ئه ڤرۆ، ئازاد گولهیی:
دراگههاندنهکێ دا بۆ دهزگایێن راگههاندنێ کو دانهیهك ژێ گههشتیه دهستێ پهیامنێرێ ئهڤرو نیوز ل ئوروپا..ئێکهتیا ئوروپا تهپا پێ یویفا دادڤانا فرهنسی ستیڤانی فراباتا ژی ٣٥ سالی دهستنیشان کر داکو یاریا سوپهرا ئوروپا دناڤبهرا ههردو یانێن لیڤرپول وچێلسی یێن ئنگلیزی ئهوا بریاره ١٤ ی ڤێ ههیڤێ ل باژێرێ ئیسته نبول بهێته ئه نجامدان.
ئهڤرۆ نيوز:
وهزارهتا كاروبارێن شههيد وئهنفالكريان ل ههرێما كوردستانێ راگههاند، هژمارا روفاتێن ئهنفالكريێن د ناڤ گۆرێ ب كۆم ل باژێرێ سهماوه زێدهتره ژ ئهوا هاتيه راگههاندن وههتا نوكه گههشتينه 115 روفاتان وپێشبينى دهێته كرن بگههيته 170 روفاتان.
فوئاد عوسمان، پهيڤدارێ وهزارهتا كاروبارێن شههيد وئهنفالكريان د داخۆيانيهكا رۆژنامهڤانى دا گۆت” ئهڤرۆ چارشهمبى 31/7/2019 د بهردهواميا دهركرنا روفاتێن د ناڤ گۆرێ ب كۆم ل سهماوه، هژمارا قوربانيان گههشته 115 كهسان وهێشتا تمام نهبوويه ژى وژ وێ هژمارا پێشتلر هاتيه راگههاندن گهلهك زێدهتره”.
گۆت ژى” دبيت ههتا دو رۆژێن دى تمام ببين ژ دهركرنا روفاتان وپێشبينيێ دكهين بگههنه 170 روفاتان”.
دياركر” پشتى دهركرنا دو گۆرێن دى يێن ب كۆم ل سهماوه، روفات دێ هێنه هنارتن بۆ نوشداريا داد ل بهغدا ونموونێن ههستيان دێ هينه وهرگرتن وپاشى د رێورهسمهكێ تايبهت دا دێ هێنه هنارتن بۆ ههرێما كوردستانێ”.
ئهڤرۆ نيوز:
دادگهها فيدراليا عيراقێ دهربارهى كورسيهكێ بۆ كوردێن ئێزدى ل پهرلهمانێ عيراقێ گوتوبێژان دكهت و روونكرنهكێ ژى د ڤى چارچوڤهى دا بهلاڤ دكهت.
ئهڤرۆ رۆژا چارشهمبى 31-7-2019 ئياس سامۆك ئاخفتنكهرێ دادگهها بلند يا فيدراليا عيراقێ د بهياننامهكێ دا راگههاند ئهڤرۆ ب ئامادهبوونا ههموو دادوهران گهنگهشه ل سهر داخوازهكا كوردێن ئێزدى هاتيه كرن كو تێدا هاتيه داخوازا كورسيهكێ دكهن د ههلبژارتنێن پهرلهمانێ عيراقێ يێن سالا 2022 دكهت و نوكه ئهڤ داخوازه د دێ كهڤيته ژێر ڤهكولين و ووردبينێ داكو ل ماوێ بهێت بريارهك ل سهر بهێتهدان.
ئهڤرۆ نيوز:
ئهڤرۆ رۆژا سێشهمبى مهسرور بارزانى سهرۆكێ حوكمهتا ههرێما كوردستانێ پێشوازى ل سهعدى پيره ئهندامێ مهكتهبا سياسى يا ئێكهتى و شاندێ دگهل دا كر.
سهعدى پيره ب نوونهراتيا مهكتهبا سياسى يا ئێكهتيێ پيروزباهيا سهرۆكێ حوكمهتا ههرێما كوردستانێ كر بههلكهفتا دهستبكاربوونا كابينهيا نوو و پشتهڤانيا حزبا ئێكهتيێ ژى بۆ حوكمهتێ دهربرى.
