ئه‌ڤرۆ نیوز:
ئه‌ڤرۆ ل سلێمانێ توشبوویه‌كێ دی یی كورونایێ گیانێ خو ژ ده‌ست دا.
توشبوویه‌كێ دی یێ كورونایێ گیانێ خو ژ ده‌ست دا
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى هه‌لبژارتى4
ده‌رمانێن چاندنێ ب سه‌ر جۆتیارێن دێره‌لۆك دا دهێنه پارڤه‌كرن
ئه‌ڤرۆ نیوز، مه‌حمود نهێلى:
به‌رپرسێ هوبا چاندنا دێره‌لۆك بۆ ئه‌ڤرۆ نیوز دیاركر، ژبۆ پتر هاریكاریا جۆتیاران و پێشڤه‌برنا كه‌رتێ چاندنێ ل ده‌ڤه‌رێ ئه‌وان ده‌ست ب دابه‌شكرنا ده‌رمانێن چاندنێ كریه ل سنورێ ناحیا دێره‌لۆك و شێلادزێ.
ئه‌ندازیار عسمه‌ت ئیبراهیم به‌رپرسێ هوبا چاندنا دێره‌لۆك ئاشكرا ژى كر، كو ئه‌ڤ ده‌رمانه یێ دژى كرم و كێزانه و ب نیڤ بها ب سه‌ر جۆتیاران دا دهێته دابه‌شكرن و گۆت : ژى هه‌ر جوتیاره‌ك ل دیڤ روبه‌رێ ئه‌ردى و هه‌بوونا داروبارى دشێت ڤى ده‌رمانى ده‌رمانى وه‌گریت .
ته‌كز ژى كر، كه مه‌به‌ست ژ ڤان جوره هاریكاریان بو جوتیارى هاندنا وانایه بۆ پێشڤه‌برنا كه‌رتى چاندنێ ل ده‌ڤه‌رێ.
وه‌زیری داد یێ ئه‌مریكا: سیسته‌م و یاسا ره‌گه‌زپه‌رست نین و ب سیسته‌ماتیك هاتینه دارێژتن
ئه‌ڤرۆ نیوز:
وه‌زیرێ داد یێ ئه‌مریكا راگه‌هاند سیسته‌م و یاسایێن پۆلیسێن ئه‌مریكا ره‌گه‌زپه‌رستانه نینن به‌لكو ب شێوه‌یه‌كی سیسته‌ماتیك هاتینه دارێژتن.
ولیام بار وه‌زیرێ داد یێ ئه‌مریكا راگه‌هاند هێشتا ره‌گه‌زپه‌رستی دهێته بكار ئینان ل ئه‌مریكا، به‌لێ د وێ باوه‌ریێ دا نینم كۆ سیسته‌م و یاسایێن وه‌لاتی ره‌گه‌زپه‌رستانه بن، سیسته‌مێ ده‌سه‌لاتداریێ ل سالین شێستان ل ئه‌مریكا ره‌گه‌زپه‌رستی دهاته په‌یره‌وكرن، به‌لێ پشتی قوناغا چاكسازیا یاسایێن وه‌لاتی به‌ره‌ڤ پێشڤه‌چوونێن باش بخوڤه دیتن، سوپایێ وه‌لاتی باشترین نمونا ئه‌وێ چاكسازیێ یه.
ولیام بار وه‌زیرێ داد یێ ئه‌مریكا ئه‌و چه‌نده ژی راگه‌هاند دوێ باوه‌ریێ دا نینم كێمكرنا پارێزبه‌ندیێ ب شێت ره‌فتاران باش بكه‌ت، به‌لكو دبیته ئه‌گه‌رێ دروستكرنا دودلیێ ژ ده‌زگه‌هێن ئاسایشا وه‌لاتی.
پشتی 27 هه‌یڤا بوری جورج فلوید یێ ره‌ش پیست ل بن پێت ئه‌فسه‌ره‌كێ سپی پست دا گیانێ خو ژ ده‌ست دا، پێله‌كا خونیشاندان و نه‌رازیبوونێ دژی نه‌ته‌وه‌په‌رستیێل ئه‌مریكا و جیهانێ سه‌رهلدا.
