ئەڤرۆ نیوز:
شاندەکێ بلند یێ وەزارەتا پێشمەرگێ کوردستانێ، ب سەرپەرشتیا وەزیرێ پێشمەرگەی دێ سەرەدانا بەغدا کەت.
وەسا بریارە سوبەهی دوشەمبی (٢٤-٢-٢٠٢٠) شاندەکێ بلند یێ وەزارەتا پێشمەرگەی ب سەرپەرشتیا شۆڕش ئیسماعیل، وەزیرێ پێشمەرگەی دێ سەرەدانا بەغدا بکەن.
د وێ سەرەدانێدا شاندێ وەزارەتا پێشمەرگەی، دێ ل گەل وەزیرێ بەرگریا حوکمەتا فیدڕال یا عیراقێ و بەرپرسێن بلند یێن وێ وەزارەتێ کۆم بن و دێ چەند پرسێن تایبەت ب پێشمەرگەی و سوپایێ عیراقێ ڤە گوتۆبێژ بکەن.
ئهڤرۆ نیوز:
جێگرێ وهزیرێ دهرڤهیێ روسیا راگههاند: دهستهیا كێمكرنا گرژیێن دناڤبهرا روسیا و ئهمریكا ل دهڤهرێن سوریا ههیه ب شێوازهكێ چالاك بۆ ئهنجامدانا چالاكیان ههماههنگن.
ئهلكسهندهر گرۆشكو جێگرێ وهزیرێ دهرڤهیێ روسیا راگههاند: دهستهیا كێمكرنا گرژیێن دناڤبهرا ئهمریكا و روسیا ل دهڤهرێن سوریا ب شێوهیهكێ چالاك كارێن خو دكهن، رۆل ههبوویه ل دروستكرنا ههماههنگی و بهرقراركرنا ئاسایشیێ ل ئهوان دهڤهرێن هێزێن ههر دو لایان تێدا ههنه.
ل دهمێن بوری چهندین جاران دناڤبهرا هێزێن روسیا و ئهمریكا گرژی دروستبوون، كو دوماهی لێكدانا دو زریپوشێن ههردو وهلاتان بو ل سهر رێكا ئێم 4 .
دروست بوونا گرژیان د دهمهكی دایه كو ههر ئێك ژ روسیا و ئهمریكا ل سوریا خودان دو هزرێن جودا و دیتنێن دژ ئێك ههنه ل سهر بارودوخێ سوریا و پاشهرۆژا دهسهلاتا دیمهشقێ.
ئهڤرۆ نیوز:
غالب شابهندهر سیاسهتمهدارهكێ عیراقی یه راگههاند: كهس نهشێت نوكه و ل پاشهرۆژێ ژی عادل عهبدلمههدی سهرۆك وهزیرێ دهست ژكارڤهكێشایی ژ رێتنا ئهوێ خوینێ پاقژ بكهت.
ناڤیری ل سهر هژمارا خۆ یا تویتهری بهلاڤكریه عادل عهبدلمههدی ب دهستێ خۆ خوین نه رێتی یه، بهلێ هێسانكاری بۆ ئهوێ چهندێ كریه، لاواز بوویه دهمێ بێ دهنگ بوویی ههمبهر بكوژان.
سیاسهتمهدارێ عیراقی ئهو ئێكه ژی دیاركر نه نوكه و نه ژی ل پاشهرۆژێ كهس نهشێت عادل عهبدلمههدی ژ وێ خوینا هاتیه رێتن رزگار بكهت و دێ خویكا ئهوان كردارێن هاتینه كرن ل سهردهمێ وی و چهندین كهسێن بێ گونهه بووینه قوربان دهت.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د روودانەکا ترافیکێ دا وەلاتیەکێ گیانێ خوە ژ دەست دا.
ناڤهاتی زێدەتر دیار کر: ئەڤ شەڤە روودانەکا هاتنوچوونێ ل سەر جادا گشتی یا ناحیا مانگێشکێ بۆ کومەلگەها باگێرا و ل نێزیک گوندێ گوندک نەبی دناڤبەرا دو ترۆمبێلان دا هاتیە روودان، کو ترۆمبێلەک ژ وان هوندا ئەکسنت تایبەت دهۆک و ترۆمبێلا دیتر نیسان سەنی كرێ دهۆك بوویە، د ئەنجامدا کەسەکێ گیانێ خوە ژ دەست دایە و دو کەسێن دیتر بریندار بووینە و هاتینە رەوانەکرن بۆ نەخوشخانا تەنگاڤیا ل پارێزگەها دهــوکێ.