ژلايێ خوه ڤه سهرۆكێ حوكمهتا ههرێمێ سوپاسيا شاندێ ميڤان كر و دوپاتكر و حوكمهتا ههرێمێ يا ههموو خهلكێ كوردستانێ يه بێ جوداهى دێ خزمهتا ههموو باژێرێن كوردستانێ كهت و پێدڤيه ههموو حزب ژى پشتهڤان و هاريكارى حوكمهتێ بن بۆ جێبهجێكرنا كارناما حوكمهتێ.
ئهڤرۆ نیوز:
دهمهكێ كێم بهرى نوكه فروكێن شهرى یێن توركیا دوو ترومبێلێن گهریلایێن پارتا كرێكارێن كوردستانێ “پهكهكێ” كرنه ئارمانج و ب دژوارى بوردومانكرن، ب گورهى پێزانینێن ئهڤرۆ نیوز ترومبێلهك سوتیه و ئێك ژى ژكارئێخستیه.
ژێدهرهكێ ل نێزیك روودانێ بۆ ئهڤرۆ نیوز گۆت: (دهمهكێ كێم بهرى نوكه فروكێن شهرى یێن توركیا بو ئێكهمجار گوندێ پیروزانا یا سهر ب سهنتهرێ قهزا ئامێدیێ بردومانكر و بوردومانكرنا وێ ژى ب ئارمانجگرتنا ترومبێلێن پهكهكێ بو).
زێدهتر گۆت: (د وێ بوردومانێ دا دوو ترومبێلێن پهكهكێ كهفتینه بهر بوردومانێ و ترومبێلهك سوتیه و ئێك ژى ژ كارئێخستیه، بهلێ ههتا نوكه چ پێزانین لسهر قوربانیێن ناڤا بوردمانێ نینن).
ناڤبرى دیاركر ژى كو نوكه بوردومانێن توركیا بو دهڤهرێن ئاڤهدانى هاتیه گوهرین و خواست كو جهێن شولهژێ كار بكهن بو راگرتنا بوردومانێن توركیا بو سهر گوندهوارێن وان.
ئهڤرۆ نیوز ، عهلى حاجى :
ئاریشهیا نهراكرنا گلێشێ ل بهر دهرێ مالان ل هندهك ژ تاخێن باژێرێ زاخۆ یا بهردهوامه و ل هندهك تاخان ژ پێنچ ههتا ههشت روژان ئهو گلێشه ناهێنه راكرن و ئهڤ چهنده ژى دبیته كێشه بۆ وهلاتیان و بێهنهك نهخوهش بهلاڤ بوویه.
ئهحمهد محهمهد وهلاتیهكێ تاخێ عهباسیكێ یه ل زاخۆ، بۆ ئهڤرۆ نیوز ئاشكهرا كر راستى نهراكرنا ڤان بهرمایكان ئێشا دهروونى بۆ خهلكهكێ دروست كرى یه، ئێدى ئهم نهشێن بهێنه بهر دهرگههێن خوه ژبهر بێهنا پیس یا بهرمایكان ، ل تاخێ مه نێزیكى پێنچ روژایه ئهو بهرمایكه نههاتینه راكرن و ل هندهك تاخێن دیتر نێزیكى ههشت، ئهز دبینم ههكه ب ڤى رهنگى بیت دێ باژێرێ زاخۆ دناڤ گلێشى را بهرزه بیت و نهخوهشیێن مهزن پهیدا كهت ، ب راستى بێهنا مه تهنگ بویه و ئهم نوزانین چو بكهین ، بتنێ بۆ وهرگرتنا پارهیى دزیرهكن و بهرمایك ژى ل بهر دهرگههان درزن و چێل دخون و تاخان پیس دكهن و كومپانیا ژبهرى نوكه روژهكێ دهات و روژهكێ نهدهات.
