ئەڤرۆ نیوز، عەلی حاجی :

ل گورەی زانیاریێن ب دەست ئەڤرۆ نیوز کەڤتین، ل سپێدەھیا ئەڤرۆ ل دەمژمێر ٤:٠٠ی سپێدێ د ئوپەراسیونەکا تایبەت دا ژ لایێ ئاسایشا زاخۆ ڤە، شیان کەسەکێ دەستەسەرکرن ب پێنچ کێلویئن مادەێین ھوشبەر کو ئەو ماددە پێک ھاتبوون ژ جورێ ھێروین و کریستال.

ھەر دیسان ئەو کەسێ ھاتیە دەستەسەرکرن ل کومەلگەھا ھیزاوا ژ لایێ ھێزێن ئاسایشا زاخۆ ڤە ھاتینە دەستە سەر کرن و ئەو کەسێ ھاتیە دەستە سەرکرن بازرگانێ ماددەیێن ھوشبەر بوویە.

ھەر ب گورەيی زانیاریان د نوکە دا ڤەکولینێ دەست پێکری یە و گومان ھەیە کو ھندەک کەسێن دیتر ژی بھێنە دەستە سەر کرن.

ئه‌ڤرۆ نیوز:

ل بیره‌وه‌ریا سالیادا 58 یا شوره‌شا ئه‌یلوولێ، ئه‌ڤرۆ چارشه‌مبى 11/9/2019 ب ئاماده‌بونا سەربەست تروانشی بەرپرسێ لقێ ئێک یێ پارتی دیموکراتی کوردستان و فه‌رهاد ئه‌مین  پارێزگه‌رێ دهوك وهژمارەکا به‌رپرسێن حزبى وئیدارى وله‌شكرى وجه‌ماوه‌رى وپێشمه‌رگێن شورەشا ئه‌یلوولێ وئه‌ندام ولایه‌نگرێن پارتى دیموكراتى كوردستان ل سنورێ لقێ ئێك ئاهه‌نگه‌كا تایبه‌ت هاته‌ گێران.

 سه‌ربه‌ست تروانشى، ئه‌ندامێ جڤاتا سه‌ركردایه‌تیا پارتى دیموكراتى كوردستان وبه‌رپرسێ لقێ ئێك ب ڤێ هه‌لكه‌فتێ په‌یڤه‌ك پێشكێشكر وگوت” ئه‌ڤرۆ بۆمه‌ شانازیه‌كا مه‌زنه‌ ئه‌م د رۆژه‌كا پیرۆز دا 58 سالیا شوره‌شا ئه‌یلوولا مه‌زن د گێرین كو مه‌زنترین شوره‌ش بوو ل سه‌ر ئاستێ كوردستانێ وئه‌ڤ هه‌لكه‌فته‌ ل سه‌رۆك بارزانى وهه‌موو ئه‌ندام وكادرێن پارتى وخه‌لكێ كوردستانێپیرۆز بیت”.
هه‌روه‌سا گوت”ده‌مێ شوره‌شێ ده‌ست پێكرى زورداریێ هه‌موو كوژیێن كوردستانێ تاری كربون وبارزانیێ نه‌مر هزركر خول دۆزا كوردى خودان ده‌ركه‌ڤیت وپیڤه‌رێ شه‌رێ ئازادیێ دروستكر وملله‌تێ كورد ب هه‌موو شیانێن خوه‌ بوو پشته‌ڤان بۆ بارزانى وه‌كو رێبه‌ره‌ك بۆ شوره‌شا ئازادیخوازا كوردستانێ” .

گۆت ژى” ل وى سه‌رده‌مى بارزانیێ نه‌مر ب شیانێن كێم مه‌زنترین سه‌ركه‌فتن ل سه‌ر داگیركه‌ران توماركرن وهه‌رده‌م خزمه‌تا خه‌لكێ كوردستانێ دكر وداكوكى ل سه‌ر ئێكرێزیا ملله‌تێ كورد دكر وئه‌ڤرۆ  ژى سه‌رۆك مسعود بارزانى به‌رده‌وامى دایه‌ وێ رێبازێ وداكوكیێ ل ئێكرێزى وئێك ده‌نگیا هه‌موو خه‌لكێ كوردستانێ دكه‌ت”.
هه‌روه‌سا گوت” ده‌ستكه‌فتێن مه‌زن بده‌ست مه‌ڤه‌ یێن هاتین وئه‌م هه‌موو قه‌ردارێن خوینا شه‌هیدا وسه‌رۆك مسعود بارزانى نه‌ ودڤێت ئه‌م هه‌موو بزاڤێ بكه‌ین ڤان ده‌ستكه‌فتان ب پارێزین”.
هه‌ر ب وێ هه‌لكه‌فتێ، سه‌ربه‌ست تروانشى ئه‌ندامێ به‌رپرسێ لقێ ئێك وفه‌رهاد ئه‌مین  پارێزگه‌رێ دهۆكێ خه‌لاتێن رێزگرتنێ ل سه‌ر هژماره‌كا شه‌هیدێن زیندى په‌كه‌فتیێن پێشمه‌رگه‌ به‌لاڤكرن.

 ئەڤرۆ نیوز،عەلی حاجی :

ژێده‌رەکێ تایبەت بۆ ئەڤرۆ نیوز ئاشکەرا کر ل ئێڤاریا ئەڤرۆ  سێ شەمبى 18 کەس ژ خودانێن موه‌لیدێن كاره‌بێ ل زاخۆ ژلایێ پولیسێن زاخۆ هاتنه‌ ده‌سته‌سه‌ركرن، پشتی ب شێوەکێ فەرمی سکالا ل سەر وان ھاتیە تۆمار کرن ژلایێ لژنا موه‌لیدان ل قه‌زا زاخۆ، هه‌روه‌سا بریارە سێ کەسێن دی ژی ب شێوەکێ دەمکی بهێنه‌ ده‌سته‌سه‌ركرن.

