ئهڤرۆ نیوز:
وهزیری دهرڤهیێ ئهمریكا راگههاند: نوچهیێن هێرشێن موشهكی بۆ سهر بنگههێن ئاسمانی یێن هێزێن عیراقێ دلتهنگ كرینه و داخازێ ژ حوكمهتا عیراقێ دكهین كۆ بهرپرسیارێن ئهوان هێرشان سزا بدهت.
مایك پومپیو وهزیرێ دهرڤهیێ ئهمریكا راگههاند پیدڤیه پێپهسكاریێن بهردوام یێن ئهوان گرۆپێن كۆ سهر ب حوكمهتا عیراقێ ڤه نین دهسهلاتا عیراقێ دوماهێ ب وان بینیت.
ب ههشت موشكێن كاتیوشا بنكههێ سهربازی یێ بهلهد ێن هێزێن ئهریكا ل پارێزگهها سهلاحهدین هاتنه ئارمانجكرن.
ئهڤرۆ نیوز، ناجی بهدهل:
بێوار موسا رێڤهبهرێ راگههاندنا زانكۆیا دهۆك ل سهر پولینكرن و رێزبندیا زانكۆیێن كۆردستانێ و زانكۆیا دهۆك جهگرتنا وێ ل رێزبهرندێ دیاركر زانكۆیا دهۆك ژ زانكۆیێن پێشەنگە ل رێزبەندیا نشتیمانی یا زانكۆیێن هەرێمێ ئهوا وەزارەتا خواندنا بلند و ڤەكۆلینێن زانستی ل حكومەتا هەرێما كوردستانێ ل رۆژا 9/1/2020 بو سالا چارێ رێزبەندیا نیشتیمانی یا زانكۆیێن هەرێما كوردستانێ هاتیهكرن گرۆپێ ئهی چ زانكۆ ل سهر ئاستێ كوردستانێ نه شیان بگههنه ئهوێ قوناغیێ، لێ ل گرۆپێ بی زانكۆیا دهۆك جهێ خو تێداكر و ئهو ناڤێن ل گرۆپی داههمی ئیك ئاست و خودان شیانن رێكخستن و چونا پێش و دوماهی هاتنا ناڤێ زانكۆیێ لگۆری رێزبهندیا پیتان بویه ههكه چ جوداهی نینه.
ریڤهبهرێ راگههاندنا زانكۆیا دهۆك ل سهر پیڤهر و بنهمایێ رێزبهندیێ دیاركر ل دیف رێزبەندیا وەزارەتێ كو پشت بەستن ل سەر كری ڤەكۆلێن زانستی و ستافێ ئەكادیمی و پەیوەندیێن زانكۆیێ دگەل جڤاكی و چالاكیێن كلتووری و نێڤدەولەتی و گەهشتن ب ژێدەرێن زانستی و پشكا زۆر بەر ب ڤەكۆلینێن زانستی دكەڤیت ب تایبەت ئەوێن ل گوڤارێن كاریگەرێن جیهانی دا دهێنە بەلاڤ كرن.
فهرسهت مهحمود رهزیكی رێڤهبهرێ راگههاندنا زانكۆیا نهورۆز ل سهر بلند بوونا ئاستێ شیانێن زانكۆیا وان بۆ پێشڤه دیاركر گرۆپی بی ژ گرۆپێ ئێكێ دهێته هژمارتن ل ههرێما كوردستانێ چونكو گرۆپێ ئهی چ زانكۆ نهبووینه بشێن بگههنه ئهوی ئاستی و ئهو زانكۆیێن ل گرۆپێ بی دا هاتینه دانان بێ جوداهی ل سهر پولینا پیتا ناڤێن وان هاتینهدانان ههر شهش زانكۆ وهك ئیكن د ئاستێ شیان و پێشڤهچونێ، زانۆكیا نهورۆز دوساله ل دیڤ ئێك ئهڤی ناسناڤی ل بدهستڤه دئینیت.
