ئەڤرۆ نیوز، عەلی حاجی:
بەرپرسێ راگەهاندنا ساخلەمیا زاخۆ، بۆ ئەڤرۆ نیوز گۆت: ئەڤرۆ ل زاخۆ زارۆیەکێ د ژیێ سال و نیڤان دا ژ قاتێ حەفتێ دکەڤیت و وەغەر کر.
زێدەتر گۆت ژی: ئەو روودان ئەڤرۆ ل شوقێن نیو زاخۆ دروست بوویە، ئەو زارۆیێ د ژیێ سال و نیڤان دا ژ قاتێ حەفتێ یێ شوقەکێ کەفتیە و ئێکسەر وەغەر کریه و تەرمێ وی زارۆکی بۆ نۆشداریا داد ل زاخۆ هاتیە ڤەگۆهاستن.
ئه‌ڤرۆ نیوز:
وه‌زاره‌تا خاندنا بلند و ڤه‌كۆلێنێ زانستی سه‌ركه‌فتیێن قوناغا دوازدێ یا ئاماده‌ی ئاگه‌هدار دكه‌ن، كۆ دڤێ هه‌فتیی دا په‌یڤا تێپه‌ر و نهێنی و یوزه‌رنیمی ژ خاندنگه‌هێن خوه وه‌ربگرن.
عه‌باس ئه‌كره‌م په‌یڤدارێ وه‌زاره‌تا خاندنا بلند و ڤه‌كۆلینێن زانستی راگه‌هاند پشتی بزاڤێن رێڤه‌به‌راتیا گشتی یا خاندن و پلاندانان و دووڤچوونێ ل وه‌زاره‌تێ و ناڤه‌ندا وه‌رگرتنا قوتابیان، په‌یڤا تێپه‌ر و پاسوه‌رد و یوزه‌رنێم بۆ ته‌ڤایا سه‌ركه‌فتیێن دوازدێ ئاماده‌یی هاتینه به‌رهه‌ڤكرن و ره‌وانه‌ی وه‌زاره‌تا په‌روه‌ردێ ژی هاتینه‌كرن.
په‌یڤدارێ وه‌زاره‌تا خاندنا بلند و ڤه‌كۆلیننێن زانستی راگه‌هاند د ئه‌ڤێ هه‌فتیێ دا دشێن سه‌ره‌دانا خاندنگه‌هێن خو بكه‌ن بۆ وه‌رگرتنا په‌یڤا تێپه‌ر و پاسوه‌رد و یوزه‌رنێمی ژبوی بشێن زانكۆلاینێ تژی بكه‌ت.
عه‌باس ئه‌كره‌م په‌یڤدارێ وه‌زاره‌تا خاندنا بلند و ڤه‌كۆلینێن زانستی ئه‌و چه‌نده ژی دازانین ل چه‌ند رۆژێن بهێت زانكۆلاین بۆ سه‌ركه‌فتیان دێ كارا بیت و به‌ری كاراكرنێ ژی راگه‌هاندنه‌كێ ل سه‌ر هیرده‌كاریێن وێ بۆ سه‌ركه‌فتیان دیار كه‌ین.
ئەڤرۆ نیوز، زنار تۆڤی:
کامی کەمال بەرپرسێ پەیوەندی و راگه‌هاندنا كومه‌لگه‌ها ده‌روازێ نێڤده‌وله‌تی یێ ئیبراهیم خه‌لیل، بۆ ئەڤرۆ نیوز دیار کر: ئەڤرو پێنجشەمبی، حەمید عەلی سەرپەرشتێ كومه‌لگه‌ها ده‌روازێ نێڤده‌وله‌تی یێ یٔیبراهیم خه‌لیل و رێڤەبەریا کۆمەلگەھێ، پێشوازی کر ل قونسولێ گشتی یێ ئه‌مریكا ل ھەولێرا پایتەختێ ھەرێما کوردستانێ رووب ووله‌ر و شانده‌كێ ل گەلدا و کۆمبونەک ھاتە ئەنجامدان.
ناڤهاتی گۆت ژی: دکۆمبونێدا دانوستاندن ل سەر ئالوگوریێن بازرگانی دناڤبەرا ھەرێما کوردستانێ و ئه‌مریكا دا ھاتنه كرن ب مه‌به‌ستا پێش خستنا پەیوەندیێن بازرگانی دناڤبەرا كۆمپانى یێن ھەرێما کوردستانێ و ئه‌مریكا دا، هه‌روه‌سا قونسولێ گشتى و شاندێ ل گه‌لداو سه‌رپه‌رشت و رێڤه‌به‌ریا كۆمه‌لگه‌هێ سه‌ردانه‌كا مه‌یدانى یا پرا هاتنێ و لابورا كۆمه‌لگه‌هێ كر ب مه‌به‌ستا ژ نێزیك دیتنا وان فلته‌رێن ساخله‌میێ كۆ كه‌ل و په‌ل تێدا ده‌رباز دبن بۆ ناڤ هه‌رێما كوردستانێ.