حكومه‌تا عیراقێ دێ بودجا 2020 ره‌وانه‌ی جڤاتا نوونه‌ران كه‌ت
ئه‌ڤرۆ ینوز:
راوێژكاره‌كێ ئابووری یێ سه‌رۆك وه‌زیرێن عیراقێ راگه‌هاند بهایێ به‌رمیلا خه‌ملاندی ل پرۆژه‌یێ بودجا سالا 2020 كۆ بریار بوو ل ڤان نێزیكان بهێته ره‌وانه‌كرن بۆ جڤاتا نوونه‌ران دناڤبه‌را 30 بۆ 35 دۆلاران دا بیت، خه‌ملاندنا بودجا ئیسال نێزیكی 100 ترلیۆن دینارانه كۆ دبیته 80 ملیار دۆلار.
مه‌زهه‌ر محه‌مه‌د راوێژكارێ ئابووری یێ سه‌رۆك وه‌زیرێ عیراقێ راگه‌هاند پرۆژه‌یێ یاسایا بودجا 2020 كۆ مه‌زاختیێن حكومه‌تێ ل ده‌ست پێكا ئیسال هه‌تا هه‌یڤا حوزه‌یرانێ هه‌روه‌سا مه‌زاختی و داهاتێ خه‌ملاندی بۆ شه‌ش هه‌یڤێن دوماهیا سالێ بخوڤه‌دگریت ل گه‌ل بهایێ به‌رمیلا پترۆلێ یا خه‌ملاندی و ته‌ڤایا داهاتێن كه‌رتێن دی ژبلی پترۆلێ ده‌ست دكه‌ڤن.
راوێژكارێ ئابووری یێ سه‌رۆك وه‌زیرێ عیراقێ ئه‌و چه‌نده ژی راگه‌هاند پشتی ته‌ڤایا داهات و مه‌زاختی ب ژماره و بهیری دێ گه‌هنه ده‌ستێ لژنا به‌رهه‌ڤكرنا پرۆژه‌یێ بودجا 2020 و دشیان دایه ل ده‌مه‌كێ كورت دا پرۆژه بهێته به‌رهه‌ڤكرن له‌ورا پێشبینیێ دكه‌ین ل دو هه‌فتیێن بهێت حكومه‌ت پرۆژه‌ی ره‌وانه‌ی جڤاتا نوونه‌رێن عیراقێ بكه‌ت.
په‌یڤدارێ وه‌زاره‌تا ساخله‌میێ: كوردستان هه‌موو زوونا مه‌ترسیا ڤایرۆسی یه
ئه‌ڤرۆ نیوز:
په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند: تانوكه مه‌ترسیا ڤایرۆسێ كورونایێ ل ته‌ڤایا كوردستانێ وه‌ك ئێكه و هه‌كه وه‌لاتی ب هه‌ر ئه‌گه‌ره‌كێ پێگیری رێنمایێن خۆپاراستنێ نه‌بن، دێ كاره‌سات روو ده‌ن.
ئه‌ڤرۆ نیوز:
د.محه‌مه‌د قادر په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند پێدڤیه وه‌لاتێن كوردستانێ پێگیری رێنمایێن ساخله‌میی بن، ئه‌وی ده‌می ب هێسانی ره‌وش دێ هێته كۆنترولكرن، هه‌كه هوسا نه‌بیت و وه‌لاتی ب هه‌ر ئه‌گه‌ره‌كی پێگیری رێنمایێن خۆپاراستنێ نه‌بن ئه‌ڤه دێ بیته ئه‌گه‌رێ سه‌رهلدانا كاره‌ساته‌كێ.
په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده ژی دازانین تا نوكه مه‌ترسیا ڤایرۆسێ كورونا ل هه‌موو كوردستانێ وه‌ك ئێكه و هه‌موو كوردستان زوونا مه‌ترسیداریێ یه، له‌ورا ئه‌م ه‌ك وه‌زاره‌تا ئێك سه‌ره‌ده‌ریێ ل گه‌ل هه‌موو كوردستانێ دكه‌ین بۆ كه‌ره‌نتینه‌كرنێ، به‌لێ هه‌كه ده‌ڤه‌ره‌ك بۆ ده‌ڤه‌ره‌كا دی زۆرترین توشبوو تێدا بهێنه توماركرن ئه‌ڤه ئه‌و ده‌ڤه‌ر دێ هێته گرتن ژ هاتنوچونێ و كه‌ڤنه بن كه‌ره‌نتینه‌كرنێ دا.
په‌یڤدارێ وه‌زاره‌تا ساحله‌میێ ئه‌و چه‌نده ژی گۆت: هه‌ماهه‌نگیه‌كا باش هه‌یه ل گه‌ل رێكخراوا ساخله‌میا جیهانی بۆ پێدا دوماهی رێنمایێن ساخله‌میێ و خۆپارێزی و سه‌ره‌ده‌ریكرن ل گه‌ل توشبوویان و پاراستنا ئه‌ڤێن توش نه‌بووی.
