ئهڤرۆ نيوز:
برياره پهرلهمانێ كوردستانێ ل رۆژا سێشهمبيا داهاتى 15/10/2019 ل دۆر رهوشا رۆژئاڤايێ كوردستانێ كۆم ببيت.
ئهو كۆمبوون ل سهر داخوازيا پتريا فراكسيۆنێن پهرلهمانى يه، پێشتر ژى د بهياننامهكێ دا پهرلهمانێ كوردستانێ هێرشێن توركيا بۆ سهر رۆژئاڤايێ كوردستانێ شهرمزاركر و داخواز ژ جڤاكێ نێڤدهولهتى كر كار بكهت بۆ راگرتنا هێرشێن توركيا بۆ سهر رۆژئاڤايێ كوردستانێ.
ئهڤرۆ نيوز:
سهرۆك مهسعود بارزانى ئهڤرۆ شهمبيێ 12/10/2019 پێشوازى ل شێخ ( ئهحمهد عاسى ئهلجهربا) سهرۆكێ رهوتێ غهد يێ سوورى و شاندهكێ د گهلدا كر.
د ديدارهكێ دا رهوشا سياسى يا سووريێ و دووماهى پێشهاتێن رۆژئاڤا كوردستانێ هاته بهحسكرن.
ههر د وێ كۆمبوونێ دا سهرۆك بارزانى نێگهرانيا خوه ل دۆر چارهنڤيسێ گهلێ كورد ل سووريێ و ئاوارهبوونا خهلكى و كارهسات و نههاهتيا زێدهتر بۆ گهلێ كورد ل سووريێ بۆ شاندێ مێهڤان بهرچاڤكر.
ئهڤرۆ نيوز:
سهرۆكێ حوكمهتا ههرێما كوردستانێ مهسرور بارزانى، ل رێ و رهسمێن دهرچوونا قوتابيێن زانكۆيا سهلاحهديين ل ههولێرێ، پيرۆزباهيا دهرچوويان كر و راگههاند، ب پشكداريێ د رێ و رهسمێن دهرچوونا خۆلا 38 يا زانكۆيا سهلاحهددين خوهشحالم كو تێدا زێدهتر ژ 5 هزار قوتابى خواندنا زانكۆيێ ل 15 كۆليێن زانكۆيێ تمامكرى و باوهرناما بهكالوريۆسێ ب دهستڤهئيناى.
مهسرور بارزانى رۆهنكر كو د كارناما كابينا نههێ يا حوكمهتێ دا، گرنگيهكا تايبهت ب پهروهرده و خواندنا بلند هاتيه دان و ئهو كهرته ژه گرهنتيا ئابوورهكێ ب هێزن و جڤاكهكێ سهقامگير.
گۆت ژى” دێ گرنگيهكا زێدهتر ب ڤهكۆلينێن زانستى دهين و پشتهڤانيا ڤهكۆلهرێن سهركهفتيێن زانكۆيێ كهين”.
ل دۆر پێشڤهبرنا وى كهرتى، راگههاند كو دێ زانكۆيان باشتر ئامادهكهن بۆ وێ چهندێ ڤهكۆلينێن زانستى بهێنه گرێدان ب چارهسهركرنا پرسێن ههرێما كوردستانێ و پرۆگرامێن خواندنێ دێ پێشڤهبهن و دێ نێزيكى سيستهمێن پێشكهفتى يێن جيهانى كهن كو ئهڤێ يهكێ دێ كاريگهرى ل سهر ئاستێ كارا و ژێهاتنا دهرچوويان ههبيت.
سهرۆكێ حوكمهتا ههرێما كوردستانێ ئاماژهكر كو بۆ ئێكهمين جار ئهڤ ساله 96% ژ دهرچوويێن ئامادهيى ل زانكۆ و پهيمانگههێن حكومى بهێنه وهرگرتن و كريا خواندنا پارالێل ب رێژهيا 45% مه كێمكر.
مهسرور بارزانى پهيامهك ئاراستهى دهرچوويان كر و راگههاند، ل ڤێرێ پرۆسا خواندنێ ب دووماهى ناهێت و پێدڤيه د بهردهوام بن د پێشڤهبرنا شيانێن خوه و بلا ههوه باوهرى ب شيانين خوه ههبيت.
خوياكر ژى كو مافێ رهوايێ ههوهيه كو خهونا ب دهستڤهئينانا دهليڤا كارى و ئابوورهكێ سهقامگێر ههبيت، بهلێ پێدڤيه وێ راستيێ ژى ل بهرچاڤ وهربگرن، كو حوكمهت نهشێت دهليڤێن كارى بۆ ههموو دهرچوويێن زانكۆيێ تهرخان بكهت، بهلكو دڤێت كهرتێ تايبهت و كهرتێن پيشهسازى پشكدار و هاريكار بن.
