ئەڤرۆ نیوز:
وەزارەتا ساخلەمیا هەرێمێ راگەهاند: حالەتەکێ نوو یێ کۆرۆنایێ ل دهۆکێ هاتە تۆمار کرن، نوکە هژماراتوشبوویێن هەرێما گوردستانێ گەهشتە ٥٦٧ کەسان.
هەروەسا گۆتیە: د بەردەوامیا پشکنین و لێگەریانێ لدووڤ گۆمانلێکریان، حالەتەکێ نوو یێ کۆرۆنا یێ ل پارێزگەها دهۆکێ ھاتیە دەست نیشان کرن.
دیسان دیار کریە: کەسێ توشبوویی زەلامەکە د ژیێ ٣٦ سالیێ دایە و کارێ وی زێرەڤانی یە ل بالەفرخانا بەغدا و ئاکنجیێ قەزا سێمێلێ یە، پشتى ل بەغدا ڤەگەریایی پشکنین بۆ هاتینە کرن و ئەنجام پۆزەتیف بوویە.
ئەڤرۆ نیوز:
رێکخراوا کار یا جیهانی دیار کریە: گەنج زەرەرمەندێن هەرە مەزن یێن کاریگەریا ئابووری یێن کۆرۆنا یێ نە، ب رەنگەکێ پشتی دەرکەفتنا ڤی ڤایرۆسی هەر شەش گەنجان، ئێکێ کارێ خوە ژ دەستدایە، هەروەسا ل سەر ئاستێ جیهانێ 305 ملیۆن کەسان کارێن خوە ژ دەستداینە، پرانیا وان گەنجن و بتایبەتی کچان.
گای رایدەر، رێڤەبەرێ گشتی یێ رێکخراوا کار یا جیهانی دبێژیت: هەکە ل سەر بنەمایێ کێمبوونا دەمژمێرێن کارکرنێ ل سەرانسەری جیهانێ لێکدانەکێ بکەین، دێ بۆ مە دەرکەڤیت رێژا ژ دەستدانا کاری یەکسانە ب 305 ملیۆن کارێن هەمیشەیی.
هەروەسا گۆتیە: ئێک ل سەر شەشێ یا گەنجان کارێن خوە ژ دەستداینە و ئەوێن د کارێن خوە دا ماین دەمێ کارکرنا وان ب رێژا 23% کێمبوویە، ئەو گەنجێن ژیێ دناڤبەرا 15 بۆ 24 سالیێ دا، پشتی دەرکەفتنا کۆرۆنا یێ د کارکرنێ دا بەردەوامبووینە، 75% ژ وان کارێ وان یێ دەمکیە و داهاتەکێ کێم ب دەست دکەڤیت.
هەروەسا بەری دەرکەفتنا کۆرۆنا یێ، رێژا بێکاریێ دناڤا گەنجاندا 13.6% بوو، کو ژ هەموو چینێن دی زێدەتربوو، ب جۆرەکێ نێزیکی 267 ملیۆن گەنجان د بێکاربوون.
ئه‌ڤرۆ نیوز:
كوچكا سپی راگه‌هاند دونالد تره‌مپ بریاره‌ك ده‌ربارێ كۆمپانیه‌كا تورێن جڤاكی ده‌رخست، به‌لێ هیرده‌كاریێن وێ بریارێ دیار نه‌كرن.
سه‌رۆكێ ئه‌مریكا دونالد تره‌مپ گه‌فێن داخستنا تورێن جڤاكی كر كۆ ناكوكی یێن وان ل گه‌ل تویته‌ری دروست بووینه و په‌یمان ژی دایه تورا جڤاكی یا تویته‌ری كۆ پێنگاڤێن بهێت دێ یین مه‌زن و گرنگ بن.
تره‌مپ د رێكا هژمارا خو یا تویته‌ری دا به‌لاڤكریه كۆ كۆماری هه‌ست دكه‌ن ب رێكا تورێن جڤاكی ده‌نگێن وان هاتینه بێ ده‌نگ كرن، دێ وه‌كه‌ین تورێن جڤاكی كارێ خو یێ ب دروستی ئه‌نجام بده‌ن یان دێ ئه‌وان تورێن جڤاكی پێ گرین.
