ئەڤرۆ نیوز، رێوار مزیری:
ھونەرمەند نیکار کامل بۆ ئەڤرۆ نیوز دیار کر کو وی ل رۆژێن بووری نووترین سترانا خوە یا ب ناڤێ (یا ب دلێ منە) بەلاڤکر و گۆت: “ئەڤ سترانە ژ پەیڤێن (رابین) و ئاوازێن منن و (ئارژین ئاری) ب کارێ مۆزیک و ماسترینگێ رابوویە و موزیکژەن (محەمەد زەکی) ریکورد کریە و کارێ گرافیک و مۆنتاژا فێ سترانێ (نەسیم سەباح) ی ئەنجامدایە”.
ناڤھاتی ئاماژە دا وێ چەندێ کو وی ئەڤ بەرھەمە ل M-Music دروستکریە و ب تنێ د تۆرێن جڤاکی دا بەلاڤکریە و گۆت: “سوپاسیا ھەر دو مۆزیکژەنان (مەھدی نوری) و (محەمەد زەکی) دکەم کو بۆ دروستکرنا ڤی بەرھەمی گەلەک ل گەل من د ھاریکاربوون”.
نیکاری خویا کر کو نوکە ئەو بەرھەڤیان بۆ تۆمارکرنا سروودەکا نەتەوەیی دکەت کو مۆزیکاوێ ل ھەرێما کوردستانێ و وەلاتێ تورکیا دێ ھێتە دروستکرن و گۆت: “من ل بەرە ڤێ سروودێ ل دەستپێکا سالا نوو بەلاڤ بکەم”.
نيشاندان