رێڤهبهرێ راگههاندنا زانكۆیا نهورۆز گۆت ئهو پیڤهر و بنهمایێن هاتینه دانان ههموو ئهو رێزبهندیا ب خال هاتینه كرن زانكۆیا نهورۆز لگۆری شیانێن خو جهێ خو ل پێشیا زانكۆیان وهربگریت و دێ یا بهردهوام ژی بت ل سهر پێشڤهبرن و بلندكرنا ئاستێ شیانێن زانستی.
ئهڤرۆ نیوز، ناجی بهدهل:
ئهندامێ لژنا دارایی یا جڤاتا نوونهرێن عیراقێ دیاركر بهنك و رێكخراوێن نێڤ دولهتی یێن دارایی و ئابووری ل بن كونترۆلا ئهمریكادانه ههردهما بڤێت دشێت رهوشا ههر وهلاتهكی ژلایێ ئابووری ڤه لاواز بكهت.
د. ئهحمهد سهفار ئهندامێ لژنا دارایی یا جڤاتا نوونهرێن عیراقێ دیاركر ل سالا 2008 رێكهتنا چارچوڤهیێ ستراتیژی كو رێكهتنهكا ئهمنی و دارای و ئابووری و تهكنولوژی بوو، عیراقێ ئیمزاكریه ل گهل ئهمریكا لگۆری وێ رێكهتنێ عیراقێ چارهنڤیسێ خۆ ژلایێ ئابووری و دارایی و ئهمنی ڤه رادهستی ئهمریكا كر، چونكو وی دهمی دو ژمارێن بهنكی ل بهنكا فیدرالیا ئهمریكاڤهكرن، ژمارهیا بهنكی ل سهر ناڤێ وهزارهتا دارایی یا عیراقێ بناڤێ سندۆقا پشتهڤانیا عیراقێ و پاراستنا وێ ژ لایێ ئهمریكاڤه، ژمارا دی یا بهنكا مهركهزیاعیراقێ یه، یا دیار و رونه داهاتێ عیراقێ پشت بهستن ل سهر پترۆلێ كریه و ههموو ئهو پترۆلا عیراق دفرۆشیت پارهیێ وێ دچیته بهنكا فیدرالیا ئهمریكا ل سهر ئهڤان ژمارێن بهنكێ و بهنكا ناڤهندیا عیراقێ ڤه دگوهیزیت وهك دۆلار و دكهته دینار بۆ وهزارهتا دارایی بۆ دابینكرنا مووچه و پێدڤێن حوكمهتێ، پاراستنا وێ سندۆقێ د ستویێ ئهمریكا دایه.
ئهندامێ لژنا دارایی یا جڤاتا نوونهرێن عیراقێ دیاركر ژی ههكه
پاراستنا ئهمریكا بهێته راكرن ل سهر وان پارهیێن عیراقێ ل ئهمریكا، ئهڤه ئهو دهولهتێن عیراق قهردارا وان دێ دهست ب سهر دا گرن كو پتری 60 دهولهتانن، زێدهتری 1250 ملیار دۆلاران عیراق قهردارا وانه.
د. ئهحمهد سهفار ئهندامێ لژنا دارایی یا جڤاتا نوونهرێن عیراقێ گۆت: ئهو بریارا جڤاتا نوونهرێن عیراقێ دایی، كو بریاره و نهشێت وهك یاسایێ كار بكهت و یاسا بهێزتره، ئهو بریار دێ چیت بۆ حوكمهتێ كۆ حوكمهتێ ئهو ریكهتن ئیمزاكریه و دڤێت ئهوێ رێكهتنێ ههلوهشینیت، لێ حوكمهتا نوكه یا كاربرێكهره و دهسهلاتێن نه ئیمزاكرنا چ رێكهتنان یان ههلوهشاندنا وان نینه، دڤێرێ دا وێ بریارا جڤاتا نوونهران چ رامان و بهایێ خو نینه، ئهو بریار بتنێ لایهنێ سهربازی گرتیه و گرێدایی ئابوور و دارایی نینه.
د. ئهحمهد سهفار گۆت ژی ههكه ئهمریكا ڤیا سزاییێ دانیته سهر عیراقێ ئهوی دهمی دێ كارهساتهكا مهزن سهر ههلدهت و ئابوورا عیراقێ بخو ههلوهشایه و دێ وێرانتر لێ هێت و بهایێ دراڤێ عیراقێ ژی داكهڤیت.
