ئه‌ڤرۆ نيوز:
ب گۆره‌ى ژێده‌رێن فه‌رمانده‌كێ هه‌سه‌دێ ل سه‌رێ كانيێ، سۆپايێ توركيا ب مه‌ره‌ما پێشڤه‌چوونێ به‌ر ب سه‌ركانيێ پێنگاڤ هاڤێتن، به‌لێ ل باكوورێ سه‌رێ كانيێ هێزێن سۆپايێ ديموكرات (هه‌سه‌ده) چار تانك و فرۆكه‌كا بێ فرۆكه‌ڤان تێكشاندينه.
فه‌رماندێ هه‌سه‌دێ ئاشكه‌را ژى كر كو ئه‌و دربا ب به‌ر سۆپايێ توركيا كه‌فتى بوويه ئه‌گه‌ر كو پێشڤه‌چوونا وان بهێته راگرتن، “نه‌هاتيه زانين كا زيانێن گيانى يێن سۆپايێ توركيا چه‌ندن”.
ئه‌ڤرۆ نیوز:
لژنا بلند یا خوه‌پاراستنا ساخلەمیێ ل پارێزگەها دهۆکێ ، ئه‌ڤرۆ سێشه‌مبى 8/10/2019 ب سەرۆکاتیا (جەهوەرعەلی) قایمقامێ قەزا دهوکێ و(ئیسماعیل محمەد)هاریكارێ پارێزگەرێ دهۆکێ بو کاروبارێن ئاوارە و پەنابەران وهژمارەکا نوونەرێن رێڤەبەریێن پەیوەندیدار، ل هولا بوردێ کاروبارێن مروڤایەتی یا پارێزگەها دهوکێ کۆمبونەک ئەنجامدا.
د کۆمبونێ دا، ل دووڤ سایتێ قایمقامیا قه‌زا دهۆكێ، بەحسێ بزاڤێن جدی هاتە کرن ژبۆ قەدەغەکرنا ئامانێن پلاستیکی ل خوارنگەهان، هه‌روه‌سا دوپاتی ل سەر کاراکرنا لژنێن نەهێلانا ئاژەلێن بەرەلا ل هەموو قەزایان هاتە کرن.
دووفچوونا کارگەهێن چێکرنا ماستی وپێگریا وان ب رێنمایان وبجهئینانا بریارا زەرفێن کاغەزی ل شوینا زەرفێن نایلونی ل نانپێژیان و ژنافبرنا دەرمانێن ئکسپایر ودووفچوونا بەرمایکێن نوشداری تەوەرەکی دێ یێ کۆمبونێ بوو.
ئەڤرۆ نیوز،عەلی حاجی :
د داخویانیوکێ دا سەروکێ زانکویا زاخۆ بۆ ئەڤرۆ نیوز ئاشکەرا هەر ژ دەست پێکا سالا ٢٠١٤ چو ماموستایەک ل زانکویا زاخۆ نەهاتیە دامەزراندن سەرەرای ڤەبونا چه‌ندين کولیژ و پشکێن نوو ل زانکویا مە و دنوکە دامە پێدڤی ب هەژمارەکا زور یا ماموستایێن دامەزراندی هەیە.
دکتور لەزگین عەبدی زێدەتر گوت: هەر ژ دەست پێکا هاتنا قەیرانا دارایی و هەتا نوکە چو ماموستایەک وەکو دکتورا و ماستەر ل زانکویا زاخۆ نەهاتیە دامەزراندن و ئەڤ چەندە ژی ڤەدگەریت ب هەبونا قەیرانا دارایی ژبەر کو دامەزاندنا ماموستایان گرێدایە ب یاسایا بودجەیی ڤە و ئەڤ چەندە ژی هاتیە راگرتن و ڤێ چەندێ ژی کارتێکرنەکا ئەرێنی کری یە سەر زانکویێن نوو ن ئێک ژ وان زانکویان ژی زانکویا زاخۆیە و دنوکە دا زانکویا زاخۆ پێدڤییەکا مەزن ب ماموستایان هەیە ب ١٦ پشکێن خوەڤە،زانکویا زاخۆ ل گورەی رێنماییێن ٨٦ یا ئەنجومەنێ وەزیران ب رێیا سەرەدان و وانەگوتنێ ژ داهاتێ زانکویێ سەرەدەریێ دگەل کێمیا ماموستایان بکەت ل زانکویێ .
