ئه‌ڤرۆ نیوز:
سه‌رۆكێ پارتییا دیمۆكراسى و گه‌شه‌پێدان یا توركى دێڤا راگه‌هاند، هه‌كه سه‌رۆككۆمارێ توركیا ژ دل بخوازیت چاكسازیێ بكه‌ت، پێدڤیه ده‌ست ژ سه‌رۆكاتییا پارتییا داد و گه‌شه‌پێدان ئاكه‌پێ به‌رده‌ت.
عه‌لى باباجان، سه‌رۆكێ پارتییا دیمۆكراسى و گه‌شه‌پێدان یا توركى، د گۆتاره‌كێ دا به‌حسى ره‌وشا توركیا كر و راگه‌هاند، ره‌نگه د چه‌ندین رۆژێن بهێن دا هنده‌ك كه‌س بهێنه ئازادكرن.
باباجان گۆت ژى: ئه‌ردۆغان پشتى هه‌ژده سالێن ده‌ستهه‌لاتێ دبێژیت: دێ چاكسازییان د ئابوورى دا كه‌ن، لێ ئێدى خه‌لك گوهداریا گۆتنێن وى ناكه‌ت، به‌لكو خه‌لكى كریار دڤێن و هه‌كه ئه‌ردۆغانى بڤێت چاكسازییان بكه‌ت، پێدڤیه ده‌ست ژ سه‌رۆكاتییا پارتییا داد و گه‌شه‌پێدان ئاكه‌پێ به‌رده‌ت.
نيشاندان