ئهڤرۆ نیوز:
ب بهرههڤبوونا ئهندامێن لژنا ئهوقافێ ل پهرلهمانێ كوردستانێ، ناڤێن وهلاتیێن كو دێ ئهڤ ساله قهستا مالا خودێ كهن هاتنه راگههاندن، كو بڕیاره ئهڤ ساله 4800 كهس سهفهرا حهجێ بكهن.
ئهڤرۆ نیوز:
ڤلادیمیر پوتن سهرۆكێ روسیا پرۆژه یاسایهك پێشكێشی پهرلهمانێ وهلاتێ خۆ كر، كۆ تێدا دهستورێ وهلاتی ب شێوهیهكێ بهرچاڤ گوهوریه و ژ وان گوهورینان ژی دهسهلاتێن خۆ كێم كرینه و دهسهلاتا وهزیر و والی و سهرۆك وهزیران زێدهكرینه.
بریاره ل چهند رۆژێن بهێت پهرلهمانی روسیا دهنگی ل سهر پرۆژهیێ بدهت كۆ پوتنی پێشكێشی پهرلهمانی كریه، ژ 1993 ههتا نوكه ئهڤه جارا ئیكێ یه بڤی شێوهیی دستورێ روسیا گوهورین ب سهر دا بهێت.
د وێ پرۆژهیێ دا، پوتنی بۆ پهرلهمانی شاندیه، كۆ ئێك ژ برگهیێن وێ پرۆژهی پۆستێ سهرۆك و سهرۆك وهزیران و والی یان وهزیر و دادوهران دڤێت ناسنامهیا چ وهلاتێن دی نهبیت.
شێخان، بارزان مزووری:
بهرپرسێ بنگههێ ڤێتێرنهری ل ناحیا قهسرۆك دیار كر، كومپانیهكا باشورێ عێراقێ بهرامبهری 540 تهنێن گوشتێ پهلهوهران یێن دهڤهرێن شێخان و ئاكرێ دێ ملیارهك و 53 ملیون دیناران رهوانهی ههرێما كوردستانێ كهت.
د. عیماد مستهفا، بهرپرسێ بنگههێ ڤێتێرنهری ل ناحیا قهسرۆك بۆ رۆژناما ئهڤرۆ دیار كر، كۆمپانیهكا باشورێ عێراقێ گرێبهستهك ل گهل سهربرخانا مریشكا یا ئاكرێ و ل گهل حهفت پرۆژێن مهزن یێن خودانكرنا پهلهوهران ل قهزایێن شێخان و ئاكرێ گرێدایه، ههر ئێك ژ وان پرۆژان 30 بۆ 50 هزار پهلهوهران ب خودان دكهت و بۆ ماوێ 40 رۆژان دا، ل دووڤ مهرجێن گرێبهستا دناڤبهرا وان كو سهربرخانا ئاكرێ دێ وان مریشكا سهر ژێ كهت دیسان دێ دناڤ زهرفهكێ تایبهت دا دانیت و ناڤێ كومپانیێ ل سهربرخانێ دێ ل سهر وی زهرفی هێته دانان.
زێدهتر گۆت: كومپانی دێ مریشكا ئێك1 كیلۆ و 300 گۆرام وهرگریت، ههتا ئێك كیلۆ 950 گۆرام، بهایێ ههر كیلویهكێ 1900 دینارا بهایێ وان ئهرزانتربیت و گرانتربیت د ناڤ بازاری دا. كومپانی دێ ب ڤی بهای مریشكا وهرگریت و بۆ ماوێ شهش ههیڤان ههر پرۆژهیهكی گرێبهست یا ب دلی نهبیت دشێت گرێبهستا خۆ ههلوهشینیت، بهلێ كومپانی دێ بهردهوام بیت دگهل وان پرۆژێن دی و سهربرخانا ئاكرێ، ئهگهر جهێن شولهژێ زێدهتر پشتهڤانیا ڤێ كومپانیێ بكهن دێ دووهم گرێبهست د داهاتی دێ پرۆژێ خۆ بهرفرهتر لێ كهت، ژبهركۆ د نها دا بۆ ماوێ 40 رۆژان دا دێ ئێك ملیار 53 ملیون دینارا رهوانهی ههرێما كوردستانێ كهت بهرامبهری 540 تهنێن گوشتێ پهلهوهران یێن دهڤهرێن شێخان و ئاكرێ.
