ئەڤرۆ نیوز:
نەورۆز سەرەرای ھندێ جەژنەکا کوردی یە، بەلێ ژ بلی کوردستانێ و کوردێن ل وەلاتێن بیانی دژین و ڤێ رۆژێ ساخ دکەن، جەژنا نەورۆزێ ل 10 وەلاتێن دی یێن جیھانێ دھێتە ساخکرن و رۆژا 21/3 ل وان ھەموو وەلاتان دبیتە جەژنەکا فەرمی، ژ وان وەلاتان ژی (ئوزپاکستان، ھندستان، کازاخستان، تۆرکمانستان، قیرغستان، تاجیکستان، ئەڤغانستان و ئەزەبێجان و ئیران).
ل کوردستانێ ژ ھەموو وەلاتێن جیھانێ پتر ھەست ب ھەبوونا نەورۆزێ دھێتە کرن و ب جەژنەکا فەرمی یا کوردان دھێتە ل قەلەمدان، چونکو ئەڤە دەستپێکا سەرسالا کوردی یە و ئەو رۆژە یا کو دۆژمنێ کوردان تێدا ھاتیە کوشتن ب دەستێن کاوەیێ ئاسنگەر.
ل ئەڤغانستانێ جەژنا گۆلا سۆرە
ھەر چەندە ئەڤ جەژنە ب تنێ ل سێ باژێرێن وەلاتێن ئەڤغانستانێ دھێتە ساخکرن، بەلێ جەژنا نەورۆزێ ل وەلاتێ ئەڤغانستانێ تایبەتمەندیێن خوە ھەنە، چونکو د ئێکەم رۆژ دا باژێرێن خوە پڕی گۆلێن سۆر دکەن و دھێتە ناڤکرن ب ناڤێ (جەژنا گۆلا سۆر)، د ڤێ رۆژێ دا ئالایەکێ مەزن ب ناڤێ ئیمام عەلی ل جھەکێ پیرۆز دھێتە بلندکرن و ئەڤ ئالایە بۆ ماوێ 40 رۆژان دێ یێ ھەلاویستی بیت و د ڤان 40 رۆژان دا خەلک بۆ داخوازیێن خوە قەستا وی ئالایی دکەن و لاڤا دکەن و خێر و خێرات و نەزران ل بن وی ئالای ددەن.
ل وەلاتێ کازاخستانێ خۆشی ھەموو پارچێن ئەردی داگیر دکەت
ل وەلاتێ کازاخستانێ نەورۆز ب رۆژا دادپەروەریا بۆھارێ دھێتە وەسفکرن و ئەو ھوسا دبینن د وێ رۆژێ دا ھەسارێن ئاسمانی جارەکا دی ژدایک دبن و ھەموو جە جارەکا دی نوو و ساخ دبنەڤە و خۆشی و شەھیان ھەموو پارچێن ئەردی داگیر دکەن. ل ڤێ وەلاتی ژی وەکو کوردستانێ نەورۆز 21/3 دەستپێکا سالا نوویە و د ڤێ رۆژێ دا خەلکێ ڤی وەلاتی مالێن خۆ پاقژ دکەن و کچێن ڤی باژێری د ڤێ رۆژێ دا خوارنەکا تایبەت چێ دکەن و بۆ خۆشتڤیێن خوە دبەن و ل بەرامبەر دا خۆشتڤیێن وان ژی گۆلاڤێن خۆش بۆ وان دکەنە دیاری.
ل وەلاتێ تاجیکستان ئالایێن سۆر دھەلگرن
ل ڤی وەلاتی نەورۆز جەژنەکا نەتەوەیی یە و ھێمایێ ساخبوونا ھەموو زیندەوەرانە و ب ناڤێ جەژنا (خیدر ئەیام) یا ناڤدارە. پتریا کەسان رەنگی سۆر بکاردئینن و ھوسا دبینن کو ئەو رەنگێ بەختەوەریێ یە و ھەر مالەک ئالایەکێ سۆر د ڤێ رۆژێ دا ددانیت ەسەر دەرگەھێ خوە یێ دەرڤە.
