(ههستا نهتهوهیی ل دهف گهنجان بهرز بوویه) ئهڤه ناڤێ نڤیسهكا خاتوون ههیفا دۆسكی یه د رۆژناڤا ئهڤرۆ هژمار 1570 دا بهڵاڤ بوویه كو خاتوونێ وهك راپرسی د گهل سێ كهسان ئهنجامدایه و دیدێن وان (گهنجان) بۆ مه ڤهگوهاستی یه. بهری دیدێن خوه ل سهر ڤێ نڤیسێ دهرههی بكهم، دخوازم بێژم بۆ زانینا دیدا ههر تهخهكا جڤاكی ل سهر ههر روودانهكا ژ نشكاڤه روو بدهت فهره مرۆڤ ل سهر ئهگهرێن بووینه پالدهرێن ڤان روودانان هنهكی راوهستت چونكو پێنهڤێت چ روودان ژ ڤاڵهتیێ پهیدا نابن، پشتی دیاركرنا وان سهدهمان بۆ خاندهڤانان و جهێن شولهژێ شنوو مرۆڤ بهرێ خوه ددهت مژارێ و ئهڤجا چ ب ئازرینت یان ژی داناساندنا دیدا تهخهكا تایبهت بۆ جڤاكێ ل سهر مژارا هلبژارتی. ئهڤ رهنگ راپرسی و ئازراندنه د رۆژنامهگهریێ دا پر دگرنگن دبن سهدهمێن هشیاركرنا وهڵاتیان و دهستههڵاتێ دا ب مجدی ل چارهسهركرنا وان پرسگرێكان راوهستن و ههلویستی نیشان بدهن و یا دن پهیدا كرنا خاندهڤانایه بۆ رۆژنامێ.
دبت مهرهما خاتوون ههیفا دۆسكی ههر ئهڤه بت ئانكو زانیانا دیدا تهخهكا جڤاكا مه ئهو ژی گهنجن ل سهر مژارا ههستا نهتهویی لێ خاتوونێ نهكاریه نیشانا خوه بهنگێڤت و روو ب رووی چهند شاشیان بوویه؛ ل سهر شاشیێن زمانی و رێنڤێسی راناوهستم چونكو ئهگهر رێزب رێز ل سهر ب راوهستم گوتار دێ درێژ بت و ئهڤه پتر گونهها راستڤهكهرێ زمانی و سهرپهرشتێ بهرپهریه. لێ شاشیێن دن ئهز دێ بزاڤێ كهم ل گور دیدا خوه دهرههی كهم، مژارا ههستا نهتهویی بۆ مللهتهكێ هێشتا ژ قۆناعا رزگاریا نهتهویی دهرباز نهبووی و نهبوویه خودان دهولهتهكا سهربخۆ، مژارا ههری گهرمه ههیفا دبێژت: (دقوناغا نوكه یا كوردستان تێدا دبوریت گهنج بهرهڤ ئاوایهكێ دی برینه و رهوشا وان بهرهڤ ژینگهههكا دیڤه چوویه لهورا گهنج دبێژن ئێدی ئهم پتر بوینه كهسێن نهتوهیی و ژنوی ههست ب كوردینی و نهتهویێ خو دكهین، چالاڤانێن دبیاڤێ گهنجان ئاماژه كرن كو دانا شههید و برینداران دا پتر ههستا نهتهوهیی ل دهڤ گهنجان بهرهڤ ئاستهكێ بلند چویه و دیسا بو ئهگهرێ هندێ كو ههر كهسهك بێژیت ئهز پێشمهرگهمه)، ئهڤ پرته دهستپێكا نڤیسێ یه وهك من ل ژوور گۆتی كو ئهڤ نڤیسه یا پره ژ شاشیێن زمانی و رێنڤێسی ژبلی ههڤۆك چ رامانێ ناگههینت. .. گهنج بهرهڤ ئاوایهكێ دی برینه و رهوشا وان بهرهڤ ژینگهههكا دیڤه چوویه. .. گهنج دبێژن ئێدی ئهم بوینه كهسێن نهتهوهیی.. . ، یێ ڤان ههڤۆكان بخوینت دێ ههست كهت كو گهنجێن كوردستانێ د سهربهردایی و مژوولی ژیارێ نه و چ پرسگرێكێن جڤاكی و كولتۆری و سیاسی و دامهزراندن و ههڤژینی پێك
ئینان و بێكاری.. . نین و ئهڤێ رهوشا كو ههیفایێ ههر بهحس نهكریه و ژێ دهات خاستن ل سهر راوهستا بایه و پرسگرێك و رهههندێن كێشێن روو ب روو گهنجان دبن دیار كربانه. خاتوون ئاسایی یه دهما گهفهكا دژوار ل سهر ههبوون و ناسناما مرۆڤی پهیدا ببن پتر ههستا خوهپارستن و بهرهڤانیكرنێ وهك كارڤهدان پهیدا دبن نهك بۆ تهخهكێ بتنێ بهلكو ل جهم تهڤ تاكێن وهڵاتی و كهسێن د ناڤ وهڵاتی دا دژین پهیدا دبت. یا ژ ههمیێ حنێرتر و جهێ سهرنجدانێ یه مژار ل سهر گهنجێن كورده لێ وێنێ گهنجێن سیما ئهورۆپی و دێمگرنژی ل بهرپهری بهڵاڤكریه! كو دهات خاستن وێنێن گهنجێن كورد ب جلكێن پێشمهرگهی ل بهرۆكێن شهرێ بهرهڤانیكرنێ هاتبان بهڵاڤكرن. یامای بێژم خاتوون ههیفا دشیا ڤێ مژارێ زێدهتر بزۆخینت و دیدێن گهلهك گهنجان ل سهر رهوشا ئیرۆینا كوردستانێ و گهفێن روو برووی وهڵاتیێن كوردستانێ دبن، ژ هێرشێن داعشێ و پرسا مۆچهی و دامهزراندن و بلندبوونا بهایێ ههرتشی و ههتا دگههت پرسێن كولتۆری و هزری و پر رهنگیا پێكهاتهیا جڤاكێ كوردستانێ ل سهر پاشهرۆژا ههرێما كوردستانێ؛ لێ بۆچی خاتوونێ ئهڤه نهكریه، ئهز نزانم ئهرێ هوون دزانن؟
