وه‌زيرا به‌ره‌ڤانيا ئه‌لمانيا گه‌هشته‌ هه‌ولێر

21/08/2019 10:07

ئه‌ڤرۆ نيوز:

ئانگريت كرامپ، وه‌زيرا به‌ره‌ڤانيا ئه‌لمانيا گه‌هشته‌ هه‌ولێر و ژ لايێ سه‌فين دزه‌يى، به‌رپرسێ فه‌رمانگه‌ها په‌يوه‌نديێن ژ ده‌رڤه‌ يا هه‌رێما كوردستانێ هاته‌ پێشوازيكرن.

بڕياره‌ وه‌زيرا به‌ره‌ڤانيا ئه‌لمانيا ل گه‌ل به‌رپرسێن بلندێن هه‌رێما كوردستانێ كۆم ببيت و سه‌ره‌دانا شيره‌تكارێن له‌شكرى يێن وه‌لاتێ خوه‌ بكه‌ت كو د چارچۆڤێ هه‌ڤپه‌يمانيا نێڤده‌وله‌تى يا دژى داعش دا ب سه‌ركرداتيا ئه‌مريكا، ل هه‌ولێر مه‌شق و راهێنانێن له‌شكرى ب هێزێن پێشمه‌رگه‌ى دكه‌ن.

ئانگريت كرامپ، وه‌زيرا به‌ره‌ڤانيا ئه‌لمانيا، دوهى 21ى ته‌باخا 2019ێ ب سه‌ره‌دانه‌كێ گه‌هشته‌ به‌غدا يا پايته‌ختێ عيراقێ و ل گه‌ل عادل عه‌بدولمه‌هدى سه‌رۆك وه‌زيرێن عيراقێ و به‌رپرسێن بلندێن له‌شكرى يێن عيراقێ كۆمبوو.

وه‌زيرا به‌رگرييا ئه‌لمانيا دێ سه‌ره‌دانا هه‌ولێرێ كه‌ت

20/08/2019 16:21

ئه‌ڤرۆ نيوز:

برياره‌ وه‌زيرا به‌رگرييا ئه‌لمانيا پشتى ب دووماهى ئينانا سه‌ره‌دانا خوه‌ بۆ به‌غدا پايته‌ختێ عيراقێ دێ سه‌ره‌دانا هه‌ولێرێ پايته‌ختێ هه‌رێما كوردستانێ كه‌ت.

ئه‌نگرێت كرامپ وه‌زيرا به‌رگرييا ئه‌لمانيا ئه‌ڤرۆ رۆژا سێشىمبى 20/8/2019 سه‌ره‌دانا به‌غدا كريه‌ دگه‌ل به‌رپرسێن بلندێن عيراقێ ژى كومبوويه‌، دهێته‌ زانين پشتى سه‌ره‌دانا خوه‌ بۆ به‌غدا ب دووماهى دئينت دێ به‌ر ب هه‌ولێرێ ژى هێت ديسان دێ دگه‌ل به‌رپرسێن بلند يێن هه‌رێمێ ژى كومبووم بيت.

نووترین پێزانین ل دۆر پرۆسا به‌لاڤكرنا مووچه‌ى

19/08/2019 20:31

4137

ئه‌ڤرۆ نیوز:

به‌رپرسه‌كێ دارایى ئاشكراكر كو ژ ئه‌گه‌رێ گیرۆبوونا فه‌رمانا مه‌زاختنا پشكا مووچێ فه‌رمانبه‌رێن هه‌رێما كوردستانێ ژ لایێ حوكمه‌تا عیراقێ ڤه‌، پرۆسا به‌لاڤكرنا مووچێ فه‌رمانبه‌رێن هه‌رێما كوردستانێ تا راده‌كى ب خاڤێ ب رێڤه‌ دچیت.

عابد مزیرى، رێڤه‌به‌رێ لقێ هه‌ولێر یێ به‌نكا ناڤه‌ندیا عیراقى راگه‌هاند” ئه‌ڤرۆ دوشه‌مبى ژى فه‌رمانا مه‌زاختنا پارێ مووچێ فه‌رمانبه‌رێن هه‌رێما كوردستانێ ژ به‌غدا بۆمه‌ نه‌هاتیه‌”.

