ئەڤرۆ نیوز:

یانا یوڤانتوس یا ئیتالی ئەڤرۆ رۆژا ئەینی چوونا راھێنەرێ خوە ماسیمیلیانو ئەلێگری راگەھاند پشتی ب دووماھی ھاتنا ڤی وەرزی.

یانا یوڤانتوس برێیا مالپەرێ خوە یێ فەرمی ئەڤ پەیامە بەلاڤ کریە و ئاماژە دایە وێ چەندێ سوبەھی رۆژا شەمبی ١٨-٥-٢٠١٩ دێ کونگرەکێ رۆژنامەڤانی یێ فەرمی ھێتە سازکرن ژلایێ سەرۆکێ یانا یوڤانتوس و راھێنەرێ وێ ماسیمیلیانو ئەلێگری ل یاریگەھا ئەلیانز ستادیوم، ئەگەرێ ڤێ بریارا سەرەکی ژی ئەوە کو ئەلێگری ل ماوێ پێنج سالێن بوری نەشیابوو ناسناڤێ چامپيونزلیگ دەستخوە ڤە بینت دگەل یانا خانما پیر سەرەرای کو شیایە پێنج ناسناڤێن خو و چار جارا ژی کاسا ئیتالیا دەستخوە ڤەبینت وەک راھێنەر دگەل یوڤانتوس.

ئەڤرۆ نیوز:

یاریزانێ بەلچیکی و یانا چێلسی یا ئنگلیزی راگەھاند وی بریارا دووماھیێ دەربارەی پاشەرۆژا خوە دایە، لێ ئەو نوکە بۆ دەزگایێن راگەھاندنێ ئاشکرا ناکەت.

زێدەتر ئیدن ھازارد د داخویانیێن ئەڤرۆ رۆژا دوشەمبی بۆ رۆژناما مارکا یا ئسپانی دیارکریە وی بریار د پاشەرۆژا خوە یا دووماھیێ دایە بەری دو حەفتیان لێ ئەو نوکە نا راگەھینت لێ ھوسا دیارکر ئەو دێ بەر ب یانا ریال مەدرید یا ئپاسانی چیت و پشتی دووماھیا یاریا قارەمانیا یوروپا لیگ ئەو دێ پێنگاڤێن بھێت یێن پاشەرۆژا خوە راگەھینت.

ھەژی گۆتنێ یە بەری نوکە ماوریسیو ساری راھێنەرێ یانا چێلسی ئاماژە دایە وێ چەنجدێ کو ل ھاڤینا بھێت ھازارد نامینتە دگەل یانا لەندەنی

سویسرا، ئازاد گۆلەی:

پشتی ١٧ جاران بوویە قارەمانا خولا نایابا سویسرا و حەفت جاران ژی قارەمانا کاسێ زێدەباری نەە پشکدارێن وێ د قارەمانیا ئوروپا قارەمانێن خولان دا، ل سالا ٢٠١٣ ژ ئەگەرێ ئیفلاسبوونێ ژ خولا نایاب ھاتە پلە چار ب بریارا دادگەھێ.

لێ رۆژا ئەینیا بوری ١٠-٥-٢٠١٩ یانا سیرڤێت یاکو ل سالا ١٨٩٠ ل باژێرێ جنێف ھاتیە دامەزراندن جارەکا دی ب فەرمی ڤەگەریا خولا نایابا سویسرا یا تەپا پێ پشتی شیای سەرکەفتنێ ل سەر ھەڤرکا خوە یانا لوزان توماربکەت ب سێ گۆلان بەرامبەر گۆلەکێ د یاریا دێربیا دەڤەرێ دا ل یاریگەھا جنێف یا سویسری و ب ڤێ سەرکەفتنێ ئەڤ یانە جارەکا دی بۆ خولا نایاب ب سەرکەفت پشتی بورینا حەفت سالان.

ھەژی گۆتنێ یە پەیامنێرێ رۆژناما ئەڤرۆ ل ئوروپا ب فەرمی ھاتبو داخواز کرن وەک تاکە دەزگایێ راگەھاندنا کوردی.