ئهڤرۆ نیوز:
پهرلهمانێ عیراقێ كارێ جڤاتێن پارێزگههان و باژێرڤانیان و قهزا و ناحیان ههلاویست و چهندین بریار ژى د بهرژهوهندیا خوهنیشاندهران دهركرن.
بریارێن پهرلهمانێ عیراقێ پێكهاتن ژ ههلاویستنا كارێ جڤاتێن پارێزگههان و قهزا و ناحیان و باژێرڤانیان ههتا ههلبژارتنێن داهاتى و راسپاردنا لژنهكا قانوونى بۆ ب دووماهى ئینانا كارێن وان، ژ بلى ههرێما كوردستانێ، ههروهسا ههلوهشاندنا پۆستێ پشكینهرێن گشتى ل وهزارهت و دهستهیان و وهرنهگرتنا كریا زهڤیێن چاندنێ ژ جوتیاران و گرێبهستكرن ل گهل وان مامۆستایێن ب خوهبهخشى وانان دبێژن و دامهزراندنا دهرچوویێن پشكێن ڤێرتێرنهرى و ئهندازیارى كو نوكه مانگرتن كریه، ههروهسا ب شههید دانانا ئهو كهسێن د خوهنیشاندانێن ڤێ دووماهیێ هاتینه كوشتن.
ئهڤرۆ نيوز:
وهزيرێن ژ دهرڤه يێن ئيران و توركيا پهيوهنديهكا دهربارهى سوريا پهيوهنديهكا تلهفۆنى ئهنجام دا و زهريف داخواز ژ چاوشئۆعلۆى كر كو رێزێ ل ئێكپارچهيا ئاخا سوريا بگرن.
وهزارهتا ژ دهرڤه يا ئيرانێ راگههاندنهك بهلاڤكر و تێدا ئاشكهرا كر كو محهمهد جهواد زهريف، وهزيرێ ژ دهرڤه يێ ئيرانێ پهيوهنديهكا تلهفۆنى ل گهل ههڤپيشهيێ خوه يێ توركيا چاوشئۆغلۆ ئهنجام دا و داخواز ژێ كر كو رێزێ ل ئێكپارچهيا ئاخا سوريا بگرن و دژاتيا وهلاتێ خوه بۆ ئهنجامدانا كريارێن لهشكرى ل وى وهلاتى دياركر.
ههڤدهم وهزيرێ ژ دهرڤه يێ توركيا ژى ب ههمان رهنگ تهكست ل سهر پاراستنا ئێكپارچهيا ئاخا سوريا كر و راگههاند كو ئۆپهراسيۆنێن لهشكرى ل باكوورێ سوريا دهم پێ دڤێت.
ئهڤرۆ، لهزگین، بارزان:
جهژنا جهمایێ ئێكه ژ جهژنێن ههره مهزن و دیرێن د ناڤ مللهتی ئێزدی دا رێورهسمێن جهژنا جهمایێ بۆ دهمێ حهفت رۆژان ل پهرستگهها لالش دهێنه گێران ئهڤ ساله ل رۆژا 6/10/2019 دێ دیندار و مجیور و سهردهری ههموو خاسا قهستا پهرستگهها لالش كهن بۆ گێڕانا جهژنا جهمایێ.
خواجه خهتاری، ئولدارێ ئێزدیان دیار كر كو ئهڤ ساله رێورهسمێن جهژنا جهمایێ ل سپێدههیا رۆژا 6/10 دێ دهست پێ كهن و ههتا رۆژا 13/10/2019 دێ د بهردهوام بن كو ئێزدی ژ دێ ژ ههموو جه و دهڤهران قهستا پهرستگهها لالش كهن و چهندین رێورسمێن جودا یێن ئاینێ د ڤێ جهژنێ دا دهێنه گێران وهكو ههر ئێزدیهكێ بچیته پهرستگهها لالش پێدڤیه د سهرپرا سهلاتێرا دهربازبیت و بچیته سهر حهودا كانیا سپی و دهست و چاڤێن خوه ب ئاڤا وێ تهمیز و پاقژ بكهت ههروهسا ژی پێدڤیه كانیا سپی و دهرێ قاپیێ و زمزمێ و سندرووكا شێخادی و بهرێ شباكێ و نیشانگههێن شێخ فهخر و مهزارگههێ شیشمس و شێخ و پێرێن خوه زیارهتی بكهت كو دهربازبوون ل سهر پرا سهلاتێرا ڕا نیشانا پاقژكرنا نهفس و جانی یه ژ گوننههان.