بهرپرسێ بنگههێ ڤێتێرنهری ل ناحیا قهسرۆك ئاشكهرا ژی كر كو ئهڤ گرێبهستا د بهرژهوهندیا ههرسێ لایان دایه، تایبهت خودانێن پرۆژێن پهلهوهران، ژ بهر كۆ بهایێ مریشكا ههر رۆژهكێ ب شێوهیهكی یه و گهلهك جاران بها دگههیته وی ئاستی خودانێ پرۆژهی زێدهتری 20 ملیون دیناران زیان پێ دكهڤن و دگههیته وی ئاستی خودانێ پرۆژهی دووباره پهلهوهران ب خودان نهكهت.
ل دوماهیێ ژی گۆت: ل قهزا شێخان زێدهتری 52 پرۆژێن خودان كرنا پهلهوهرا یێن ههین بۆ ماوێ ئێك سال دا ئێك ملیون پهلهوهرا خودان دكهت ب بهایێن جوراو جۆر دهێنه فرۆتن.
ئهڤرۆ نیوز:
سهقا ناسیا ههرێمێ راگههاند: باران بارین دێ بهردهوام بیت ل دهڤهرێن چیایی ژی ئهگهرێ بهفر بارینێ ژی ههیه و زۆر ترین رێژا باران بارینێ ل ناحیا بجێل بوویه.
رێڤهبهریا گشتی یا سهقا ناسیێ و بیڤهلهرزان ل ههرێما كوردستانێ پێشبینێن دو رۆژێن بهێت بهلاڤكر، لگۆری پێشبینیان باران بارین دێ بهردهوام بیت و ل دهڤهرێن چیایی بهفر باریت.
رێڤهبهریا گشتی یا سهقا ناسیێ دیاركر ژی ل دهمێ 24 دهمژمێرێن بوری ل دڤهرێن جودا جودایێن ههرێمێ باران باریه و زۆرترین رێژا باران بارینێ ل ناحیا بجێل باریه كۆ 11.3 ملیم بوویه.
ئهڤرۆ نیوز:
فرانس فیلیپ شامپانی وهزیرێ دهرڤهیێ كهنهدا ل گهل محهمه جهواد زهریف وهزیرێ درڤهیێ ئیرانێ ل عومانا پایتهختێ ئوردنێ كۆمبوون.
د وێ كۆمبوونا دناڤبهرا وهزیرێ دهرڤهیێن ههردو وهلاتان ل سهر ئێخستنا بالهفرا ئوكرانی ل تارانێ بوو كۆ ب بو ئهگهرێ كوشتنا 57 كهسێن كهنهدی.
وهزیرێ دهرڤهیێ كهنهدا ل گهل وهزیرێن دهرڤهیێن پێنج وهلاتێن پهیوهندیدار ل ب ئێخستنا بالهفرا ئوكرانی كۆمبوو و ههر پێنج وهلات ئهو ژی كهنهدا و ئوكرانیا و سوێد و بریتانیا و ئهفغانستان و داخاز ژ ئیرانێ كر قهرهبوویا بنهمالێن قوربانیێن وێ كارهساتێ بكهن.
سهرۆك وهزیرێ كهنهدا دیار كربوو كو ئهو دێ ههر بنهمالهكا قوربانیێن وێ كارهساتێ 25 ههزار دۆلارێن كهنهدی دهینێ.
ئهڤرۆ نیوز:
گهفێن ئیرانێ و میلیشیێن حهشدا شهعبی ل عیراقێ دژی ئهمریكا ب تایبهتی پشتی كوشتنا قاسم سلێمانی و ئهبو مههدی ئهلموههندس ل بهغدا د بهردهوامن و ل دووماهی داخۆیانیا خوه دا، سهرۆكێ ئیرانێ حهسهن روحانی دوهی چارشهمبی 15/1/2018 گهف ل سهربازێن ئهمریكی ل عیراقێ كرن، ل دووڤ شروڤهكاران بنگههێن لهشكرێ ئهمریكی ل ههرێما كوردستانێ كو هژمارا وان چار بنگههن د رهوشهكا ئهمنی یا باش دانه ههمبهركرن ل گهل بنگههێن لهشكرێ ئهمریكی ل دهڤهرێن دی یێن عیراقێ.
