ئەڤرۆ نیوز:
وەزارەتا ساخلەمیا هەرێما کوردستانێ راگەهاند: د دەمێ شەڤ و رۆژەکێ دا 17 کەسان ب کۆرۆنایێ وەغەرکریە و 197 کەسێن دی تووشی ڤایرۆسێ کۆرۆنایێ بووینە، ژ وان ژی 74 ل هەولێرێ، 68 ل سلێمانیێ، 26 ل گەرمیان، 9 ل راپەرین، 13 ل دهۆکێ و 17 ل هەلەبجە. هەروەسا 100 کەسێن دی چێبووینە کو 65 ژ وان ل هەولێرێ، 10 ل گەرمیان، 10 ل راپەڕین، 3 ل دهۆکێ و 12 ل هەلەبجە).
نوکە هژمارا تووشبوویێن کۆرۆنایێ گەهشتە 12 هزار و 450 کەسان.
ئه‌ڤرۆ نیوز:
بریار بوو ئه‌ڤرۆ ده‌مژمێر 11 نیڤرۆ كۆمبوونا په‌رله‌مانێ كوردستانێ بهێته‌كرن، به‌لێ هاته پاش خستن.
سه‌رۆكاتیا په‌رله‌مانێ كوردستانێ د راگه‌هاندنه‌كێ دا به‌لاڤكر و تێدا هاتیه كۆ پشتی راوێژ ل گه‌ل فراكسیونێن په‌رله‌مانێ كوردستانێ، ب مه‌به‌ستا دروستكرنا ده‌لیڤه‌یا زیده‌تر بۆ لێك تێگه‌هشتنێ دناڤبه‌را وان دا، بریار دا ب پاشخستنا رینشتنا ژماره 6 یا ئاسایی یا وه‌رزێ بهارێ سالا دوێ خۆلا پێنجێ یا هه‌لبژارتنێن په‌رله‌مانێ كوردستانێ بۆ ده‌مژمێر 11 نیڤرۆیا رۆژا 27/7/2020 ل هه‌مان به‌رنامه‌یی كاری .
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: د دەمێ 24 دەمژمێرێن بوری دا 215 کەسێن دی تووشی کۆرۆنایێ بوون، ژ وان ژی(٧٦ ل هەولێرێ)، (٧٢ ل سلێمانیێ، ٣٩ ل گەرمیان، ٣ ل راپەرین، ١١ ل پارێزگەها دهۆكێ، ١٤ ل هەلەبجە)
هەروەسا گۆتیە: ١٤٠ نەخۆش چێبووینە، کو ١١٣ ل هەولێرێ، ٦ ل گەرمیان، ١٢ ل دهۆكێ، ٩ ل هەلەبجە).
دیسان دیار کریە: ١٠ کەسان ژی وەغەرکریە، ٣ ل هەولێرێ، ٦ ل سلێمانیێ، ١ ل گەرمیان).
ئه‌ڤرۆ نیوز:
عه‌مار حه‌كیم سه‌رۆكێ ره‌وتا حیكمه راگه‌هاند ئه‌و گرێبه‌ستا جڤاكی یا ل سالا 2003 یا عیراق ل سه‌ر هاتیه دروستكرن شیانێن رێڤه‌برنا ده‌وله‌تێ نه‌مایه و پێدڤی ب پێداچوونه‌كا دی ب شیوازه‌كێ نوو بهێته‌كرن،حیكمه‌ت كه‌فت بو به‌ردابه‌شبوونێ و ژناڤبرنێ، به‌لێ شیا خو رابگریت و پرۆژه‌یێ خو رونكریه بێ ئه‌وێ ب چیته دناڤ هه‌ڤركیێن دژوار دا.
سه‌رۆكێ ره‌وتا حیكمه ل سه‌ر پاشه‌رۆژا عیراقێ راگه‌هاند گرێبه‌ستا جڤاكی یا سالا 2003 چ دی نه‌شێت د رێڤه‌برنا ده‌وله‌تێ دا بهێته بكارئینان، پێدڤی ب هزركرنه‌كا نوو هه‌یه ل گه‌ل گوهورینێن سروشتی و قوناغان دا خوه بگۆنجینین.
سالا 2003 ب ته‌ڤای و هه‌ڤده‌نگیێ و رێكه‌تنا هه‌موو پێكهاته‌یێن عیراقێ دستوری عیراقی هاته نڤیسین و دوی چارچوڤه‌ی دا ده‌وله‌تا عیراقێ ل سه‌ر بنه‌مایێ رێكه‌تنا هه‌ڤبه‌شكرنا هه‌موو نه‌ته‌وه‌یێن عیراقێ د ناڤا وان دا ژی كورد و عه‌ره‌ب هاتنه دیاركرن.