ئه‌ڤرۆ نیوز:
وه‌زاره‌تا ساخله‌میا حوكمه‌تا هه‌رێما كوردستانێ ئامارا نوو یا ڤایرۆسێ كورونایێ به‌لاڤكر و تێدا هاتیه ل 24 ده‌مژمێرێن بوری سێ كه‌سان گیانێ خوه ژ ده‌ست دایه ب ئه‌گه‌رێ كورونایێ.
لگۆری راگه‌هاندنا وه‌زاره‌تا ساخله‌میێ ل 24 ده‌مژمێرێن بوری 4979 پشكنینێن نوو هاتینه‌كرن، كو 1932 ل هه‌ولێرێ و 758 سلێمانیێ و 168 گه‌رمیان و 2085 دهۆك و 36 ل هه‌له‌بجه هاتینه‌كرن.
د راگه‌هاندنا وه‌زاره‌تا ساخله‌میێ دا هاتیه ژی ئه‌و كه‌سێن توشی ڤایرۆسی بووین 673 كه‌سن كۆ ل 297 ل هه‌ولێرێ و 92 ل سلێمانێ و 28 گه‌رمیان و 224 دهۆك و 32 هه‌له‌بجه.
وه‌زاره‌تا ساخله‌میا هه‌رێمێ ئه‌و چه‌نده ژی دیاركریه كو كه‌سێن ژ كورونایێ ساخبوین 430 كه‌سبوون و 197 ل هه‌ولێرێ و 21 ل سلیمانێ و 26 گه‌رمیان و 159 ل دهۆكێ و 27 ل هه‌له‌بجه.
توشبوویێن ب ڤایرۆسێ كورونایێ مرین ل 24 ده‌مژمێرێن بوری دا 24 كه‌سن، 5 ل هه‌ولێرێ و 10 ل سلیمانێ و 1 گه‌رمیان و 8 ل دهۆكێ.
ئەڤرۆ نیوز:
وەزیرێ كارەبا هەرێما کوردستانی راگەهاند: ل وەرزێ زڤستانێ دێ بەرهەمئینانا كارەبێ ل هەرێما كوردستانێ زێدە بیت و 500 میگاواتێن دی یێن كارەبێ بۆ سەر تۆرا كارەبا نیشتمانی دێ زێدە كەین.
د مەراسیما ڤەكرنا پرۆژەكێ وێستگەها كارەبێ ل هەولێرێ كەمال محەمەد وەزیرێ كارەبا هەرێمێ راگەهاند: ل هەیڤا هەشت دا مە نێزیكی 20 دەمژمێرێن كارەبێ داینە وەلاتیان و دنوكە دا سێ هزار هەتا سێ هزار و 200 مێگاواتێن كارەبێ بەرهەم دئینن و ل وەرزێ زڤستانێ ژی دێ 500 مێگاواتێن دی یێن كارەبێ بۆ سەر تۆرا كارەبا نیشتمانی زێدە كەین.
ئەڤرۆ نیوز:
مستەفا کازمی، سەرۆك وەزیرێن عیراقێ كۆمبوونەك ل گەل هژمارەكا مەزنە بەرپرسێن حكومی یێن پەیوەندیدار ب ئاڤاكرنا قوتابخانان ڤە سازكریە.
دبەیاننامەكێ دا نڤێسینگەها سەرۆك وەزیرێن عیراقێ ئاشكرا كریه: د وێ كۆمبوونێدا دیزاینێ 10 شێوازێن قوتابخانان بۆ كازمی هاتینە بەرچاڤكرن، ناڤبری ژی دەستەیەك راسپاردیە، ژ پێخەمەت دەستنیشانكرنا باشترین دیزاین ب مەرجەكی ل گەل پیڤەر و ستانداردێن جیهانی یێ گونجای بیت، بریاردا پشتی دیاركرنا دیزاینێ ژ هەژی، هزار قوتابخانه ل سەرانسەری عیراقێ بهێنە ئاڤاكرن، نەخاسمە ل گوند و دەڤەرێن دوور دەست، كو كێشا قوتابخانان تێدا مەزن بوویە.
ئەڤرۆ نیوز، زنار تۆڤی:
هاریكارێ سەرۆكێ زانكۆیا دهۆكێ بۆ كاروبارێن قوتابیان د. مێڤان عارف بۆ ئەڤرۆ نیوز دیار كر: ژ بەر رەوشا نوكە یا ساخلەمیێ و ب رێككەفتن ل گەل هەردو زانكۆیێن سەلاحەدین و سلێمانیێ، هەتا 1/11/2020 پشكێن ناڤخۆیی ناهێنە بەلاڤ كرن و گۆت ژی: بریار هاتیە دان وانێن پراكتیكی بهێنە پاشخستن بۆ پشتی 1/11 و ب تنێ وانێن تیوری بهێنە گۆتن ب رێكا ئۆنلاین.
