ئه‌ڤرۆ نيوز:
جان ئيڤ لۆدريان وه‌زيرێ ده‌رڤه يێ فره‌نسا گه‌هشته هه‌ولێرێ ول فرۆكخانا هه‌ولێرێ يا نێڤده‌وله‌تى ژ لايێ قوباد تاله‌بانى جێگرێ سه‌رۆكێ حوكمه‌تا هه‌رێما كوردستانێ و به‌رپه‌رسێن بلند يێن هه‌رێمێ پێشوازى لێ هاته كرن.
ئه‌ڤه چاره‌مين جاره جان ئيڤ لۆدريان وه‌زيرێ ده‌رڤه يێ فره‌نسا سه‌ره‌دانا هه‌رێما كوردستانێ دكه‌ت و برياره د ڤێ سه‌ره‌دانێ دا ل گه‌ل سه‌رۆك مه‌سعود بارزانى و سه‌رۆكێ هه‌رێما كوردستانێ و سه‌رۆكێ حوكمه‌تا هه‌رێما كوردستانێ كۆمببيت.
ئەڤرۆ نیوز،بارزان مزووری:
سالم سەعید،بەرپرسێ راگەهاندن و پەیوەندیان ل بوردێ كارۆبارێن مرۆڤایەتی ل پارێزگەها دهوكێ بۆ ئەڤرۆ نیوز گوت :بوردێ كارۆبارێن مروڤایەتی ب هەڤكاری ل گەل هەموو دامودەزگەهێن شولەژێ و رێكخراوێن كارۆبارێن مروڤایەتی كاردكەن و هەموو بەرهەڤی كرینە بۆ ڤەحەواندنا پەنابەرێن رۆژئاڤا ل هەرێما كوردستانێ.
گۆت ژى” ئێك ژوان جهێن هاتیە دەست نیشانكرن ل قەزا بەردەرەش كەمپه‌كا ڤەحەواندنا ئاواره و پەنابەرانه كۆ جهێ ڤه‌حه‌واندنا 3 هزار خێزانان تێدا هاتیە دروست كرن”.
دياركر” ل شەڤا 14 ل سه‌ر 15 ڤێ هەیڤێ ئێكەم گەرا پەنابەران كو ژ 180 كەسان پێك دهات ب رێيێن نە قانوونى ژ رۆژئاڤا گەهشتە پارێزگەها دهوكێ و ل كەمپا دومیز ئێك هاتن ئاكنجی كرن و بوردێ كارۆبارێن مروڤایەتی دگەل دەزگەهێ بارزانى يێ خێرخازی هەموو جورێن هاریكاریان ل سەر وان به‌لاڤكرن”.
ناڤهاتی خویاكر ئەڤرۆ رچارشه‌مبى 16/10/2019 ل خالا سحێلا 88 پەنابەرێن رۆژئاڤا ب رێيا ترومبێلێن ڤەگوهاستنێ ژلایێ رێكخراوا (ئای ئو ئێم) هاتینە دابین كرن بۆ كەمپا بەردەرەش هاتن ڤەگوهاستن و ستافێ بوردی هەموو ل كەمپێ بەرهەڤ بوویە و پێدڤيێن سه‌ره‌كى بۆ هاتينه دابين كرن.
ناڤهاتی گوت زێدەتری 800 پەنابەرا ل لایێ رۆژئاڤا ماینە ل نێزیك خالا سنوری ل سحێلا بەرهەڤن بهێنە ناڤ هەرێما كوردستانێ دا ئەو ژمارا پەنابەران ژی بۆ كەمپا بەردەرەش ژی دهێن ڤەگوهاستن هەتا ژمارا وان بگەهیتە 3 هزار خێزان ژبەركۆ جهێ 3 هزار خێزانا دناڤ وێ كەمپێ دا دروست كریە ،
ناڤهاتی زێدەتر گوت ل سنورێ پارێزگەها دهوك 27 كەمپ یێن ئاوارا و پەنابەرا یێن هەین پشتی ڤەگەریانا ئاوارێن مووسل 5 كەمپ د ڤالانە یێن شێخان و بەردەرەش ، د نها دا 21 كەمپ مە یێن هەین نێزیك 600 هزار ئاوارا و پەنابەرا دناڤ وان كەمپا و دەرڤەی كەمپا ئاكنجینە ل سنورێ پارێزگەها دهوك بەلێ د نها دا رێكخراوا بودجەیا وان كێم بویە مەگەلەك پرۆژە د دەستان دا بۆن بۆ ئاواران و پەنابەرا بەلێ هەموو هاتن راوەستاندن ژبەر نەبونا بودجەیا وان و رێكخراوا .
ئه‌ڤرۆ نيوز:
ژێده‌ره‌كى ئه‌مريكى ئاشكرا كر كو حوكمه‌تا توركى ده‌ست ب سه‌ر 50 بۆمبێن ئه‌تۆمى يێن ئه‌مريكى ل بنگه‌هێ له‌شكريێ ئێنجه‌رليك ل توركيا گرت، وه‌كو فشار خستنه‌ك ل سه‌ر ئه‌مريكا.
