ئهڤرۆ نیوز:
رۆژنامهكا بریتانى بهلاڤكر، ئیسرائیلێ شهرهكێ نهێنى ل عیراقێ یێ دهستپێكرى.
رۆژناما (تایمز) یا بریتانى د راپۆرتهكێ دا بهلاڤكر” بهرپرسێن ئهمریكى ئاشكراكریه كو ئیسرائیلێ كۆگههێن چهك وتهقهمهنیا حهشدا شهعبى ل عیراقێ كریه ئارمانج كو ئهڤه رهوشا ئاسایشا عیراقێ دێ تێكدهت”.
بنیامێن ناتانیاهۆ، سهرۆك وهزیرێن ئیسرائیلێ راگههاندبوو كو وهلاتێ وى ل پشت وان هێرشێن دژى حهشد شهعبى بوو ل عیراقێ.
ئهڤرۆ نیوز:
فهرمانگهها پهیوهندیێن دهرڤه ل ههرێما كوردستانێ د رۆهنكرنهكێ دا رهتكر رێككهفتنهك د ناڤبهرا وێ و وهزارهتا دهرڤه یا حوكمهتا فیدرالى یا عیراقى هاتبیته ئیمزاكرن.
فهرمانگهها پهیوهندیێن دهرڤه د رۆهنكرنهكێ دا بهلاڤكر” د هندهك دهزگههێن راگههاندنێ دا هاتیه بهلاڤكرن كو رێككهفتنهك د ناڤبهرا فهرمانگهها پهیوهندیێن دهرڤه ل حوكمهتا ههرێمێ و وهزارهتا دهرڤه ل حوكمهتا فیدرالى یا عیراقى هاتیه بهلاڤكرن، ئهم ل فهرمانگهها پهیوهندیێن دهرڤه رادگههینین كو چو رێككهفتنهك ل گهل وهزارهتا دهرڤه یا عیراقا فیدرال نههاتیه كرن، بهلكو تنێ پهیوهندیهكا تهلهفۆنى یا ئاسایى د ناڤبهرا وهزیرێ دهرڤه یێ عیراقا فیدرال وبهرپرسێ فهرمانگهها پهیوهندیێن دهرڤه ل حوكمهتا ههرێمێ بوو كو د وێ پهیوهندیێ دا ب ههلكهفتا دهستبكاربوونا وى، وهزیرێ دهرڤهیێ عیراقا فیدرال پیرۆزباهى ل سهفین دزهیى كریه”.
دیاركر ژى” ژبهر سروشتێ كار وئهركێن مه، ب شێوهكێ بهردهوام ل گهل وهزارهتا دهرڤه یا عیراقا فیدرال د ههماههنگیێ داینه و پهیوهندیێن مه د ئاسایى نه”.
ئهڤرۆ نيوز:
راهێنهرێ ئهلمانى يێ يانا پاري سان جێرمان يا فرهنسى تومار توخێل بۆ ياريا ئهڤ شهڤه يا يانا وى بهرامبهر يانا تولوز ژ گهرا دويێ يا خولا فرهنسا ستێرا يانێ يێ بهرازيلى نيمار داسێلڤا ژ پێكهاتيێ تيمێ هاته دورخستن.
ب ڤێ بريارێ چارهنڤيسێ ياريزانێ بهرازيلى نيمارى دگهل يانا پاريس سان جێرمان ههتا رادهيهكێ مهزن مژهوى بوويه ئهوێ چهندين جاران راگههاندى حهزدكهت يانا خوه پاريس سان جێرمان بجه بهێليت.
د كونگرێ رۆژنامهڤانى بهرى دهمهكێ كێم توماس توخێل راهێهرێ پاريس سان جێرمان دياركر هنگافتنا نيمارى ب دووماهى هاتيه و راهێنانێن بكوم ئهنجامداينه لێ هێشتا چارهنڤيسێ وى دگهل كارگێريا يانێ ئێكلا نهبوويه.
پێكاهتيێ يانا پاريس بۆ ياريا ئهڤه شهڤه ب ڤى شێوهيه:
ئهڤرۆ نيوز:
ل دووڤ وان پێزانينێن ئهڤرۆ نيوز وهرگرتين، پشتى بهغدا پاره بۆ مووچێ فهرمانبهرێن ههرێما كوردستانێ هنارتين، پرۆسا بهلاڤكرنا مووچێ فهرمانبهران زووتر لێهاتيه وسوباهى ودوسوباهى دێ مووچێ ههموو وهزارهت ودهستهيان هێته بهلاڤكرن.
ل دووڤ وان پێزانينان، سوباهى ئێكشهمبى 25/8/2019 سامانێن سروشتى، ئهوقاف، خواندنا بلند، ناڤخوه، پێشمهرگێ زێرهڤانى وبهرگرى ناڤخوه، جڤاتا ئاسايشێ ودهزگههێ ئاسايشێ، رهگهزناما وپاسهپۆرت ليوايێن 1 و 2 يێن پۆليسێن پاراستنا دامودهزگههێن پهترۆلى.