ل قرقیزیستان زەلام سواری ھەسپان دبن
ل ڤی وەلاتی ھەتا بەری چەند سالان ژی ژ ئەگەرێ ھندێ کو ل بن دەستێ دەستھەلاداریا رژێما سۆڤیێت بوو، دەلیڤە نەدھاتە دان ئەڤ رۆژە بھێتە ساخکرن. ل دووڤ پێزانینێن رۆژناما باس بەلاڤکرین، پشتی سەربەخۆیا خوە وەرگرتی، دەست ب ساخکرنا ڤێ رۆژێ ھاتیە کرن و سالانە د ڤێ رۆژێ دا خوارنەکا تایبەت ب ناڤێ (بەس بارماق) دھێتە چێکرن و زەلام ژی ھەموو سواری ھەسپان دبن.
ل پاکستانێ ب ناڤێ عالەم نەڤرۆز ھاتیە بناڤکرن
ل ڤی وەلاتی جەژنان نەورۆزێ ب ناڤێ عالەم نەڤرۆڤ دھێتە ناڤکرن و رامان ژێ ئەوە رۆژەکا نوو. د سالناما پاکستانێ دا نەورۆز ب بیرەوەریەکا گرنگ ھاتیە تۆمارکرن و خەلکێ وەلاتی بەری ڤێ رۆژێ مالێن خوە پاقژ دکەن و جلکێن نوو بۆ خوە دکرن و شرینیان ل سەر ئێکدو بەلاڤ دکەن.
ل وەلاتێ ئوزپاکستان خەلک خوە ل سەر ئاگری دھاڤێژیت
ل ڤی وەلاتی نەورۆز ل 21/3 دەست پێ دکەت و ئاھەنگەھەکا مەزن دھێتە سازدان و د ڤێ رۆژێ دا بەرپرسێن حوکمەتێ و کونسولێن وەلاتان ل وێ ئاھەنگێ ئامادە دبن و شاھیەکا مەزن دھێتە کرن. ھەروەسا دووماھیی چارشەمب ژ ڤێ مەھێ خەلکێ ڤی وەلاتی ئاگرەکێ مەزن ھەل دکەن و ل سەر ئاگری ری خوە دھاڤێژن و بەریکانێن سترانگۆتنێ و شانوویێ ژی ل ڤێ رۆژێ دھێنە ئەنجامدان.
ل ئەزەربێجان چار چارشەمب دھێنە ساخکرن
مەزنترین و گرنگترین جەژن ل وەلاتێ کۆمارا ئەزەربێجانێ جەژنا نەورۆزێ یە، چونکو بەری ھاتنا نەورۆزێ ب ھەیڤەکێ ئانکو بۆ ماوێ 30 رۆژان خەلکێ ڤی وەلاتی ئاھەنگێن خۆشیێ ژ بەر ھاتنا ڤێ رۆژی َ دکەن. د ڤێ ھەیڤێ دا ل ھەر چار رۆژێن چارشەمبیی چار بیرەوەری دھێنە ساخکرن، یا ئێکێ چارشەمبا ئاڤێ، دو چارشەمبا ئاگری، سێ چارشەمبا ئەردی و یا دووماھیێ چارشەمبا بای دھێتە ساخکرن.
ل ئیرانێ بێھنڤەدانا فەرمیە
ل وەلاتێ ئیرانێ گرنگیەکا مەزن ب ڤێ رۆژێ دھێتە کرن و دبیتە بێھنڤەدانەکا فەرمی و خەلکێ وێ مالێن خوە پاقژ دکەن و جلکێن نوو دکرن و ل بەر خوە دکەن. ھەروەسا کوردێن ل وەلاتێ ئیرانێ ژی دژین سالانە ڤێ رۆژێ ساخ دکەن و ب جەژن و سەرسال ناڤ دبەن.
ھەروەسا ل وەلاتێ ھندستانێ و تورکمانستانێ ژی سالانە ئەڤ رۆژە دھێتە ساخکرن و دبیتە بێھنڤەدانا فەرمی.
ئه‌ڤ راپۆرته ژ لايێ ئه‌مير ئه‌ترووشى بۆ رۆژناما ئه‌ڤرۆ هاتيه به‌رهه‌ڤكرن و ل ژمار 1843 يا رۆژا پێنجشه‌مبى رێكه‌فتى 17ى ئادارا 2016ێ هاتيه به‌لاڤكرن.