ئەڤرۆ نیوز:
راگههاندنا كومهلگهها دهروازێ نێڤدهولهتى یێ ئیبراهیم خهلیل دیار کریە، کو ل رێكهفتى 2020/1/1 ههتاكو 2020/1/31 ژ لایێ تاقیگهها كۆمهلگهها دهروازێ نێڤدهولهتى یێ ئیبراهیم خهلیل ڤه 4008 تون و 796 كیلوگرامێن كهل و پهلێن جۆدا یێن وەکی (فێقى، گوشتێ مریشكێ، كهرهستێن پاقژكرنێ و پێدڤیێن نۆشدار …هتد) هاتینه زڤراندن، ژبهركو لدووڤ رێنمایی یێن پێدڤى نهبوون.
ئهڤرۆ نیوز، لهزگین جوقی:
رێڤهبهرێ ناحیا زومار دیاركركو ئهڤرۆ 20/2/2020 ئێدارا زومار دگهل شاندهكێ ژ ئیدارا مووسل ب فهرمێ مه دهست ب رهتكرنا زڤرینا خێزانیێن داعش بۆ كهمپا گۆندێ عوینات ل دهڤهرا زومار كر.
ئهحمهد جهعفهر، رێڤهبهرێ ناحیا زومار دیاركركو پشتی دهست ب چێكرنا كهمپهكێ بۆ زڤرینا خێزانیێن داعش هاتیه كرن گهلهك مهترسیی دناڤ خهلكێ زومار وسنوونێ ورهبیعه و شنگال دا دروستبوویه وفشارهكا مهزن هاتیه كرن كار دچێكرنا كهمپێ دا بهێته راوهستاندن و خێزانیێن داعش ل زومار نههێنه ئاكنجیكرن لهورا مه ژی دهنگێ خوه دایه دگهل دهنگی وهلاتیێن زومار ئهم دژی بریارا چێكرنا كهمپێ و زڤرینا خێزانیێن داعش راوهستان ئهڤرۆكه ب فهرمێ مه رهتكریه دێ بهردهوام بین ههتا كار دچێكرنا پرۆژهی دا دهێته ههلوهشاندن ونابیت داعش ڤهگهرنه زومار.
ناڤهاتی ئاشكهرا كركو سپێدههیا ئهڤرۆكه مه نهرازیبوونا خوه دیاركریه ئهو كهمپا ب رێژا 50% كار چێكرنا وێ دا دووماهیێ هاتی پێدڤیه بهێته راوهستاندن ونههێته چێكرن چونكو زڤرینا خێزانێن داعش دێ رهوشا دهڤهری زۆر ئالوز كهت.
ئەڤرۆ نیوز:
لۆرینزۆ گیورینی، وەزیرێ بەرگریا ئیتالیا رۆلێ ھێزێن پێشمەرگەی د شەرێ ڵ دژی داعشێ بلند دنرخینیت و سۆزێ ددەت، ھاریکاریێن وەلاتێ وی بۆ پێشمەرگەی د بەردەوام بن.
پشتی کۆمبوونا وی ل گەل مەسرور بارزانی، سەرۆکێ حکومەتا ھەرێما کوردستانێ، وەزیرێ بەرگریا ئیتالیا د تویتەکێدا نڤێسیە: حکومەتا ھەرێما کوردستانێ دۆستەکێ نێزیکی ئیتالیایە، پێشتر ژی من سەرەدانا ھەولێرێ کربوو، نوکە جارەکا دیتر ل گەل سەرۆك وەزیرێن ھەرێما کوردستانێ، مەسرور بارزانی مە کۆمبوون ھەبوو.
د تویتا خوە دا گوێرینی نڤێسیە: من پالپشتیا ئیتالیا بۆ ھێزێن پێشمەرگەی دوپاتکریە و سوپاسیا رۆلێ ئازایانە یێ پێشمەرگەی دکەم، ب تایبەتی ل شەڕێ دژی داعشێ.
