ئه‌ڤرۆ نيوز:
نووترين نووچه
- سەرۆكێ حوكمەتێ و قونسلێ فلستینێ دووماهی پێشهاتێن رەوشا غەزە گەنگەشەكرن
- د. خەلیل غازی: داهاتێ دەزگەهێن حوكمەتا ئیراقێ بۆ گەنجینەیا وەلاتی ناچن
- هەكە دۆزێن مللەتان د هندەك ویستگەهاندا تووشی راوەستییانێ ژی ببن، چو جاران ب دووماهی ناهێن
- مەسرور بارزانی و پاتریاركێ كەنیسەیا ئاشۆرییا رۆژهەلاتی دوپاتیێ ل پێشڤەبرنا كەلتوورێ پێکڤەژیانێ دكەن
- پارتی ل گەل ئێك لیستییێ یە ل دەڤەرێن كوردستانی یێن ل دەرڤەی ئیدارەیا هەرێمێ
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
سه‌ره‌كى غير مصنف
ره‌وشا سه‌قايى
ئه‌ڤرۆ نیوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا پێنجشه‌مبى رێكه‌فتى 24ى كانوونا ئێكێ يا 2015 ئه‌سمانێ دهۆكێ دێ ساهى بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن باكوورێ رۆژهه‌لاێ وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمانى دهۆكێ دێ ساهى بيت ل گه‌ل هه‌بوونا هنده‌ك مژێ ل ده‌مێ سپێدێ زوو.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى 8 بۆ 10 كم بيت، پلێن گه‌رمێ ژى دێ د ناڤبه‌را 4 بۆ 16 پلان دا بيت.
عه‌دنان كه‌ريم و ھەڤال ئیبراھیم و كه‌ژێ و كه‌ويار يێ كليپه‌كێ چێدكه‌ن
ئەڤرۆ نیوز، ھەرھین محەمەد:
سترانبێژ ھەڤال ئیبراھیم بۆ ئەڤرۆ نیۆز دیارکر کو ئەڤە بۆ ماوەکی یە مژوولی سترانەکێ ب ناڤێ (برایەتی) د گەل سترانبێژ (عەدنان کەریم و کەژێ و کەویار) و ژڤانە د نێزیکترین دەم دا بھێتە بەلاڤکرن و نوکە د قووناغا مونتاژێ دایە.
ھەڤالی گۆتژی: “ناڤەرۆکا ڤێ سترانێ بەحسێ برایەتی دکەت و کو ھەموو کورد دەستێن خوە بدەنە ئێک و رۆژا مە یا ھاتی و زمانێ مە ئێکە و ئەم برایی نە”.
دا زانین ژی کو چار ھوزانڤانان پەیڤێن ڤێ سترانێ داناینە (غەریب قادر، شەھاب زەنگەنە، رێبوار شێروانی و گۆران) و ئاواز ھەڤال ئیبراھیم و گۆت: “ئەڤ سترانە ل ستودیۆیا فورمیوزیک ھاتیە تومارکرن و ب پشتەڤانیا نێچیرڤان بارزانی ئەڤ کلیپە ھاتیە چێکرن”.
ل دووماھیێ ھەڤال گۆت: ئەز حەز دکەم خەلک باش گۆھێ خوە بدەنە سترانا برایەتی و بزانن مەرەما مە چیە؟”.
ژن و مێره‌كان ل سه‌ر شێوازێ زره‌ده‌شتيان ماره‌بڕين كر
ئه‌ڤرۆ نيوز:
پشتى هزار و 437 سالان، دوهى 19ى كانوونا ئێكێ ب ئاماده‌بوونا چه‌ند مامۆستايێن زانكۆيێ و وه‌لاتيێن زه‌ره‌ده‌شتى، بۆ جارا ئێكێ ل باژێرێ سلێمانيێ پرۆسا هه‌ڤژينيێ ل سه‌ر شێواز و دستوورێ زره‌ده‌شتيێ ب رێڤه چوو.