نووترين نووچه
- سهرۆك بارزانی: گهفا قڕكرنا نهژادى ل دژى كوردان ل رۆژئاڤا ههيه
- پارتی یا بەرهەڤە هەر هاریكارییەكێ بۆ بڕێڤەچوونا پرۆسەیا ئاشتیێ ل توركیا پێشكێش بكەت
- هەڤڕكییا پۆستان ل ئیراقێ بۆ دەستكەفتێن كەسییە نەك بۆ خزمەتكرنا خەلكی
- دڤێت دەزگەهێ سەربازیێ ئیراقی پێگیری دەستووری بیت
- پارتی دو مەرجێن كوردانە بۆ پۆستێ سەرۆككۆماری هەنە
- مافێ پارتی یە وەك زۆرینەیا كوردان دەنگ داینێ پۆستێ سەرۆككۆماری دیار بكەت
- سەرۆك بارزانی و سام دەرمۆ پرسا پێكهاتەیان و رەوشا سیاسی گەنگەشەكر
- پارتی فوئاد حسێن و نەوزاد هادی بۆ پۆستێ سەرۆككۆماری بەربژار دكەت
- پارتی و ئێكەتی ل دۆر پێكئینانا كابینەیا نوو یا حوكمەتا هەرێمێ دێ كۆمبن
- گرنگە سەرۆككۆمارێ بهێت نوونەراتییەكا راستەقینەیا گەلێ كورد بكەت
سهرهكى غير مصنف
دار دهستێن دوژمنان و ئاگرێ دهههمهنێ
د رێیا سهرفرازیا مللهتی دا، ههر كارهكێ ههبیت و دهلیڤه یا بهرههڤبیت دڤێت مروَڤ خهمساریێ ل ههمبهری ئهداكرنا وی كاری نهكهت، ههرێما كوردستانێ ب مهردینی و خوه راگریا مللهت و خهلكێ خوهیێ دلسوَز ههردهم ههموو پیلان و پلانێن دوژمن و نهحزان تێكشاندینه و بهر ب نهمانێ ڤه برینه، پشتی وان سهركهفتن و پێشڤهچوونێن ههرێما كوردستانێ بخوهڤه دیتین د ههموو بیاڤێن ژیانێ دا چاڤێن نهحزێن كوردستانێ سوَر بوون و خوینا كهربوكینێ تێدا ئاریان و ب گیانێ تۆلڤهكرنا ژ كوردان دربێن خوه داوهشندن بهلێ ڤێ جارێ ب دهستێن رهشێن تیروَری و ب كراسهكێ دوور ژ كراسێ نهتهوهی یێ توخم پهرستیا عهرهبان و ب دارێتنا پلانێن نوو بوَ ژناڤبرنا ههرێما كوردستانێ، چ ل سهر ئاستێ ههریمی یان ل سهر ئاستێ نێڤدهولی و ناڤخوهی ژی.
وهكی ههردهم كو دهێته گوَتن ژ ئالیێ بلیمهت و شارهزاو ناڤدارێن خودان سهربوَر د بوَاری ژیانێ دا، ههكه ئاگر ژ دهههمهنا مروَڤی بهرنهبیت مروَڤی ئاگر گهش و خوَشنابیت، لهورا ب مخابنی ڤه دبێژم كو ددهمهكی دا خهلكێ كوردستانێ مژوولی قهیرانهكا ههره مهزنن ژ ئالیێ ئابووری و سیاسی و شهڕێ دژی چهكدارێن داعشا تیروَرستن، هندهك ئالیێن سیاسی ههموو خهم و ژانا وانا نها بتنێ كێمكرنا بهایێ پارتی دیموكراتی كوردستانه و ئارمانجا وانا سهرهكی د دهزگههێن راگههاندنێن واندا بوویه ئهڤ كارێ نهڕهوای و بێ مفا، چونكی ئهو باش دزانن ئهو ب ههموو سهنگا خوه نهشیاینه چو كارتێكرنێ ل سهر جهماوهرێ كوردستانێ بكهن، بوَ بجهئینانا مهرهمێن خوهیێن چهپهل، نها پرانیا دهزگههێن راگههاندنا خوه و ههتا مالپهرێن جڤاكی ژی كرینه بۆق و دههۆل قوت د خزمهتا هندهك ئالیێن دهرڤهیی ههرێما كوردستانێ بوَ هندێ دوبهرهكی ب كهڤیته دناڤ مالا كوردی دا و سهنگا پارتی دیموكراتی كوردستانێ كێم بكهن، ئهڤجا ب ههر رێیهكا ههبیت چ ب راست یان درهو یان ئافراندنا هندهك دهنگوباسێن نهل ئهردی نه ئهسمانان دهێنه گوَتن.