ئەڤرۆ نیوز،عەلی حاجی :
د داخویانیەکێ دا رێڤەبەرێ گشتیێ جاڤدێری و گەشەپێدانا جڤاکی ل پارێزگەها دهوکێ بۆ ئەڤرۆ نیوز دیار کر ب مەرەما کێمكرنا دیاردا خازوکێی چەند گرۆپەک ل پارێزگەهێ هاتینە دروست کرن دا کو ب هویربینی چاڤدێریا وان کەسان بکەن یێ خازوکیێ دکەن.
دکتور شێرزاد هروری ئەو چەندە ژی گۆت : ماوەیێ زێدەتری چار هەیڤایە ئەڤ پرۆژەیە ژلایێ وان ڤە هاتیە بەرهەڤکرن و کار ل سەر دهێتە کرن لەورا کۆمبوونەک گرنگ ل دور کێمکرنا خازوکیێ ل سەر ئاستێ بلندێ پارێزگەها دهۆکێ هاتە ئەنجام دان و هەتا سەرۆکێ دادگەها دهۆکێ ژی پشکداری وێ کۆمبوونێ بوو و ب رێیا وێ کۆمبوونێ ژی چەند پێنگاڤەکام هاتنە هاڤێژتن دا کو دەات ب جێبەجێ کرنا ڤی پروژەیی بهێتە کرن، چەند گرۆپەک هاتنە دروست کرن دا کو ل هەمی پارێزگەها دهۆکێ ئەو گروپە چاڤدێریا وان کەسان بکەن یێ کارێ خازوکیێ دکەن و پشتی هاتنا ئاوارەیان ئەڤ دیاردە بەرەڤ زێدەبوونێ ڤە چوویە،کارێ ڤان گرۆپان ژی دێ ئەو بیت ئەو کەسێن خازوکیێ دکەن دێ هێنە رەوانە کرن بۆ وی جهێ هاتیە دروست کرن ب خازوکان ڤە و ژلایێ خوە ڤە ژی ئەم دێ دەست ب ڤەکۆلینێن خوە کەین کو ئەو کەسە ژبەر چو ئەگەرەک خازوکیێ دکەت .
ناڤبری گۆت ژی : هەکە ئەو کەسە ژنەچاری و ژبەر هەژاریێ د ڤی کاری دکەت دێ ژلایێ خوەڤە پێنگاڤان هاڤێژین داکو بابەتی وی چارەسەر بکەین و هەکە هندەک کەس بتنێ بۆ سەردابرنێ ڤی کاری دکەن دێ ئێکسەر بۆ دادگەها دهۆکێ هێتە رەوانە کرن و هەر دیسان هەکە ژبەر توندوتیژیێ ژلایێ سەمیانێن وان ڤە خازوکیێ دکەن دێ سەرەدەریێ دگەل کەس و کارێن وان کەین،هەر چەندە ئەم نەشێن ب ئێکجاری ڤێ دیاردێ بنبربکەین بەلێ ٨٠ هەتا ٩٠٪ دێ ڤێ دیاردێ کێمتر کەین ل پارێزگەها دهوکێ دا .
ئهڤرۆ نیوز:
سهرۆك مهسعود بارزانی ل سهلاحهدین پێشوازی ل عوسمان بایدهمیر كهسایهتی و سیاسهتمهدارێ كورد كر.
ئهڤرۆ 19/2/2020 ل سهلاحهدین سهرۆك بارزانی پێشوازی ل عوسمان بایدهمیری كر و د وێ دیدارێ دا رهوشا گشتی یا دهڤهرێ و دوماهی گوهورین و پێشهاتێن سیاسی ههلسهنگاندن، بیرورا ل سهر كاودانێن گهلی كورد ل رۆژههلاتا ناڤین ل ههڤ گۆهارتن.
ههر دوێ روونشتنێ دا تهئكید ل سهر پهیاما ئاشتیا گهلی كورد و ریكا دیالوك لێك تێگههشتنێ بۆ چارهسهركرنا ئاریشان هاتهكرن.
نيشاندان