نه‌رويج، ئاراس ره‌شاڤايى:

د سمیناره‌ک ڤه‌کری دا ، ل باژیرێ ئوسلۆ ، پایته‌ختێ نه‌رویج د. رێبوار بابكه‌يى ئه‌ندامى په‌رڵه‌مانێ كوردستانــێ و سه‌رۆكى لێژنــا په‌يوه‌نديين ده‌رڤە يا ڕه‌ڤەندا كوردستانێ دیارکر کۆ نوکه‌ په‌رله‌مانێ کوردستانێ به‌رهه‌ڤیا پرۆژه‌ یاساته‌کی بۆ ره‌ڤه‌ندا کوردستانی ل ده‌رڤه‌ی وه‌لاتی دكه‌ت و نوکه‌ شانده‌کێ په‌رله‌مانێ کوردستانێ .
ژ بۆ وه‌رگرتنا بیر و بوچوونێن ره‌ڤه‌ندا کوردى، ئه‌ڤ شانده‌ دێ سه‌ره‌دانا گه‌له‌ک وه‌لاتا که‌ت ژ بۆ ڤێ مه‌ره‌مێ، د سمینارا خۆ دا بابکه‌یی دیارکر، کو نوکه‌ په‌رله‌مانێ کوردستانێ به‌رهه‌ڤیا پرۆژه‌ یاسایه‌کی بۆ ره‌ڤه‌ندا کوردى دکه‌ت ، هه‌روه‌سا دیار کرو دانپێدان کر کۆ پێدڤی بوو، ئه‌ڤ پرۆژه‌ به‌ری نوکه‌ هاتبا به‌رهه‌ڤکرن.

دیارکر ژى، ژبه‌ر رولێ گرنگێ ره‌ڤه‌ندا کوردى ل ده‌رڤه‌ی کوردستانێ، مه‌ ب فه‌ر زانی هنده‌ک یاسایا تایبه‌ت بۆ وانا دابنین كه‌ن كه‌ين دا کۆ هاریکار بیت بۆ ئه‌نجامدانا کارێن وان یێن رۆژانه‌ ، ژ لایێ یاسای،سیاسی وئابۆری ڤه.
‌ د سمینارێ دا ژماره‌ک زۆر ژ نونه‌رێن پارتێن کوردستانێ، و رێکخراوێن کولتوری و ژمارک ژ ئه‌کادیمیا به‌رهه‌ڤ ببوون، گه‌نگه‌‌شه‌ک زۆر هاته‌ کرن و وانا داخازيێن خۆ گه‌هاندنه‌ شاندا کوردستانێ داکۆ جیگیر بیکه‌ن د ناڤ ڤی پرۆژی
جهێ ئاماژه‌ پێ كرنێ يه‌ ئه‌ڤ سمیناره‌ هاتبوو به‌رهه‌ڤکرن ژ لایێ قۆتابخانا زمانێ کوردی وسەنته‌ڕی صەفـا ڤه‌ ل باژێرێ ئوسلۆ .

ئه‌ڤرۆ نیوز:

په‌یڤدارێ وه‌زاره‌تا كاره‌با حوكمه‌تا هه‌رێما كوردستانێ راگه‌هاند: ب ئه‌گه‌رێ به‌ربوونا ئاگره‌كێ ل شه‌ڤا بوری پێدانا كاره‌بێ كێم كریه‌ و ل نێزیك ترین ده‌م دا دێ هێته‌ چاره‌كرن.

ئومێد محه‌مه‌د په‌یڤدارێ وه‌زاره‌تا كاره‌بێ راگه‌هاند: پرانیا وان ئامێرێن ب ئه‌گه‌رێ ئاگربه‌ربونا كورمور سوتین دێ هێنه‌ نوژه‌نكرن و ل نێزیكترین ده‌م دا ته‌ڤایا ئامێران بكه‌ڤنه‌ كاری، ب ئه‌گه‌رێ ئه‌وی ئاگری كارتێكرن ل پیدانا كاره‌با نیشتمانی كر كۆ نێزیكی سێ ده‌مژمێران پیدانا كاره‌با نیشتمانی كێم ببوو.