لێ ب لیمهتیا سهركرداتیا پارتی و ب سهروَكاتیا مهسعود بارزانی و ب دهست و زهندێن پێشمهرگێن كوردستانێ ههردهم و ههر گاڤ دوَژمنێ سهر شوَڕ و رووی رهشه و بتنێ چاڤشوَری بههرا وانه، ههرێما كوردستانێ ل ژێر سهركرداتیا مهسعود بارزانی سهركهفتنێن
سیاسی و دپلۆماتی و ئابوَری و جڤاكی و چهنگی ژی ب دهست خوهڤه ئینان، ههر ژ سهدهما وێ قهیرانا ئابوووری یا گران یا ژ ئالیێ نوری مالكی ڤه كو ههر ژ دهستپێكا شهش ههیڤێن ئێكێ ژ سالا 2014 ل سهر ههرێما كوردستانێ هاتینه سهپاندن و مووچێ فهرمانبهرێن كوردستانێ هاتنه راگرتن ژبوَ هندێ ههرێما كوردستانێ دهستان ژ پلانا پێشكهفتنێ بهردهت و پشتی دوێ پیلانێ دا شكهستن خوارن، دهستهاڤێتن پیلانهكا دی و سهپاندنا شهرێ تیروَرێ ل سهر ههرێما كوردستانێ و داگیركرنا ئاخا ههرێما كوردستانێ، بهلێ ههر شكهستن خوارن و یا وانا دڤیا بجه نههات، پێشمهرگێ قارهمان لێ هاتن مهیدانێ و تا نها ژی ل بهروَكێن شهری ب مهردانه خوینا خوه د بهخشن ئاخا كوردستانێ، ژ ئالیهكێ دیڤه سهروَكێ ههرێما كوردستانێ ب شارهزا و ب لیمهتیا خوه ههموو وهلاتێن جیهانێ ههژاندن، و ههڤپهیمانیهكا نوو یا وهلاتێن زلهێز دژی پلانا وان پێكئینان و پێشمهرگه هنارته دهرڤهی ههرێما كوردستانێ كو بوَ جارا ئێكێ یه وهلاتهكێ وهكی توركیا سهرهرای ههموو نهكامی و نهرازیبوون و تهعدایا ل مللهتێ كورد كری ب نهچاری ڤه رازیبوون پێشمهرگه ل سهر ئاخا وێ دهرباز ببیت و قهستا هاریكاریا كۆبانێ بكهت، ههر دیسان بزاڤێن دبلوماتكاری ل فروَكخانا ههلێرێ ژ پڕانیا وهلاتێن ئهوروَپێ قهت نههاتینه راوهستاندن، بهلكی روَژ بوَ روَژی پتر لێ هاتینه و بهردهوامن و ههتا نها مهحفیرا سوَر نه هاتیه راكرن شاندهكێ دهێت و ئێكی دی دچیت، زێدهباری وێ بوَ جارا ئێكێ یه وهلاتێن مینا فهرهنسا و ئهلمانیا و ئیتالیا و ئهمریكا و چهكی ب ئاشكرایی ب دهنه پێشمهرگهی و هاریكاریا پێشمهرگهی بكهن، ههكه ئهم بهحسێ بهروَكێن شهری ژی بكهین چو پێنهڤێت سهركهفتن ل دووڤ سهركهفتنێ ب دهست و زهندێن پێشمهرگێ قارهمان هاتینه توَماركرن و سهروَكێ ههرێما كوردستانێ كوچك و تهلارێن سهروَكاتیا ههرێمێ ب جه هێلان و مل بملێ پێشمهرگهی ل بهروَكێن شهری راوهستایه، ئهڤێ چهندێ داخهكا مهزن و پهلهكا سوَركری دانایه سهر دلێ نهحزێن پارتی دیموكراتی كوردستان لهورا چو حهویان ڤێ ناكهڤن و دهست برینه كارێن روورهشی و شهرمزاریێ و بتنێ پهقین یان ژ وان كێمه بهلێ خوزێ ل بهروكێن شهری ب پهقن بهلكی مللهتێ مه مفای ژ وێ پهقینێ وهرگریت.
فاینشال تایمز: ئهز نه شارلی مه
ئهڤرۆ نیوز مهسعود خهلهف
د رۆژناما فاینشال تایمز یا بریتانی دا گوتارهك یا نڤیسهر روبرت شرینسلی هاتیه ل ژێر ناڤێ (كیفخوهش بن كو كهسهك ب ڤێ وێرهكیێ ههبوو كو ببیته شارلی).
ل دهستپێكا گوتار خوه نڤیسهر دبێژه”ئهز نه شارلی مه) بێ كو ئهڤ ئێك نهرازیبوونا وی یا ههڤدژی شێوازێ كوڤارێ بدهته دیاركرن، بهلكو بهروڤاژی مهبهستێ ، ئهو دخوازه ببێژه، كو وی ئهو وێرهكی نینه ئهوا كو دهستهكا نڤیسهران یا كوڤارا شارلی ههبوویه.
ههروهسا نڤیسهر د گوتارا خوه دا دبێژیت كو ئهڤ خوهدی دهركهتنا مهزن ژ لایێ جیهانێ ڤه ل ڤان نڤیسهرێن كو بووینه قوربانی و ێرهكیا وان یا مهزن بۆ مه ددهته دیاركرن كو ئهڤ جورێ نڤیسهران دكارن جیهانێ ژی بگوههرن.