بژار مونیب سهروكێ باژێرڤانیا زاخۆ بۆ ئهڤرۆ نیوز گوت : كارێ كومپانیا نوو ل زاخۆ دهست ب كار بووى ، كارێ وێ رێك و پێك نینه و ههتا ئامیرێ وێ ژى دكێمن و شیانێن پاقژكرنا باژێرى ب دروستى نینن و مه گهلهك ههولدان كرن هاریكاریا وان بكهین لێ ههر نهشیاینه كارێ خوه بكهن ، ل دور وێ راپورتا هاتیه بهر دهستێ من كومپانیا ناڤبرى هندهك ئامیرێن دیتر ئیناینه ، ل ڤێره ژى دا ئهم نهشێن ڤێ كومپانیێ سزا بدهین ژبهر كو ژبهرى ههڤبهستا كومپانیێ بهێته ئیمزا كرن دهست ب كار بوویه و ئهڤه ژى بهروڤاژى یاسایێ یه.
دا زانین ژى : ژ روویێ یاسایى ڤه ب هیچ رهنگهكى نهشێن ڤێ كومپانیێ سزا بدهین و پێرابونان ژى وهربگرین و گوت : پێدڤى بایه ئهڤ ههڤبهستا هاتبایه ئیمزا كرن ژ نوو كومپانیێ دهست ب كارێ خوه كربا و هاولاتى ژى ئێدى باجا ڤێ چهندێ نهدهن ژبهر كو ئهو ژههمى تشتان بۆ مه گرنگتره.
ئهڤرۆ نيوز:
ليوا شێركۆ زهنگهنه، فهرمانده ل زێرهڤانيا سنورى، راگههاند كو ژ ئهگهرێ گهريلايێن پارتيا كرێكارێن كوردستانێ “پهكهكه” زيانێن گيانى و ماددى يێن زۆر ب وهلاتيێن ههرێما كوردستانێ كهفتينه و ب تايبهت ل دهڤهرێن سنورى يێن ناڤبهرا ههرێما كوردستانێ و توركيا.
لێوا شێركۆ زهنگهنه بۆ ئاژانسا ئهنادۆل يا فهرمى يا توركيا گۆت: “ژ ئهگهرێ لڤينێن پهكهكێ و نێزيكبوونا وان ژ گۆندێن دهڤهرێن سنورى يێن ناڤبهرا توركيا و ههرێما كوردستانێ، رۆژانه وهلاتيێن گۆندێن سنورى يێ دهڤهرێن خوه ب جهـ دهێلن و گۆندان چول دكهن و ئاوارهى باژێران دبن و ئهڤه ژى ژ ههموو لايهكى ڤه بوويه جهێ دلتهنگيێ”.
ئهوى فهرماندێ سنورى ئامارهك ل دۆر چولكرنا گۆندێن سنورى بۆ ئاشكهرا كر كو ژمارا وان گۆندێن ژ بهر پهكهكێ هاتينه چولكرن ههتا نها زێدهترى 400 گۆندانه، خهلكێ وان ئاوارهى باژێر و باژێرك و گۆندێن ديرى سنوران بووينه.
گۆتژى: “ههر دهمێ بنگههـ و بارهگايێن پهكهكێ ل دهڤهرێن سنورى دهێنه بۆردۆمانكرن، پهكهكه زێدهتر خوه ل گۆندێن سنورى نێزيك دكهت و ژ ئهگهرێ وێ چهندێ خهلكێ وان دهڤهران زێدهتر ئاواره دبن، ل گهل ههر بۆردۆمانهكێ ئهم وهكو حوكمهت و لهشكرێ عيراقێ ل سهر ههموو پێشهاتان دهێينه ئاگههداكرن و ههموو هووردهكاريان بهرچاڤ دكهين”.
ليوا شێركۆى ئاماژه ب وێ چهندێ ژى كر كو ژ ئهگهرێ ههبوونا پهكهكێ سالانه زيانهكا زۆر ب بهرههمێ جۆتيارێن ههرێما كوردستانێ ژى دكهڤيت.
نهڤهشارت ژى كو ههرێما كوردستانێ جهێ پهكهكێ نينه و گۆت: “نابيت بۆ بهرژهوهنديا ئامانجێن سياسى يێن خوه ب كار بينيت و زيانێ بگههينيته ههرێما كوردستانێ و ب ڤى رهنگى دهستان د ژيانا وهلاتيان وهربدهن و خهلكى بێزار بكهن”.
