ئه‌ڤرۆ، ره‌مه‌زان زه‌كه‌ریا:
لژنه‌یا كاروبارێن شه‌هیدان و جینۆساید و زیاندانیێن سیاسی ل په‌رله‌مانێ كوردستانێ كار ل سه‌ر دیاركرنا رۆژه‌كێ بۆ شه‌هیدێن كوردستانێ دكه‌ت و هه‌تا نوكه ل سه‌ر ده‌ستنیشانكرنا رۆژه‌كێ ماینه كو بهێته دیاركرن، بۆ ڤێ مه‌به‌ستێ ژی كار هاتیه كرن و بڕیاره ل ڤان نێزیكان ل په‌رله‌مانی ده‌نگ ل سه‌ر بهێته دان.
به‌همه‌ن كاك عه‌بدوللا، ئه‌ندامێ لژنه‌یا كاروبارێن شه‌هیدان و جینۆساید و زیندانیێن سیاسی ل په‌رله‌مانێ كوردستانێ بۆ رۆژناما ئه‌ڤرۆ راگه‌هاند: “مه وه‌كو لژنه‌یا كاروبارێن شه‌هیدان و جینۆساید و زیندانیێن سیاسی ل په‌رله‌مانێ كوردستانێ، پێشنیاره‌ك ل سه‌ر دیاركرنا رۆژه‌كێ بۆ شه‌هیدێن كوردستانێ پێشكێش كریه، حه‌فتیا بۆری د كۆمبوونا لژنه‌یێ دا بڕیار هاته دان كو دو مێژوو یان رۆژ بهێنه دیاركرن، پشتی كار ل سه‌ر دهێته كرن و ببیته بڕیار و بهێته په‌سه‌ندكرن، به‌لێ مه ده‌لیڤه دایه پارتێن سیاسی كو به‌رسڤا لژنه‌یێ بده‌ن بۆ دیاركرنا رۆژه‌كا تایبه‌ت ب شه‌هیدێن كوردستانێ ڤه”.
ناڤهاتی گوتژی: “پشتی رۆژ دهێته دیاركرنن ئه‌و رۆژ نابیته بێهنڤه‌دان، به‌لكو ب تنێ دێ بیته رۆژا بیرئینانا شه‌هیدێن كوردستانێ، ئه‌م چاڤه‌رێ به‌رسڤا پارتێن سیاسی دكه‌ین بۆ ڤێ مه‌به‌ستێ، داكو بڕیارا دووماهیێ ل سه‌ر رۆژا شه‌هیدێن كوردستانێ بهێته دان و ل په‌رله‌مانێ كوردستانێ بهێته په‌سه‌ندكرن”.
نيشاندان