ژ لایهكی دیڤه رۆژناما تایمز گوتارهك بهلاڤكریه یا نڤیسهر تشارلز برمر ل ژێر ناڤێ ” فرهنسا تهمهنێ پشتگوهئێخستان 6 مهلیون موسلمان ددهت”
ژ لایهكی دیڤه نڤیسهر د گوتارا خوهدا دبێژیت كو ههر چهنده جیهان ل دژی ڤێ كریارێ ئێك ههلوهێست بوو، لێ دیسان هندهك كهس ههنه كو پهنجێن تومهتباریێ ددهنه پال رهفتارا دهولهتا فرهنسا د گهل كوچبهران، لهوما فرهنسا نهشیا ببیته ئێك د گهل كوچبهر و پهنابهرێن ژ رهگهز مهغربی.
ئێرشهكا داعش هاته شكاندن و دهه تیرۆرست هاتنه كوشتن
ئهڤرۆ نیۆز، قائید میرۆ
سهعید مهمووزینی، كارگێڕێ لقی 14 یێ پارتی دیموكراتی كوردستان بۆ ئهڤرۆ نیۆز راگههاند، كو دهمژمێر نههی ئهڤ شهڤه تیرۆرستێن داعش ئێرشكریه سهر هێزێن پێشمهرگهی ل نێزیك گوندێ حهسهن شام ل میحوهرێ خازر.
مهمووزینی گۆتژی” پشتی شهڕ و پهڤچوونهكا دژوار پێشمهرگه شیاین ئێرشا داعش بشكێنن و پاشڤه بچن و د ئهنجامێ ئهڤێ ئێرشێ دا پێشمهرگهی 10 چهكدارێن داعش كوشتینه و پێشمهرگه بێ زیان بوویه.
باوهری سهركهفتنێ مسوگهر دكهت
ئهز و هوون و نێزیك و دوور ڤێكرا دزانین باوهریدان ب ئێك و دو چهند خۆشه لێ د گهل دا لاواز بوویه د ناڤ جڤاكی و كارێن مهیێن رۆژانه دا, ب مخابنی ڤه گهلهك كهس ئاخینكان دبێژن و سهد خۆزیكا رادگههینن, ژ بۆ ناسكرنا هندهك كهسێن بهرامبهر ئهڤێن ژ نشكهكێ ڤه بێ باوهر دهردكهڤن و روی خوه یێ ڤهشارتی نیشا ددن و ل دهمێ كهسهك باوهری ب كهسهكێ یان كومهكا مرۆڤان بینت و ل دووڤرا بۆ دهمهكێ كێم باوهریێ بههرفینت و خیانهتێ ل بهرامبهری خوه بكت دێ روو رهش و شههمزار بت بهرامبهر ههر كهسهكێ چ نێزیك یان دووری وی بت, لێ دزانین بۆ ههر كارهكێ ههبیت د ژیانێ دا، باوریدان ب ئێكودو چهند گرنگ و فهره و تایبهت ل دهمێ گرێدانا پهیوهندیێن دو قولی و جڤاكی و رهوشهنبیری و رامیاری و ئایینی و زانستی و بازرگانی و ئابووری و لهشكری و خزماتی و ئهڤینی و هتد. لێ بۆچی ئهڤرۆ ئهڤ دهرگههێ بێ باوهریێ ڤهبوویه و هێدی هێدی د ناڤ جڤاكا مهدا بهلاڤهبت و جار گوه لێ دبین ئێك بۆ یێ دی تهل و خهفكان ڤهددهت دا ژ نێزیك كاری ب ههرفینت و سهرنهكهڤیت، راستی نهسهیره چونكو زۆر ژ خهلكێ مه ئهڤرۆ یێن بووینه دوور ژ ترسا خودایێ مهزن و ههمی ئاینێن پیرۆزێن ئاسمانی و یاسایێن جڤاكی و دوور ژ دابونهریتێن پیشیێن مه و مرۆڤاتیێ و هیڤی یه بێ باوهری نه بیت نهساخی پاشی جڤاكێ ههمیێ بگرت, و ل دووڤرا كاروئهركێن خهلكی و جهماوهری برێڤه نهچن و پاشی سهد گۆتنێن بێ بها وهكی تیرا لێ بفڕینن و هێدی ژ كاروئهركێن وی دووربێخن و ڤیجا بۆچی و سهد بۆچی یا پێكڤه ڤههینین و ئاراستهی ئێكودو بكهین و ل دووماهیێ جڤاكی بخاپینین و فهند و فێلان د گۆرهپانێ دا بشارینین و فهره بێژین شهرمه, ئێدی بلا بهس بت خاپاندن و بێ باوهری دان ب ئێكودو و بلا ئهم ههمی ل خوه بزڤرین بۆ موكومكرنا هێمایێن باوهریی د ناڤ وهلاتی دا و خزمهتكرنا ئێكودو بكهین ب رێیا رێزگرتن و عهشق و ڤیان و شیان و زهحمهت و ماندیبوون و باوهری دان ژ بۆ خاترا ئاڤاكرنا كهسایهتی و نهتهوا مه كوردان و سوبه پهشێمان و پارچه پارچه نهبین و بلا خهبات و خزمهتا گهل و وهلاتی مه ب ههروه ژی نهچیت.
ههروهسا پشتراست بن, ل ههر جههكی باوهریدان ب ئێكودو ههبت, ههمی كار ب جوانی و سهركهفتی دێ دهرباز بن بێ ئاستهنگ و ئاریشه.
