ئەڤرۆ نیوز:
رێڤەبەرێ ساخلەمیا سلێمانیێ راگەهاند، کو حەفت تووشبوویێن دیتر یێن کۆرۆنا یێ ل سلێمانیێ چێبوون و بۆمال هاتنە رەوانە کرن.
د. سەباح هەورامی، رێڤەبەرێ ساخلەمیا سلێمانیێ گۆت، 116 کەس ل سلێمانیێ تووشی کۆرۆنا یێ بووینە، هەتا نوکە 85 کەس ژ وان چێبووینە.
ل سەرانسەری هەرێما کوردستانێ 289 کەس تووشی ڤایرۆسێ کۆرۆنا یێ بووینە و 117 کەس ژی چێبووینە.
ئەڤرۆ نیۆز، قائید میرۆ:
ژبەر نەبوونا چ رێکەفتنان بۆ پێک ئینانا کابینا نوویا حوکمەتا عێراقێ پێشبینی دھێتەکرن ڤێجارێ کۆمبوونا پەرلەمانی بۆ دانا باوەریێ ب کابینا حوکمەتێ سەرنەگریت چاڤه‌رێن رەوشا عێراقێ و ھەلبژارتنا بەروەخت ب چارەسەر دزانین بۆ رەوشا عێراقێ پەرلەمانتارەک ژی دبێژیت، چەندین ئاستەنگ ھەنە ل پێشیا ھەلبژارتنان.
خالیدە خەلیل، پەرلەمانتارا فڕاکسیۆنا پارتی ل پەرلەمانێ عێراقێ بۆ ئەڤرۆ نیۆز دیارکر” ھێشتا پارتی چ بڕیارێن فەرمی لدۆر رێڤەچوونا ھەلبژارتنێن بەروەخت ل عێراقێ نەدایە، بەلێ ھەكه کار بگەھیتە ڤێ چەندێ ھەلبژارتنێن بەروەخت ل عێراقێ بھێنە رێڤەبرن و رێکەفتنا ھەموو لایەنێن سیاسی لسەر ھەبیت ئەڤە ئەمژی دێ پشکداربین.
ئەڤێ پەرلەمانتارا پارتی گۆت” ئاستەنگێن مەزن ل پێشیا ھەلبژارتنان ھەیە، ژوان ژی تەمام نەبوونا قانوونا ھەلبژارتنان و نەبوونا چو رێکەفتنان دناڤبەرا کۆتلەیێن پەرلەمانی دا، ھەروەسا رێڤەچوونا ھەلبژارتنان پێدڤی ب پارەیەکێ زۆر ھەیە و رەنگە دڤێ قۆناغێ د شیانێن حوکمەتا عێراقێ دا نەبیت ئەڤی پارەی بمەزێخیت.
خالیدە خەلیل ئاماژەکر” ئەڤسالە بڕیارە سەرژمێریا گشتی ژی بھێتە ئەنجامدان و ئەگەر رەوش یا ھوسابیت زەحمەتە دەلیڤە ھەبیت بۆ ئەنجامدانا ھەلبژارتنێن بەروەخت بڕێڤە بچن.
ئەڤرۆ نیوز:
وەزیرێ ناڤخۆ یێ هەرێما کوردستانێ راگەهاند، ئەو کەسێن کو هەلگرێ ڤایرۆسێ کۆرۆنا یێ بوون و ئەوێن پشکداری د بەهیا هەولێرێ دا کرین، دەمێ چێببن دێ هێنە دادگەهـ کرن.
ئەڤرۆ دوشەمبی، رێبەر ئەحمەد وەزیرێ ناڤخۆ یێ هەرێمێ د کۆنفرانسەکێ رۆژنامەڤانی دا دیار کر، مە داخواز ژ پارێزگارێ هەولێرێ کریە، کو ب رێیا داخوازکارێ گشتی ئەو کەسێن هەلگرێ کۆرۆنایێ بوون و پشکداری د بەهیا هەولێرێ دا کرین و چێببنە ڤە، لدووڤ قانوونێ دێ مامەلە ل گەل وان دا هێتەکرن و بهێنە دادگەهـ کرن.