و گوت ژی : ئەو بریارا ئەڤ سالە هاتیە دەرکرن ژلایێ ئەنجومەنێ وەزیران ڤە کو پێدڤی یە داهاتێ هەمی زانکویان ڤەگەریتە وەزارەتا دارایی کو پێشتر ب داهاتێ زانکویان ٨٠٪ بحۆ زانکویان بوو ئەڤ چەندە دێ بیتە رێکر کو ئەم بشێن جارەکادی ب رێیا رێنمایێن ٨٦ سەرەدەریێ دگەل کێمیا میلاکێ زانکویێ بکەن لەورا پێدڤی یە دەرگەهێ دامەزراندنێ یان ژی گرێبەستێ بهێتە ڤەکرن دا کو ئەم ژڤێ رەوشا نوکە تێدا دەرباز ببین،دنوکە دا مە زێدەتری ١٦٠ ماموستایێن دامەزراندی و گرێبەستێن خودانێن ناسناڤێن زانستی و هاریکار هەیە .
ئه‌ڤرۆ نيوز:
ئه‌ڤرۆ رۆژا دوشه‌مبى 7/10/2019 مه‌سرور بارزانى سه‌رۆكێ حوكمه‌تا هه‌رێما كوردستانێ و جێگرێ وى قوباد تاله‌بانى دگه‌ل ده‌سته‌يا بلندا وه‌به‌رهێنانا كوردستانێ كومبوو.
د ڤێ كومبوونێ دا محه‌مه‌د شوكرى سه‌رۆكێ ده‌سته‌يا وه‌به‌رهێنانێ راپورته‌ك ب داتا و زانيارى پێشكێشى كر و تێدا گرفت و پێدڤيێن ده‌سته‌يا وه‌به‌رهێنانێ به‌رچاڤ كرن.
ژلايێ خوه ڤه سه‌رۆكێ حوكمه‌تا هه‌رێمێ دوپاتى ل وێ چه‌ندێ كر و پێدڤيه وه‌به‌رهێنان ب شێوه‌يه‌كێ پلان و بێهته رێكوپێك كرن و حوكمه‌ت ژى به‌رنامه‌يه‌كێ پێدڤى دێ به‌رهه‌ڤ كه‌ت بۆ رێكخستنا پرۆژه‌يێن وه‌به‌رهێنانێ و ب شێوه‌يه‌كى ئه‌نجامدانا پرۆژه‌يان ل دووڤ پلان و پێدڤيێن هه‌رێما كوردستانێ بيت.
ئه‌ڤرۆ نیوز، عه‌لى حاجى :
د داخویانیه‌كێ دا رێڤه‌به‌رێ گشتیێ چاڤدێرى و گه‌شه‌پێدانا جڤاكى ل پارێزگه‌ها دهوكێ بۆ ئه‌ڤرۆ نیوز دیاركر د نوكه دا پروژێ مه یێ نه‌هێلانا دیاردا زاروویان ل سه‌ر جادده‌یان گه‌هشتیه قوناغا دووماهیێ و مه پێدڤى ب هاریكاریا ماددى هه‌یه داكو ئه‌ڤ پروژه بكه‌ڤیته د بوارێ جێبه‌جێ كرنێ دا.