خوهندهڤانێن هێژا, نه دووره هوون ژی هاتبن تاقیكرن ل بن ناڤێ بێ باوهریێ دهرباز ببین و چهند كهسێن نێزیك یان دوور هوون خاپاندبن و سهد گۆتن بۆ ههوه ب بهلاشی بهلاڤهكربن و ڤههاندبن و هوون ژی دو دل كاربن د ژیانێ دا، دا تێكهلی خهلكی نهبن و خوه دووری خزمهتكرنێ بكن و بلا گهنج و لاو, كچ و ئافرهت, قوتابی و مامۆستا, دایكوباب, خووشك و برا كهسوكار , دوست و ههڤال, دهر و جیران, ههژار و دهولهمهند, كرێكار و بازرگان وهلاتی و سیاسهتمهدار, رێڤهبهر و بهرپرس, زانا و نهزان، دیندار و رهوشهنبیریێن مللهتی مه, هتد
وهرن دا ڤێكرا باوهریێ ب ئێكودو بینن دا رێكێن سهركهفتنێ مسوگهر و رێكێن ژیانێ گهشتر و خوشتر بكین ژبۆ خزمهتكرنا خهلكێ و مللهتێ خوه و ب دل و جان خوه ژ پێلێن دهریایا بێ باوهری و بێ بهختی و نهكارێن مرۆڤاتی یێن رۆژانه دووربكین و راكین دا ههمی دهما د ناڤ جڤاكێ دا شاد و بهختهوهر و سهلامهت بژین.
ڤیدیۆ.. فرۆكهكا نهدیار ب پهرهشووتێ چهكى بۆ داعش دهنێریته خوار
پێشدیتنێن سیاسی
بهری هاتنا هێزێن داعشێ بو عێراقێ سهرۆك بارزانی حوكمهتا عێراقێ هایدار كر كو دێ كارهساتێن مرۆڤاتیێ ل عێراقێ روو دهن، ههكه داعش عێراقێ بگرن و گۆتنا وی وهك خوه هات، لهورا دهمێ هێزێن داعشێ باژێرێن عێراقێ گرتین دوور ژ ههمی رهوشت و بوهایێن مرۆڤاتیێ كریارێن هۆڤانه و كارهسات ل دژی خهلكێ سڤیل ئهنجامدان، ههروهسا دهربارهی ههرێمێ ژی سهرۆك بارزانی ل گهل ههمی ئالیێن سیاسی كۆمبوو، رهوشا كوردستانێ بۆ وان دیاركر، كو دڤێت سنۆرێن ههرێمێ بهێنه پاراستن، ژبهر كو د زانی مهترسیا هێزێن داعشێ ل سهر كوردستانێ ههیه، لێ هندهك لایهنان ههر ژ دهستپێكێ هێرش كرنه سهر بارزانی و وان دڤیا سهرۆكی بێخنه د ناڤا ئاریشهكا مهزن دا و وی ئاگهه ژ ڤێ چهندێ نه، لێ پشتی قهیرانێن عێراقێ بۆ خهلكێ دیار بوو، كو مه سهرۆكهكێ زیرهك و ب وێر ههیه، بۆ چو تشتهكێ تهنازول نهكر بهرامبهر دوژمنێن گهلێ كورد راوهستیا و شیا پێنگاڤێن باش ژلایێ ئابووری ڤه بهاڤێژیت و ئهڤ پشتگیریا نێڤدهولهتی بۆ كوردان ب هیمهتا وی هاته كرن. لهورا ئهركێ سهرۆكی د ڤی دهمی دا دێ زۆرێ قورس بیت، ژبهر كو تاكه سهركردهیه ئهڤرۆ د كوردستانێ دا خودان بریار و ئهركێ سهركردێن دی یێن كورد ژی كهفتینه سهر ملێن وی، ههروهسا ههولێن وی یێن بهردهوام شیا وهلاتێن جیهانێ بینیته سهر خهت، كو هاریكاریا هێزێن پێشمهرگهی بكهن، بۆ ههمی خهلكێ دیار بوو كو پێگهه و قورسایا وی د جیهانێدا چهنده. ههروهسا گهلهك حزب و لایهنان ههولدا ههر وهك پیشهیێ وان یێ جاران كو شهڕێ راگههاندنێ بكهن و ههر ئێك یێ دی تومهتبار بكهت و پاڤێژنه ههڤدو، گهلهك ژ وان لایهنان ههول ددهن دهسكهفتێن مللهتێمه ژناڤ ببهن و نه ئارامیێ پهیدا بكهن، لێ ئهو شیا ڤان ههمی لایهنان نێزیكی ئێك بكهت و ئێكرێزیێ پهیدا بكهت. د گهرمهگهرما هێرشێن داعشێ دا بۆ سهر ههرێما كوردستانێ بارزانی سهرا بهرۆكێن شهری دا و شیا چهكهكێ باش ب ههڤكاریا وهلاتێن جیهانێ بۆ پێشمهرگهی دابین بكهت، سهرهاری ههبوونا كێشه و ناكۆكیێن هندهك حزب و لایهنان، لێ شیا ڤێ ههڤسهنگیێ راگریت و نههێلا ئاریشه پهیدا ببن. لهورا مه كوردان ئهو هیڤی ههیه كو سهرۆك بارزانی ههمی ژیێ خوه بۆ دۆزا گهلێ كورد و ئازادیا كوردستانێ تهرخانكریه، نوكه ژی ب شهڤ و رۆژ بزاڤێن وی د بهردهوامن ژ پێخهمهت خزمهتكرنا خهلكێ كوردستانێ، لهورا ئهم كورد ب شانازی دزانین كو سهرۆكاتیا ههرێما كوردستانێ مه برێڤهدبهت. ژبهر رۆلێ وی یێ بهرچاڤ د ههمی كاودانێن نهخۆشدا، كو بهرهڤانی ژ ئاخا كوردستانێ كریه و ههردهم خهمخورێ گهل و وهلاتێ خوه بوویه.