ئەڤرۆ نیوز:

وەزارەتا نافخۆیا هەرێما کوردستانێ راگەهاند، دێ کۆنفرانسەک بۆ رێکوپرێن هەرێمێ و کێمکرنا روودانێن هاتنوچوونێ هێتە ڕێکخستن و داخوازێ ژ وەلاتیان دکەت هەر کەسەکێ هزرەک هەبیت یان شارەزایی د وی بیاڤی دا هەبیت دشێت پێشنیاریێن خوە پێشکێش بکەت.

هەروەسا گۆتیە ژی، دێ کۆنفرانس ل ژێر ناڤونیشانێن ( پاراستنا مولک و مالێن وەلاتیان ئەرکێ هەمیانە) بیت و دێ تایبەت ب پێشڤەبرنا سیستەمێ هاتنوچوونێ ل هەرێمێ بیت.

راگەهاندیە ژی، ل گەل وێ چەندێ دا مەرەم پێ دانانا سیستمەکێ مۆدێرن یێ هاتنوچوونێ یە، ژ پێخەمەت رێکخستنا رێکوپران و کێمکرنا بوویەرێن هاتنوچوونێ.

هەروەسا داخواز ژ وەلاتیان کریە، هەر کەسەکێ هزرەک هەبیت یان شارەزا بیت د وی بیاڤی دا دشێت پێشنیارێن خوە پێشکێش بکەت، یان ئەگەر حەزا پشکداریکرنێ هەبیت دشێت سیڤییێ خوە ڤرێکەت.

ئەڤرۆ نیوز:

جێگرێ سەرۆکێ حوکمەتێ دێ سکالایەکا قانوونی ل سەر کەنالەکێ تەلەفزیۆنی تۆمار کەت.

دەقێ روونکرنا پەیڤدارێ جێگرێ سەرۆکێ جڤاتا وەزیرێن هەرێما کوردستانێ

روونكرنە‌‌ك بۆ رایا گشتی:

كە‌نالێ NRT راپۆرتەکا بێ بنە‌ما بەلاڤە کریە و گۆتیە قوباد تالە‌بانی جێگرێ سە‌رۆكێ جڤاتا وە‌زیران ‌بە‌رامبە‌ر بێ دە‌نگ بوونێ ژ دیارنە‌مانا داھاتێ نەفتا حوکمە‌تا ھە‌رێمێ برەکا پارەی بۆ هاتیە تەرخان کرن، دیارە کەنالێ ناڤهاتی ئەڤە ئێکەمجار نینە، تۆمەتێن نەرەوا و نووچە و زانیاریێن بێ بنەما ددەتە پال جێگرێ سەرۆکێ جڤاتا وەزیران، بەلێ هەموو جاران قوباد تالەبانی ل سۆنگەیا باوەریێ ب گرنگی پالپشتیا میدیایێ ل كوردستانێ و پشتگیرکرنا وان ب بەردەوامی بۆ رۆژنامەنڤیسان، ژ مافێ تایبەتیێ خوە خۆش بوویە، پەنا بۆ سكالاكرنێ و گرتنەبەرا رێکارێن قانوونی نەبرینە.

بەلێ ئەف جارە ب ئەگەرێ دەرچوون ژ سنۆرێن خوە زێدەتر و بەردەوامبوون ل چەواشەکرنا رایا گشتی ب پێدڤێ دزانین، لدووڤ قانوونا کارێ رۆژنامەگەریێ دێ سكالایێ ل سەر کەنالێ NRT تۆمار کەین، بۆ هندێ داکو ب ناڤێ کارێ رۆژنامەڤانیێ پەنایێ نەبەنە بەر تۆمەتان و چەواشەکاریان بۆ مەرامێن خوە یێن تایبەت.

سە‌میر ھە‌ورامی
پەیڤدارێ جێگرێ سە‌رۆكێ جڤاتا وە‌زیران

ئه‌ڤرۆ نیۆز، عه‌زیز هه‌ورامی:

په‌رله‌مانتارێكی گۆڕان ده‌ڵێ، ده‌ست گرتن به‌سه‌ر كێڵگه‌ی غاز له‌ چه‌مچه‌ماڵ و ڕێگه‌گرتن له‌و كۆمپانیایه‌ی ته‌نده‌ره‌كه‌ی بۆ ده‌رچووه‌ غاز بۆ بازاڕه‌كانی كوردستان بگوازێته‌وه‌ مه‌ترسیداره‌ و وه‌ك په‌رله‌مانی كوردستان به‌دوواداچون بۆ ڕوداوه‌كه‌ ده‌كه‌ین، ده‌بێت هێزه‌كانی نه‌وت و غاز ئه‌وكێڵگه‌كانه‌ كۆنتڕۆڵبكه‌ن.