ئەڤرۆ نیوز:
پەرلەمانتارەکێ پارتی ل جڤاتا نوونەرێن عیراقێ بۆ ئەڤرۆ دیار کر کو حوکمەتا عیراقێ بڕیار دایە ھژمارەکا بالیۆزخانە و قۆنلگەریێن خوە ل وەلاتێن دەرڤە کێم بکەت.
رێناس جانۆ، ئەندامێ لژنا پەیوەندیێن دەرڤە یێ جڤاتا نوونەرێن عیراقێ ئاشکرا کر، ژ ئەگەرێ قەیرانا دارایی یا عیراقێ و د چارچوڤێ چاکسازیێن عەبادی، سەرۆک وەزیرێن عیراقێ دا، ب مەرەما کێمکرنا مەزاختنان، حوکمەتا عیراقێ بڕیار دایە ھژمارەکا بالیۆزخانە و قۆنلگەریێن خوە ل وەلاتێن دەرڤە ب تایبەت وان وەلاتێن رێژەکا کێم یا وەلاتیێن عیراقێ لێ ئاکنجی کێم بکەت، لێ ھەتا نوکە ب دروستی دیار نینە دێ چەندان گریت و گۆت: “ھندەک ژ وان بالیۆزخانە و قۆنلگەریان د پێدڤی نینن و بارگرانینە ل سەر بودجا عیراقێ”.
جانۆی خویا ژی کر، د گەلەک وەلاتان دا عیراقێ بالیۆزخانە و قۆنسلگەری ژی ھەنە و د ھندەک وەلاتان ژی دا پێدڤی ناکەت عیراقێ بالیۆزخانە ھەبیت، ب تایبەت د ڤێ قەیرانا دارایی دا و گۆت :”دڤێت ل وان وەلاتێن، وەلاتیێن عیراقێ لێ نەبن وەکو زیمبابوی و کیم بزاڤا بازرگانی ل گەل ھەی قۆنسلگەری بھێنە گرتن، چونکو مەزاختنەکا زێدە و بێ مفا لێ دچیت”.
وی پەرلەمانتارێ کورد ئاماژە ب وێ چەندێ ژی کر، جارێ ب دروستی یا دیار نینە کانێ دێ چەند بالیۆزخانە و قۆنسلگەری ھێنە گرتن، لێ ھەر چەوا بیت دێ ھژمارەکا وان ھێنە گرتن و گۆت: “د ھندەک وەلاتان دا، رەنگە ئاستێ نوونەراتیا عیراقێ بھێتە کێمکرن و کەسەک بھێتە دانان بۆ ب رێڤەبرنا کاروباران و ئەو کەس ژی دشێت کاروباران ل دو وەلاتێن جیران ب رێڤەببەت، ب ڤی رەنگی ژی مەزاختی دێ کێمتر لێ ھێن”.
ئەڤرۆ نیوز، ھەژار مەعروف:
تیما ته‌پاپێ یا گاره شیا هیڤێن خوه گه‌ش بکه‌ت بۆ هه‌ڤرکیا ده‌ربازبوونێ پشتی د یاریا دێربیا پارێزگه‌ها دهوکێ دا ب سه‌رکه‌فتی ل سه‌ر یانا دهوکێ ب گوله‌کێ بێ به‌رامبه‌ر.
ل یاریگەھا برایەتی تیما پێشمەرگا ھیڤێن خوە گەشکرن بۆ دەربازبوونێ پشتی ب سەرکەفتی ل سەر یانا برایەتی ب سێ گولان بێ بەرامبەر
و نەوروز ب سەرکەفت ل سەر سولاڤ ب گوله‌کێ بێ به‌رامبه‌ر.
پشتی یاریێن گه‌را سێ ژ قوناغا دوێ یێن کوما دوێ ب دووماهی هاتین هه‌لویست ب ڤی شێوه‌یه
پێشمه‌رگه هه‌ولێر ١٤ خال
دهۆک ١٣ خال
گاره ١٢ خال
نه‌وروز ١١ خال
برایه‌تی ١٠ خال
سولاڤ ٢ خال
ئەڤرۆ نیوز:
مالپەرێ فتبول لیکس ئاشکرایە یاریکەرێ یانا ریال مەدرید و ھەلبژارتیێ پرتوگال کریستیانو رونالدو زێدەتر ژ ئێک ملیون یورۆیا ژ کومپانیا موبیل تیلکوم یا سعودی وەرگرتی یە بەرامبەر دو پەیڤێن عەرەبی ل گەل وێ کومپانیا سعودی بێژیت .