ئەڤرۆ نیوز:
وەزارەتا دەرڤە یا عیراقێ راگەهاند: حوکمەتا عیراقێ داخوازا راکرنا ڤیزێ د ناڤبەرا هەردو وەلاتێن عیراقێ و سعودیێ دا کریە.
ئەڤرۆ ئەینیێ، وەزارەتا دەردڤە یا عیراقێ راگەهاندنەک بەلاڤکر و تێدا هاتیە: د کۆمبوونا سییێ یا هەماهەنگیا عیراق ــ سعودیێ دا ل باژێرێ ریاز، بەرپرسێن عیراقێ داخواز ژ نوونەرێ سعودیێ کریە، کو ڤیزا د ناڤبەرا هەردو وەلاتان دا بهیتە راکرن.
دیار ژی کریە، د هەمبەر دا نوونەرێ سعودیێ ئاشکرا کریە: کو ئەو دخوازن د هەموو بیاڤان دا پەیوەندیان بهێز بکەن، ئەو دێ ب رژدی تەماشەی وێ داخوازا عیراقێ کەن و دێ هەلسەنگاندنێ بۆ کەن.
ئەڤرۆ نیوز، زنار تۆڤی:
سوبەهی شەمبیێ، 25.7.2020 دێ تێلەڤزیۆنا پەروەردەیی _ دهۆک، ب سیستەمێ ئێچ دی ل باژێرێ دهۆکێ هێتە ڤەکرن.
ئەحمەد زۆبێر بەرپرسێ راگەهاندنا رێڤەبەریا گشتی یا پەروەردا پارێزگەها دهۆکێ، بۆ ئەڤرۆ نیوز دیار کر: تێلەڤزیۆنا پەروەردەیی، دهۆک تەلەفزیۆنەکا لۆکالە و ل دەستپێکێ دێ پەخشێ وێ ل سنۆرێ پارێزگەها دهۆکێ بیت و د پاشەرۆژێ دا، مە لبەرە پەخشێ وێ بگەهینینە هەموو کوردستانێ، ئەڤ کەنالە دێ یێ گرێدایی رێڤەبەریا گشتی یا پەروەردا پارێزگەها دهۆکێ بیت.
ناڤهاتی گۆت ژی: بۆ جارا ئێکێ ل پارێزگەها دهوکێ، سوبەهی شەمبیێ، 25/07/2020 و ل دەم ژمێر (12:00) بەری نیڤرۆ، ب ئامادەبوونا ئالان حەمە سەعید وەزیرێ پەروەردێ یێ حوکمەتا هەرێما کوردستانێ، عەلی تەتەر پارێزگارێ دهوکێ، دێ تێلەڤزیۆنا پەروەردەیی ـ دهۆک، کو ئاڤاهیێ وێ دکەڤیتە پشت ئاڤاهیێ رێڤەبەریا گشتی یا پەروەردا پارێزگەها دهوکێ دێ هێتە ڤەکرن.
ئەڤرۆ نیوز:
وەزارەتا نافخۆ یا هەرێما کوردستانێ راگەهاند: ئاخفتنێن وەزیرێ نافخۆ دەربارەی جەژنا قوربانێ ژ ئالیێ هندەک کەس و دەزگەهێن میدیایی ڤە لێکدانێن شاش بۆ هاتینە کرن.
وەزارەتا نافخۆیا هەرێما کوردستانێ د راگەهاندنەکێ دا دیار کریە: د کونفرانسەکێ رۆژنامەڤانی دا وەزیرێ نافخۆ دەربارەی جەژنا قوربانێ گوتیە: پشتی راوێژا وەزارەتا ئەوقاف و ئێکەتیا زانایێن ئاینێ ئیسلامێ و ب هەماهەنگیا وەزارەتا ساخلەمیێ دێ بەلاڤ کەن، لێ ژ ئالیێ هندەک کەس و دەزگەهێن میدیایی ڤە لێکدانێن شاش بۆ هاتینە کرن.
دیسان گۆتیه: جەژنا قوربانێ جەژنەکا پیرۆزا موسلمانایە و ل هەرێمێ هەلکەفتەکا ئاینی و فەرمیە و وەکی هەموو سالان دێ بلند هێتە راگرتن و دەرفەتەکە بۆ کارێن خێرێ و پارڤەکرنا قوربانان، هەروەسا هەر رێکارەکا حوکمەتا هەرێمێ د روژێن جەژنێ دا بگریتە بەر، ب تنێ بۆ بەرچاڤ وەرگرتنا رێکارێن ساخلەمیێ و خۆپارێزیێ ژ ڤایرۆسێ کۆرۆنایێ یە.