دابان محه‌ممه‌د، په‌رله‌مانتاری فڕاكسیۆنی گۆڕان له‌ په‌رله‌مانی كوردستان، به‌ ئه‌ڤرۆ نیۆزی ڕاگه‌یاند:” وه‌ك په‌رله‌مانی كوردستان به‌دوواداچوونی ته‌واوی بۆ پرسی ڕێگری گروپێكی چه‌كدار ده‌كه‌ین له‌ گواستنه‌وه‌ی غاز بۆ بازاڕه‌كانی كوردستان، چه‌ندین جاری تر و له‌ چه‌ندین شوێنی كه‌ ڕێگری و دان به‌سه‌ر كێڵگه‌ی نه‌وت و غاز ڕویداوه‌ له‌ یاسای چاكسازی بڕگه‌یه‌ك چه‌سپێندراوه‌ ئه‌و شوێنانه‌ی تاقم و گروپه‌كان ده‌ستیان به‌سه‌رداگرتووه‌،ده‌بێت پۆلیسی لیوای گاز و نه‌وت كۆنتڕۆڵی بكاته‌وه‌.

دابان محه‌ممه‌د وتیشی، ئه‌وه‌ی ئێستا له‌ چه‌مچه‌ماڵ و له‌ كێڵگه‌ی كۆرمۆر ڕویداوه‌ په‌رچه‌كرداری گروپێكه‌ دژی گروپێكی تر.

زیاتر وتی، هه‌ڵكوتانه‌ سه‌ر كێڵگه‌ی غاز و هه‌ڕه‌شه‌كردن له‌لایه‌ن ئه‌گروپێكی چه‌كدارییه‌وه‌ مه‌ترسیداره‌ ته‌نها له‌سه‌ر گواستنه‌وه‌ی غاز له‌ كۆمپانیاییه‌كه‌وه‌ بۆ كۆمپانیاییه‌كی تر كوردستانی خستووه‌ته‌ قه‌یرانه‌وه‌،ده‌بێت ده‌ست بۆ چاكسازی له‌ ده‌رهێنانی نه‌وت و غاز و داهاته‌كه‌ی بكرێت چیی ڕوبدات، ئێمه‌ له‌گه‌ڵ هیچ گروپ و تاقمێكدانین و له‌ماوه‌ی ڕابردوشدا له‌گه‌ڵ ئه‌وه‌دابوین ده‌رهێنان و هه‌نارده‌كردن و فرۆشتنی نه‌وت و غاز شه‌فافبێت و داموو ده‌زگای فه‌رمی ده‌وڵه‌ت مامه‌ڵه‌یان پێوه‌بكات،داهاته‌كه‌ی بۆ هاوڵاتیان و په‌رله‌مانی كوردستانی ئاشكرا بكات.

ئاماژه‌ی بۆ ئه‌وه‌شكرد، پێویسته‌ ته‌واوی هێزه‌كان ڕێكبخرێنه‌وه‌ وه‌ك له‌ پڕۆژه‌ی چاكسازی هاتووه‌، ده‌بێت ئه‌و هێزه‌ كه‌ له‌ چه‌مچه‌ماڵ ڕێگریانكرد له‌ گواستنه‌وه‌ی غاز له‌لایه‌ن ته‌نكه‌ر و وه‌كیله‌كان بۆ بازاڕ ئه‌گه‌ر سه‌ر به‌وه‌زاره‌تی پێشمه‌رگه‌ن بخرێنه‌وه‌ سه‌ر وه‌زاره‌ت وه‌ ئه‌گه‌ر سه‌ر به‌ ده‌زگاكانی تری ئه‌منین بخرێنه‌وه‌ سه‌ر ده‌زگا ئه‌منییه‌كان نابێت هیچ كه‌س و گروپێك هێزی چه‌كداری هه‌بێت.