ئەوی مالپەری ئەو چەندە ژی دیارکری یە ھەر چەندە ھەڤبەستا رونالدوی ل گەل ئەوی کومپانیێ ب دووماھی ھاتیە ژی لێ بەری نوکە رێککەفتنا رونالدوی ل گەل وێ کومپانیێ نە ھاتبوو بەلاڤەکرن وەکو بەندێن ھەڤبەستێ و کوژمێ پارەی لێ ڤی مالپەری ب بەلگە ھەمی پێزانین ھەڤبەستێ بەلاڤەکری نە و کریە جھێ پرسیارێ بۆ بەری نوکە رونالدوی و وێ کومپانیێ بەلاڤەنەکر بوون وەسا ژی دیارکری یە .
ھەژی گوتنێ یە ھەر ریکلامەکا بازرگانی رونالدو ل گەل کومپانیەکێ بکەت پێدڤی یە بەشەکێ ژ ئەوی ھەڤبەستێ ب دەتە یانا ریال مەدرید .
ئەڤرۆ نیوز، ھەژار مەعروف:
یانا ھەولێرێ یا پشکدار دخولا پلا نایاب یا عیراقێ دا ب فەرمی راگەھاند ئەوان دەست ژ پیشەکارێ خوە یێ ئیرانی میلاد زەندپور بەردە ل سەر داخوازیا یاریکەرێ ناڤبری پشتی وی داخوازی ژ یانێ کری .
یاریکەرێ ناڤبری د داخویانیەکێ دا بۆ ئەڤرۆ نیوز دیارکر ئەوی چو ئاریشە ل گەل یانێ نەبوون بەروڤاژی ئەو ل گەل یانا خوە گەلەک یێ ئارام بوو کو بەری نوکە ژی ل چەندین یانێن مەزن ئیرانی کریە لێ وەکو یانا ھەولێرێ یێ ئارارام نەبوو .
ناڤبری دیارکر ژی ئەگەرێ ب جھـ ھێلا یانا ھەولێرێ بوو وێ چەندێ ڤەگەریت ئەو دخوازیت بەر ب ئورۆپا بچیت و تایبەت پشتی ب فەرمی یانا دالکورد یا سویدی پەیوەندی ب وی کری ئەوی ژی ئێکسەر داخوازی ژ یانا ھەولێرێ کر و دەست ژ کوژمێ مای یێ یانێ بەردە ژبەرکو کرنا یاریێ ل ڤی دەمی ل ئورۆپا باشتر دبینت ژ خولێن ئاسیا و ئارمانجا وی یا سەرەکی ئەوا جارەکا دی ڤەگەریتە پێکھاتیێ ھەلبژارتیێ ئیرانی.
ھەژی گوتنێ یە میلاد زانیدپور دەستپێکا ڤێ وەرزێ ھەڤبەستا یانا ھەولێرێ ئیمزاکر بوو بەری نوکە ژی یاری ل چەندین یانێن بەرنیاس یێن خولا پلا نایاب یا ئیرانی کری یە و نێزیکی ٣٢ یاریێن نیڤدەولی ل گەل ھەلبژارتیێ ئێکێ ئیرانی کری ھەنە
ل داوی دیدارا ئالیێن سیاسی ل هه‌رێما كوردستانێ ل گه‌ل سه‌روَكێ هه‌رێمێ ژ ئالیان هاته خواستن كو به‌رهه‌ڤیان ژبوَ ئه‌نجامدانا ریفراندوَما چاڤه‌رێكری را بكن، ئه‌ڤێ یه‌كێژی داخویانیێن جودا جودا ل په‌ی خوه ئانین لێ داخویانیێن نافخوه‌یا هه‌رێمێ ئانكو لوكال دێ ڤه‌دینه ره‌خه‌كی و هێنه سه‌ر دیتن و هه‌لویستێ ئوروَپا و ده‌وله‌تێن رۆژئاڤا به‌ری دوو رۆژان(31-01-2016) و د چارچوَڤێ وان پێكولێن تێنه‌كرن ژبوَ لهه‌ڤئانینا ئالیێن سیاسی ل هه‌رێما كوردستانێ كونسلێن چه‌ندین وه‌لاتێن ئوروَپی رابین ب سه‌رادانا پارتیێن كوردی و یه‌كه‌م ئالی سه‌ره‌داناوی كرین كومه‌لائیسلامیا كوردستانێ بوو پشتی ل هه‌ڤ گوهوَڕینا دیتن و بوَچوونان پاشێ د پرێسكونفرانسه‌كێدا رێزدار علی باپیر میرئَ كومه‌لا ئیسلامی بوَ ده‌زگه‌هێن راگه‌هاندنێ گوت: كونسلان گوتنه مه ئه‌م نها ل گه‌ل ئه‌نجامدانا ریفراندوَمێ نینین و دبت كو ل پاشه‌رۆژێ دیتنا مه وه‌ره گوهوَڕین و ئه‌م دخوازین عێراقه‌كا یه‌كگرتی هه‌بت و درێكا وێدا ئه‌م ئالیكاریا وه بكین.