پشتی كونسۆلخانا ئهمریكی ل بهسرا تووشی هێرشهكێ ب مووشهكان بووی، دهڤهرا باشوورێ عیراقێ ب تمامی چۆل ببوو ژ ههبوونا ئهمریكی ل سهر ئاستێ بنگههێن لهشكری و نوونهرایهتیێن دبلوماسی.
سهرهرای بهرسڤا ئیرانێ ل سهر وێ هێرشا ئهمریكی كو دژی بنگههێ عهینولئهسهد ل ئهنبار وهكو تولڤهكرنهك بۆ كوشتنا سلێمانی ئهنجامدای، بهلێ میلیشیێن چهكدار ل عیراقێ ههتا نوكه ژی گهفێن تولڤهكرنێ ژ كوشتنا وان ههردو كهسان و دهركرنا هێزێن ئهمریكی ژ بنگههێن ل عیراقێ ههین دكهن.
هژمارا هێزێن ئهمریكی ل عیراقێ 6 هزار سهرباز كو ل سهر چهند بنگههێن لهشكری د بهلاڤكرینه و ل ههموو وان بنگههان جهێن تایبهت بۆ فرۆكێن F16 یێن ههین، د دهمهكی دا پشتی توپبارانكرنا كۆنسولخانا ئهمریكی ل سالا 2018 وههتا نوكه چو ههبوونا ئهمریكی ل ههموو دهڤهرێن باشوورێ عیراقێ ل سهر ئاستێ بنگههێن لهشكری و نوونهرایهتیێن دبلوماسی نینه.
ل دووڤ پێزانینێن دو ئهفسهرێن عیراقی ل بهسرا و زیقار، پارێزگههێن بهسرا و زیقا و ههموو پارێزگههێن دی ل باشوورێ عیراقێ د ڤالانه ژ ههبوونا لهشكرێ ئهمریكی، تنێ هژمارهكا كێم یا سهربازێن ئهمریكی ل بنگههێ ئیمام عهلی یێ لهشكری ل ناسریه ههبوو، بهلێ ئهوژی بهری سالهكێ یێن هاتینه ڤهكێشان، ل بهسرا ژی تنێ نوونهراتیهكا دبلوماسی یا ئهمریكی لێ ههبوو، بهلێ ئهڤه چهندین ههیڤه فهرمانبهرێن وێ یێن ئهمریكی لێ نهماینه.
ل دووڤ هندهك ژێدهران ژی شێوێ بهلاڤكرنا بنگههێن لهشكرێ ئهمریكی و ههڤپهیمانیا نێڤدهولهتی ل عیراقێ و گرنگیا وان و ئهو گرۆپ و میلیشیێن چهكدار ئهوێن ژسنوورێ وان بنگههان د نێزیك و بهرێ چهكێن خوه دایه وان بنگههان، ب ڤی شێوهیه:
– بنگههێ ئهنكادا
مهزنترین بنگههێ لهشكرێ ئهمریكی یه ل عیراقێ، دكهڤیته پارێزگهها سهلاحهدین و رووبهرێ وی 30 كلم كو ههمان بنگههێ بهكر یێ ئهسمانی یێ عیراقی یه كو ب (بنگههێ ئهنكادا) دهێته نیاسین وهكو ئاماژهك بۆ فرۆكهڤانهكێ ئهمریكی كو بهری 12 سالان ل وێ دهڤهرێ هاتبوو كوشتن و ئهو بنگههێ لهشكری وهكو سهنتهرێ كونترۆلێ یه ل سهر فرۆكێن F16 یێن ئهمریكی یه وهژمارا سهرباز و شیرهتكارێن ئهمریكی ل وی بنگههی دگههیته 500 كهسان، زێدهباری چهندین كهسێن دی ژ رهگهزنامێن جودا جودا، زێدهباری ههبوونا نیڤا فرۆكێن لهشكرێ عیراقێ و فرۆكهڤانێن وی ل گهل هندهك سهربازێن دی یێن عیراقی كو هژمارا وان دگههیته سێ هزار كهسان و گرۆپێن حزبوللا و عهسائیب ئهلهولحهق و سهربازێن ئیمام عهلی نێزیكی وی بنگههی یێن ههین.
– بنگههێ سپایكهر
ههبوونا لهشكرێ ئهمریكی ل ڤی بنگههی یا بهردهوام نینه و ههر ئێك ژ میلیشیێن كهتائیب حزبوللا و عهسائیب ئههلولحهق و سهربازێن ئیمام عهلی نێزیكی وی بنگههی ههبوون یا ههی.