په‌يجێن زه‌ره‌ده‌شتيان ل تۆڕا جڤاكيا فه‌يسبۆكى به‌لاڤكريه كو پشتى زێده‌تر ژ 1437 سالان ژ حه‌رامكرنێ، ل سه‌ر ده‌ستێ پيرێ ئێكانه يێ زره‌ده‌شتيان يێ كورد پرۆسا ئێكانه يا هه‌ڤژينێ ل سه‌ر شێواز و دستوورێ زره‌ده‌شتى ل ئاته‌شگه‌ها پيرۆزا زره‌ده‌شتيان ل سلێمانيێ ب رێڤه چوو.
شاهجوانا عیراقێ دێ هێته هه‌لبژارتن
وه‌زيرێ به‌ره‌ڤانيا عيراقێ په‌يامامه‌كا دلخوشكه‌ر رادگه‌هينيت
ئه‌ڤرۆ نيوز:
وه‌زيرێ به‌ره‌ڤانيا عيراقێ راگه‌هاند كو ب تنێ 17% ژ ئاخا عيراقێ دده‌ست چه‌كدارێن داعش دا مايه و سالێ بهێت ب تمامى دێ ده‌ڤه‌رێن ژێر ده‌ستێ داعش هێنه رزگاركرن.
خالد عوبێد وه‌زيرێ به‌ره‌ڤانيا عيراقێ د كۆنفرانسه‌كێ رۆژنامه‌ڤانى دا راگه‌هاند: 600 مليون دولار د ئوپه‌راسيونێن سالا بوورى دا ل دژى داعش هاتينه مه‌زاختن.
خالد عوبێد وه‌زيرێ به‌ره‌ڤانيا عيراقێ ئاماژه ب وێ يه‌كێ كرژى كو داعش ب تنێ 40% ئاخا عيراقێ كونترول كربوو، به‌لێ نوكه ب تنێ سه‌دێ 17 ژ ئاخا عيراقێ دده‌ستىێ وێ دا مايه.
ھەڤژینەک دڤێت
ئەڤرۆ نیوز:
ھونەرمەندا بەرنیاسا عەرەب شرین عەبدولوەھاب دان ب وێ چەندێ دا کو وێ گەلەک دەلیڤە یێن ژدەست داین و دیارکر ئەو ژنوکە وێڤە یا نەزان نابیت و دێ بۆ خوە کەسەکی وەکو ھەڤژین ھەلبژێریت دا ژیانا خوە یا مای ل گەل ب بۆرینیت.
ناڤھاتی دبێژیت: ھەر چاوا بیت بریارا ژێکڤەبوونا من و ھەڤژینێ من نەیادروست بوو، چونکو گەلەک زیان گەھاندە من وی، ھەروەسا زیانا مەزن بۆ ھەردو کچێن بوو، و ھەتا دمرم ڤێ چەندێ ژبیرناکەم.
د دووڤدا گۆت: پشتی ئەم ژێکڤەبووین گەلەک جاران خوازگینێن من ھاتینە، لێ من ھەموو رەتکرینە، چونکو دوبارە شووکرن دھزرا من دا نەبوو، لێ ئەڤە دەمەکە من ھزرا خوە یا گوھۆری و ئەز ب باوەرم ھەکە شوو بکەم دێ بۆ من باشتر بیت، لەورا ژنوکە وێڤە دێ شانسەکێ دی جەربینم و دبیت بۆ جارا دویێ د شووکرنا خوە دا بەلکو یا سەرکەفتی بم.
رۆژانێن ئه‌ده‌بیاتێ ل ئاكرێ دێ ده‌ست پێ كه‌ن
ئه‌ڤرۆ نیۆز، رێوار مزیرى:
رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ، رێڤه‌به‌ریا چالاكیێن وێژه‌یى ل دهۆكێ ب هه‌ڤكارى ل گه‌ل رێڤه‌به‌ریا ره‌وشه‌نبیرى و هونه‌رى ل ئاكرێ و بزاڤا ره‌وشه‌نبیرى ل ئاكرێ دێ رۆژانێن ئه‌ده‌بیاتێ ل رۆژێن 15-16/12/2015 ل ده‌مژمێر 3 ێ ئێڤارى ل هۆلا بزاڤا ره‌وشه‌نبیرى ل ئاكرێ گێریت.