گۆت ژی، هەتا نوکە ب ئەگەرێ وێ بەهیێ ٧١ حالەتێن توشبوون ب کۆرۆنایێ هاتینە تۆمار کرن.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ هوشداریێ دده‌ت و رادگه‌هینیت هه‌رێما كوردستانێ ل هه‌مبه‌ر كاره‌ساته‌كا مرۆڤی دایه.
د. سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ ل ژماره‌یا تایبه‌ت یا خۆ ل فیبسوكی به‌لاڤكریه هه‌رێما كوردستانێ ل هه‌مبه‌ر مه‌ترسیه‌كا مه‌زن و كاره‌ساته‌كا مرۆڤی دایه.
ئه‌ڤ راگه‌هاندنا وه‌زیرێ ساخله‌میێ پشتی ئه‌وێ چه‌ندێ هات كۆ پشتی وه‌زاره‌تا ساخله‌میێ 41 حاله‌تێن توشبوونێ ب ڤایرۆسێ كورونایی ل هه‌ولێرێ راگه‌هاندین و ژاره‌یا توشبوویێن ڤایرۆسێ كورونایێ ل هه‌رێما كوردستانێ گه‌هشته 277 كه‌سان و سێ كه‌س ژی ب ئه‌گه‌ری ڤایرۆسێ كوروناێ مرینه.
ئه‌ڤرۆ نیوز:
سه‌رۆكێ هه‌رێما كوردستانێ د په‌یامه‌كێ دا سوپاسیا وه‌لاتیان و هێزێن ئه‌مین و كارمه‌ندێن ساخله‌میێ و راگه‌هاندنكاران كر گۆت شانازیێ ژی ب وه دكه‌ین.
نێچیرڤان بارزانی سه‌رۆكێ هه‌رێما كوردستانێ د په‌یامه‌كێ دا به‌لاڤكر و تێدا هاتیه، سوپاسیا وه‌لاتی و ئاكنجیێن هه‌رێما كوردستانێ دكه‌م بۆ مانا وان ل مالێن خودا پێگیربوونا وان ب رێنماییانڤه.
سه‌رۆكێ هه‌رێما كوردستانێ سوپاسیه‌كا تایبه‌ت بۆ كارمه‌ندێن ساخله‌میێ و پێشمه‌رگه و كارمه‌ندێن باله‌فرخانه‌ین و ده‌رگه‌هێن توخیبی و ده‌زگه‌هێن ئه‌مین و راگه‌هاند و ته‌ڤایا ئه‌وان قاره‌مانێن بۆ پاراستنا كوردستانێ ژ ڤایرۆسێ كورونا دكه‌م.
ئەڤرۆ نیوز،عەلی حاجی :
د داخویانیەکێ هاریکارێ سەرۆکێ زانکۆیا زاخۆ بۆ کارۆبارێن کارگێری و دارایی بۆ ئەڤرۆ نیوز دیار کر ل دووڤ داخازا حکومەتا هەرێما کوردستانێ و وەزارەتا خاندنا بلند و ڤەکۆلینێن زانستی دێ فەرمانبەر و مامۆستایێن مە پشکەکا موچێ خوە بۆ کارێن خێرخازی ته‌رخان كه‌ن.