دكتور شێرزاد هرورى زێده‌تر گۆت: دا كو ئه‌ڤ پروژه‌یه بكه‌ڤتیه د بوارێ جێبه‌جێ كرنێ دا مه داخوازا هاریكاریا ماددى ژ جه‌نابێ پارێزگه‌رێ دهوكێ كرى یه و پشتى ئه‌ڤ پروژه بكه‌ڤیته دكارى دا نێزیكى 80% دێ دیاردا زاروویێن خازخازوك و زاروویێن كار دكه‌ن دێ كێمتر كه‌ت و پروژه‌یێ مه ژى هه‌ڤ پشكه دگه‌ل دادكه‌ها دهوكێ پشكا سنێله‌یان ل پارێزگه‌ها دهوكێ و رێڤه‌به‌ریا توندوتیژیێ و رێكخراوا یونیسێڤ،هه‌ر رێڤه‌به‌ریه‌كێ ژى رولێ خوه هه‌یه دپروژه‌یێ مه دا و هه‌رده‌ما ئه‌م زاروویى ببینن ئه‌م ژ نێزیك ڤه سه‌حكه‌ینه سه‌روبه‌رێ وى و ل دووڤرا ئه‌م سه‌ره‌دانا خێزانا وى بكه‌ین داكو ئه‌م بزانین توندوتیژى دگه‌ل زاروویى دهێته ب كارئینان یان ژى ب دروستى ئه‌ڤ ماله یا هه‌ژاره و پێدڤى وێ چه‌ندێ یه ئه‌ڤ زاروویه كار بكه‌ت .
و گوت ژى : پشتى ئه‌م وان خێزانان ده‌ست نیشان دكه‌ین یێ كو ده‌ست كورت بن ئه‌م دێ ب رێیا رێكخراوا یونیسێڤ موچه‌یه‌كێ بۆ وان كه‌سان دابین كه‌ین و ئه‌ڤ پروژه‌یه ل ده‌ست پێكێ دێ بۆ ماوه‌یێ شه‌ش هه‌یڤان بیت و پشتى وى ده‌مى ئه‌م دێ ماوه‌یێ ساله‌كێ داخازا هاریكاریێ كه‌ین و ئه‌ز ل وێ باوه‌رێ مه ئه‌ڤ پروژه‌یه دێ ب رێژه‌یا 80% ئه‌ڤ دیارده كێم بیت .
ئه‌ڤرۆ نيوز:
ل ده‌رگه‌هێ حاجى عمران يێ سنورى ده‌ست ب سه‌ر جوره‌كێ مه‌ترسيدار يێ مادده‌ێن هوشبه‌ر دا هاته گرتن كو جارا ئێكێ يه ئه‌ڤ جوره دئينه كوردستانێ.
رێڤه‌به‌ريا نه‌هێلانا مادهێن هوشبه‌ر دياركر ئه‌ڤ جورێ مادده‌يێ هوشبه‌ر ئه‌وێ هاتيه ده‌سته‌سه‌ر كرن ژ جورێ كيتامينه و مادده‌يه‌كێ هوشبه‌رێ مه‌ترسيداره كو شه‌ش كه‌سێن ئيرانى بزاڤ كربوون بينه هه‌رێما كوردستانێ كو ئێك ژوان ئافره‌ته و وه‌ك گروپه‌ك كار دكر.
هه‌مان ژێده‌ر ئه‌و چه‌نده ژى دياركر ئه‌ڤ ماده‌يێ هوشبه‌ر د ناف چنتايێن جلوبه‌رگان هاتبوونه ڤه‌شارتن لێ ئاسايشا كومه‌لگه‌ها ده‌رگه‌هێ سنورى يێ حاجى عمران شيان ڤان كه‌سان ب مادده‌يێن هوشبه‌ر ڤه ده‌سته‌سه‌ر بكه‌ن و ره‌وانه‌ى دادگه‌هێ بكه‌ن و نوكه لژێر ڤه‌كولينێ نه.
هه‌ژى گۆتنێ يه ئه‌ڤ جورێ مادده‌يێ هوشبه‌ر كيتامين د بنه‌ره‌ت دا جوره ده‌رمانه‌كه ل سالا 1960 به‌ربه‌لاڤ بوويه تايبه‌ت د بوارى زانستێ پزيشكى دا و هاتيه بكارئينان و تايبه‌ت ل ده‌مێ ئه‌نجامدانا نشته‌گه‌ريان، لێ ژلايێ خه‌لكى ڤه بشێوه‌كێ نه زانستى دهێته بكارئنان برێيا ده‌رزى لێدانێ و مه‌ترسيداره بۆ سه‌ر ژيانا كه‌سان لده‌مێ بكارئينانێ له‌ورا هاتيه قه‌ده‌غه‌كرن.
