ئه‌ڤرۆ نیوز:

ئێكه‌تییا نشتیمانییا كوردستانێ و ته‌ڤگه‌را گۆرانێ ئه‌ڤرۆ سات یازده‌یێ سپێدێ ل ده‌باشان دێ كۆمبن و پرسا لامه‌ركه‌زییا سلێمانیێ بابه‌تێ سه‌ره‌كی یێ كۆمبوونێ یه‌.

ل گۆر زانیاریێن دهۆك نیوز، ئێكه‌تییا نشتیمانییا كوردستانێ و ته‌ڤگه‌را گۆرانێ ئه‌ڤرۆ سات یازده‌یێ سپێدێ دێ ل ده‌باشان كۆمبن، كۆمبوون ب شێوه‌یه‌كێ گرتی و دوور ژ راگه‌هاندنێ هێت كرن، لێ ل گۆره‌ى زانیارییان بابه‌تێ سه‌ره‌كی یێ كۆمبوونێ پرسا لامه‌ركه‌زییه‌تا سلێمانیێ و پاشخستنا مووچه‌ی و نه‌رازیبوونا خه‌لكی یه‌.

لاهۆر شێخ جه‌نگی و باڤل تاله‌بانی، هه‌ڤسه‌رۆك و ئه‌ندامێن مه‌كته‌با سیاسی یا ئێكه‌تیێ و ژ ئالیێ گۆرانێ ژی ڤه‌ عومه‌رێ سه‌ید عه‌لی و هه‌ژماره‌كا ئه‌ندامێن گۆرانێ د پشكدارن و كۆمبوون ل سه‌ر داخوازیا پاڤل تاله‌بانییه‌ كو به‌رییا سێ رۆژان داخواز ژ عومه‌ سه‌ید عه‌لی كربوو.

هه‌روه‌ها بریاره‌ ب ده‌ستپێشخه‌ریا ئێكه‌تیێ، كۆمبوونا سێ قۆلی د ناڤبه‌را پارتی، ئێكه‌تی و گۆرانێ ل سه‌رۆكاتییا هه‌رێما كوردستانێ د چه‌ند رۆژێن بهێت دا بهێـت كرن.

ئه‌ڤرۆ  نیوز، مەنیجا ئەیوب:

مامۆستایێ زانکۆیێ ھلۆڤان حسنی بۆئه‌ڤرۆ نیوز گۆت: رەوشا ئابوورییا نوکەكوردستانیان ژی جیهان ب گشتی تێدا دبووریت، رەوشەکا ئابوورییابەرتەنگ و دژوارە،بتایبه‌ت پشتىبه‌لاڤبووناڤایرۆسێ کۆررنا، کو بوویە ئەگەرێ راوەستاندنا ژیانێ ل جیھانێ ب شێوەکێ گشتی، کارتێکرنەکامه‌زن ل سەرکەرتێ ئابووری کریە و ھەروەسان داکەفتنا بھایێ کەلوپەلان، بشێوەکێ گشتیژى کارتێکرن کرییە سەروه‌لاتێنپه‌ترۆلێ کو ژێدەرێسەرەکییێداهاتێ وانە، ئه‌و یه‌ك ژی بوویە ئەگەرێ چەندین ئاریشان دناڤ چڤاکی دا بۆ ب رێڤەبرنا ژیانا رۆژانە، لەوران ئەڤ رەوشا نھا پێدڤیب خوه‌ گونجاندنێیە.

ل گۆره‌ى گۆتنا ھلۆڤان حسنی،مامۆستایێ زانکۆیێ،یا گرنگ د ڤێره‌وشێ دا خوه‌گونجاندن و گوهۆرینا ره‌وشت و تیتالانه‌، ئەوتیتالێن بەری نھا دگۆتن نابیت ئەڤ تشتەهەبیت، دڤێت دڤێ رەوشێ دا ئەڤتیتاله‌ بھێنە گوھۆرین و دگەلڤانقه‌یرانان دا ب ریڤە بچن کو پشتیقه‌یرانێ ژی ھەر دگەلڤی نەریتی بەردەوام بن.

ھلۆڤان حسنیگۆت ژى: خالاھەرە گرنگ پشكه‌كا داهاتێ خێزانێ بهێته‌ هه‌لگرتن بۆ مفاوەرگرتنێ ل پاشەرۆژێ، لێ مخابنیڤە ھەر پارەکێدكه‌ڤیته‌ بەردەستدھێتە مەزاختن و بکارئینان، پتریا جاران ژی بۆ تشتێ کەمالی دھێتە بکارئینان کو نە دپێدڤینه‌، لەوران ھەردەمێ پاره‌ل ڤان تشتان بهێت مه‌زاختن، دێ دەمەک ھێت داھات نابیت بو تشتێ پێدڤی. مامۆستایێ زانكۆیێ گۆت ژى:پێدڤییه‌ رێکخستنەکیان کارگێریەک دخەرجکرنا داھاتی دا ھەبیت دا ل دەلیڤێن بەرتەنگ دا خێزان تووشیقه‌یرانێن ئابووری نەبیت، خالا دیگرنگ ئەوە دەماقه‌یران پەیدادبیت،نابیت پشت بەستن ل سەر ئێک ژێدەربهێته‌ كرن بۆ ب دەستڤەئینانا داھاتێ رۆژانە، بەلکو دڤێتل چەندین ژێدەران بگەریت بۆ ب دەستڤەئینانا داھاتی.

ئه‌ڤرۆ نیوز:

سه‌رۆكوه‌زیرێن هه‌رێما كوردستانێ دوپات كر كو تاوانبارێن كوشتنا ژنه‌كێ ل باژارێ كه‌لار ل ده‌ڤه‌را گه‌رمیان دێ گه‌هنه‌ سزایێ خوه‌.

مه‌سروور بارزانى د تویته‌كى دا راگه‌هاند، كوشتنا ژنه‌كا گه‌نج ل باژارێ كه‌رلار ب شێویه‌كێ هۆڤانه‌ ئه‌و دلگران كر، هه‌موو ئالییان ژى پشتراست دكه‌ت كو تاوانبارێن كوشتنا وێ ژنێ دێ گه‌هن سزایێ خوه‌ و سوپاسییا هێزێن ئێمناهیێ كر كو ب شێوه‌یه‌كێ بله‌ز ئه‌و تاوانبار ده‌سته‌سه‌ركرین.

سه‌رۆكوه‌زیرێن هه‌رێما كوردستانێ گۆت ژى: پێدڤییه‌ كچ و ژنێن كوردستانێ بێى گه‌فێن توندوتیژیێ ماف هه‌بیت ژیانه‌كا وه‌كهه‌ڤ و ئازاد و سلامه‌ت بژین.

رۆژا پێنجشه‌مبییا بۆرى ژنه‌كا گه‌نج ل باژارێ كه‌رلار ل سنۆرێ ده‌ڤه‌را گه‌رمیان ژ ئالیێ سێ برایێن وێ و ب هاریكارییا كه‌سه‌كێ دى هاته‌ كوشتن و پۆلیسێن وێ ده‌ڤه‌رێ پشتى دو سه‌عه‌تان تاوانبار ده‌سته‌سه‌ركرن.