زێدەتر دکتور دیار هالو گۆت : زێدەتری هزار فەرمانبەر و مامۆستا مە ل زانکۆیا زاخۆ هەنە و پرانیا وان ژی بەرهەڤیا خوە دیار کری یە پشکداری د وێ کەمپینێ دا بکەن و مە کۆژمەیەکێ پارەیی دەست نیشان کری یە کو ل دووڤ وی کۆژمەیی پشکەکا موچێ خوە تەرخان بکەن بەلێ هندەک کەسان بەرهەڤیا خوە دیار کری یە ب پارەیەکێ زێدەتر ژی پشکدار ببن،هەتا نوکە رێژەیا پشکداران نەهاتیە زانین ژبەر کو هەتا نوکە پشکدارێن نوو بەردەوام پشکداری وی کارێ خێرخوازی دا دبن بەلێ هەتا نوکە پرانیا وان بەرهەڤیا خۆ دیار کری یە کو دێ پشکدار بن،هەر کەسەکێ پشکدار ببیت ژی دێ ژمێریارێ مە ئاگەهدار کەت داکو ئەو کوژمێ پارەیی یێ دشیانێ وی کەسی دا بیت رادەست بکەت و ئەم ژی ژلایێ خۆ وی کوژمێ پارەیی رادەستی جهێن پەیوەندیدار بکەین پێخەمەتی هاریکاریکرنا کەسانێن هەژار و دەست کورت و ئەڤ پێنگاڤە ژی بتنێ وەکو کارەکێ مروڤایەتی و نیشتیمان پەروەری یە. و گۆت ژی : وەزیرێ خواندنا بلند و ڤەکۆلینێن زانستی داخاز ژ جڤاتێن هەمی زانکۆیێن هەرێمێ کری یە کو ئەو ژی ژلایێ خوە ڤە پشکەکا موچێ خوە بۆ وێ هەوێ دابین بکەن و ئەم ژی دەست پێشخەر بووین ل سەر وێ داخازیێ .
ئه‌ڤرۆ نیوز:
جێگرێ وه‌زێرێ ساخله‌میا ئیرانێ راگه‌هاند: ره‌وشا ساخله‌میێ ل تارانێ ب ئه‌گه‌رێ به‌ربه‌لاڤبوونا ڤایرۆسێ كورونایێ مه‌ترسیدار و ئالوزه.
ئیره‌ج جه‌ریرچی جێگرێ وه‌زیرێ ساخله‌میا ئیرانێ راگه‌هاند قه‌ره‌بالغیه‌كا زۆر ل سه‌ر جاده‌یێن تارانێ جهێ دلگرانیی یه و پێدڤیه رێ و ئاوایێن توند بهێنه بكار ئینان بۆ رێگرتن ژ به‌لاڤ بوونا ڤایرۆسی و ئاگه‌هداریا وه‌لاتیان بهێته‌كرن ل مال دا بمینن و نه‌ده‌ركه‌ڤن.
جێگرێ وه‌زیرێ ساخله‌میا ئیرانێ ئه‌و چه‌نده ژی راگه‌هاند تاران بوویه ناڤه‌ندا به‌لاڤبوونا ڤایرۆسێ كورونایی و پیدڤیه رێ و ئاوایێن پیدڤی بۆ رێگرتن ژ به‌لاڤبوونا كورونایی بۆ باژێرێن دی بهێته‌كرن.
ئەڤرۆ نیوز:
وەزارەتا دارایی یا حوکمەتا هەرێمێ دیار کر، ژ پێخەمەت دروست نەبوونا قەرەبالغێ د دەمێ دابەشکرنا مووچێ خانەنشین دا ، دێ لدووڤ خشتەکێ ڕێکخستی بیت، دیسان لدووڤ گۆژمێ مووچەی رۆژێن دابەشکرنا مووچەی ھاتینە دیارکرن.
ئەڤرۆ شەمبیێ 4.4.2020 ، وەزارەتا دارایی خشتەک بۆ دابەشکرنا مووچێ خانەنشینان بەلاڤکریە و تێدا هاتیە، مووچێ خانەنشینێن لەشکەرى ٦ نیسانێ دێ هێنە دابەشکرن و خانەنشینێن مەدەنی ژی دێ دناڤبەرا ١٢ نیسانێ بۆ ١٦ نیسانێ هێنە دابەشکرن.