ئه‌ڤرۆ نيوز:
ئه‌ڤرۆ ئێڤارى رۆژا چارشه‌مبى خوه‌نيشاندانێن به‌غدا به‌رفره‌هتربون ل چه‌ند ده‌ڤه‌رێن جودا يێن به‌غدا سه‌ره‌راى رێگريا هێزێن ئێمناهى ل خوه‌نيشانده‌ران.
د خوه‌نيشاندانێن دوهى رۆژا سێشه‌مبى دا ل به‌غدا چه‌ندين توندوتيژى ناڤبه‌را هێزێن ئێمناهى و خوه‌نيشانده‌ران دا په‌يدابوون و چه‌ند وه‌لاتى برينداربوون و هاتنه كوشتن.
ژلايه‌كێ دى ڤه ئه‌ڤرۆ رۆژا چارشه‌مبى خوه‌نيشانده‌ران رێيا سه‌ره‌كى يا كه‌رخ بۆ فروكخانه‌يا به‌غدا يا نێڤده‌وله‌تى داخستيه و هاتن و چوون ل ڤێ ده‌ڤه‌رێ نه‌مايه و خوه‌نيشانده‌ر چه‌ندين داخوازيان دكه‌ن ئه‌و ژى بۆ نه‌هێلانا هه‌ژاريێ و په‌يداكرنا ده‌ليڤه‌يێن كارى و خزمه‌تگوزاريان.
ئه‌ڤرۆ نیوز، عه‌لی حاجی:
د داخویانیه‌كێ دا رێڤه‌به‌رێ ئه‌وقافا زاخۆ بۆ ئه‌ڤرۆ نیوز دیار كر ژبه‌ر شه‌رێ به‌رده‌وامێ هێزێن په‌كه‌كێ و توركیا زیانه‌كا مه‌زن به‌ر ب مزگه‌ڤتێن سه‌ر ب رێڤه‌به‌ریا مه كه‌ڤتینه و هه‌ژماره‌كا وان ژی هاتینه چول كرن .
زێده‌تر مه‌لا سه‌عید عه‌بدولره‌حمان گۆت: ل سنورێ رێڤه‌به‌ریا مه هه‌ر ژ ناحیا كانی ماسێ هه‌تا باژێرێ زاخۆ ژئه‌گه‌رێ شه‌رێ به‌رده‌وامێ د ناڤبه‌را سوپایێ توركیا و هێزێن په‌كه‌كێ دا 30 مزگه‌فتێن سه‌ر ب رێڤه‌به‌ریا مه ڤه هاتینه چول كرن و هیچ كه‌سه‌ك نه‌شێت نڤێژێن خوه تێدا ئه‌نجام بده‌ت،ل سنورێ ده‌ڤه‌را زاخۆ 202 مزگه‌ڤت هه‌نه كو ژ وان مزگه‌ڤتان ژی بتنێ ل 120 مزگه‌ڤتان گوتار ل روژانێن ئه‌ینیێ دا تێدا دهێنه خواندن و پشكا مایی ژمزگه‌ڤتان ل روژانێن ئه‌ینیێ گوتار تێدا ناهێنه خواندن ژبه‌ر كێمیا میلاكێ رێڤه‌به‌ریا مه وسه‌رجه‌مێ گشتیێ فه‌رمانبه‌ر و گوتار خوین و پێش نڤێژ و پاقژكه‌ر و بانگده‌ران بتنێ 227 كه‌سن و ئه‌ڤه ژی رێژه‌یه‌كا كێمه ل سنورێ رێڤه‌به‌ریا مه .
گۆتژی: ب تنێ 27 پێش نڤێژ و گوتارخوین ب شێوێ دامه‌زراندی ل ده‌ڤ مه هه‌نه و هه‌ر دیسان 93 كه‌سێن دیتر گوتاران پێشكێش دكه نكو پرانیا وان خوه به‌خش و یان ژی هنده‌ك ژ وان به‌رامبه‌ر 50 هزار دیناران ل روژانێن ئه‌ینیان دا گوتاران پێشكێش دكه‌ن ،هه‌كه میلاكه‌كێ پێدڤی ل به‌ر ده‌ست هه‌بایه دا ل مزگه‌ڤتێن مایی ژی گوتار تێدا هێنه خواندن .
نيشاندان