ئه‌ڤرۆ نیوز:

بریاره‌ ئه‌ڤرۆ سه‌ركرده‌یێن جیهانێ كۆم دبن، ب مه‌به‌ستا ئاهه‌نگێرانێ ب هه‌لكه‌فتا 75 سالیا دامه‌زراندنا نه‌ته‌وه‌یێن ئێكگرتی دا، ئه‌ڤه‌ ژی دده‌مه‌كی دایه‌ ڤایرۆسێ كورونایێ ل جیهانێ به‌لاڤ بووی و به‌رهنگاربوونا ڤایرۆسی پێدڤی ب ئێكرێزیا وه‌لاتێن ئه‌ندام د رێكخراوێ دا هه‌یه‌ كۆ ژماره‌یا وان 193 ئه‌ندامن.

ئه‌میندارێ گشتی یێ نه‌ته‌وه‌یێن ئیكگرتی راگه‌هاند ڤایرۆسێ كورونایێ لاوازیا جیهانێ سه‌لماند، د پلانێ دایه‌ ئه‌ڤرۆ ب سه‌ر سه‌ركرده‌یین جیهانێ بهێته‌ راگه‌هاند كۆ ئه‌وان پێدڤی ب هه‌ڤكاریا به‌رهنگاربوونا ڤایرۆسێ كورونایێ هه‌یه‌ بۆ ریب ری بوونێ.

د ئه‌ڤێ هه‌یڤێ دا نه‌ته‌وه‌یێن ئێكگرتی ب ته‌ڤایا ده‌نگان بریارا به‌رهنگاربوونا گشتگیر و هه‌ڤبه‌ش دایه‌ بۆ ریب ری بوونا كورونایێ، ده‌رخستنا ئه‌وێ بریارێ ب پشته‌ڤانیا ته‌ڤایا ئه‌ندامێن كومه‌له‌یێ نه‌بوو، به‌لكو ئه‌مریكا و ئیسرائیل ل دژی بریارێ راوه‌ستیان.

ئه‌ڤرۆ نیوز:

بریاره‌ ئه‌ڤرۆ هه‌ردو وه‌زیرێن به‌ره‌ڤانیا روسیا و توركیا ده‌ربارێ ره‌وشا ئیدلبێ كۆمبن و چه‌ند بریاره‌كان ده‌ر بێخن.

وه‌زاره‌تا به‌ره‌ڤانیا توركیا به‌لاڤكر، بریاره‌ ئه‌ڤرۆ ل سه‌ر ئاستێ وه‌زاره‌تا به‌ره‌ڤانیا هه‌ردو وه‌لاتان توركیا و روسیا كۆم دبن و ئارمانجا كۆمبوونێ روناهیێ ئێخستنه‌ سه‌ر ره‌وشا خرابا ئیدلبێ ل باكورێ سوریا، چونكو تا نوكه‌ نه‌شیاینه‌ چاره‌یا دوماهیێ بۆ ببینن.

روسیا رژدیێ ل ئه‌وێ چه‌ندێ دكه‌ت كۆ پێدڤیه‌ چه‌كدارێن ته‌حریر شام كۆ توركیا پشته‌ڤانیا وان دكه‌ت ژ ئیدلبێ ده‌ركه‌ڤن و چه‌كێن خو دابنن، به‌لێ ته‌حریر شام ب هه‌موو شێوه‌یه‌كی ئه‌ڤێ داخازیا روسیا ره‌ت دكه‌ن، له‌ورا سه‌رهلدانا شه‌ری ل ئیدلبێ دهه‌بوونێ دایه‌.