ناڤهاتی ئاماژه دا وێ چهندێ كو ل ههموو ئێڤاریێن رێورهسمێن جهژنا جهمایێ ژی چرایێن نیشانگههێن خاسا ههلدكهن ئهڤه نیشانا پیرۆزیا روناهیێ و ئاگریه و سهما ژی ئێكه ژ پیروزیێن د ناڤ ئێزدیان دا ب قهول و بهیت و قهسیده و قهوال دهف و شبابا لێدهن بۆ كێشانا سهمایێ و گۆت: “كێشانا سهمایێ رێورهسمهكێ دێرینه د ناڤ پرانیا مللهتێن كهڤن دا ههبوو”.
ههمان ئولدارێ ئێزدیان خویا كر كو ل ههموو رۆژان سپێدههیان پشتی بهیتا سپێدی و ئێڤاریان ژی بهری بهیتا ئێڤاری رێورهسمێن قنتارێ دهێته گێران كو قنتار رێورهسمێ ههڤكاری و دلخوهشبوونێ یه د ناڤبهرا شهمسانیا و ئادانیان دا و گۆت: “ل رۆژا چارێ ژ جهژنا جهمایێ ژی پهری دهێته سواركرن ل رۆژا پێنجێ ژ جهژنێ رێورهسمێن قهپاغێ دهێنه گێران كو قهپاغ رێورهسمهكێ كهڤنه نیشانا پێشكێشكرنا قوربانیه بۆ خودایێ رۆژێ ب هیڤیا هاتنا سالهكا پر خێر و بهرهكهت و خوهشی یه، ل رۆژا شهشێ ژ جهژنا جهمایێ ژی پهری ل شباكێ دهێته سواركرن ههر كهسهكێ نه مۆركری بیت ب ئاڤا كانیا سپی ل جهژنا جهمایێ دهێته مۆركرن كو مۆركرن ئێكه ژ فهرزێن تهریقهتێ د ناڤ ئێزدیان دا نیشانا وێ ژی ئهوه بۆ پاقژكرن و حهلالكرنا كهسێ ئێزدی دهێتهكرن ههروهسا ژی ههموو سهردهرێن خاسا ل پهرستگهها لالش سماتێ دروست دكهن ل رۆژا دووماهیێ ژ جهژنا جهمایێ تاووس دهێته جوانكرن.
ئەڤرۆ نیوز،عەلی حاجی :
قایممقامێ زاخۆ د داخویانیەکێ دا بۆ ئەڤرۆ نیوز ئاشکرا ماوێ سێ روژایە کار ل سەر نوژەنکرنا ئاڤاهیێ نڤێسینگەها پاسپورتان ل زاخۆ دهێتە کرن و لژنەیەکا تایبەت ژ ئەندازیاران چاڤدێریێ ل سەر نوژەنکرنا وی ئاڤاهی دکەن و پارەیێ پێدڤی ژی بۆ نووژەنکرنا وێ هاتیە تەرخان کرن.
زێدەتر بوتان محسن گوت : ل دووف وێ بریارا هاتیە دەرکرن پێدڤی د ماوێ ٢٠ روژان دا ئەو ئاڤاهی ب تەمامی بهێتە نووژەنکرن لێ ژبەرکو ئەو ئاڤاهی گەلەک یێ کەڤنە و بێ سەروبەر ببوو و پێشبینی دکەم دماوێ هەیڤەکێ دا ئەو ئاڤاهی بهێتە نووژەنکرن لێ دێ هەمی هەولا دەین دماوێ خوەیێ دەست نیشان کری دا نووژەنکرنا وێ ب دوماهی بهێت و ژنێزیک ڤە من ئاگەهی ژ رەوشا وێ ههيه دا کو لەزێ د نووژەنکرنێ دا بکەن، هەر دیسان هەتا کو ئاڤاهی ب دوماهی دهێت دڤی ماوهی دا دێ داخوازا ژ رێڤەبەریا پاسپورتان ل دهوکێ کەین ستافێ نڤیسینگەها پاسەپورتان ل زاخۆ ئامادە بکەت دا کو هەر دەما ئاڤاهی ب دوماهی هات ئەو ستافە دەست ب کارێ خوه بکەت.