ئەڤرۆ نیوز:
وەزارەتا ساخلەمیا هەرێما کوردستانێ دیار کر: 16 کەسێن دی ل سلێمانیێ تووشی ڤایرۆسێ کۆرۆنا یێ بوون، کو هەشت زەلام و شەش ژن، کچەک و کورەکێ گەنجن.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان، شازدە تووشبوویێن دی یێن ڤایرۆسێ کۆرۆنا یێ ل سلێمانیێ هاتنە دەست نیشانکرن، هەشت زەلام و شەش ژن و کچەک و کورەکێ گەنجن، چاردە تووشبوویی بەرکەفتیێن تووشبوویێن بەرێنە، دو تووشبوویێن دیتر نیشانا وێ نەخۆشیێ ھەیە، ھەموو ژی خۆجهێن ناڤا باژێرێ سلێمانیێ نە.
ئەڤرۆ نیۆز،قائید میرۆ:
ئەڤسالە ٤٤ د بۆرن لسەر دەستپێکرنا شۆڕشا گولانێ و فەرماندەیەکێ پێشمەرگەی ژی ئاماژەکر، پێشمەرگە شیا بەرسینگا مەزنترین رژێما ستەمکار ل دەڤەرێ بگریت و دبێژیت، سەرۆک بارزانی ژی رۆلەکێ بەرچاف د شۆڕشا گولانێ دا ھەبو.
رەشید یاسین یێ بەرنیاس ب رەشێ بانیێ فەرماندێ پێشمەرگەی بۆ ئەڤرۆ نیۆز دیارکر” رێکەفتناما خیانەتکاریا جەزائیر بۆ ئەگەرێ ڤێ چەندێ شۆڕشا ئیلوولی بھێتە راگرتن، بەلێ پێشمەرگە یێ بەرھەڤنەبو خۆ رادەستی چو دوژمنەکی و چو دەولەتەکێ بکەت، ھەرچەندە کاودانێن وی سەردەمی د بەرتەنگ بوون، بەلێ ئەم چووینە بەرەف دەڤەرێن سینوری پشتی کو ئەم شیاین وەک پارتی و پێشمەرگەیێن بارزانی خۆ رێک پێخین دوبارە ئەم ڤەگەڕیاین و بە فەرماندەیی و پشکداریا راستەوخۆیا سەرۆک بارزانی و شەھید ئیدریس ئێکەم چریسکا شۆڕشا گولانێ ل ٢٦ی ھەیڤێ ل حاجی ئومەران ھاتە ھەلکرن.
پێشمەرگەی د شۆڕشا گولانێ دا گورزێک کوژەک ل ھێزێن رژێمێ دان
رەشید یاسین، کو پشکداریەکا کارا د شۆڕشا گولانێ دا ھەبو خویاکر” سەرۆک بارزانی رۆلەکێ بەرچاف د شۆڕشا گولانێ دا ھەبو، ھەرچەندە ئەرکێ سەرۆک بارزانی ل ھەموو کەسەکێ گرانتربو، چونکە ژبلی سەرپەرشتیکرنا ھێزێن پێشمەرگەی مە بھزاران ئاوارە ل ئیرانێ ھەبوون د رەوشەکا دژواردابوون و کارۆبارێن حزبێ ھەبوون، بەلێ ب ھەموو شیانێن خوە سەرۆک بارزانی دگەل شۆڕشێ بو.
ئەڤی فەرماندێ شۆڕشێ گۆتژی” پێشمەرگەی د شۆڕشا گولانێ دا ب گیانەکێ کوردایەتی و تژی ڤیان بەرسینگا مەزنترین رژێما ستەمکار دگرت و چەندین گورزێن کوژەک ل ھێزێن دوژمنی دان، ژوانژی داستانا داستانا ناڤودەنگا خواکۆڕکی ھاتە تۆمارکرن و ل زاخۆ ھەتا ناف بەرواریا و دگەھیتە شیلادزێ و دەڤەرا بارزان و حاجی ئومەران و بۆ دەڤەرا سلێمانیێ رۆژانە پێشمەرگەیێن پارتیزان چالاکی ھەبوون.
ئەڤرۆ نیوز:
ژێدەرەکێ ژ وەزارەتا خواندنا بلند یا هەرێمێ دیار کر: بریار هاتیەدان دووماهیێ ب خواندنا ئەڤ سالە ل زانکۆ و پەیمانگەهێن سەر ب خواندنا بلند بینن و قوتابی ئەزموونێن دووماهیا کورسێ دویێ نەکەن، ل جهێ وێ ژی دێ نمرێن کۆرسێ ئێکێ بۆ هێنە هژمار تن.
ئەڤرۆ کۆمبوونا وەزارەتا خواندنا بلند ب شێوێ ئۆنلاین بڕێڤەچوویە و تێدا هاتیە، دووماهی پێشنیار و ڕاسپاردە ل سەر خواندنا ئەڤ سالە هاتینە گۆتۆبێژ کرن.