دانوستاندنێن ئه‌مریكا و عیراقێ ب پشكداریا كوردان دێ هێته‌كرن
ئه‌ڤرۆ نیوز:
سه‌رۆكێ نوونه‌راتیا حكومه‌تا هه‌رێما كوردستانێ ل به‌غدا ده‌مێ ده‌ستپێكرنا دانوستاندنێن دناڤبه‌را ئه‌مریكا و عیراقێ دیاركر.
فارس عیسا سه‌رۆكێ نوونه‌راتیا حكومه‌تا هه‌رێما كوردستانێ ل به‌غدا راگه‌هاند دو رۆژه به‌ری نها لایه‌نێن عیراقی دناڤخو دا كۆمبوون خۆ به‌رهه‌ڤكرن بۆ ده‌ستپێكرنا دانوستاندنێن دناڤبه‌را ئه‌مریكا و عیراقێ و ئیمزاكرنا رێكه‌تنه‌كا ستراتژی یا نوو.
فارس عیشا ئه‌و چه‌نده ژی دا زانین بریاره رۆژا 11/6/2020 دانوستاندنێن دناڤبه‌را ئه‌مریكا و عیراقێ ب پشكداریا شاندێ هه‌رێما كوردستانێ ل به‌غدا دێ ده‌ست پێ كه‌ت.
عیراقێ لژنه بۆ به‌رهه‌ڤكرنا پێدڤیێن هه‌لبژارتنان پێك ئینا
ئه‌ڤرۆ نیوز:
جڤاتا كۆمسیارا كۆمسیونا بلندا سه‌ربه‌خویا هه‌لبژارتنێن عیراقێ راگه‌هاند: ب هه‌ماهه‌نگی ل گه‌ل جڤاتا وه‌زیرێن عیراقێ لژنه بۆ به‌رهه‌ڤكرنا پێدڤیێن هه‌لبژارتنان پێك ئینان و ره‌تكر تانوكه چ رێكه‌تن ل گه‌ل كۆمپانیێن گرێدای ئه‌ڤی بیاڤی دا كر بن.
جڤاتا كۆمسیارا كۆمسیونا بلندا سه‌ربه‌خو یا هه‌لبژارتنان د راگه‌هاندنه‌كێ دا به‌لاڤكریه، ئه‌و لژنه‌یه هاتینه پێك ئینان بۆ پێداچوون ل گرێبه‌ستێن به‌رێ دا بكه‌ت تایبه‌ت بوون ب دابینكرنا ئامیرێن رۆژا هه‌لبژارتنان، پرۆسه‌یا ده‌نگدان و جوداكرنا ده‌نگان و راپۆرته‌ك ژی ده‌ربارێ پێدڤیێن لوجستی و ته‌كنیكی ئاراسته‌ی حكومه‌تا عیراقی دكه‌ت.
جڤاتا كۆمسیارا كۆمسیونا بلندا سه‌ربه‌خو یا هه‌لبژارتنان د راگه‌هاندنه‌كێ دا به‌لاڤكریه و تێدا هاتیه كۆ ئامیرێن جوداكرنا ده‌نگان كۆ ژلایێ كۆمپانیه‌كا كوری ڤه هاتینه دروستكرن ب هه‌ڤبه‌شی نوونه‌راتیا نه‌ته‌وه‌یێن ئێكگرتی و ئاژانسا ئه‌مریكا بۆ پێشڤه‌برنا نێڤ ده‌وله‌تی USAID، به‌حسی پێشخستنا ئه‌وان ئامێران نه‌هاته‌كرن كۆ كۆمپانیا به‌رهه‌م ئینانا ئامیری به‌رهه‌ڤیا خو ده‌ربریه بۆ گه‌شه‌پێدان و نووكرنا ئاماران ده‌ربریه.
به‌رهه‌ڤكاری بۆ هه‌لبژارتنێن پێش وه‌خت ئێكه ژ سوزێن مسته‌فا كازمی سه‌رۆك وه‌زیرێ عیراقێ یه كۆ د كارنامه‌یا حكومه‌تێ دا جهگرتیه، بۆ ئه‌ڤێ مه‌به‌ستێ ژی جڤاته‌كا نوو بۆ برێڤه‌برنا كۆمسیونا بلندا هه‌لبژارتنان دیاریكر.