– بنگههێ عهینولئهسهد
دهێته هژمارتن ئێك ژ بنگههێن گرنك ل عیراقێ و دكهڤیته پارێزگهها ئهنبار ل رۆژئاڤایێ عیراقێ و دهیته هژمارتن بنگههێ دویێ ژ روویێ گرنگیێ، كو مهزنترین بهرپرسێن ئهمریكی سهرهدانا وی بنگههی دكهن وهكو دۆنالد ترامپ سهرۆكێ ئهمریكا ل بێهنڤهدانا سهرێ جهژنا ژدایكبوونا حهرزرهتێ عیسایێ مهسیح ل سالا 2018، ههروهسا دو سهرۆكێن ئهمریكی یێن بهرێ ئهوژی ههر ئێك ژ جورج بوشێ كور ل ههیڤا 12 سالا 2018 وباراك ئوباما ل نیسانا 2009.
ل دووڤ هندهك ژێدهرێن عیراقی یێن ئاگههدار ئهڤ بنگههه ب رێژا دو كلم یێ بچووكتره ژ بنگههێ بهكر، بهلێ یا گرنگه ژبهر نێزیكیا وی ژ بهغدا پایتهخت و هژمارهكا مهزنه شیرهتكارێن ئهمریكی كو هژمارا وان ل گهل سهربازان دگههیته 400 كهسان، زێدهباری ههبوونا لهشكرێ عیراقێ ل وێرێ”. زێدهباری هژمارهكا شیرهتكارێن ئهمریكی ب فرۆكێن خوهڤه ل بنگههێ حهبانیه، و میلیشیا حهشدا عهشائیری یا لایهنگرا حهشدا شهعبی یێن ل دهوروبهرێن وی.
– گهیاره
هژمارا مهزن یا سهرباز و شیرهتكارێن لهشكری یێن ئهمریكی ل دو بنگههان ل باشوور و ناڤهراست مووسلێ یێن ههین كو هژمارا وان دگههیته 700 كهسان و چهكێ تۆپ هاڤێژ ژی لێ ههیه، ههروهسا سهربازێن هندهك وهلاتێن دی ژی یێن لێ ههین و نێزیكترین بارهگایێ حهشدا شهعبی تنێ 100 مهتران ژ بنگههێ ل ناڤهراست مووسل یێ دووره”.
– كهی 1
بنگههێ ئهسمانی و لهشكرێ یێ ئێكانه یێ ئهمریكا یه ل كهركووكێ و دهێته هژمارتن بچووكترین بنگههێ لهشكرێ ئهمریكی ل پارێزگههێن عیراقێ یێن رزگاركری ژ دهستێ داعشێ كو 5 فرۆكێن F16 و 150 سهرباز و شیرهتكارێن لهشكری یێن لێ ههین و بارهگایهكێ گرۆپێ رێكخراوا بهدر یێ سهر ب حهشدا شهعبی نێزیكی وی بنگههێ لهشكری یێ ئهمریكی یێ ههی.
ل دووماهیا مهها كانوونا ئێكێ 2019 د هێرشهكا ب مووشهكان ل سهر وی بنگههێ لهشكری یێ ئهمریكی، وهلاتیهكێ ئهمریكی هاته كوشتن ل وچهندین سهربازێن ئهمریكی ژی هاتنه برینداركرن.
– فكتوریا
ئهڤ بنگههه دكهڤیته دناڤ بنگههێ ئهسمانی یێ ئهمریكی ل بهغدا كو دهێته هژمارتن ئێك ژ بنگههێن لهشكرێ ئهمریكی یێن گرنگ كو دكهڤیته نێزیك بالیۆزخانا ئهمریكی ل بهغدا و جههكێ تایبهت ب دادانا فرۆكان یێ لێ ههی و هزار سهرباز و شیرهتكارێن لهشكری یێن ل ڤی بنگههی ههین.
ل هندهك شارهزا و چاڤدێران ئهڤ بنگههه ئێك ژ دو بنگههێن لهشكرێ ئهمریكی نه ل بهغدا كو بنگهههكێ دی یێ ل دهڤهرا تاجی ل بهغدا ههی، بهلێ پێشبینیا هژمارا سهربازێن لێ ههین یا ب زهحمهته ب تایبهتی ل گهل پێشڤهچوونێن رهوشێ عیراقێ، شارهزایێ وارێ ئێمناهیێ یێ عیراقی (هیشام ئهلهاشمی) هاتنا كاروانهكێ لهشكرێ ئهمریكی بۆ سهربازگهها تاجی ل 7/1/2020 و دانانا فرۆكێن لهشكری ب كهلوپهلێن زێدهڤه ئاشكرا كربوو.