ئه‌ڤرۆ نیوز:
رێكخراوا ساخله‌میا جیهانێ تاقیكرن و بكارئینانا ده‌رمانێن هایدروكسی كلوروكین بۆ چاره‌كرنا توشبوویێن ڤایرۆسێ نه‌هێته بكارئینان، چونكۆ چاره‌سه‌ركرنێ كارتێكرنا خو نه‌بوو و زیان بۆ توشبوویان هه‌بوویه.
پشتی لگۆری ڤه‌كۆلینه‌كێ، كۆ ل رۆژا هه‌ینیێ ل گۆڤارا نوژداری یا زه‌لانسیت هاتیه به‌لاڤكرن و تێدا هاتیه ئاشكراكرن، كۆ بكار ئینانا كلوروكین و پێكهاته‌یێن دی وه‌ك هایدروكسی كلوروكین ل دژی كورونایێ كارتێكرن نه‌بوویه، به‌لكۆ زیان به‌خش بوویه، له‌ورا رێكخراوا ساخله‌میا جیهانێ ب شێوه‌یه‌كێ ده‌مكی تاقیكرن ل سه‌ر ده‌رمانێ هایدروكسی كلوروكین بۆ چاره‌سه‌ركرنا توشبوویان نه‌هێته بكارئینان، كۆ بخو د بنه‌مادا دژی نه‌خوشیا مه‌لاریا دهاته بكار ئینان.
تیدروس ئه‌دهانوم گیبریسون رێڤه‌به‌رێ گشتێ یێ ساخله‌میا جیهانێ د كۆنگره‌یه‌كێ رۆژنامه‌ڤانی دا بریارا رێكخراوێ دوپات و راگه‌هاند بریار پشتی ڤه‌كۆلینه‌كا گۆڤارا نوژداری زه‌لانسیت هاتیه به‌لاڤكرن، بكار ئینانا ده‌رمانێن كلوروكین ل به‌رهنگاربوونا ڤایرۆسێ كورونادا زیانبه‌خشه ل شوونا مفا وه‌رگرتنێ.
ئەڤرۆ نیۆز، رێوار محەمەد رەشید:
بژار خالد عزێر کۆچەر، سەرۆکێ لژنا قانوونی ل پەرلەمانێ کوردستانێ راگەهاند کو هەلبەت ئەو پەيامێن د گوتارا دوهی رۆژا 22/5/2020 یا (مەسرور بارزانی) سەرۆكێ حوکمەتێ دا هاتين، پەيامێن روهن و ئێكسەر بوون، گەلەك بابەتێن گرنگ گرێدایى سياسەتا كابينا نوى يا حوکەمەتا هەرێمێ و لێكتێگەهشتنا هەولێر و بەغدا، ئابوور و داهات و بەرفرەهـكرنا پشت بەستنا ئابوورى نه بتنێ ل سەر نەفتێ، جێبەجێكرنا قانوونا چاكسازيێ، باشتركرنا پێشكێشكرنا خزمەتگوزاريان، هاتنه دياركرن.
سەرۆکێ لژنا قانوونی ل پەرلەمانێ کوردستانێ گۆت : “من دڤێت لڤێرێ ئاماژه ب قانوونا چاكسازيێ بدەم، قانوونا چاكسازيێ ئێك ژ وان باشترين قانوونانه هەر ژ دەستپێكا پەرلەمانێ كوردستانێ تا نوكه پەسەند بووى، ئەگەر وەك خوە بهێتە جێبەجێكرن دێ پارەکێ زوور بۆ حوکمەتێ زڤريت هەروەسان دادپەروەريەكا ئيدارى و جڤاکی دێ پەیدا بیت ب تاييبەتى ل سەر ئاستێ فەرمانبەر و مووچه خوران، يا دياره ئەڤ قانوونە پرۆژێ پارتى بوو ل ھە لبژارتنێن پەرلەمانێ كوردستانێ و دووڤ دا ئێك ژ خالێن گرنگێن كارناما كابينا نەهێ بوو، بڤێ چەندێ پارتى بەرنامێ خو يێ هەلبژارتنان دەستپێكر، سەرەراى دروستكرنا چەند كێشه و رێگريا ل بەردەم پەسەندکرنا پرۆژێ ڤێ قانوونێ ھەتا جێبەجێكرنا ڤێ قانوونێ، لێ دوهی د گۆتارا سەرۆكێ حوکمەتێ دا زوور ب روهنى هات كو دێ ئەف قانوونە هێته جێبەجێكرن و جەنابێ وى دێ هێته بەرەيێ خەلكى”.
