ئه‌ڤرۆ نیوز:
هه‌تا نوكه توشبوویێن ڤایرۆسێ كورونایێ ل جیهانێ گه‌هشتیه حه‌فت ملیۆن و 91 هزار و 667 كه‌سان.
رێژه‌یا توشبوویێن ب ڤایرۆسێ كورونا كوڤید 19 رۆژ بۆ رۆژێ رێژه‌یا توشبوویان بلند دبیت و نوكه ل هه‌موو جیهانێ رێژا توشبوویێن ڤایرۆسێ كورونایێ گه‌هشتیه حه‌فت ملیۆن و 91 هزار و 667 كه‌سان، سێ ملیۆن و 461هزار و 619 كه‌س ساخ بووینه، 406 هزار و 195 توشبوویان ژی گیانێ خو ژ ده‌ست دایه.
ئەڤرۆ نیوز، عەلی حاجی :
ب ئامادەبوونا ئەندازیار دیار بەحری، رێڤەبەرێ گشتی یێ باژێرڤانیان و قائیمقامێ قەزا زاخۆ و سەرۆکێ باژێرڤانیا زاخۆ و نوونەرێ کۆمپانیا ھیزل یا کۆمکرنا گلێشی، کۆمبوونەکا گرنگ ل دۆر ئاریشا پاقژکرنا زاخۆ ھاتە کرن
و تێدا بڕیار ل سەر ھندێ ھاتە دان ب زووترین دەم ئەڤ ئاریشێن پاقژکرنا گلێشێ زاخۆ بھێتە چارەسەرکرن.
ئەندازیار دیار بەحری، رێڤەبەرێ گشتیێ باژێرڤانیان ل پارێزگەھا دھۆکێ بۆ ئەڤرۆ نیوز دیار کر کو پێدڤیە ھەر ئەڤرۆ ھەوەکا بەرفرەھ ل زاخۆ ب ھەماھەنگی ل گەل باژێرڤانیا زاخۆ بھێتە ئەنجامدان و بۆ رۆژێن بھێت پلانەکا حەفتیانە بھێتە پێشکێشکرن بۆ باژێرڤانیا زاخۆ و پشتی دھێتە پەسەندکرن بکەڤیتە د بوارێ جێبەجێکرنێ دا.
ناڤهاتی ئاشکرا ژی کر کو داخواز ژ کۆمپانیێ ھاتە کرن ژمارا ترۆمبێلێن راکرنا گلێشی بھێنە زێدەکرن و کۆمپانیا ھیزل ئامادەیا خۆ دەربری کو ئەڤ ترۆمبێلە د ماوێ حەفتیەکێ دا بگەھنە زاخۆ و بکەڤنە د کاری دا و دێ باژێرڤانیا گشتی یا پارێزگەها و باژێرڤانیا زاخۆ بەردەوام چاڤدێریا خالێن دناڤ رێکەڤتنێ دا کەن دا کو ب دروستی بهێنە جێبەجێ کرن.
ئه‌ڤرۆ نیوز:
رێڤه‌به‌رێ گشتی ل وه‌زاره‌تا دارایی و ئابووری یا حكومه‌تا هه‌رێما كوردستانێ راگه‌هاند كۆ ئه‌و د قوناغا فرۆتنا ئه‌وان بارمته‌یا دانه كۆ سه‌رمایه‌داران هه‌مبه‌ر ئه‌و قه‌رێن ژ حكومه‌تێ وه‌رگرتین .
د.كه‌مال ته‌یب ریڤه‌به‌رێ گشتی یێ خویكان ل وه‌زاره‌تا دارای و ئابووری یا حكومه‌تا هه‌رێما كوردستانێ راگه‌هاند تانوكه رێ و ئاوایێن وه‌رگرتنا قه‌رێن لایێن كۆمپانیا و بازرگان و سه‌رمایه‌داران یێن حكومه‌تا هه‌رێمێ، كار ل سه‌ر دكه‌ین، ل هه‌یڤا حه‌فت دا ده‌ست ب بجهكرنا رێكارێن دی هێنه‌كرن هه‌مبه‌ر ئه‌وان كۆمپانیێن كو نه‌شێن قه‌رێن خو بده‌ن، ئه‌و بارمته‌یێن داناین هه‌مبه‌ر ئه‌وی قه‌ری دانای دێ هێنه فرۆتن له‌ورا نوكه گه‌هشتینه ئه‌وێ قوناغێ كۆ بارمته‌یان ب فرۆشین.
ریڤه‌به‌رێ گشتی یێ خویكان ل وه‌زاره‌تا دارای و ئابووری یا حكومه‌تا هه‌رێما كوردستانێ ئه‌و چه‌نده ژی راگه‌هاند ئه‌وان بارمته‌یان دێ ل زێده‌كرنه‌كا ئاشكرا هێنه فرۆتن، ئه‌ڤێ قه‌ردار دڤێت نه‌جار بیت ب فرۆتنێ و یێ پێگیر بیت.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر كۆ ل هه‌ولێرێ 13 كه‌سێن دی توشی ڤایرۆسێ كورونایی بوون.