وى ژێده‌رى زێده‌تر گۆت” ئەڤە د دەمەکێ دایە کو ٢١  خودانێن موه‌لیدان ل زاخۆ ژگۆژمێ زێدەتری ژ ھەر ئەمپێرەکێ ھاتیە دەست نیشان کرن،ژ وه‌لاتیان وەرگرت بوون، ئەڤە ژی به‌رۆڤاژى بریارا حوكمه‌تێ یە، مە ب رێیا نڤێسارەکێ هه‌موو خودانێن موه‌لیدان ژی ئاگەھدار کربوون،ھەر کەسەکێ پارە زێدەتر ژ وه‌لاتیان وەرگرتین، بلا  بۆ وان ڤەگەرینن، بەلێ وان ڤه‌نه‌گه‌راندن و ئه‌و دەمێ بۆ وان ھاتیە دەست نیشان کرن بۆ ڤه‌گه‌راندنا وى پارێ زێده‌تر ژ وه‌لاتیان وه‌رگرتى ب سەرڤەچوو، لەورا د نوکە دا ئه‌و هاتنه‌ ده‌سته‌سه‌ركرن”.

دیاركر ژى” ئەم چاڤەرێ دكه‌ین چارەسەریەک بۆ ڤێ کێشێ بھێتە دیتن. بۆ زانین لژنا بلند یا موه‌لیدان ل پارێزگەھا دهۆکێ بۆ ھەر ئەمپێرەکێ کارەبێ ل سنورێ قەزا زاخۆ٨٥٠٠ دینار دەست نیشان کربون،بەلێ ل گۆره‌ى پێزانینان ٢١ کەسان ژخودانێن موه‌لیدێن زاخۆ ٩٥٠٠ دینار ژ وه‌لاتیان وەرگرت بوون”.

ئه‌ڤرۆ نيوز:

وه‌زاره‌تا خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ راگه‌هاند كو ژ ئه‌ڤرۆ هه‌تا 10 رۆژێن دى زانكۆلاين دێ يا كارا بيت بۆ پڕكرنا فۆرمێن وه‌رگرتنێ ل زانكۆ و په‌يمانگه‌هێن حكومى و ئه‌هلى.

ئه‌ڤرۆ نیوز:

لژنا دووفچوونا دەرمانان ب سەرۆکاتیا جەهوەر عەلی قایمقامێ قەزا دهۆکێ ئەڤرۆ پێنجشه‌مبى ۲۰۱۹/۹/٥  ل تاخێ شێلێ ل باژێرێ دهۆکێ       كۆگەهەکا دەرمانێین قەچاخ گرت.
جەهوەر عەلی، قایمقامێ قەزا دهۆکێ دیاركر كو ئەڤە دەمەکە پشکا ئابوری ل ئاسایشا دهۆکێ دووفچوونا كۆگەهەکا دەرمانان دکەت کو جهەکێ نەگونجای وهێژایە وچو رێنمایێن لژنێ تێدا نەبوون وگۆت” د ڤێ كۆگەهێ دا چەندین جۆرێن دەرمانان هەبوون كو پتریا وان ب رێیێن قەچاخ ونە قانوونی هاتینه‌  ود قەدەغەکرینە و ئیناینە ودفرۆشتە دەرمانخانان”.
قایمقامێ قەزا دهۆکێ دیارکر” دێ خودانێ كۆگەهێ هێتە رەوانەکرن بۆ دادگەهێ وپێرابونیێن قانوونى دێ د دەرهەق دا هێنە وەرگرتن”.

ئه‌ڤرۆ نيوز، نيوار محه‌مه‌د سه‌ليم:

وه‌زيرێ خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ راگه‌هاند كو د چه‌ند رۆژێن بهێت دا، دێ زانكۆلاين هێته‌ كارا كرن و ئه‌ڤ ساله‌ دێ خواندنا ماسته‌ر و دكتورايێ ژى هێته‌ ڤه‌كرن.

ئه‌ڤرۆ رۆژا پێنجشه‌مبى ب هه‌ولێر ب چاڤدێريا مه‌سرور بارزانى، سه‌رۆكێ حوكمه‌تا هه‌رێما كوردستانێ، كۆنگره‌ و پێشانگه‌ها رۆژهه‌لاتا ناڤه‌راست بۆ خواندن و ته‌كنۆلۆژيايێ و قوتابيان ده‌ست ب كارێن خوه‌ كر.

ئه‌ڤ كۆنگره‌ ب مه‌زنترين كۆربه‌ند و ب ئێك گه‌هشتنا زانكۆ و په‌يمانگه‌هـ و قوتابخانه‌ و ته‌كنۆلۆژيا دهێته‌ دانان ل گه‌ل فێرخوازان و بڕيارده‌ران و بسپۆرێن ناڤخۆ و نێڤده‌وله‌تى يێن كه‌رتێ په‌روه‌ردێ و خواندنا بلند و هه‌تا 8ى ئيلۆنێ دێ يا به‌رده‌وام بيت و رۆژانه‌ ژ ده‌مژمێر 10:00 هه‌تا 06:00ى ئێڤارى ب ده‌مێ هه‌ولێر چالاكى دێ ب رێڤه‌ چن.