هه‌ر ئه‌ینی رۆژێ و ئه‌ینی كونسلان سه‌ره‌دانا پیلوَتبیروَیا پارتی دیموكراتی كوردستان كرن و ل گه‌ل مه‌زنه به‌رپرسێن وێ پارتیێ جڤیان و ره‌وشا نازكا هه‌رێمێ و ئه‌و ئاسته‌نگ و هه‌ڤڕكیێن هه‌رێم دووچار بووی ئێخستن به‌ر باس و ڤه‌كوَلینێ و دیتن و بوَچوون ل هه‌ڤ گوهارتن، ل گه‌ل ب داوی هاتنا جڤینێ به‌رێز فازل میرانی سكرتێرێ پیلوَتبیروَیا پارتی بوَ رۆژنامه‌ڤانان گوت: دجڤینێدا كونسلان نه‌گوتیه ئه‌م دژی ئه‌نجامدانا ریفراندومێنه هه‌ردوو به‌رێز ژی راست دبێژن چنكو وه‌لاتێن رۆژئاڤا قه‌ت هه‌لویسته‌ك زه‌لال نه‌بوویه ژ هه‌رێما كوردستانێ چنكو به‌ری نهاژی بدروستی ل 06/01/2016 رێزدار مه‌سعود بارزانی سه‌روَكێ هه‌رێما كوردستانێ ل هاڤینگه‌ها پیرمام ل گه‌ل سه‌روَكێن نوێنه‌راتی و كونسولێن وه‌لاتێن بیانی ل هه‌ولێرێ كوَمبوو كو وه‌كو ئه‌ته‌كێته‌ك سالانه ژبوَ ئاشكراكرنا سیاسه‌تا گشتی یا هه‌رێمێ ب ڤان كونسلان و پیروَزكرنا سالا نوو ل وان؛ سه‌روَكێ هه‌رێما كوردستانێ ب وان راگه‌هاندیه كو ئه‌و رژده ل سه‌ر ئه‌نجامدانا ریفراندۆمێ داكو جیهان بزانت كورد چی دخوازن و چه‌وا دێ بریارێ ل سه‌ر چاره‌نڤیسێ خوه ده‌ن و ب شێوه‌یه‌ك ئاشتیانه. ژ وێ به‌روارێ و هه‌تانی ئیروَ هه‌لویسته‌ك زه‌لال و ئه‌رێنی ژ یه‌ك ژ وه‌لاتێن یه‌كه‌تیا ئوروَپا و نه ژی ئه‌مه‌ریكا ده‌رنه‌كه‌فتیه تنێ وه‌لاتێن ب زه‌لالی هه‌لویستێ خوه ئێكلا كرینه وه‌لاتێ هنگاریا و وه‌لاتێ ئیسرائیله ب دیتنا من ئه‌ڤه‌ژی بێ ئه‌مه‌كیه‌كی مه‌زنه ل هه‌مه‌بر گه‌لێ كورد تێ كرن و رۆژانه به‌رپرسێن ئوروَپی دبێژن ئه‌م حێبه‌تی ماینه ژ قه‌هره‌مانیا پێشمه‌رگه‌ی و پێشمه‌رگه پێش هه‌موو جیهانێڤه شه‌رێ تیرورێ دكه‌ت. به‌لێ وه‌سا خوَیایه تنێ ئه‌ڤێن هه‌نێ سه‌رێ مه گه‌رم دكن و دبێژنه مه هون ژبوَ مرنێ باشن به‌لێ نابت هون مافێ ره‌وایێ خوه بخوازن و ئه‌م وه ناسناكین وئه‌م وه‌لاته‌كێ ناس دكین و دانپێدانێ پێ دكین كو ئه‌وژی عێراقه ل ڤێره چی دكه‌ڤه سه‌رملێ حوكمه‌تا هه‌رێما