ئه‌ڤرۆ وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه و تێدا هاتیه ل به‌رده‌وامیا پشكنین و لێگه‌ریان ل دووڤ توشبوویان، 13 توشبوویێن دی ب ڤایرۆسێ كورونایێ كوڤید 19 ل پارێزگه‌ها هه‌ولێرێ هاتنه ده‌ست نیشانكرن، كۆ پێنج زه‌لام و سێ ئافره‌ت و كچه‌كا گه‌نج و چار زارۆكن.
د راگه‌هاندنا وه‌زاره‌تا ساخله‌میا هه‌رێمێ دا ئاماژه ب وێ چه‌ندێ هاتیه‌كرن، هه‌شت توشبوو به‌ركه‌تیێن توشبوویێن به‌رێ نه، كۆ دو توشبوو نیشانێن نه‌خوشیێ هه‌نه و سێ توشبوو ل بازگه‌یێ دێگه‌له پشتی پشكنین بۆ هاتینه‌كرن ده‌ركه‌ت توشبوونه.
ئەڤرۆ نیوز، زنار تۆڤی:
ئەم وەکو کومەلا دوستانیا کورد و ئەلمان داخوازێ ژ نوونەرێن کوردان ل بەغدا دکەین، ژ وان بەهرەیێن کوردان ئێک ژێ بو ئەلمانیا بیت، ژبەرکو ئەلمانیا گەلەک گرنگترە ژ وەلاتێن دی، هژمارا رەڤەندا کوردی ژ هەر وەلاتەکێ دیتر پترە.
دیسان پێدڤیە د. فوئاد حسێن، کوردەکێ بکەتە بالیوزێ عیراقێ ل ئەلمانیا و ئەڤە مافێ رەڤەندا کوردیە، چونکی هەر ژ رزگارکرنا عیراقێ ل ژێر زولم و زورداریا رژێما بەعس هەتا نوکە هەر عەرەب بووینە بالیوزیێن عیراقێ ل ئەلمانیا، هەر چەندە رێژا کوردان زێدەترە ژ رێژا عەرەب و ئاشوری و تورکمانان، نوکە پتری 250 هزار رەڤەندا عیراقی ل ئەلمانیا دژین، پتر ژ نیڤا وان کوردن، لەوما مافێ رەڤەندا کوردیە، کوردەک ببیتە بالیوزێ عیراقێ ل ڤی وەلاتی.
ئه‌ڤرۆ نیوز:
جڤاتا بلندا ساخله‌میێ و خۆپارێزێ ب سه‌رۆكاتیا مسته‌فا كازمی سه‌رۆك وه‌زیرێ عیراقێ كۆمبوون و بریار دان قه‌ده‌غه‌یا ته‌ڤاییی یا هاتنوچونێ بۆ ده‌مێ هه‌فتیه‌كا دی بهێته درێژكرن هه‌تا 13 ئه‌ڤێ هه‌یڤێ.
جڤاتا بلندا ساخله‌میێ و خۆپارێزیێ ل عیراقێ د راگه‌هاندنه‌كێ دا به‌لاڤكریه د پێخه‌مه‌تا پاراستنا گیانێ وه‌لاتیان و رێگریكرن ژ زێده‌ترا به‌لاڤبوونا ڤایرۆسێ كورونایی، 10 رێكارێن نوو دێ هێنه بجهكرن و قه‌ده‌غه‌یا هاتنوچونێ هه‌تا 13 ئه‌ڤێ هه‌یڤێ دێ هێته درێژكرن.
د ئه‌وێ راگه‌هاندنێ دا هاتیه ژی كۆ پێدڤیه ته‌ڤایا وه‌لاتیان ل ده‌مێ سه‌ره‌دانكرنێ بۆ فه‌رمانگه‌هان و ده‌زگه‌هێن ناحكومی ب ئارمانجا بریڤه‌برنا كارێن خۆ كه‌مام و ده‌ستگۆركان بكار بینن.
جڤاتا بلندا ساخله‌میێ و خۆپاریزێ ئه‌و چه‌نده ژی دازانین بزاڤ بۆ كێمكرنا قه‌ره‌بالغیێ دهێنه‌كرن، هه‌روه‌سا چایخانه و خارنگه‌هـ وبۆ ده‌مه‌كێ دی ب گرتی بمینن و ئه‌و پارێزگه‌هێن كۆ جهێن ئاینی تێدا ب ته‌مامی هاتنوچون دێ تێدا هێته قه‌ده‌غه‌كرن.