بنگههێت ئهمریكی وسهروهریا وهلاتان
ههر وهلاتهكی دڤێت سهروهریا خو ههبیت وخو بپارێزیت وخو پێش بێخیت به لێ ڤیان تشتهكه وشیان تشتهكێدیه هندهك وهلات ههنه ئه گهر نه بهاریكریا دهرهكی با نهدبونه دهولهت هندهك وهلات ههنه لجهنگا شكهستن خاریهو وبنگهه لێ هاتینه دانان وبوینه ئهگهرێ هندێ خو لسهر پیا بگرن ودوباره پێشكهفتنێ بخوڤه ببینن بو نمونه زوربهی وهلاتێت عهرهبی ونهخاسمه یێت كهنداڤی ئهگهر بهاریكاریا دهرهكی نهبا نهد شیان مێرنشینێت خو بپارێزن یان ببنه دهولهت نوكه ژی ئهو ترسه لدهف وان ههیه لهو بهحرێن پشتی چل وسێ سالا ژڤهكێشانا بنگههێ بریتانی لبهره رێكهفتنهكێ دگهلدا موربكهت بو دانانا بنگهههكی لوهلاتێ خو
كویێت پشتی هاتیه داگیركرن ژلایێ لهشكرێ سهددامیڤه بنگههێت ئهمریكی لوهلاتی خوهێلاینه وهلاتێت كهنداڤی تێنه پاراستن ژمهترسیێت داگیركرنێ وداحویرانێ وژناڤبرنێ هندهك ژڤان وهلاتا پێشكهفتنێت باش بخوڤه دیتینه وهندهك ژوان بوینه نمونا ئاڤهدانیێ وخوشگوزاریێ وهكو ئیمارات وقهتهر وكویێت
ئهلمانیا و یابان وكوریا باشور لپشتی جهنگێ جیهانی یێ ئێكێ بنگههیێت ئهمریكی لێ هاتینه دانان وههتا نوكهژی ماینه ئهلمانیا لژێر ههبونا ڤان بنگهها بویه وهلاتهكێ بالا دهست نهخاسمه لپشتی ههرفاندنا دیوارێ بهرلینێ وئێكگرتنا ئهلمنیاروژههلات وروژئاڤا لدیماهیا سالێت حهشتێیا وسهرهتا سالێت نوتا ژسهدهیێ بوری ئهلمانیا بویه 1(+) 5 دگهل ههر پێنج وهلاتێت زلهێز وخودان ڤیتو وئێكه ژكوما ههشت وهلاتێت پیشهسازی وئێكه ژكوما بیست وهلاتێت پێشكهفتی لجیهانێ یابان ژی دههردو كومێت دیماهیێ دایه وكوریا باشور ژی ژكوما ژبیست وهلاتێت پێشكهفتیه لجیهانێ
پێشكهفتنا ڤان وهلاتا یا بهردهوامه ودبهریكانێت پێشكهفتنێدانهلسهر ئاستێ جیهانێ
ئهگهر كورد شیابان لپشتی جهنگێ جیهانی یێ ئێكێ یان یێ دوێ پێگهههكا هوسا بخو پهیداكربا رهنگه توشی ڤان كارهساتا نهدبون یێت بسهری هاتین رهنگه كێشا كوردی هوسا ئالوز نهببا
سامانیێت سروشتی یێت كوردستانێ هاتبانه بهرههمهێنان لوی ده می ژلایێ خودانێت بنگههاڤه دا پهترول وسامانیێت وهلاتی بهرههم ئینن ودا فروشن راسته دا هندهكێ بخو ههلگرن بهلێ یادی دا لخزمهتگوزاریێت وهلاتی خهرجكهن(4500) گوند نهدهاتنه كاڤلكرن بهلكو دا گهشهسهندنێ بخوڤه بینن دا گهشت وگوزار ڤهژینَی ببخوڤه بینیت داكارگههیێت پیشهسازی پهیدابن بو گوهرینا بهرههمی داشهنگستێ ئابوری بهێز كهڤیت وداژێرخانهكا ئابوری لڤی وهلاتی پهیدابیت
ژئهگهرێ دروشما سهروهریا ئیراقێ كورد توشی مهرگهساتابون ژنهچاری وبهرگریكرن ژههبونا خ كورد یێ بشورهشا رابوین لدژی رژێمێت ستهمكار ئێك لدیف ئێكێ وقوربانیێت داین ژئهگهرێ هیێزاخوراگریێ وقوربانیێت ڤی مللهتی رێكهفتنێت خیانهتكارانه یێ لسهر هاتینه كرن ژلایێ دوژمن وداگیركهراڤه ژئهگهرێ رێكهفتنا جهزائیر جهنگێ ههشت سالیێ ئیراقێ وئیرانێ پهیدابو وجنگێ كهنداڤیێ دووێ بدیفخودا ئینا ئهڤا نوكهژی دبیتن ههر ڤهرێژا وان هوكارایه