كوردستانێ ل هه‌مبه‌ر ڤێ بێ وه‌فیای وبێ ئه‌مه‌كی و نانكوَریێ. گه‌ره‌كه چ پێنگاڤ بهێنه هاڤێتن وه‌كو به‌رسڤدانه‌ك ل سه‌ر نه‌زه‌لالیا هه‌لویستێن وان: یه‌كه‌م ب ره‌نگه‌ك فه‌رمی هه‌رێما كوردستانێ ژ ئه‌مه‌ریكا و ئوروَپا بخوازت كو هه‌لویستێ وان یێ زه‌لال ژ ریفۆاندوَمێ و پێنگاڤێن پشتی ریفراندوَمێ چیه؟ دووه‌م دڤیا بله‌ز و گه‌له‌ك بله‌ز لوَبیه‌ك كوردی بهێز وه‌ره ئاڤا كرن ژكه‌سانێن ره‌ڤه‌ندا كوردی ل ئه‌مه‌ریكا و ئوروَپا و ئوسترالیا كو ب روَلێ خوه بله‌یزن و بكارن جهێن بریارێ ئاشنابكن ب دیروَك و خه‌باتا گه‌لێ كورد و ئه‌و قوَربانێن ڤی گه‌لی داین, سێ یه‌م كورد دكارن پشكداریا پێشمه‌رگه‌ی د رزگاركرنا میسلێ دا وه‌كو كارته‌ك بكاربینن و ب ریفراندومێڤه گرێبدن، چنكو وه‌كو خوَیایه وه‌لاتێن رۆژئاڤا و عێراقێ ژی ل به‌ره پشتی كو پێشمه‌رگه ب شه‌هید و قوَربانیێن خوه ده‌وله‌تا خیلافه‌تا ئیسلامی ژناڤ دببه بێن و بێژنه كوردان سوپاس بوَ هه‌وه و نوكه هون وه‌لاتیێن عێراقێنه و هه‌ڤدو بگرن و ئه‌وێ نه‌رازیه ئه‌و تیروَرسته گه‌ره‌كه بمرت. چاره‌م ئیروَ رۆژ نه‌تنی َ رۆژئاڤا و ئه‌مه‌ریكا د ده‌ڤه‌رێ ده‌نه ئیروَ هرچا روسی ژی یا هاتیه ده‌ڤه‌رێ ب هێزه‌كا بوَكه‌ڤه(مه‌زن) بێی كو حه‌سابێ بوَ هیچ هێزه‌كێ بكه‌ت، ئه‌ڤه ژی مرۆڤ دكارت بێژت ئه‌لترناتیڤه‌كه ژبوَ كوردان و دكارن ل هه‌مبه‌ر وان ئالیێن دژی ریفراندوَمێ و هه‌لگرێن هزرا عێراقا عه‌ره‌بی یا هه‌ڤگرتی بكاربینت و بێژته وان گه‌لێ كورد خوه‌دی مافه‌كی ره‌وایه و هه‌موو رێكان وێ بگرته به‌ر ژبوَ سه‌رخوه‌بوونا كوردستانێ چنكو كوردان ب سه‌ربلندیڤه تێرا هندێ قوَربانی داینه.
ئەڤرۆ نیوز:
پشتی یانا مانچستەر سیتی ب فەرمی راگەھاندی پیپ گواردیولا دێ ئەرکێ راھێنەریا تیما وان ل دووماھیا ڤی وەرزی وەرگریت و بۆ وەرزێ بھێت راھێنەرێ ئیسپانی سەرپەرشتیا مان سیتی کەت، راپورتێن رۆژنامەڤانی ل وی باژێری دیارکری یە دبیت ژبەر ئەگەرێ ڤی راھێنەری پێنج یاریکەرێن مان سیتی یانێ ب جھـ بھێلن.