– بنگههێن لهشكرێ ئهمریكی ل ههرێما كوردستانێ
چار بنگههێن لهشكرێ ئهمریكی یێن ل ههرێما كوردستانێ ههین كو دو ژ وان بنگههان ل ههولێرێ نه كو ئێك ژوان ل نێزیك فرۆكخانا ههولێرێ یا نێڤدهولهتی یه كو ژ بلی ئهمریكیان، شیرهتكار و مهشقكار و سهربازێن ههڤپهیمانیا نێڤدهولهتی ژی یێن لێ ههین كو توپ هاڤێژ و جههكێ تایبهت بۆ دادانا فرۆكان ژی لێ ههیه.
ل دووڤ هندهك شروڤهكاران ئهڤ بنگههه دهێته هژمارتن باشترین بنگههێن ئهمریكی ل عیراقێ ژ روویێ ئێمناهیێ ڤه و گرنگیا وی بنگههی ژی ئهوه كو دهێته بكارئینان وهكو سهنتهرهكێ پشتهڤانیێ بۆ بنگههێن لهشكری یێن ئهمریكی ل دهڤهرێن رزگاركری ژ داعشێ، ههروهسا دهێته هژمارتن وهكو بنگهههكهك بۆ پاراستنا كونسۆلخانا ئهمریكی ل ههولێرێ و هژمارا سهربازێن شیرهتكارێن تێدا دگههیته 3 هزار كهسان.
ههروهسا بنگهههكێ دی یێ ئهسمانی یێ ئهمریكی ل دهڤهرا حهریر ل ههولێرێ یێ ههی و ئێك ژی ل زاخۆ و ئێك ژی ل ههلهبجه و ههموو ئهو بنگههێن لهشكری یێن ئهمریكی ل ههرێما كوردستانێ د بارهكێ باش یێ ئێمناهیێ ههمبهركرن ل گهل بنگههێن دی یێن لهشكرێ ئهمریكی ل عیراقێ.
ئهڤرۆ نیوز:
وهزیرێ كارۆبارێن شههیدان و ئهنفالكریان دیاركر ئهو منحهیا كهس و كارێن شههیدان و زیندانیێن سیاسی ب چ شێوهیهكی دهستكاری تێدا ناهێتهكرن.
عهبدللا مهحمود محمهد وهزیرێ كارۆبارێن شههیدان و ئهنفالكریان راگههاند: وهك حوكمهت و وهزارهتا شههیدان و زیندانیێن سیاسی پشت راستیێ ددهین كۆ ئهو دهستكاریا وێ منحهیا وان ناهێتهكرن،ل دهمێن بهێت كار كهین ژبوی منحهیا كهس و كارێن شههیدان وهك ئیك لێ بكهین چونكو شههید ههر شههیده و نابیت پلهبهندی و جوداهی دناڤبهرا شههیدان بهێتهكرن، نههێلانا جوداهی و دروستكرنا دادپهروهریێ دناڤبهرا تهڤایا مووچهخورێن ههرێما كوردستانێ.
ئهڤرۆ نیوز:
سهرۆك كۆمارێ ئیرانێ راگههاند روودانا ئێخستنا بالهفرا ئوكرانیا نابیت دووباره بیت، پێدڤیه پێداچون بۆ یاسایێن سیستهمێ بهرهڤانیا وهلاتێ داخۆدا بكهین.
حهسهن روحانی سهرۆك كۆمارێ ئیرانێ ئهو چهنده ژی راگههاند: ئهوێن بالهفرا ئوكرانیا ئێخستنینه خوارێ ههر ئهون یێن ئاسایشا وهلاتی مسوگهر كرین، بهلێ دڤێت بهرپرسێن وێ روودانێ بهێنهدادگههكرن، ئیران دێ بهرسڤا كۆشتنا قاسم سلێمانی فهرماندهیێ بهرێ یێ سوپایێ پاسدارێن ئیرانێ دهت ژی ب دهرئێخستنا ئهمریكا ل دهڤهرێ گرنگ نینه ئهو كار چهند دهمی ڤهكێشیت و هێرشا مه بۆ سهر بنگههێ عهین ئهسهد یێن هێزێن ئهمریكا ل عیراقێ رامانا وێ ئهو نینه خلاس و دهستا دابهێلین ژ تولڤهكرنێ، بهلكو دێ بهردهوام بین بۆ تولڤهكرنێ ژ ئهمریكا.
