه‌كێ هه‌ڤژینێ خوه‌ به‌لاڤ دكه‌ت و پیروزباهیا رۆژا ژ دایكبوونێ لێ دكه‌ت.
گه‌له‌ك ژ مێژه‌ به‌حسێ هندێ هاتیه‌ كرن كو نازدار و سترانبێژ رابین، ئاهه‌نگا خوه‌ كریه‌، به‌لێ نازدارێ د چ دیداراندا به‌حسێ هه‌ڤژینێ خوه‌ نه‌كریه‌.
به‌رى چه‌ند رۆژا، ل رۆژا ژ دایكبوونا رابین، نازدارێ ل به‌رپه‌رێ خوه‌ یێ ئینستگرامێ وێنه‌كێ رابین به‌لاڤ كریه‌ و گوتیه‌” جه‌ژنا ژ دایكبوونا ته‌ پیروز ئه‌ى خوشتڤیێ من، ئه‌ى هه‌ڤژینێ خه‌ونێن من”.

ئەڤرۆ:
دەرھێنەرێ فلمێ (نێچیرڤانێ خراب) دیارکر، فلمێ وی ل گەل 9 فلمێن دی دێ ھەڤرکیێ ل سەر ب دەستڤەئینانا خەلاتێ ئۆسکار کەن.
سەھیم عومەر خەلیفە کو ئێکەم کوردە دو جاران فلمەکێ وی دگەھیتە ھەڤرکیا ئۆسکار بۆ رووداو دبێژیت: ل رۆژا 19/11/2015 ئەز ب فەرمی ژلایێ کۆمیتا ئۆسکار ل ھولیۆد ل باژێرێ لوس ئەنجولس ل ئەمریکا ھاتیمە ئاگەھدارکرن کو فلمێ مە نێچیرڤانێ خراب بۆ وەرگرتنا خەلاتێ ئۆسکار بۆ سالا 2016 یێ ھاتیە بەربژێرکرن و 9 فلمێن دی ژی ل گەل دانە،
ناڤھاتی کو خەلکێ باژێرێ زاخۆیە و بۆ دەمێ چەند سالانە ل وەلاتێ بەلجیکا دژیت، ل دووماھیێ گۆت: ھەموو ئەکتەر و ستافێ فلمی خەلکێ دھۆک و زاخۆنە، و ئەڤە ژی سەربلندیەکا مەزنە بۆ سینەما کوردی، و ئەوێ چەندێ دگەھینیت کو ب ئەکتەر و ستافێ نافخوەیی ژی ئەم دشێن کارێن باش بکەین.

ئه‌ڤرۆ نیوز:

سوزان بلانكهارت بالیوزا هوله‌ندا ل سودانێ سوزا خوه‌ بره‌ سه‌ر و خوه هاڤێته‌ روبارێ زێ  و ده‌رباز بوو كو سوز دابو ئه‌گه‌ر لایكێن په‌یجێ وێ بوونه‌ 10 هزار لایك دێ ل ئاڤا نیل ده‌رباز بیت.

ئەڤرۆ نيوز، نەوزاد زادە ھلوری:
فروکێن شەرکەرێن تورکی شڤێدی چەند دەڤەرەکێن باشوورێ کوردستانێ بۆردۆمانكرن و ل چەند جھەکان ژی دزڤرین.
زوزک چومانی روژنامەڤان و وەلاتیەکێ دەڤەرا بالەکایەتی یە بۆ ئەڤرۆ نیوز گۆت: “ئێڤاریا دوھی رۆژا ئه‌ينى رێكه‌فتى 20ى چريا دويێ فروکەیەکا ڤه‌كۆلينێ یا تورکی هه‌موو گوند و ناوچەیێن دەڤەرێن بالەکایەتی و بنارێ قەندیل و سنورێ قەزا رەواندوزێ و دەڤەرێن سیدەکان پشکنین بوو دکر و پشتی بورینا دەمەکێ چوار فروکێن تورکی ل وان جھان بۆردۆمان دەستپێکر ب تایبەتی چیایێ کاروخ و ناحیا وەرتێ، دەڤەرا خنێرە، چیایێ پشت ھیندرێ، ماوەیێ ئێک دەمژمێرێ ئەو دەڤەر بۆردۆمانكرن”.
زێدەتر گۆت: “ئەو جھێن کو ھاتینە بۆردۆمانکرن چوو بارەگایێن گەریلایێن پەکەکێ لێ نەبووینە و ھندەک ژ وان جھان ژی د نوو بوون، هه‌تا نھا چو زیانێن گیانی نەبووینە، بەلێ زیانێن ماددی ب وان دەڤەران كه‌فتينه‌”.
ژێدەرکێ ژ گەلیێ بالندا ژی دیارکر کو ھەر شڤێدی فروکێن شەرکەرێن تورکی ئاسمانێ ئاڤا شین و دەڤەرا زێبارێ و دەڤەرا بارزان ژی بەزاندیە بێی کو چو بۆردۆمانان بکەت.
بۆردۆمانكرنا فرۆکێن تورکی بۆ باشوورێ کوردستانێ پشتی تێکچوونا پێڤاژویا ئاشتيێ د ناڤبەرا تورکیا و پەکەکێ دا دەستپێکریە و ب شێوەیەکێ بۆردۆمانكرن ژ ٢٤ی تەموزێ دەستپیکریە و ھەتا نھا ژی جار جار ئەڤ بۆردۆمانه‌ د بەردەوامن.