یایا توری ئەو یاریکەر بۆ ئەوێ ژبەر گواردیولای یانا بەرشەلۆنا ب جھـ ھێلای و دبیت ئەڤ جارە ژی ھەمان سیناریو دوبارە بیت
یاریکەرێ ھێلا بەرەڤانیێ مانگالا ل گەل شێوازی کرنا یاریا گواردیولای ناگونچیت
یاریکەرێ ھێلا ناڤین فرناندینیو ئەو یاریکەرە قەبوول ناکەت وەکو یاریکەرێ یەدەگ و یاریکەرێن ب ڤی شێوی دبنە جھێ نە ئارامیا گواردیولای
ویلفەرد بونی ئەوژی ئێک ژ ئەوان یاریکەرێن بەربژارە پشتی ھاتنا گواردیولای دێ یانێ ب جھـ ھێلیت
کلیشی ئەو یاریکەرە ھەتانوکە د زوربەیا یاریێن ئەڤ سالە دا پشکداری نەکری یە 
ئه‌ڤرۆ نيوز:
ل دووڤ ئامارێن دەست ب بەرپەرێ ھونەری یێ رۆژناما ئەڤرۆ کەفتین بتنێ ل باژێرێ زاخۆ ھەتا نوکە نەە ھونەرمەندێن چووینە ژ دەرڤە و کوردستان بجە ھێلاینە.
دلخواز موسا رێڤەبەرێ رەوشەنبیری و ھونەری ل زاخۆ دیارکر دۆ ژوان ھونەرمەندان فەرمانبەرن سەر ب رێڤەبەریا مەڤەنە، گرێبەستا ئێکێ ژوان ھاتیە ھەلوەشاندن و یێ دی ژی مولەتا بێ مووچە وەرگرتیە، گۆت: ب سەدان ھونەرمەند ھەنە لەرا ھونەر ب چوونا وان لاواز نابیت، لێ ڤالاھیا جھێن وان ھەر ئێک ژوان شوونتبلێن وی دیارن.
سترانبێژ زێرەڤان لەزگین ئەڤە ماوەکە چوویە دەرڤەی وەلاتی ل ئەلمانیا ئاکنجیبوویە، گۆت: کوردستان ژلایێ مادی و مەعنەوی ڤە چ کارێن ھونەری یێ ناھێنە ئەنجامدان و و پتر ئەگەرێچوونا مە ڤەدگەریت بۆ کاودانێن خێزانی.
ھەڤدەم مەھدی منیر بەرپرسێ سەندیکا ھونەرمەندێن کوردستانێ ل زاخۆ دیارکر سێ ژ ھونەرمەندێن پەنابەر بووین ئەندامێن سەندیکایێ یێن کارانە، گۆت: بابەتەکێ تاکە کەسی یە، مە چو رێنما نینن رێگریێ ل ئازادی یا چو ھونەرمەندان بکەن، ھیچ ھاریکاری و ئاسانکاری بۆ چ ھونەرمەندان نەھاتیەکرن بۆ مەرەمێن پەنابەریێ.
ئەڤرۆ نیوز:
بریارە سوباھی رۆژا ئێک شەمبی یانا ریال مەدرید یاریا خوە یا ڤێ حەفتیێ ل گەل یانا ئیسپانیول بکەت ژ چارچوڤێ یاریێن خۆلا لیگا ئیسپانیا، بوو ڤێ یاریێ راھێنەرێ ریال مەدرید زێدان دێ پشت بەستنێ ل سەر ھەمان پێکھاتیێ یاریا بوری کەت بتنێ گوھورینەکێ دێ د پێکھاتیێ تیمێ دا کەت ئەوژی ل ھێلا بەرەڤانیێ
گولچیێ تیمێ نافاس
فاران ل ھێلا بەرەڤانیێ وەکو یاریکەرەکێ سەرەکی یاریێ کەت
راموس دێ ل جھێ پیپێ کەت پشتی ژی ھنگافتنێ ڤەگەریای و پیپی توشی ھنگافتنێ بووی
ھەردو یاریکەران مارسێلو لایێ چەپێ و دانی کارباخال لایێ راستێ یاریێ کەن
ھێلا ناڤین ھەر ئێک ژ خامیس رۆدرێگیز و تونی کروس و ئیسکو مودریتش
ھێلا ھێرشبەریێ مەکینا گولێن ریال مەدرید ل یاریگەھا بێرنابیو کریستیانو رونالدو و بن زیما ئەوێ ھەردەم ل یاریگەھا ریال مەدرید شێانێن تومارکرنا گولا ھەین
نيشاندان