ههروهسا دووسوباهى دوشهمبى 26/8/2019 مووچێ وهزارهتێن باژێرڤانى وگهشتوگوزار، ڤهگوهاستن وگههاندن، كارهبا، پلاندانان،چاندن و ژێدهرێن ئاڤێ، ئاڤهدانكرن وئاكنجيكرن، رهوشهنبيرى ولاوان، بازرگانى وپيشهسازى، زێدهبارى دهستهيێن مافێ مرۆڤى، دهستپاكى، وهبهرهێنان، ژينگه، دهزگههێ مين، دهڤهرێن دهرڤهى ئيدارا ههرێمێ، ديوانا چاڤدێريا دارايى، كۆمسيۆنا بلند يا ههلبژارتن وراپرسى، ههرسێ سهرۆكايهتيێن ههرێمێ وپهرلهمانى وجڤاتا وهزيران دێ هێته بهلاڤكرن.
ههروهسا د ڤێ حهفتيێ دا دێ مووچێ خانهنشينێن مهدهنى ولهشكرى ژى هێنه بهلاڤكرن.
ئهڤرۆ نيوز:
وهزارهتا نافخويا عيراقێ ئاشكرا كر ئهو شيان د قومارخانهيهكا باژێرێ بهغدا دا 24 ژنێن بيانى دهستهسهر بكهن.
زێدهتر د راگههاندنهكێ دا وهزارهتا نافخويا عيراقێ ئاشكرا كر د وێ قومارخانهيا باژێرێ بهغدا دا 24 ژنێن بيانى هاتنه دهستهسهركرن كو خهلكێ وهلاتێن جودا نه و د ناف وان دا زهلامێن بيانى ژى ههنه و ئهو كهسێن هاتينه دهستهركرن كار ل وى جهى د كر كو قومارا رولێتىێ بوو پشتى ڤهكولين د گهل وان دا هێته كرن ل دووڤ رێكارێن قانوونى دێ هێنه رهوانهكرن دادگههێ.
ئهڤرۆ نیوز:
یانهكا نهرویجی ڤهگوهاستنا یاریكهر (دانیێل نوتسێن) بۆ ناڤ رێزێن خوه راگههاند كو وى یاریكهرى ناڤێ خوه بۆ (لیۆنێل میسى) گوهۆریه.
یانا (ئهنكێرنى) یا نهرویجى د بهربهرێ خوه یێ فهرمى ل تویتهرى ڤهگوهاستنا ( دانیێل نوتسێن) یێ 16 سالى راگههاند كو ئهو یاریكهره ژبهر خوهشتڤیا وى بۆ یاریكهرێ بهرشهلونا وههلبژارتیێ ئهرجهنتینێ ناڤێ خوه كریه لیونێل میسى.
دانیێل ل بهرپهرێ فهرمى یێ یانا خوه یا نوو دبێژیت” د ژیێ گهلهك بچووك دا ئهز ب میسى مهندههوش بووم، لهوما ههر زوو من پلان بۆ گوهۆرینا ناڤێ خوه دانا.
ئهڤرۆ نيوز:
وهزيرێ باژێرڤانيان وگهشتوگوزارێ ل ههرێما كوردستانێ، ساسان عهونى ب بريارهكێ ههموو كارێن جڤاتێن باژێرڤانيان بۆ دهمێ ههيڤهكێ راگرتن ب مهرهما پێداچوونێ وههلسهنگاندنا كارێن وان جڤاتان.
ئهو برياره ئاراستهى رێڤهبهريێن گشتى يێن باژێرڤانيێن ههولێرێ وسلێمانيێ ودهۆكێ وههلهبجه وگهرميان وراپهرين وسۆران هاتيه كرن كو داخواز ژێ هاتيه كرن كارێن جڤاتێن باژێرڤانيان بهێنه راگرتن.
وێ بريارێ دياركريه كو راگرتنا كارێن جڤاتێن باژێرڤانيان دێ بۆ دهمێ ههيڤهكێ بيت ژ رۆژا 18/8/2019 ههتا 22/9/2019.
ئهڤرۆ نيوز:
ئانگريت كرامپ، وهزيرا بهرهڤانيا ئهلمانيا گههشته ههولێر و ژ لايێ سهفين دزهيى، بهرپرسێ فهرمانگهها پهيوهنديێن ژ دهرڤه يا ههرێما كوردستانێ هاته پێشوازيكرن.