ئهندامێ لژنا دارایی یا جڤاتا نوونهرێن عیراقێ دازانین ئهمریكا مهزاختیێن زۆرقوربانیێن زۆرداینه ل عیراقێ هوسا ب ساناهی دهرناكهڤیت و رادهستی لایهنهكێ دی بكهت، یان سزایا بێخته سهر عیراقێ ههر دهما ئهمریكا پێنگاڤهكا هوسا هاڤێت دێ دهلیڤه بۆ هندهك وهلاتێن دی خوش بیت مایتێكرنێ و جهێ خۆ ل عیراقێ بكهن، ئهڤ چهنده پتر كۆ گۆتن و بهحسكرنا سزایان پتر ترساندن و فشارهكه و نهزێدهتر.
د.ئهحمهد سهفاری ل سهر بهنكا ناڤهندی دیاركر بهنكا ناڤهندیا عیراقێ رۆژانه 250 ملیۆن دۆلاران دئیخته بازاری بۆ ههڤسهنگكرنا بهایێ دۆلاری ههمبهر دینارێ عیراقی كۆنترۆلا رهوشا دارایی پێ دكهت، ههردهما بهنكا ناڤهندی ئهو پاره نه ئێخسته د بازاری دا دێ دۆلار كێم بیت و بهایێ وێ بلند بیت و بهایێ دینارێ داكهفیت.
ئهڤرۆ نیوز:
پهیڤدارێ وهزارهتا بهرهڤانیا ئهلمانیا راگههاند: پشكهكێ ژ هێزێن خۆ ژ عیراقێ ڤهكێشین و ئهوان هێزان ڤهگۆهێزینه كوێت و ئوردنێ.
پهیڤدارێ وهزارهتا بهرهڤانیا ئهلمانیا راگههاند: ئهلمانیا پشكهكێ ژ هێزێن خۆ ژ ههڤپهیمانیا نێڤ دهولهتی دژی داعشێ ل عیراقێ ڤهدكێشیت كۆ هژمارا ئهو سهربازێن ئهلمانیا ل عیراقێ 30 سهربازن كۆ نوكه ل بهغدا و بنگههێ سهربازی یێ تاجی بنهجیهن و بریاره ب زووترین دهم دهست ب ڤهگۆهاستنا وان بهێتهكرن.
ڤهكێشانا پشكهكێ ژ هێزێن ئهلمانیا ل بهغدا و بنگههێ سهربازی یێ تاجی دانه، ل دهمهكی دایه ههڤركیێن ناڤبهرا ئهمریكا و ئیرانێ ل دڤرێ گههشتیه بلندترین ئاست و گهفێن راسته راستێن ئیرانێ هێرشێ كهته سهر هێزێن ههڤپهیمانان ل دهڤهرێ.
ئهڤرۆ نیوز:
وهزیرێن دهرڤهیێن پێنچ وهلاتێن ئهورۆپی و عهرهبی ل دژی دهربازبوونا توركیانه بۆ لیبیا دێ كۆمبن.
بریاره كۆمبوون ل رۆژا 8/1/2020 ل قاهیرهیا پایتهختێ مسرێ برێڤه بچیت و تێدا چهند پرسهكێن پهیوهندیدار ب وان وهلاتان ڤه بهێته شرۆڤهكرن.
وهزیرێ دهرڤهیێ فهرهنسا و ئیتالیا و یونان و قوبرسا یونانی و مسر پشكداری كۆمبوونێ دبن كۆ پشتی سهربازێن توركیا ژلایێ رهجهب تهیب ئهردوغان سهرۆك كۆمارێ توركیا بۆ ههڤكاریكرنا حوكمهتا ویفاقا نیشتمانیا لیبیا بهێنه شاندن ئهو جڤین دهێتهكرن.