د. مێڤان عارفی گۆت ژی: ل 1/11 دێ پشكێن ناڤخۆیی هێنە بەلاڤ كرن بۆ وان قوتابیێن وانێن پراكتیكی هەین دناڤ كەمپێ زانكۆیێ دا داكو بشێن خواندنا خوە ل تاقیگەهـ و پشكێن خۆ یێن زانستی ب دروستی ب رێڤە ببەن، هەروەسا هەتا وی دەمی داپتر د شیان دا بیت پشكێن ناڤخۆیی ژی بهێنە بەرهەڤ كرن و باشترین ئاڤاهیی بۆ بهێنە دابین كرن، لەوما ژ نوكە هەتا هەیڤا 11 قوتابی دێ وانێن تیۆری وەرگرن لدووڤ راسپاردا سەرۆكێ زانكۆیا دهۆكێ كو رێككەفتن ل گەل هەردو زانكۆیێن سەلاحەدین و سلێمانیێ ژی كریە ل دۆر ڤی بابەتی.
هاریكارێ سەرۆكێ زانكۆیا دهۆكێ بۆ كاروبارێن قوتابیان ئاشكرا كر ژی: ئەو ئاڤاهیێن ئەڤ سالە بۆ پشكێن ناڤخۆیی دهێنە گرتن دڤێن ئاڤاهیێن رائێخستی بن ژلایێ كەلوپەلان ڤە ژبەر بابەتێن مەزاختنێ و دابین كرنا پێدڤیێن قوتابیان، هەروەسا بۆ ئەزموونان ژی لدووڤ پیڤەرێن وەزارەتێ دێ پشك هێنە دابین كرن كو هەتا رێنمایی دگەهن، كانێ دێ بۆ سالا نوو یا خواندنێ بەلاڤكرنا ڤان پشكا ب چو شێوە بیت، چونكی ژ بەر ڤایرۆسێ كورونایێ، پێشتر هندەك ژوورا هەتا چار قوتابیان دكرنە دئێك ژوور ڤە، بەلێ نوكە دبیت هەر دو قوتابی ب تنێ بچنە د ئێك ژوورڤە بن، ئەڤ رێنمایە دێ ڤێ هەیڤێ گەهن و ل سەر بنیاتێ وان رێنمایان پشك دێ هێنە بەلاڤ كرن.
ئه‌ڤرۆ نیوز:
ئه‌ڤرۆ 27/9/2020 سه‌رۆكێ حوكمه‌تا هه‌رێما كوردستانێ پێشوازی ل شانده‌كێ حوكمه‌تا فیدرالی ب سه‌رۆكاتیا قاسم ئه‌لئه‌عره‌جی راوێژكارێ ئاسایشا نیشتمانیا عیراقێ كر.
د ئه‌وێ كۆمبوونا سه‌رۆكێ حكومه‌تێ و راوێژكارێ نیشتمانیا عیراقێ دا، رێبه‌ر ئه‌حمه‌د وه‌زیرێ ناڤخو پشكدار بوو، دانوستاندن ل سه‌ر گوهورین پێشهاتێن عیراقێ و گرنگیا هه‌ماهه‌نگیا ئه‌منی دناڤبه‌را سوپایێ عیراقێ و پێشمه‌رگه‌ی هاته‌كرن، تایبه‌تی ل ده‌ڤه‌رێن كوردستانی یێن ده‌رڤه‌ی ئیداره‌یا هه‌رێما كوردستانێ بۆ ریب ری بوونا گه‌فێن تیرۆریستێن داعشێ.
ئەڤرۆ نیوز:
سەرۆکێ ئەمریکا ھێرشەکا نوو دکەتە سەر جۆ بایدنێ رکابەرێ خوە و گۆتیە: ئەمریکا پێدڤی ب سەرکردەکێ راستەقینەیە، نەکو نڤستیەکێ وەکی جۆ بایدنی.
دونالد ترەمپ، سەرۆکێ ئەمریکا د ھەلمەتا بانگەشا ھەلبژارتنان دا خرڤەبوونەک ئەنجامدا و گۆتە ئامادەبوویان: دێ گەلەک شەرمزاربم هەکە جۆ بایدنێ نڤستی د ھەلبژارتنان دا سەربکەڤیت، ئەمریکا پێدڤی ب سەرکردەکێ ڕاستەقینە نەکو رکابەرێ منێ نوکە یێ دیموکراتان کو کەسەکێ تەمبەلە.
ترەمپی دیار کر ژی:” جۆ بایدن پەیڤا ” بلا ئەم رزگاربین” گەلەک دوبارە دکەت و ئەو ژی نیشانا وێ چەندێ یە کو بایدن کەسەکێ تەمبەلە و ب دیتنا وی ئەگەر دیموکرات پەنایێ نەبەنە بەر سەختەکاریا ئەنجامێن ھەلبژارتنان، ترەمپ د ھەلبژارتنان دا خۆسارەت نابیت”.
نيشاندان