ئەڤرۆ نیوز، عەلی حاجی :
ئەڤرۆ ل روژا دوشەمبێ رێکەڤتی ۲۷/۷/۲۰۱۹ ل هولا باژێرڤانیا زاخۆ ۱۰ پارچە زەڤی ل سەر شەهیدێن شەر دژی رێکخراوا داعش و حەشد شەعبی هاتنە بەلاڤ کرن.
بژار مونیب سەروکێ باژێرڤانیا زاخۆ بۆ ئەڤرۆ نیوز دیار کر ئەڤ پرچە زەفی ب هەڤکاری دگەل رێڤەبەریا گشتی یاشەهیدان و ئەنفالکریان ل پارێزگەها دهوکێ ب سەر ۱۰ خزانێن پێشمەرگەێن دشەرێ دژی رێکخراوا تیروریستیا داعش و حەشد شەعیشەهید بوین هاتنە بەلاڤ کرن ئەڤ پارچە زەڤیێ ل دەڤەرا دەشتمێرێ هاتینە دان ژبەر کو مە دەڤەرا دەشتمێرێ ژهەژی ڤان خێزانان دیتن ئەو پارچە زەڤی ل وێ دەڤەرێ بەلاڤکرن ئەڤە دبیتە گەرا سیێ یا بەلاڤکرنا پارچە زەڤیان لسەر خێزانێن شەهیدێن شەرێ دژی داعش .
ناڤهاتی گوت ژی : وەکو باژێرڤانیا زاخۆ پێشتر مە دیارکر بو زێدەباری گەهاندنا خزمەت گوزاریان بۆ وان دەفەرێن پارچە زەڤی ب کەس و کارێن شەهیدان هاتینە دان مە دو ئەندازیارێن سەر ب باژێرڤانیا زاخۆڤ ئێخستینە دخزمەتا وان دا داکو ددەما ئاڤاکرنا ئاڤاهیێن خوە دا هاریکاریا وان بهێتە کرن هەر دیسان پێدڤیێن ئاڤاکرنا ئاڤاهیان ژی بۆ وان ژلایێ مەڤە بهێنە دابین کرن.
ئهڤرۆ نیوز، عهلى حاجى :
دداخویانیهكێ رێڤهبهرێ بهرگريا شارستانيا باژێرى ل زاخۆ بۆ ئهڤرۆ نیوز ئاشكهرا كر دماوێ حهفت ههیڤێن دهرباز بوویى دا تیمێن مهێن گهروك شیاینه نهه كهسان ژ خهندقینێ قورتال بكهن و زێدهبارى وێ چهندێ ژى مه پێدڤى دامهرزراندنا پولیسێن دهریایى ههنه.
موقهدهم خالد سهعید زێدهتر گوت: مه تیمهك یا نقومڤانى ل نێزیك پرا دهلال بنهجه كرى یه و روژانه كار دكهن ، دماوێ حهفت ههیڤێن بورى دا تیما مه یا نقومهڤانى ل نێزیك پرا دهلال شیاینه نهه كهسان ژخهندقینێ رزگار بكهن و پرانیا وان كهسان ژى سنێله بوون ، زێدهبارى وێ چهندێ سنورێ كاركرنا تیمێن مه یا گهلهكه ژبهر كو ل زاخۆ و دهوروبهرێن وێ پرانیا وێ ئاڤه ، ژبهر ڤێ چهندێ ئهم داخازا دامهزراندنا پولیسێن دهریایى دكهن و دانانا تیمێن نقومهڤانى نابیته ئهگهرێ وێ چهندێ رێژهیا خهندقینێ كێمتر ببیت.
ناڤهاتى گوت ژى: ب مخابنى ڤه ههتا نوكه ل زاخۆ 8 كهس خهندقینه و دو ژوان ژى خوه دناڤ ئاڤێ دا خهندقاندینه، ههتا نوكه تهرمێ دو ژ وان كهسان ژى نههاتیه دیتن و زێدهبارى وێ چهندێ تیمێن مه بهردهوامن ل سهر لێگهریانێ و پشتى نزم بونا ئاستێ ئاڤا خابیرى ، مه ههولێن خوه خورتر لێكرینه دا كو بشێن دنێزیكترین دهم دا وان ههردوو تهرمان ببینن و بۆ كهس و كارێن وان ڤهگهرینن.
.
نيشاندان