گوت ژی : ئەو ئاڤاهی دکەڤیتە تاخێ فرقێ ل زاخۆ و پێشتر ئاڤاهیەکێ بنگەهێ پولیسان بوو، دەست نیشان کرنا بەرپرسەکێ بو وێ نڤێسینگەهێ ژی دێ ژلایێ رێڤەبەریا پاسەپورتان ل دهوکێ ڤە بیت و پشتی ڤەکرنا نڤیسینگەها پاسەپورتان ل زاخۆ ئێدی پێدڤی ناکەت هاولاتیێن دەڤەرا زاخۆ قەستا باژێرێ دهوکێ بکەن بۆ دەرئینانا پاسپورتێ.
ئهڤرۆ نيوز:
مهسرور بارزانى سهرۆكێ حوكمهتا ههرێما كوردستانێ د كۆنفرانسێ دهرخستنا ستراتيژيا حوكمهتا ههرێما كوردستانێ بۆ سهقامگێريا عيراقێ و دهرڤهرێ گۆتارهك پێش كێش كر.
د دهستپێكا گۆتارا خوه دا گۆت: “ئهڤا ل لايێ مه گرنگ و تهكست ل سهر دكهين سهقامگێريا كوردستانێ و عيراقێ و دهڤهرێ پێكڤه يا گرێدايه. سهرهلدانا ههر توندوتيژيهكێ ل ههر وهلاتهكى ئهنجامه نهك ئهگهر، چونكو ههكه سهقامگێريا سياسى نهبوو، تهبايى و ئێكرێزى نهبيت، دێ توندوتيژى روودهت”.
سهرۆكێ حوكمهتا ههرێما كوردستانێ ئاماژه ب وێ چهندێ ژى كر كو گهشبينيا ئابوورى و پێكڤهژيان و مفا وهرگرتن ژ داهاتێ وهلاتى سهقامگێريێ دروست دكهت.
ههروهسا گۆتژى: “كارێ من يێ ئێكێ ئهوه دهستهيهكا كاركرنێ ل گهل بهغدا پێك بينين و پهيوهنديهكا باش مه ل گهل عادل عهبدولمههدى ههيه و هيڤيخوازين كاركرنا ل گهل ئێك بهر ب پێش ڤه بچيت”.
مهسرور بارزانى د درێژاهيا گۆتارا خوه دا رۆناهى خسته سهر وێ چهندێ ژى كو وان دڤێت بهحسێ بوودجێ و مووچهى بكهن، “مه دڤێت پشت راستى ههبيت بۆ بجهبوونا مافێن دستوورى، مه دڤێت مافێن ههرێما كوردستانێ بهێنه بجهئينان ژ داهاتێ عيراقێ و دهڤهرێن كێشه ل سهر ههين بهێنه چارهكرن، ب گۆرهى وى نهخشێ رێ يێ ماددێ 140 يێ دستوورێ عيراقێ دياركرى و نابيت ژى لايهنهك ب تنێ ئيدارا وێ دهڤهرێ بكهت و دڤێت ب ههڤپشكى ژ لايێ ههردولا بهێته برێڤهبرن”.
سهرۆك وهزيران گۆتژى: “ئهز ل 16 ساليێ يێ چوويمه ناڤ رێزێن پێشمهرگهى و من يا ديتى پێشمهرگێن مه چو قارهمانن، دڤێت سيستهمێ بهرهڤانيێ يێ عيراقێ يێ ماف پاراستى بيت، مه دڤێت رێك بێخين و سياسهتا بهرهڤانيا عيراقێ پێگههـ ههبيت و چهك و كهرهسته بگههنێ”.
ئيشارهت دا وێ چهندێ ژى كو دێ پهترۆلا كهركووك پێكڤه رهوانهى ژ دهرڤه كهن و سياسهتا بازرگانيكرنا پێكڤه بجهـ ئينن، دشێين رێكهفتنێ ژى بينيه پێش كو ل سهر دستوورى بيت. من دڤێت بهحسا مافێن كوردستانێ بكهين و دهرفهتا زێدهتر بينيه پێش، عيراق ژى بشێت ژ روويێ وزێ ڤه يا سهربهخۆ بيت.
سهرۆكێ حوكمهتا ههرێما كوردستانێ گۆتژى: “مه دڤێت كوردستانهكا ب هێز بهێته پێش بۆ ئهڤێ چهندێ ژى دڤێت مه پلان ههبيت و رێكهفتنێ بجهـ بينين، ئهم ب ههڤپشكى و بنيادانهرانه ل گهل بهغدا ببێته پێش”.