چه‌ند ژێده‌ره‌ێن ده‌نگوباسان ل سه‌ر زارێ به‌رپرسه‌كێ ئه‌مريكى كو ناڤێ وى ئاشكرا نه‌كريه ڤه‌گوهاست كو توركيا ل ڤان چه‌ند رۆژێن دووماهيێ رێ نه‌دايه ئه‌مريكا وان بۆمبێن ئه‌تۆمى ڤه‌گوهێزيته ده‌رڤه‌ى توركيا، ئه‌ڤه ژى وه‌كو كارته‌كا فشارێ ژلايێ حوكمه‌تا توركيا ڤه بۆ بده‌ستڤه‌ئينانا پشته‌ڤانيا ئه‌مريكا د هێرشا وێ دا ل سه‌ر ده‌ڤه‌رێ كوردى ل باكوورێ رۆژئاڤايێ سووريێ.
رۆژناما (نيويۆرك تايمز) ژى ئاكرا كر كو هه‌ردو وه‌زاره‌تێن ده‌رڤه و وزێ يێن ئه‌مريكى نيه‌تا ڤه‌گوهاستنا وان بۆمبێن ئه‌تۆمى بۆ ده‌رڤه‌ى توركيا هه‌بوو، كو هه‌تا نوكه نه شياينه وێ چه‌ندێ ئه‌نجام بده‌ن و توركيا ده‌ست ب سه‌ردا گرتينه و وه‌كو كارته‌كا فشارێ ل سه‌ر ئه‌مريكا بكاردئينيت.
به‌رپرسه‌كێ پله بلند يێ ئه‌مريكى ژى راگه‌هاند كو ڤه‌گوهاستنا وان بۆمبێن ئه‌تۆمى ژ بنگه‌هێ له‌شكرى يێ ئه‌نجه‌رليك بۆ ده‌رڤه‌ى توركيا، ئانكو ب دووماهى هاننا ئێكجارى يا په‌يوه‌نديێن ئه‌مريكا و توركيا يه.
شاره‌زايه‌كێ چه‌كێ ئه‌تۆمى ژى دبێژيتڤه‌گوهاستنا بۆمبێن ئه‌تۆمى ژ روويێ ته‌كنيكى ڤه كاره‌كێ ب ساناهى نينه و پێدڤى ب پلانان هه‌يه، چونكى پاراستن و ڤه‌گوهاستنا وان بۆ ناڤ فرۆكان و ئينانا وان ژ توركيا كاره‌كێ ب زه‌حمه‌ته و مه‌ترسيا هێرشا خرابكارانه ل سه‌ر يا هه‌ى كو دبيت ئه‌نجام كاره‌سات بيت.
ئه‌ڤرۆ نيوز:
وه‌زاره‌تا ژ ده‌رڤه يا ئه‌مريكا د راگه‌هاندنه‌كێ سزايێن وه‌لاتێ خوه بۆ سه‌ر توركيا ئاشكه‌را كرن و راگه‌هاند كو سێ به‌رپرسێن بلندێن توركيا و دو وه‌زاره‌ت سزادان.
ئه‌ڤرۆ نيوز:
هێزێن سووريا ديموكرات (هه‌سه‌ده) و رووسيا رێككه‌فتن ل سه‌ر چوونا له‌شكرێ رژێما به‌شار ئه‌سه‌د بۆ باژێرێ كۆبانى.
هه‌سه‌ده و رووسيا، ل دووڤ كوردستان 24، رێككه‌فتن ل سه‌ر راده‌ستكرنا باژێرێ كۆبانى بۆ هێزێن رژێما به‌شار ئه‌سه‌د، ئه‌ڤ چه‌نده ژى بۆ پاراستنا وێ يه ژ له‌شكركێشيا توركيا و رێ گرتن ل ئه‌نجامدانا كۆمه‌لكوژيێن زێده‌تر دژى وه‌لاتيێن سڤيل.
ژ لايێ خوه‌ڤه به‌رپرسێن ئيدارا باكوور و رۆژهه‌لاتا سووريێ راگه‌هاند كو ل گه‌ل حوكمه‌تا سووريێ رێككه‌فتنيه كو له‌شكرێ سوورى بزڤريت بۆ كۆبانى.
ل دووڤ پێزانينان نوكه هێزێن رژێما ئه‌سه‌د ل ناڤ باژێرێ منبج دانه.
هه‌ر ل ئێڤاريا ئه‌ڤرۆ دوشه‌مبى ئه‌مركيا راگه‌هاند كو يا ئاگه‌هداره ل سه‌ر رێككه‌فتنا كوردان ل گه‌ل رووسيا و سووريێ، له‌وما هێزێن خوه ل وان ده‌ڤه‌ران ڤه‌كێشا.