ئه‌ڤرۆ نیوز:
هنارتیا نه‌ته‌وه‌یێن ئێكگرتی ل عیراقێ، گۆمانا ژ ئه‌واێ ژماره‌یێ هه‌یی كۆ حكومه‌تا عیراقێ به‌لاڤ دكه‌ت ده‌ربارێ توشبویێن ڤایرۆسێ كورونایێ به‌لاڤ دكه‌ت.
د به‌یاننامه‌یه‌كێ دا به‌لاڤكر، كۆ ڤایرۆسێ كورونایێ گه‌فه‌كا مه‌زنه ل سه‌ر جیهانێ و پێدڤیه ه حكومه‌ت و جڤاك و تاك هه‌ماهه‌نگ بن بۆ ده‌ربازكرنا ئه‌ڤێ ره‌وشێ.
یونامی ئه‌و چه‌نده ژی راگه‌هاند: ل عیراقێ پشكه‌ك ژ توشبوویێن كورونایێ ب ئه‌گه‌رێ ترس و نه‌بوونا هشیاریا ساخله‌میێ، لایه‌نێن په‌یوه‌ندیدار ئاگه‌هدار ناكه‌ن بڤێ مه‌ترسیێ به‌لاڤبوونا زێده‌ترا كورونایێ و مرنێ زێده‌تر دبیت.
هه‌ر د وێ به‌یانامه‌یێ دا هاتیه ساخله‌میا عیراقێ چ ژماره‌یێن توشبوویان و مریان ب ئه‌گه‌رێ ڤایرۆسێ كورونایێ نه‌ڤه‌شارتینه به‌لكو خه‌لكێ توشبویی حكومه‌تێ و لایه‌نێن ساخله‌میێ ژ توشبوونێ ئاگه‌هدار ناكه‌ن
ئەڤرۆ نیوز:
ئه‌ڤرو ئێڤارى 3 /4/2020 د كونگره‌گێ رۆژنامه‌ڤانیدا ماجد سه‌ید سالح جێگرێ پارێزگه‌رێ دهوكێ ب وه‌كاله‌ت و د. له‌زگین حەجى عه‌ساف رێڤه‌به‌رێ گشتى یێ چاندنێ چه‌ند روونكرن دانه سه‌ر ره‌وشا جوتیاران و چاوانیا رێكخستنا هاتنوچونا وان بۆ ناڤ ره‌ز و باغان ژبۆ ئه‌نجامدانا كاروبارێن چاندنێ.
جێگرێ پارێزگه‌رێ دهوكێ ب وه‌كاله‌ت گوت: دوهى مه كومبوونه‌كا تێر و ته‌سه‌ل ل گه‌ل لایه‌نێن په‌یوه‌ندیدار ل دور كه‌رتێ چاندنێ ئه‌نجامدا و چه‌ند بریار و رێنما هاتینه ده‌ركرن بۆ هندێ کو ئاسانكارى بۆ جوتیاران بهێنه كرن د وه‌رزێ نوو یێ بهارێ داکو بشێن ره‌ز و باغێن خوە سه‌خبێر بكه‌ن و كارێن دى یێن چاندنێ ئه‌نجامبده‌ن، هه‌روه‌سا د كومبوونێدا هه‌موو رێپێدان هاتنه هه‌لوه‌شاندن و رێپێدانێن نوو و یێن ئێكگرتى بۆ لایه‌نێن پێدڤى دێ هێنه ده‌رخستن، هه‌روه‌سا هنده‌ك ده‌مژمێرێن ده‌ست نیشانكرى بۆ جوتیاران هاتینه دیاركرن.