پهیڤا سهروهریا وهلاتی بویه كهره ستهكێ لێك زێدهكرنێ لههلكهفتاو رێورهسما لدهزگایێت راگههاندنێ دیاره تێناگههن یان خوتێناگههینن كوعراق یا دگیركری لعهردی وئاسمانی ودهریایێ
سهروهریا ئیراقێ لكیڤهیه ولكیرێ دیاربویه لسهردهمێ رژێمێت مهلهكی وههتا دگههیته حكومهتا عهبادی ؟
میلێت سهعهتێ یێ پاشڤه دزڤرن وهوشداریێ ددهنه مه كو ئهو خهلهتیێت ئهم توشبوینێ دوباره نهكهینهڤه و لدیف دروشمێت شاش نهچین ئهو تشتێ مه نهد زانی سهربور بسهرمهدهاتینه ئهوا ئهم نهدشیاین بكهین ئهڤرو مه شیان ههنه پێتڤیه خو نهكهینه ئێخسیرێت دروشم وپهیڤێت بریقدار پێتڤیه ئهم به رژهوهندیا مللهتێ خو وپاشه روژا وهلاتێ خو لپێش هه ر تشتهكێ دی لبهرچاف بگرین بومه گرنگی دئهنجامی دایه كومهبهستێ بدهستڤه بینین
چار دهولهتا كوردستان یا داگیر كری ویا دورپێچ كری پێتڤیه ئهم لرێیا بگهریێین ورێیا ببینینهڤه كادێ چاواخو ژ ڤێ دورپێچیێ دهرئێخین و وهلاتێ خو ژداگیركهرا رزگاركهین بپێنگاڤێت حهكیمانه پاڤێژین
ڤان وهلاتێت داگیركهر چهند ناكوكی لنافبهرا وان ههبن ئایدیولوجیبن ئابوریبن یان ئێمناهیبن بهلێ ههر دهمێ دبیته بهحسێ چاره نڤیسێ كوردا دگهل ئێك دهاورانه ورێك دكهڤن كوئهڤه نهبیت چونكه لدهف ههمیان سهربهخویا كوردا هێلا سوره
ئهڤا بدهستمه كهفتی وگههشتینه ڤێ قوناغێ گهلهك گران لسهرمه راوهستیایه پێتڤیه ههمی كورد دهاورابن ویهك ههلوێستبن دا ڤان دهستكهفتا ژدهست نهدهین
ئهگهر لسالا 2011ێ هێزێت ئهمریكی بتهمامی ژئیراقێ نه هاتبانه ڤهكێشان یان هندهك بنگههێت وان لجهێت گرنگ مابانه دویر ژدروشمێت نشتمانی داعش ژسوریێ نهدهاته ئیراقێ ئه گهر بنگههێت ئهمریكی لچیایێ شنگال ومهقلوب ههبانه تراجیدیایێت شنگال وزمٌار وقهرهقوش و باشیك وتلكێپ پهیدانهدبون .
ئێكهتیا تهپا پێ یا توركیا بڕیارهكێ دژى تیما ئامهد دهردئێخیت
ئهڤرۆ نیوز، ههژار مهعروف:
چاڤهرێ دهێتهكرن سوبه 24/12 ل یاریگهها دیاربهكر سپور ل باژێرێ ئامهدێ یێ باكورێ كوردستانێ تیما تهپا پێ یا ئامهد سپور مێڤانداریا یانا گهلاتهسهراى بكهت كو ئێك ژ بهرنیاسترین یانێن وهلاتێ توركیا و ئهوروپى یه ژ چارچوڤێ یاریێن گهرا سێ ژ قوناغا كوما یا كوپا توركیا یا تهپا پێ.
د ڤێ یاریێ دا چاڤهرێ دهێتهكرن چهندین پشتهڤانێن وهرزشى ل باشورێ كوردستانێ و باكورێ كوردستانێ ئامادهبن بۆ دیتنا ڤێ یاریێ و ئێكهتیا تهپا پێ یا توركیا بهرى دهستپێكرنا ڤێ یاریێ چهندین بریارێن سهیر دهرێخستن ئهوژێ هژمارا پشتهڤانان بۆ ڤێ یاریێ كێم كرن ب بهههنا یاریگهها دیاربهكر دێ هێته نوژهنكرن و نابیت رێژهیا مهزن ل یاریگههێ ئامادهبن كو چاڤهرێ دهاته كرن زێدهتر ژ 30 ههزار كهسان ل یاریگههێ ئامادهبن.
تیما تهپا پێ یا ئامهد سپور ئهوا دخولا پلا دو یا توركیا دا یاریێ دكهت كهڤیته د كوما حهفتێ د قارهمانیا كوپا دا بهرى یاریا خوه بهرامبهر گهلاتهسهراى بكهت دو یارى دڤێ كومێ دا كرى نه ئهوژى خوسارهتیهك و بهرامبهر وهكههڤیهكێ.