ئەڤرۆ نیوز:
وەزارەتا کارەبا هەرێمێ راگەهاند: د چەند رۆژێن داهاتی دا دێ ١٠٠ مێگاواتێن کارەبێ زێدەکەن.
وەزیرێ کارەبا حوکمەتا هەرێما کوردستانێ د راگەهاندنەكێ دا دیارکر: د کڤانێ بزاڤێن زێدەکرنا بەرهەم ئینانا غازا سروشتی و بەرهەمئینانا کارەبێ دا، سوبەهی ئەینیێ، ل دەمژمێر ٦ سپێدێ بۆ دەمێ ٣ بۆ ٤ دەمژمێران، بەرهەمئینانا غازێ ل زەڤیێن کۆرۆمۆل دێ کێم بیت، ب مەرەما جێبەجێکرنا پرۆسا تەکنیکی یا زێدەکرنا غازێ، لدووڤ رەوش دێ ئاسایی بیتەڤە و ١٠٠ مێگاواتێن کارەبێ دێ زێدەبن و دێ باندورێ ل سەر زێدەبوونا دەمێ پێدانا کارەبێ ژی هەبیت.
هەروەسا گۆتیە ژی: وەزارەتا کارەبێ ب هەڤبەندی ل گەل وەزارەتا سامانێن سرۆشتی، د بزاڤێن بەردەوام دانە بۆ دانانا بناغێ ژێرخانا کارەبێ و زێدەکرنا پێدانا دەمێ کارەبێ ب تایبەتی ل وەرزێ هاڤینێ.
ئه‌ڤرۆ نیوز:
كۆمپانیا سومو تایبه‌ت ب بازاركرن و فرۆتنا پترۆلا عیراقێ نوچه‌یه‌كێ رویته‌رز ره‌ت دكه‌ت، كۆ عیراق و هه‌رێما كوردستانێ پێگیر نینن ب رێكه‌تنا ئوپێك پلاس بۆ كێمكرنا هنارتنا پترۆلێ، كۆمپانیا سومو ته‌ئكید ل سه‌ر پێگیر بوونا عیراقێ ب رێكه‌تنێ دكه‌ت.
كۆمپانیا سومو د به‌یاننامه‌یه‌كێ دا راگه‌هاند راپۆرت ته‌ئكید دكه‌ت كۆ عیراق رۆژانه دو ملیۆن و 700 هزار به‌رمیلێن پترۆلێ به‌رهه‌م دئینیت، بێ ئاگه‌هن ژ ئه‌وێ چه‌ندێ كۆ ده‌ردكه‌ڤیت رۆژانه 100 هزار به‌رمیلان كێمتر ره‌وانه‌ی بازارێ پترۆلێ دكه‌ن.
كۆمپانیا ناڤبری ئه‌وێ چه‌ندێ ته‌ئكید دكه‌ت كۆ زێده‌باری ژماره‌یه‌كا زۆرا پترۆلێ ئێخستیه ری، به‌لێ ئه‌و داتایێن دوماهیی نینن و پێگیربوونا ته‌ڤایی نینه وه‌ك سوزا دایی كۆ ب ته‌مامی پێگیر بیت ب رێكه‌تنێ.
كۆمپانیا سومو ئه‌و چه‌نده ژی دیاركر هه‌كه رێژا به‌رهه‌مئینانا ئاژانسا رویته‌رز به‌لاڤكری ل گه‌ل رێژا هنارتنا هه‌رێمێ كۆم ڤه بكه‌ی رێژا بكار ئینانا ناڤخۆ لبه‌رچاڤ بگرین، ئه‌ڤه ده‌ردكه‌ڤیت عیراق 10% پێگیر بوویه ب رێكه‌تنا كێمكرنا به‌رهه‌مێن پترۆلێ.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: د 24 دەمژمێرێن بوری دا دو هزار و 295 پشکنینێن کۆرۆنایێ هاتینە کرن، ئەنجامێن پشکنینێن 210 کەسان د پۆزەتیڤ بووینە، کو 11 ژ وان ل پاێزگەها دهۆنە و یێن دیتر ژی ل پارێزگەهێن دی یێن هەرێمێ؛نە.
هەروەسا 143 تووشبوویێن دیتر چێبووینە و 12 تووشبوویان ژی وەغەر کریە.
نيشاندان