ناڤهاتی گۆت : “جێبەجێكرنا قانوونا چاكسازيێ بوویە هيڤييا زۆربەيا خەلكى ب تاييبەتى تەخا فەرمانبەر، مووچه خوران و ڤی خەلکی ب خوە ژی باوەری ب دووپاتیا سەرۆکێ حوکمەتێ ھەیە بۆ چاکسازیێ، لەوما ب جێبەجێكرنا وێ ئەف خەلكه ب خوە ژى دێ هێنه بەرەيێ كابينا نەهێ ب سەرۆكاتيا (مەسرور بارزانى)”.
ئه‌ڤرۆ نیوز:
ئه‌مریكا ژ رێكه‌تنا ئاسمانێ ڤه‌كری په‌شێمان بوو كۆ دناڤبه‌را 35 وه‌لاتان ل 2002 هاتیه ئیمزاكرن.
دونالد تره‌مپ سه‌رۆكێ ئه‌مریكا راگه‌هاند په‌یوه‌ندیه‌كا باش مه ل گه‌ل روسیا هه‌یه، به‌لێ روسیا پێگیر نه‌بوویه ژ رێكه‌تنا ئاسمانێ ڤه‌كری، له‌ورا ئه‌وی ده‌مێ روسیا پێگیر نه‌بیت ب په‌یماننامه‌یێ ئه‌مریكا دێ خۆ ڤه‌كێشینیت ژ وێ رێكه‌تنێ.
به‌رپرسێن كوچكا سپی راگه‌هاندن كۆ روسیا برگه‌یێن رێكه‌تنامه‌یێ بن پێكرینه له‌ورا ب فه‌رمی ژ رێكه‌تنێ ل ماوه‌یێ 6 هه‌یڤان دێ خۆ ژێ ڤه‌كێشین، ئه‌ڤ چه‌نده ژی پشتی دانوستاندن لسه‌ر رێكه‌تێ هاتیه‌كرن، گه‌هشتینه ئه‌وی ئه‌نجامی كۆ دبه‌رژه‌وه‌ندا ئه‌مریكا دا نینه، له‌ورا ژ رێكه‌تنێ په‌شێمان بووین.
هه‌مبه‌ر ئه‌ڤێ چه‌ندێ، وه‌زاره‌تا ده‌رڤه‌یا روسیا راگه‌هاند: وه‌لاتێ وی چ بن پێكرن نه‌كرینه و دشیێن ل سه‌ر ئاریشه‌یێن ته‌كنیكی دانوستاندنێ بكه‌ین، كۆ ئه‌مریكا ب خه‌له‌ت و بن پێكاری دزانیت.
په‌یماننامه‌یا ئاسمانێ ڤه‌كری ل سالا 2002 دناڤبه‌را 35 وه‌لاتێن جیهانێ هاته ئیمزاكرن، ئارمانج ژ ئه‌ڤێ رێكه‌تنێ رێگرتن ژ هێرشان و وه‌لاتێن ئه‌ندام دشیان فرۆكه‌یێن بێ چه‌ك بۆ سیخوریێ بهنێره سه‌ر وه‌لاتێن ئێك.
ئەڤرۆ نیوز:
ئه‌حمه‌د سه‌فار، بریارده‌رێ لژنا دارایى ل په‌رله‌مانێ عیراقێ دیار کریە، کو كورتهێنانا بۆدجێ عیراقێ گه‌هشتیه 69 ترلیۆن دیناران.
هەروەسا لژنا دارایى یا پەرلەمانێ عیراقێ، پێشبینى كریە کو سالا 2020 بێ په‌سه‌ندكرنا بۆدجه‌ى بهێته ده‌ربازكرن.
د هەمان دەمدا، حه‌نین قه‌دۆ ئه‌ندامێ لژنا دارایى ل پەرلەمانێ عیراقێ راگه‌هاندیە: لژنا دارایى داخواز ژ حوکمه‌تا عیراقێ كریه، پشتى جه‌ژنا ره‌مه‌زانێ بۆدجێ سالا 2020 ره‌وانه‌ى په‌رله‌مانى بكه‌ن، داكو گوتۆبێژ ل سه‌ر بهێته كرن و ده‌نگ ل سه‌ر بهێته دان.
ناڤهاتی گوتیە ژى: هەکە هات و پشتى جه‌ژنا رەمەزانێ ژى بۆدجه نه‌گه‌هشت و گیرو بوو، ئه‌ڤه سالا 2020 بێی هه‌بوونا بۆدجه‌ى دێ تمام بیت.
نيشاندان