دوێ كۆمبوونا چاڤهرێكریا وهزیرێن دهرڤهیێن ئهوان وهلاتان شرۆڤهیا چهند تهوهرهكان بهێتهكرن ئهو ژی رهوشا رۆژههلاتا ناڤین ب گشتی و رهوشا گشتی یا لیبیا و رێكێن چارهكرنا ئاریشهیێن وێ و ریب ری بوونا ئهوان پێنگاڤێن ئاریشهیا لیبیا ئالوز تر دكهن.
رۆژا 2/1/2020 پهرلهمانێ توركیا رهزامهند ل سهر داخازا هنارتنا هێزا سهربازی یا توركیا بۆ ههڤكاریكرنا حوكمهتا ویفاقا لیبیا كو رهجهی تهیب ئهردوغان سهرۆك كۆمار ژ پهرلهمانێ كر بوو.
ئەڤرۆ نیوز، رێوار محەمەد رەشید:
سترانبێژا باکوورێ کوردستانێ رێزان کازۆ کو نوکە ل باژێڕێ ئیستەنبۆلێ یێ وەلاتێ تورکیا دژیت نووترین کلیپا خوە بناڤێ (ئاڤا شین) ئەڤرۆ رۆژا 3/1/2020 بەلاڤکر.
سترانبێژ رێزانێ بۆ ئەڤرۆ نیوز دیار کر کو وێ گەلەک دڤیا سترانا خوە یا نوو یا ب ناڤێ (ئاڤا شین) ل باشوورێ کوردستانێ کلیپ بکەت، چونکو رووبارێ ئاڤا شین یێ ل وێرێ، بەلێ ژ بەر هندەک کاودانان نەشیا بەرهەڤ ببیت ژ بەر ڤێ چەندێ نەچاربوو کلیپا خوە یا نوو ل باژێرێ (دێرسمێ) یێ باکوورێ کوردستانێ کلیپ بکەت و گۆت: “ئەڤ سترانا من کلیپ کری ژ دەرهێنانا (زانیار ئوسکان) بوو و (یاشار باش ئوزدەش) ژی ب کارێ بەلاڤکرنا مۆزیکێ راببوو.
ناڤهاتیێ ئاماژە دا وێ چەندێ کو پەیڤ و ئاوازێن ڤێ سترانێ یێن (هەڤال بێ ناڤ)ن و بەری ئەو ڤێ سترانێ کلیپ بکەت ژ لایێ بابێ وێ دەنگبێژێ بەرنیاسێ باکوورێ کوردستانێ (کازۆ) ڤە هاتبوو گۆتن.
ئەڤرۆ نيوز:
ئەفسەرەكێ كورد راگەهاند كو نوكە ئەو چوویە د ناڤ هێزا دژە تیرۆرا عیراقێ دا وەكو بەرهەڤی بۆ وەرگرتنا پۆستێ فەرماندێ گشتیێ فرقا زێرین یا لەشكرێ عیراقێ.
عەمید روكن (سامان تالەبانی) دیاركر كو ل هەیڤا داهاتی (كانوونا دویێ 2020) ب شێوەكێ فەرمی دێ د پۆستێ فەرماندێ فرقا زێرین یا دژە تیرۆرا عیراقێ دەست بكاربیت.
فرقا زێرین یا عیراقی د چارچۆڤێ دەزگەهێ دژە تیرۆرێ عیراقی دایە و رۆلەكێ بلند هەبوو د شكاندنا رێكخراوا تیرۆرستی یا داعشێ دا، پێشتر لیوا فازل بەرواری (ئەوێ ل سالا 2018 وەغەركری) فەرماندێ وێ فرقێ بوو.
ئهڤرۆ نيوز:
ل دهستپێكا سالا نوو سهرۆكايهتيا جڤاتا وهزيران دێ فهرمانا دامهزراندنا مامۆستايێن گرێبهست دهركهت.
ژێدهرهكێ بهربرس ژ وهزارهتا پهروهردێ راگههاند” برياره ل ڤان نێزكان فهرمانا دامهزراندنا مامۆستايێن گرێبهست بهێته دهركرن”.
ههروهسا عهبدلحهكيم خسرۆ، سهرۆكێ فهرمانگهها ههماههنگيێ و پێداچوونێ ل جڤاتا وهزيران بۆ باسنيوز گۆت” ل سالا نوو فهرمانا دامهزراندنا مامۆستايێن گرێبهست دێ هێته دهركرن و مامهلێن دامهزراندنێ دێ بۆ هێنه ب رێڤهبرن و ئهڤ بابهته دێ ب دووماهى هێت”.
