ئەڤرۆ نیوز:
پشتى هنده‌ك كه‌سان ب رێیا سۆشیال میدیایێ سفكاتى ب وەلاتیه‌كێ ئاكنجیێ كومه‌لگه‌ها ئازادى ل ناحیا سه‌رسنكێ كرى، ئه‌ڤرۆ 13-9-2020 د. عەلى ته‌ته‌ر پارێزگارێ دهۆكێ، ل گەل قایمقامێ قه‌زا ئامێدیێ و چه‌ندین رێڤه‌به‌رێن فه‌رمانگه‌هێن میرى سه‌را مالا وەلاتى نه‌وزادی دا ل كومه‌لگه‌ها ئازادى ل ناحیا سه‌رسنكێ.
پارێزگارێ دهۆكێ داخوازا لێبورینێ ژ نه‌وزادی و مالباتا وى كر و گوت: ئه‌ڤ سفكاتیا ب نه‌وزادى هاتیه كرن جهێ قه‌بوولكرنێ نینه و دڤێت ئه‌و كه‌سێن ئه‌ڤ كارێ خراب كرى لدووڤ قانوونێن حوکمه‌تا هه‌رێمێ بهێنه سزادان.
هه‌روه‌سا گوت ژی: نه‌وزاد فه‌رمانبه‌ره‌كێ خوشتڤیه ل ناحیا سه‌رسنكێ و خزمه‌تا ئه‌و ئه‌نجامده‌ت جهێ رێزێ یه و نابیت تۆرێن كومه‌لایه‌تى و سوشیال میدیا بۆ مه‌ره‌مێن خراب بهێنه ب كارئینان و نابیت سفكاتی ب كه‌سان بهێته كرن، ئه‌م ژى وه‌كو كارگێریا پارێزگه‌هێ دێ دووڤ چوونا كه‌یسێ كه‌ین و لدووڤ قانوونێ دێ سه‌ره‌ده‌ریێ ل گه‌ل وان كه‌سا كه‌ین یێن ئه‌ڤ كاره ئه‌نجامداین.
نيشاندان