ئەڤرۆ نیوز،عەلی حاجی :
د رێ و رەسمەكێ تایبەت دا بۆ ئێكەم جار ل كوردستانێ پروژەیێ سیستەمێ نوو یێ پاقژكرنا ئاڤێ دناڤ هەر دو پروژەیێن كەڤن و نوو دا یێ ئاڤا زاخۆ هاتە ڤەكرن و رێكخراوەكا ئەلمانی تیچوویێ وی پروژەیی ب ستویێ خوەڤە گرت بوون .
هاشم ئیبراهیم، رێڤەبەرێ ئاڤا زاخۆ بۆ ئەڤرۆ نیوز دیار كر ئەڤە سیستەمەكێ نوو یێ جیهانی یە بناڤێ سیستەمێ خویێ كو پێشتر ب سیستەمێ گازا كلورێ مە ئاڤا پروژێ زاخۆ پاقژ دكر، بەلێ د نوكە دا ئەڤ سیستەمە دەست ب كار بوو و بتنێ دێ ب ئاڤ و خوویێ كلوری چێكەین و ئاڤا زاخۆ پاقژ كەین.
گۆت ژى” بۆ ئێكەم جارە ئەڤ سیستەمە ل كوردستانێ و عێراقێ دهێتە دانان و ڤی سیستەمی گەلەك مفا هەنە كو ژوان ژی مەترسیا گازا كلورێ دناڤ ئاڤێ دا نامینیت ژبەر كو هەر دەما شاشیهك دروست ببا، دا مەترسیەك مەزن كەڤیتە سەر وهلاتیان،ئەڤ سیستەمە ب رێیا خوویێ و ئاڤێ دێ چیتە ناڤ ئامیرەیەكێ كارەبایی دا و دێ رێژەیا پێدڤی یا كلورێ ئامادە كەت ، هەر دیسان مەزاختیێن پروژەی ژی گەلەك كێمترە ژ سیستەمێ بەری نوكە و دشێم بێژم نیڤا تێچوویێ سیستەمێ بەری نوكە بیت .
میشایل غابێ، بەرپرسەكێ رێكخراوا giz بۆ ئەڤرۆ نیوز گوت : ئەڤ پروژە ل گەلەك وەلاتێن جیهانی كار پێ دهێتە كرن و ئەڤ سیستەمە ل زاخۆ ژی هاتە دانان و زێدەتری 50 وەلاتان ڤی سیستەمە دهێتە بكاردئینن و تێچوویێ پرۆژەی 644 هزار دولارێن ئەمریكی یە و بریارە ئەم ل دو دەڤەرێن سەر ب پارێزگەها هەولێرێ و دەڤەرا مووسل ئەڤ سیستەمە بهێتە دانان كوكۆمپانیهكا ناڤخوهیى سەرپەرشتیا ڤی پروژەی دكەت .
ئهڤرۆ نیوز:
رێڤهبهرێ فهرمانگهها ههماههنگیێ و قهیرانان ل ههرێما كوردستانی راگههاند، ههتا نوكه كێشا بێ بههربوونا ئاواران ژ پرۆسا دهنگدانێ وهكو خوه مایه و نههاتیه چارهسهركرن و حوكمهت ژى بلا دلنیا بیت كو ئاواره نا زڤرن، چونكه تنێ د ڤێ ههیڤێ دا نێزیكى هزار كهس ئاوارهى ههرێما كوردستانێ بووینه.
هۆشهنگ محهمهد، رێڤهبهرێ فهرمانگهها ههماههنگیێ و قهیرانان ل ههرێما كوردستانی گۆت” ههتا نوكه كێشا دهنگدانا ئاواران بۆ ههلبژارتنێن جڤاتێن پارێزگهها وهكو خوهیه و نههاتیه چارهسهركرن و ئاواره ژى نهشێن بزڤرن، چونكه ئاواره نه تنێ نا زڤرن، بگره جارهكا دى یێ ئاواره دبن و تنێ د ڤێ ههیڤێ دا 996 كهس زڤرینه ههرێما كوردستانێ و ل دهستپێكا ئهڤ ساله ههتا نوكه نێزیكى 5 هزار كهس زڤرینه ههرێما كوردستانێ”.
هۆشهنگى زێدهتر بۆ مالپهرێ فهرمیێ پارتى دیموكراتى كوردستان گۆت” د ههلبژارتنێن بۆرى دا ئاواران دهنگێ خوه دایه و هیچ كێشه نهبوو، بهلێ حوكمهتا عیراقێ بیانبوویان دگریت و دزانیت ئاواره نهشێن بزڤرن، لهوما پێدڤیه چارهسهریهك بهێته دیتن و كوردان ژى ل دادگهها فیدرالى سكالا یا تۆماركرى”.
نيشاندان