هه‌لگۆر قه‌هار، رێڤه‌به‌رێ چالاكیێن وێژه‌یى ل دهۆكێ بۆ ئه‌ڤرۆ نیۆز ئاشكرا كر كو ئێك ژ ئارمانجێن رێڤه‌به‌ریا وان ئه‌وه كو چالاكى ژ ناڤ سه‌نته‌رێ باژێرێ دهۆكێ بۆ قه‌زا و ناحیێن سه‌ر ب پارێزگه‌ها دهۆكێ ڤه بهێنه ڤه‌گۆهاستن ژبه‌ر ڤێ چه‌ندێ وان ب فه‌ر دیت ڤان رۆژانێن ئه‌ده‌بیاتێ ل قه‌زا ئاكرێ ب گێرن، چونكو ب دیتنا ناڤهاتى ئاكرێ قه‌زایه‌كا زه‌نگینه د وارێ كه‌لتۆرى دا و گۆت: ” د رۆژا ئێكێ یا ڤێ چالاكى یێ دا و د په‌نه‌لێ ئێكێ دا دێ چه‌ندین په‌یڤ هێنه خواندن و فلمه‌كێ دیكیومێنتى ل سه‌ر ژیانا هونه‌رمه‌ند و ئاوازدانه‌رێ سترانێن نه‌ته‌وایه‌تى یێن هونه‌رمه‌ند ئه‌رده‌وان زاخویى (عیماد ئاكره‌یى) هێته نیشادان و پاش چه‌ندین ستران ژ ئاوازێن (عیماد ئاكره‌یى) دێ ژ لایێ هونه‌رمه‌ند (فه‌رامه‌رز ئاكره‌یى) ڤه هێنه گۆتن و د په‌نه‌لێ دویێ یێ رۆژا ئێكێ دا دێ كۆنسێرته‌كا هه‌لبه‌ست خواندنێ بۆ هه‌لبه‌ستڤا (كه‌مال ره‌مه‌زان) هێته گێران و پاش ناڤهاتى دێ هێته رێزلێنان”.
ناڤهاتى ئاماژه دا وێ چه‌ندێ ژى كو د رۆژا دویێ یا رۆژانێن ئه‌ده‌بیاتێ دا و د په‌نه‌لێ ئێكێ دا ره‌وشا ئه‌ده‌بیاتێ ل ده‌ڤه‌را ئاكرێ دێ ژ لایێ (مسته‌فا سه‌لیم) ڤه هێته به‌حسكرن و گۆت: ” د په‌نه‌لێ دویێ یێ ڤێ رۆژێ دا كۆنسێرته‌كا هه‌لبه‌ست خزاندنێ بۆ هه‌لبه‌ستڤان (ئه‌لند ئاكره‌یى) دێ هێته گێران و پاش ناڤبرى دێ هێته رێزلێنان و دهه‌مان رۆژ و په‌نه‌ل دا چه‌ندین هه‌لبه‌ستێن هه‌لبه‌ستڤان (ئه‌لند ئاكره‌یى) ئه‌وێن بووینه ستران دێ ژ لایێ هونه‌رمه‌ند (فه‌رهاد ئاكره‌یى) ڤه هێنه گۆتن.
زێر گران بوو
ئه‌رێ هه‌رێم دێ خوه بۆ جه‌ژنا سه‌رێ سالێ به‌رهه‌ڤ كه‌ت
ئه‌ڤرۆ نیوز:
تاهر عه‌بدولا جێگرێ پارێزگارێ هه‌ولێرێ راگه‌هاند ژ ئه‌گه‌رێ قه‌یرانا دارایى و شه‌رێ داعش، چ به‌رهه‌ڤى بو سه‌رێ سالا نوو یا زاینى ل هه‌ولێرێ ناهێنه كرن.
تاهر عه‌بدولا جێگرێ پارێزگارێ هه‌ولێرێ راگه‌هاند” مه چ به‌رهه‌ڤى بۆ سه‌رێ سالا نوو نه‌كرینه و ڤێ بیرئانینێ ساخ ناكه‌ین، ژبه‌ر وێ ره‌وشا نوكه ب سه‌ر هه‌رێمێ دا هاتى و قه‌یرانا دارایى و شه‌رێ داعش، كو نوكه هێزێن پێشمه‌رگه‌ى د به‌رۆكێن شه‌رى دانه”.
نيشاندان
WP Facebook Auto Publish Powered By : XYZScripts.com