بڕياره وهزيرا بهرهڤانيا ئهلمانيا ل گهل بهرپرسێن بلندێن ههرێما كوردستانێ كۆم ببيت و سهرهدانا شيرهتكارێن لهشكرى يێن وهلاتێ خوه بكهت كو د چارچۆڤێ ههڤپهيمانيا نێڤدهولهتى يا دژى داعش دا ب سهركرداتيا ئهمريكا، ل ههولێر مهشق و راهێنانێن لهشكرى ب هێزێن پێشمهرگهى دكهن.
ئانگريت كرامپ، وهزيرا بهرهڤانيا ئهلمانيا، دوهى 21ى تهباخا 2019ێ ب سهرهدانهكێ گههشته بهغدا يا پايتهختێ عيراقێ و ل گهل عادل عهبدولمههدى سهرۆك وهزيرێن عيراقێ و بهرپرسێن بلندێن لهشكرى يێن عيراقێ كۆمبوو.
ئهڤرۆ نيوز:
برياره وهزيرا بهرگرييا ئهلمانيا پشتى ب دووماهى ئينانا سهرهدانا خوه بۆ بهغدا پايتهختێ عيراقێ دێ سهرهدانا ههولێرێ پايتهختێ ههرێما كوردستانێ كهت.
ئهنگرێت كرامپ وهزيرا بهرگرييا ئهلمانيا ئهڤرۆ رۆژا سێشىمبى 20/8/2019 سهرهدانا بهغدا كريه دگهل بهرپرسێن بلندێن عيراقێ ژى كومبوويه، دهێته زانين پشتى سهرهدانا خوه بۆ بهغدا ب دووماهى دئينت دێ بهر ب ههولێرێ ژى هێت ديسان دێ دگهل بهرپرسێن بلند يێن ههرێمێ ژى كومبووم بيت.
ئهڤرۆ نیوز:
بهرپرسهكێ دارایى ئاشكراكر كو ژ ئهگهرێ گیرۆبوونا فهرمانا مهزاختنا پشكا مووچێ فهرمانبهرێن ههرێما كوردستانێ ژ لایێ حوكمهتا عیراقێ ڤه، پرۆسا بهلاڤكرنا مووچێ فهرمانبهرێن ههرێما كوردستانێ تا رادهكى ب خاڤێ ب رێڤه دچیت.
عابد مزیرى، رێڤهبهرێ لقێ ههولێر یێ بهنكا ناڤهندیا عیراقى راگههاند” ئهڤرۆ دوشهمبى ژى فهرمانا مهزاختنا پارێ مووچێ فهرمانبهرێن ههرێما كوردستانێ ژ بهغدا بۆمه نههاتیه”.
ل دۆر ئهگهرێ گیرۆبوونا هنارتنا وێ فهرمانێ، رێڤهبهرێ لقێ ههولێر یێ بهنكا ناڤهندیا عیراقى زێدهتر بۆ باسنیوز دیاركر كو ل گهل بهرپرسێن د سهر خوه دا ئاخڤتیه، بهلێ ب هوورى ناهێته زانین ئهگهرێ گیرۆبوونا هنارتنا فهرمانا مهزاختنێ چیه”.
دیاركر ژى” ههكه جڤاتا وهزیرێن عیراقێ فهرمانێ نهدهته وهزارهتا دارایى یا عیراقێ، وى دهمى وهزارهتا دارایى یا عیراقێ نهشێت فهرمانا مهزاختنا وى پارهى دهربكهت”.
ناڤبرى ئاماژه كر كو پارێ پێدڤى یێ ل بهر دهستێ لقێ ههولێرێ یێ بهنكا ناڤهندى یا عیراقێ وچو كێشهك نینه وههكه فهرمان بۆمه بهێت، راستهوخوه دێ پاره هێته دان بۆ وهزارهتا دارایى ل ههرێما كوردستانێ بۆ تمامكرنا پرۆسا بهلاڤكرنا مووچێ فهرمانبهران”.
دهێته زانین ههتا نوكه ڤان وهزارهت وفهرمانگههێن حوكمهتا ههرێمێ مووچێ ههیڤا گۆلانا 2019 وهرنهگرتیه:
ئهوقاف، خواندنا بلند،باژێرڤانى وگهشتوگوزار،ڤهگوهاستن وگههاندن، پلاندانان، چاندن وژێدهرێن ئاڤێ،ئاڤهدانكرن، بازرگانى وپیشهسازى، رهوشهنبیرى ولاوان، سهرۆكایهتیا ههرێمێ وسهرۆكایهتیا پهرلهمانى وسهرۆكاتیا جڤاتا وهزیران، پێشمهرگێن زێرهڤانى وبهرگرى وناڤخو، جڤاتا ئاسایشێ ودهزگههێ ئاسایشێ، رهگهزنامه، لێوایێن 1 و 2 یێن پۆلیسێن پاراستنا دامهدهزگههێن پهترۆلێ، خانهنشینێن پێشمهرگه وخانهنشینێن مهدهنى.
نيشاندان