(( كۆدهتایا راگههاندنێ ل توركیا !!! ))
ئۆپهراسیونا حكومهتا ( دادوگهشهپێدانێ ) لسهر هندهك دامودهزگههێن راگههاندن و روَژنامهڤانیێ كو زێدهتر دكهڤنه ژێر سیبهرا جماعهتا ( فتحوللا گولهن ) , كارڤهدان و بهرسڤدانێن سیاسیێن جوراوجوَر لسهر ئاستێن پارتێن سیاسیێن ناڤخویا توركیا و نێڤهندێن ئهوروپی ههبوون. ل نیڤا ئهڤێ مههێ هێزێن ئێمناهیێن توركیا ب بههانهیا پاراستنا ئێمناهیێ و رێگرتن ژ پیلان و كوَدهتایهكا ناڤخو كو مهرهم ژێ گوهرینا حكومهتا ئهردوگانی بو , هێرشهكا بهربڵاڤ كره سهر هندهك كهسایهتیێن بهرنیاسێن دهزگههێن راگههاندنێ و زێدهتر ژ 23 كهسان هاتنه گرتن و دهستهسهركرن , ژ وان ژی ( هیدایهت كهراجی ) رێڤهبهرێ گشتیێ كهناڵا ئهسمانیا ( سمانیولو ) كو ئێكه ژ مهزنترین پێكهاتهیا راگههاندنێ ل توركیا و ( ئهكرهم دومانلی ) رێڤهبهرێ گشتیێ روَژنامهیا ( الزمان ) یا ههره بهربڵاڤ و ههره بهرههڵستكار دژی حكومهتا ئهردوگانی , ههوهسا ( عهلی كهراجی ) ێ سیناریستێ تهلهفزیونی و ( توَفان ئاركدوَر ) ێ رێڤهبهرێ ئاسایشا ئهستهنبولێ و گهلهكێن دن. ئهڤ گرتن و دهستهسهركرنه 13 ویلایهتێن توركیا ڤهگرتن. كێشه و ململانێن دناڤبهرا ئالیێن بزاڤێن ئیسلامیێن سیاسی ل توركیا دیروكهك كهڤنار ههیه نهخاسمه پشتی پهیدابونا ڤاڵاتیهك بهرفره ل گورهپانا سیاسی و كز و خاموَش بوونا ستێرا علمانیهتێ و ههرفینا سیستهمێ عهسكهرتاییهتێ و دوباره گهشهسهندنا هزرێن سهڵتهنهتا عوسمانلیێ ب موَدێلهك نو و تهماعی و بلندبینینا وێ ژبوَ سهركردایهتی كرنا جیهانا ئیسلامێ , ب تایبهت ل روَژههڵاتا ناڤین , رێك لبهر پارتێن ئیسلامی خوش كرن داكو ب شێوازێن دیموكراسیهتا پرانیێ بگههنه دهستههڵات و حكومهتكاریێ , یا ژ ههمیان بهرههڤ تر پارتیا دادوگهشهپێدان بو كو كاری د دهمهكێ گهلهك كورت دا پرانیا كورسیكێن پهرلهمانێ توركیا بدهست بینیت و ههرسێ دهستههڵاتێن یاسایی و جێبجێ كرن و دادوهریێ كوَنتروَل بكهت , شارهزا و پسپورێن ئابوری و سیاسی ل توركیا دبێژن شهرێ ئالیێن ئیسلامی دگهل ههڤ , دهرئهنجامهك نهرێنی لسهر پارتیا دادوگهشهپێدان خویا دكهت و چێدبیت مفا و قازانج بگههیته لایهنێن دن و رێباز و فهلسهفهێن تازه نو سهرههلبدهن و پهیداببن. ئهڤ قهیران و كریزا كهڤنار , دناڤبهرا ئهردوگان و گولهن دا كو ههرساڵ توندو تیژی و كوَدهتا و پیلان تێدا پهیدا دبن و ب گرتن و دهستهسهركرن و زیندانبوون و خونیشاندان دهست پێدكهن و بادهكێن گهندهلیا كارگێری و ئابوری و دارایی دهێنه ئاشكراكرن و ب دههان بهرپرسێن باڵا و وهزیرێن حكومهتێ و كهسایهتیێن پولیس و ریڤهبهر دكهڤنه ناڤ دادگههان و ب سزاێن گران دهێنه حوكم كرن , ئهڤ ململانێه ب دیتنا گهلهك ژ چاڤدێرن سیاسی كوتایی هاتنا ئیسلاما سیاسیه ل دهولهتا توركیا و ئهڤ رهنگێ ههڤركیێ دێبیته ئهگهرا لاوازبوون و تێكچونا ههڤسهنگیا ههردوو لایهنێن ههڤرك و ئێدی شهقام و ههلبژاردنێن ئاینده و داهاتی ههردوو لایهنان بێ شانس دكهت. روویدان و پرسگرێكێن ئهڤ ساڵه كومهكا قهیرانێن دژوار و بێهنكورتكهر بو حكومهتا ئهردوگان چێكرن و دهنگ و گازیێن رهخنهگرانه و گازندهێن ههمی لایهنی ژێرا هاتن كرن , نهخاسمه ژ لایێ ئهمریكا و ئهوروپا و گهلهك لایهنێن عهرهبی , ب تایبهت ههڵوێست وهرگرتن د شهرێ دژ ب تیروریستیێ و ههڤكاریا ههڤپهیمانا نێڤدهولهتی , ههروهسا رهشبگیریا روَژنامهڤان و كهسایهتیێن راگههاندنێ كو سیمایهكێ نه دیموكراسی ددهت دهستهڵات و حكومرانیێ. ( مارتین شوَلز ) سهروَك پهرلهمانێ ئهوروپا پێنگاڤێت توركیا بهرب دیموكراتیهتێ ب گرتی و داخراو ل قهڵهم ددهت و دژی پێشكهفتنا جیهانێ و دیموكراسیهتا ئهوروپا رهفتار دكهت.
نيشاندان
WP Facebook Auto Publish Powered By : XYZScripts.com