ئه‌ڤرۆ نیوز:
دچارچووڤێ پلانێن حکومەتا هەرێما کوردستانێ بۆ چارەکرنا ئاریشا جۆتیاران ئەڤرۆ رۆژا دووشەمبی ١٨/١/٢٠٢١ د.عەلی تەتەر پارێزگارێ دهۆکێ، سەرپەرشتیا کومبوونەکا تایبەت ل دۆر چارەکرنا ئاریشا گەنمێ جۆتیارێن پارێزگەها دهۆکێ کر، دکۆمبوونێ دا ب بەرهەڤبوونا رێڤەبەرێ گشتیێ یێ چاندنێ ل پارێزگەها دهۆکێ و رێڤەبەرێ سایلویا وەرگرتنا گەنمی ل دهۆکێ و هەردوو کۆمپانیێن “خۆشناو و قەیوان” ل دووڤ گرێبەستا حکۆمەتا هەرێما کوردستانێ کو دێ ب کارێ وەرگرتنا گەنمێ جۆتیاران رابن، دانوستاندن هاتنه كرن.
پارێزگارێ دهۆکێ دیارکر، كو کارگێریا پارێزگەها دهۆکێ دێ هەمووئاسانکاریان ئەنجامدەت کو لەز ل چارەکرنا ئاريشا وەرگرتنا گەنمێ جۆتیاران بهێتەکرن و جهێ پێدڤی بۆ سایلۆیان هەروەسا کارگەهێن پێدڤی بۆ هێرانا گەنمی و ساڤاری بهێنە درۆستکرن.
هەردوو کۆمپانیێن جێ بەجێ کار سۆز دا کو هەموو شیانێن خو ب مەزێخن پێش وەرزێ درۆینێ یا پێدڤی بهێتە ئەنجامدان كوئاريشه چارەسەر ببیت.
نيشاندان