ئه‌ڤرۆ نیوز:
وه‌لاتێن ئه‌ندام ل كۆمه‌له‌یا G20 سوزا دابینكرنا زێده‌تری 21 ملیار دۆلاران بۆ به‌رهنگاربوونا ڤایرۆسێ كورونایێ د جیهانێ دا.
لگۆری ئاژانسا رویته‌رز، ئه‌ڤرۆ كۆمه‌له‌یا G20 د به‌یاننامه‌یه‌كێ دا به‌لاڤكریه، ئه‌ندامێن كۆمه‌له‌یێ سوزداینه 21 ملیار دۆلاران بۆ پشته‌ڤانیا به‌رهنگاربوونا ڤایرۆسێ كورونایێ و سه‌رمایه‌داركرنا رێكخراوا ساخله‌میا جیهانێ دابین بكه‌ن.
هه‌ر دوێ به‌یاننامه‌یا G20 هاتیه بۆدجه بۆ پشكنین و ڤه‌كۆلینێن پێشخستنا چاره‌سه‌ر و ڤاكسینا دژی كورونایی دهێته بكار ئینان.
26 نیسانا ئیسال كۆمه‌له‌یا وه‌لاتێن G20 ده‌ست پێشخه‌ریه‌كا نێڤ ده‌وله‌تی بۆ خرڤه‌كرنا هه‌شت ملیار دۆلاران راگه‌هاند، ب مه‌به‌ستا گه‌هاندنا پێدڤیێن نوژداری و ده‌رمانان بۆ ئه‌وان ده‌ڤه‌رین كۆ ب ئه‌گه‌ری ڤایرۆسێ كوروناێ زیان به‌ركه‌تین.
ئه‌ڤرۆ نیوز:
په‌یڤدارا رێكخراوا ساخله‌میا جیهانێ هوشداریا ئه‌وێ چه‌ندێ دا كۆ ڤایرۆسێ كورونایێ ب دوماهی نه‌هاتیه و نابیت ب هه‌لگرتنا قه‌ده‌غه‌یا هاتنوچونێ وه‌لاتی پرۆسه‌یا خۆ پاراستنێ ب ئاسایی وه‌ربگرن.
مارگرێت هاریس په‌یڤدارا رێكخراوا ساخله‌میا جیهانێ راگه‌هاند ل چه‌ند وه‌لاته‌كان تێبینیا ئه‌وێ چه‌ندێ هاتیه‌كرن ده‌مێ رێكارێن قه‌ه‌غه‌یا هاتنوچونێ نه‌ماین وه‌لاتی هوسا دزانن ئه‌ڤه ڤایرۆسێ كورونایێ ب دوماهی هات، به‌لێ بڤی شیوه‌ی نینه و دوماهی نه‌هاتیه، له‌ورا پێدڤیه خه‌لك خۆ ب پارێزیت.
په‌یڤدارا رێكخراوا ساخله‌میا جیهانی ئه‌و چه‌نده ژی راگه‌هاند: كورونا دوماهی نه‌هاتیه و هه‌تا جیهان هه‌می نه‌هێته پاقژكرن هه‌ر مه‌ترسیا وێ دێ یا به‌رده‌وام بیت، نوكه ناڤه‌ندا به‌لاڤبوونا كورونایێ ل وه‌لاتێن باكور و باشورێن ئه‌مریكا دانه.
ئه‌ڤرۆ نیوز:
حكومه‌تا ئیماراتێ ژبوی ڤه‌ژاندنا بیاڤێ كه‌رتێ گه‌شتیاری و فرۆكه‌ڤانیێ كو ئیدێ گه‌شت ل باله‌فرخانه‌یێن ئیماراتێ ده‌ست ب كار بن.
حكومه‌تا ئیماراتێ پشتی بورینا چه‌ندین رۆژێن راوه‌ستاندنا بیاڤێ فرۆكه ڤانیێ و گه‌شتكرنێ بریار دا ده‌ست بكار بن ڤه‌ژاندنه‌كا نوو دبیت بۆ بیاڤێ كه‌رتێ گه‌شتیاریێ.
هه‌روه‌سا حكومه‌تا ئیماراتێ راگه‌هاند پشتی ژ هه‌یڤا ئادارێ ڤه گه‌شت هاتبونه راوه‌ستاندن دێ ژنها پێدا ده‌ست بكار بن.
ئەڤرۆ نیوز:
پەیڤدارێ حوکمەتا هەرێما کوردستانێ راگەهاند: بەغدا 388 ملیار دینار بۆ هەرێما کوردستانێ هنارتینە، نەکو 400 ملیار دینار، ئەو پارە ژی برێیا بانکا فیدرالی هاتنە هنارتن.
د. جۆتیار عادل، پەیڤدارێ حوکمەتا هەرێما کوردستانێ د کۆنفرانسەکێ رۆژنامەڤانیدا راگەهاند: حوکمەتا هەرێما کوردستانێ بەردەوامبوویە ل سەر دابەشکرنا مووچەی.
نيشاندان