سهرۆك كۆمارێ ئیرانێ ئهو چهنده ژی گۆت: ئهمریكا تاوانباره ژ تێكدانا ئاسایشا دهڤهرێ و دهستێوهردانا كارۆبارێن لبنان و عیراقێ و لیبیا و سوریا و ب تالانبرنا پترۆلا وان وهلاتان، ئهو كار ل بهرژهوهندا چ لایهنهكی دی نابیت ژی زیان بۆ بهرژهوهندیێن ئاسیا و ئهورۆپا ئهمریكا ژی ههنه.
سهر رێكهتنا ئهتومی، سهرۆك كۆمارێ ئیرانێ رهخنه ل داخازیا بوریس جونسن سهرۆك وهزیرێ بریتانیا گرت گۆت:ب ههلوهشاندنا رێكهتنا ئهتومی و گوهورینا وێ بۆ رێكهتنا ترمپ ئهو داخازیا وی زۆرا سهیره چونكو ههرتم ئهمریكا ژ رێكهتنا خو ڤه دكێشیت.
ئهڤرۆ نیوز:
دهیڤد شنكهر هاریكارێ وهزیرێ دهرڤهیێ ئهمریكا بۆ كارۆبارێن رۆژههلاتا ناڤین ل سهر سهرهدانا خۆ بۆ ههولێرێ راگههاند: جڤینێن مه ل گهل سهركردایهتیا ههرێما كوردستانێ ل ههولێرێ دانوستاندن ل سهر روودانێن ئهڤیێ داویێ و سوپاسیا ههڤپهیمانیا كوردی ژی كر و ئهمریكا چ نیازێن ئالوزكرنا رهوشێ نینه و ل گهل ئارامبوونێ دایه.
لگۆری راگههاندنا وهزارهتا دهرڤهیا ئهمریكا، شنكهری دیاركریه ئهمریكا شانازیێ ب ههڤپهیمانیا ل گهل كوردان ل عیراقێ دكهت كۆمبوونێن وان ل ههولێری بهحسێ موكمكرنا پهیوهندیان ل گهل ههرێما كوردستانێ كرن، كورد لایهنهكێ سهرهكی یێ بدهستڤه ئینانا ئارمانجێن مهنه ل رۆژههلاتا ناڤین.
ناڤبری ئهو چهنده ژی دازانین ئهگهرێ سهرهدانكرنا ههولێرێ و نهچوونا مه بۆ بهغدا ڤهدگهریت بۆ ئالوزیێن بهغدا، حوكمهتا ههرێما كوردستانێ شیانێن زۆر باش ههنه بۆ پاراستنا دیپلوماتكار و ناڤهندێن دیپلوماسی یێن ئهمریكا ل ههرێمێ.
ئهڤرۆ نیوز:
باژێرڤانیا ههولێرێ مولهتا دروستكرنا ئاڤاهیێ كونسولخانهیا كۆمارا چینێ ددهت و ئیمزا ل سهر ئااكرنێ ژی هاتهكرن.
ئهڤرۆ دوشهمبی 13/1/2020 ب سهر پرشتیا ساسان عهونی وهزیرێ باژێرڤان و گهشتوگۆزارێ یا حوكمهتا ههرێما كوردستانێ مولهتا ئاڤاكرنا كونسولخانهیا وهلاتێ چینێ هاته ئیمزاكرن.
مولهت ژلایێ عهبدلواحد ئهحمهد سهرۆكێ باژێرڤانیا ههولێرێ و نی رووچی كونسولێ گشتی یێ چینێ ل ههولێرێ ل دیوانا وهزارهتا باژێرڤانیێ ئیمزا ل سهر رێ پێدانا ئاڤاكرنا بالیوزخانهیا چینێ هاته ئیمزاكرن.
كونسولخانهیا نوو یا چینێ دكهڤته سهر ێكا ههولێر پیرمام و پشتی وهرگرتنا مولهتێ دێ دهست بكاركرنا ئاڤاكرنێ هێتهكرن
نيشاندان