كۆرۆنا بازرگانی كوردستانی بۆ نیوه دابه‌زاندووه
ئه‌ڤرۆ نیوز، عه‌زیز هه‌ورامی:
بڵاوو بونه‌وه‌ی ڤایرۆسی كۆرۆنا له كوردستان و ده‌وڵه‌تانی دراوسێ و ئاستی بازرگانی هه‌رێم له‌گه‌ڵ ده‌وڵه‌ته‌كان بۆ خوار نیوه دابه‌زییوه داهاتی گومرگیش بۆ نیوه زیاتر دابه‌زیوه.
ساماڵ عه‌بدولره‌حمان به‌ڕێوه‌به‌ری گشتی گومرگی كوردستان، به ئه‌ڤرۆ نیوزی ڕاگه‌یاند:” له سه‌رجه‌م ده‌روازه‌كانی بازرگانی هه‌رێمی كوردستان له‌گه‌ڵ ده‌وڵه‌تی توركیا و ئێران 50% ئاڵو گۆڕی بازرگانی كه‌میی كردووه ئه‌ویش به‌هۆی كاریگه‌ری كۆرۆنا و قه‌یرانی دارایی به رۆكی كوردستانی گرتوه‌ته‌وه”.
ساماڵ عه‌بدولره‌حمان وتیشی:” به‌راورد له‌گه‌ڵ قۆناخی سه‌ره‌تایی ڤایرۆسی كۆرۆنا ڕه‌وشی بازرگانی باشتر بووه، وه له‌گه‌ڵ باشتربوونی ڕه‌وشی بازاڕ و كه‌مبوونه‌وه‌ی قه‌یرانی دارایی به‌رزبونه‌وه‌ی نرخی نه‌وت و ئاسایی بونه‌وه‌ی مووچه ئه‌وه ئاستی بازرگانی باشتر ده‌بێت، كۆرۆنا و قه‌یرانی دارایی خواست له‌سه‌ر كاڵاكان له بازاڕ دابه‌زیوه، به‌تایبه‌ت كه‌مالیاته‌كان جوڵه‌ی بازرگانیان كه‌م بوه‌ته‌وه”.
هه‌روه‌ها ئاماژه‌ی به‌وه‌دا :” هاوڵاتییان زیاتر له بازاڕه‌كان خواستیان له‌سه‌ر ئه‌و پێداویستیانه‌ییه ڕۆژانه پێویستیانه جوڵه‌ی بازرگانیش زیاتر له‌و كاڵایانه‌یه هاوڵاتییان ڕۆژانه به‌كاری ده‌هێنن”.
ناوبراو زیاتر زانیاریداو گوتی:” له‌گه‌ڵ دابه‌زینی جووڵه‌ی بازرگانی داهاتی گومرگیش بۆ نیوه دابه‌زیوه، ئه‌م دابه‌زینی جوڵه‌ی بازرگانییه جیهانی گرتووه‌ته‌وه نه‌ك ته‌نها كوردستان”.
فرۆکێن تورکی گەلیێ بێشیلێ بوردۆمان کر
وه‌زاره‌تا ساخله‌میێ راگه‌هاندنه‌ك ل سه‌ر دوماهی ئامار به‌لاڤكر
ئه‌ڤ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه، كۆ ڤایرۆسێ كورونا كۆڤید 19 ل هه‌رێما كوردستانێ زێده‌باری رێكارێن خوپاراستنێ به‌ر به‌لاڤ بوویه كۆ ئه‌وێن هاتینه كه‌ره‌نتینه‌كرن 12422كه‌سن، هه‌تا نوكه 1058 وه‌لاتی مانیه د كه‌ره‌نتینه‌كرنێ دا، ل 24 ده‌مژمێرێن بوری دا 3559 پكشنین هاتینه كرن و ل پارێزگه‌ها هه‌ولێرێ 4 و ل سلێمانێ 48 و ئیدارا گه‌رمیان 2 و ئیدارا راپه‌رین 7 توشبوویێن كورونایێ هاتنه توماركرن.
د راگه‌هاندنا وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده تێدا هاتیه كۆ ژماره‌یا گشتی یا توشبوویێن ڤایرۆسێ كورونایێ كوڤید 19 ل هه‌رێما كوردستانێ 910 توشبوونن، دناڤا وان دا 16 كه‌س 441 كه‌س ژی ساخ بووینه و 453 كه‌س ژی ل بن چاڤدێریا نوژداری دانه.
نيشاندان
WP Facebook Auto Publish Powered By : XYZScripts.com