ئەڤرۆ نیوز،عەلی حاجی :
د داخویانیەکێ دا قایممقامێ زاخۆ بۆ ئەڤرۆ نیوز دیار کر فەرمانا دروست کرنا ئاڤاهیەکێ نوو بۆ نڤێسینگەها پاسەپورتان ل زاخۆ هاتیە دەرکرن و دنوکە دا ئەم مژوولی دەست نیشانکرنا پارچە زەڤیەکێ نە.
زێدەتر بوتان محسن گوت : ئەو ئاڤاهیێ نوکەیێ دهێتە نووژەن کرن بۆ رێڤەبەریا پاسوپورتان ل زاخۆ ئاڤاهیەکێ دەمکی یە و ل دووف حەزا رێڤەبەریا پاسەپورتان ل پارێزگەها دهوکێ دهێتە نووژەن کرن و ئەوا پێدڤی دهێتە کرن بو وی ئاڤاهی،بەلێ فەرمانا ئاڤاکرنا ئاڤاهیەکێ نوو بۆ نڤێسینگەها پاسەپورتان ل زاخۆ هاتیە دەرکرن و دگەل باژێرڤانیا زاخۆ ئەم مژوولی دەست نیشانکرنا پارچە زەڤیەکێ نە کو ل نێزیک بانکەکی بیت و یا گونجای بیت بۆ ئاڤاکرنێ داکو ل ماوەیێ سالەکێ دا یان دو سالان دا بکەڤیتە دپلانا مە دا و بهێتە ئاڤاکرن.
زێدەتر گوت ژی : ئەو ئاڤاهێی نوکە دهێتە نووژەن کرن پێشتر ئاڤاهیەکێ پولیسان بوو و پشتی ئاڤاهی ب دوماهی دهێت دێ لژنەیەکا تایبەت ژ بەغدا هێت بۆ دانانا سیستەمێ پاسەپورتان و هەر دیسان ئەم یێ هەولدەین ستافەکێ شارەزا بیننە زاخۆ دا کو دەما ب رێڤەبرنا مامەلەیێن هاولاتیان چو کێشەیەکا کارگێری دروست نەبیت.
ئه‌ڤرۆ نيوز:
كه‌نالێ سێ ئێن ئێن يێ ئه‌مريكى ل دۆر هێرشا توركيا بۆ سه‌ر باكوورێ سووريێ (رۆژئاڤايێ كوردستانێ) ل سه‌ر زارێ به‌رپرسه‌كێ ئه‌مريكى ڤه‌گوهاست ” توركيا پێگيرى وى سنوورى نابيت يێ بۆ هاتيه دياركرن”.
وى كه‌نالى ژ وى به‌رپرسێ ئه‌مريكى، بێ كو ناڤێ وى ئاشكرا بكه‌ت، ڤه‌گوهاست ژى” توركيا پلان يا هه‌ى هه‌تا سنوورى عيراقێ كونترۆل بكه‌ت”.
وى به‌رپرسێ ئه‌مريكى گۆت ژى” توركيا دێ هێرشێن خوه بۆ سه‌ر باكوورێ سووريێ به‌رفره‌هتر لێكه‌ت”.
ئەڤرۆ نیوز، نەوزاد هلۆری:
سێ کومپانیێن کوردستانێ، کو دوارێ گەشتیاری دا کاردکەن، وەکو پشتەڤانی بۆ روژئاڤایێ کوردستانێ و لاوازکرنا ئابوورا تورکیا، بایکوت راگەهاند و ئەڤرۆ وێڤە چوو گەشتیاران نابەن تورکیا.
عەبدولرەحمان دوسکی، خودانێ کومپانی و گروپە گەشتیاریێن بناڤێ پیرۆ گروپ بۆ ئەڤرۆ نیوز گوت: (من سێ کومپانیێن گەشتیاری هەنە، رۆژانە و حەفتانە و هەیڤانە و وەرزانە گەشتیاران دناڤبەرا هەرێما کوردستانێ و تورکیا دئینین و دبەین، وەکو پشتەڤانی بۆ روژئاڤایێ کوردستانێ و لاوازکرنا ئابوورا تورکیا مە بایکوت راگەهاند).
زێدەتر گوت: (ئەڤ بایکوتە دێ ب ئێکجاری بیت، ئەم دخوازین ب رێیا بایکوتێ بزاڤێ بکەین ئابوورا تورکیا لاوز بکەین، دێ بزاڤێ کەین کو کومپانیێن زێدەتر بینینە دناڤ بابەتێ بایکوتێ دا و مە چەند کومپانی و هەڤال ژی ئاگەهدارکرینە).
ناڤبری دیارکر ژی کو ئەوان ب رێیا گرۆپێن خوەیێن گەشتیاری سالانە دناڤبەرا دو هزار بۆ 10 هزار گەشتیار و وەلاتی دبرنە تورکیا و زێدەتر گۆت: (مە ژبلی برنا گەشتیاران هەڤدەم حجزکرنا ئوتێل و موتێل و پلێتا فروکە و پاس و چەندین کارێن دن یێن گەشتیاری ژی بۆ گەشتیار و وەلاتیان دکرن، ئەڤ یەک ژی مە بایکوت کرن).
نيشاندان