ل رۆژا 6/11/2019 سهرۆكايهتيا جڤاتا وهزيران ل ههرێما كوردستانێ بريار دابوو ب دامهزراندنا مامۆستايێن گرێبهست كو هژمارا وان شهش هزار كهسن و دهمێ كاركرنا وان وهكو گرێبهست وهكو خزمهت دێ بۆ هێته هژمارتن.
ئهڤرۆ نيوز:
پهرلهمانتارهكێ رهوتێ حيكمه راگههاند، لايهنێن كوردى ل گهل ههڤپهيمانيا فهتح ب سهرۆكايهتيا هادى عامرى ل سهر بهربژاركرنا قوسهى ئهلسوهێل بۆ پۆستێ سهرۆك وهزيران رێككهفتن.
جاسم بهخاتى، پهرلهمانتارێ رهوتێ حيكمه، ل دووڤ سايتێ نهوا، راگههاند” 153 ئيمزا يێن هاتينه كۆمكرن بۆ بهربژاركرنا قوسهى ئهلسوهێل، ههروهسا رێككهفتن د ناڤبهرا ههڤپهيمانيا فهتح و كوردان هايته كرن ل سهر بهربژاركرنا ئهلسوههيل بۆ پۆستێ سهرۆك وهزيران”.
دياركر ژى” ههر ئێك ژ سائيرون و نهسر و حيكمه و جڤاكێ عيراقى داخوازا كهسايهتيهكێ سهربخوه دكهن كو ژ لايێ ههموو پێكهاتان يێ پهسهندكرى بيت”.
ههروهسا گۆت”ل چهند دهمژمێرێن داهاتى سۆپرايزهكا چاڤهرێ نهكرى ل دۆر بهربژارێ سهرۆك وهزيران دێ روودهت و دێ كهسهكێ دى هێته بهربژاركرن كو يێ پهسهندكرى بيت ل دهڤ خهلكى، بێ كو ناڤێ وى ئاشكرا بكهت”.
ئهڤرۆ نيوز، نيوار محهمهد سهليم:
دادگهها بلندا فيدرالا عيراقێ دهربارهى مهزنترين كوتلا جڤاتا نوونهران بهرسڤا سهرۆك كۆمارێ عيراقێ دا.
ئهڤرۆ رۆژا ئێكشهمبى 22ى كانوونا ئێكێ 2019 ئياس سامۆك ئاخفتنكهرێ ب ناڤێ دادگهها بلند فيدرال ل عيراقێ د بهياننامهكێ دا راگههاند كو بهرههم سالح سهرۆك كۆمارێ عيراقێ دهربارهى مهزنترين كۆتلا جڤاتا نوونهران داخوازا روونكرنهكێ ژ دادگههێ كربوو.
ئياس سامۆك ئاشكهرا كر كو دادگههێ ب ئامادهبوونا ههموو ئهندامێن خوه، كۆمبوونهك ئهنجام دا و تێدا ب پشت بهستن ب ماددێ دستوورێ وهلاتى، بڕيار دا، مهزنترين كۆتلا كو پشتى ههلبژارتنان هاتيه پێكئينان دێ بهربژارێ خوه ديار كهت.
ب گۆرهى وێ بڕيارا دادگههێ، كوتلا بينا (ههڤپهيمانيا فهتح و دهولهتا قانوونێ) مهزنترين كوتلا ناڤ جڤاتا نوونهرانه و ب گۆرهى دستوورى ژى كانديدێ وان دێ جهێ عادل عهبدولمههدى گريت كو قوسهى سوهيله.
پشتى بهربژاركرنا قوسهى سوهيل ژ لايێ ههڤپهيمانيێ ڤه خوهنيشاندهرێن عيراقێ ل ههموو باژێرێن عيراقێ دژاتيا خوه بۆ راسپاردنا وى وهكو سهرۆك وهزيران دياركريه.
نيشاندان