رێڤه‌به‌رێ گشتى یێ چاندنێ ل پارێزگه‌هێ چه‌ند رێنما و بریارێن نوو ل دوور رێكخستنا هاتنوچونا جوتیاران به‌رچاڤكرن و گوت: ئه‌و جوتیارێن خودان رەز و باغ، دشێن رۆژانه ژ ده‌مژمێر (5 – 7) سپێدێ ژ دهوكێ ده‌ركه‌ڤن بۆ ناڤ چاندنێ و ل ده‌م ژمێر (11- 1) شه‌ڤێ ڤه‌گه‌رن مالێن خوە ل دهوكێ، به‌لێ دڤێت به‌لگێن پێدڤى وه‌كو گرێبه‌ستا چاندنێ یا ناسناما جوتیارى یان تاپۆیا چاندنێ یان ژى په‌سه‌نده‌كێ ژ ناحیێ یان قه‌زایێ هه‌بیت.
هه‌روه‌سا جوتیار ل هه‌موو قه‌زا ژى دێ ب ڤێ میكانیزمێ كاروبارێن خو ئه‌نجامده‌ن ژ ده‌م ژمێر (5- 7) سپێدێ و ڤه‌گه‌ریان ژده‌مژمێر (9-11) شه‌ڤێ.
هه‌روه‌سا دوو رۆژ د حه‌فتیێ دا رێك بۆ خودانێن پروژێن مریشكا و گولك و ماسیا و مه‌فقه‌سێن هێكا هاتینه دیاركرن لدووڤ په‌سه‌ندا رێڤه‌به‌ریا چاندنێ و رێدانا سه‌رۆكێن یه‌كێن كارگێرى.
هه‌روه‌سا رێك دێ هێته دان بو ئینان و برنا به‌رهه‌مێن نافخویى(زه‌رزه‌وات – سپیاتى – ماسى – گیانه‌وه‌رێن زندى) ژ ده‌م ژمێر (5-9) سپێدێ و رێك دێ هێته دان بۆ ڤه‌گوهاستنا چیچه‌لوك و مریشكێن ساخ ل دووڤ په‌سه‌ندا رێڤه‌به‌ریا چاندنێ و ڤیته‌رنه‌رى ل سنورێ پارێزگه‌هێ و ژده‌رڤه‌ى پارێزگه‌هێ ، رێك دێ هێته دان بو ڤه‌گوهاستنا كه‌ل و په‌لێن چاندنێ و ئالف و توڤی و ده‌رمانێن چاندنێ ، ژبلى ئینان و برنا زبلێ كێمیاوى كو پێدڤیه رازیبوونا رێڤه‌به‌ریا ئاسایشێ ل گه‌ل دا بیت.
هه‌روه‌سا رێك دێ هێته دان بۆ خودانێن پرۆژێن ( كارگه‌هێن ئالفى وسه‌ربرخانێن مریشكا و پرۆژێن مریشكێن هێكا، رۆژانه لدووڤ په‌سه‌ندا رێڤه‌به‌ریێن چاندنێ و رێدانا سه‌رۆكێن یه‌كێن كارگێرى.
هه‌روه‌سا دانا په‌سەند و رێپێدان بۆ جوتیاران پێدڤیه لدووڤ جهێ پرۆژه‌ى (جهێ جوگرافی) لدووڤ په‌سه‌ندا رێڤه‌به‌ریا چاندنێ بیت.
رێك دێ هێته دان بۆ ڤه‌كرنا كلینیكێن ڤیته‌رنه‌ریێ ل ده‌م ژمێر (8 سپێدێ هه‌تا 12) نیڤرۆ ، هه‌موو رێپێدان یێن هاتینه دان تا رێكه‌فتى 2-4-2020 هاتینه هه‌لوە‌شاندن وكار پێناهێته كرن و فورمه‌كا ئێكگرتى هاتیه رێكخستن ل دور رێپێدانا ل سنورێ یه‌كێن كارگێرى ل پارێزگه‌ها دهوكێ.
رێڤه‌به‌رێن ناحیا ب تنێ ده‌ست هه‌لاتا هه‌ى ل سنورێ ناحیا رێپێدانا بده‌ن لدووڤ رێنمایان بو خزمه‌تا گشتى،
كار دێ ب ڤان رێنمایی و بریارا هێته كرن هه‌تا رۆژا 10-4-2020.
نيشاندان