ل دۆر ئه‌گه‌رێ گیرۆبوونا هنارتنا وێ فه‌رمانێ، رێڤه‌به‌رێ لقێ هه‌ولێر یێ به‌نكا ناڤه‌ندیا عیراقى زێده‌تر بۆ باسنیوز دیاركر كو ل گه‌ل به‌رپرسێن د سه‌ر خوه‌ دا ئاخڤتیه‌، به‌لێ ب هوورى ناهێته‌ زانین ئه‌گه‌رێ گیرۆبوونا هنارتنا فه‌رمانا مه‌زاختنێ چیه‌”.

دیاركر ژى” هه‌كه‌ جڤاتا وه‌زیرێن عیراقێ فه‌رمانێ نه‌ده‌ته‌ وه‌زاره‌تا دارایى یا عیراقێ، وى ده‌مى وه‌زاره‌تا دارایى یا عیراقێ نه‌شێت فه‌رمانا مه‌زاختنا وى پاره‌ى ده‌ربكه‌ت”.

ناڤبرى ئاماژه‌ كر كو پارێ پێدڤى یێ ل به‌ر ده‌ستێ لقێ هه‌ولێرێ یێ به‌نكا ناڤه‌ندى یا عیراقێ وچو كێشه‌ك نینه‌ وهه‌كه‌ فه‌رمان بۆمه‌ بهێت، راسته‌وخوه‌ دێ پاره‌ هێته‌ دان بۆ وه‌زاره‌تا دارایى ل هه‌رێما كوردستانێ بۆ تمامكرنا پرۆسا به‌لاڤكرنا مووچێ فه‌رمانبه‌ران”.

دهێته‌ زانین هه‌تا نوكه‌ ڤان وه‌زاره‌ت وفه‌رمانگه‌هێن حوكمه‌تا هه‌رێمێ مووچێ هه‌یڤا گۆلانا 2019 وه‌رنه‌گرتیه‌:

ئه‌وقاف، خواندنا بلند،باژێرڤانى وگه‌شتوگوزار،ڤه‌گوهاستن وگه‌هاندن، پلاندانان، چاندن وژێده‌رێن ئاڤێ،ئاڤه‌دانكرن، بازرگانى وپیشه‌سازى، ره‌وشه‌نبیرى ولاوان، سه‌رۆكایه‌تیا هه‌رێمێ وسه‌رۆكایه‌تیا په‌رله‌مانى وسه‌رۆكاتیا جڤاتا وه‌زیران، پێشمه‌رگێن زێره‌ڤانى وبه‌رگرى وناڤخو، جڤاتا ئاسایشێ وده‌زگه‌هێ ئاسایشێ، ره‌گه‌زنامه‌، لێوایێن 1 و 2 یێن پۆلیسێن پاراستنا دامه‌ده‌زگه‌هێن په‌ترۆلێ، خانه‌نشینێن پێشمه‌رگه‌ وخانه‌نشینێن مه‌ده‌نى.

كاره‌با زاخۆ پێدڤى ب پشته‌ڤانيه‌كا زێده‌تره‌

18/08/2019 18:30

ئەڤرۆ نیوز، عەلی حاجی:

رێڤەبەرێ بەلاڤکرنا کارەبا زاخۆ بۆ دیارکر ئەو پارێ هەیڤانە وەکو نه‌سریە بۆ رێڤەبەریا مە دهێت گەلەک کێمە و تێرا هندێ ناکەت ئەم کارێ خوە یێ روژانە پێ ئەنجام بدەین.

زێدەتر ئەندازیار خالد سالح بۆ ئه‌ڤرۆ نیوز گوت: وەکو نەسریا هەیڤانە تنێ 45 ملیون دینار دهێنە مه‌زاختن و ئەف کوژمە کێمە و تێرا هندێ ناکەت ئەم بشێن کارێ روژانە پێ ئەنجام بدەین ژبەرکو سالانە نێزیکی 200 پێگۆهرێن کارەبێ د پەقن و زێدەباری وێ چەندێ ژی سالانە 56 ترومبێلێن مە پێدڤی ب سەخبێریێ هەنه‌ دیسان ژبەرکو باژێرێ زاخۆ یێ مەزن دبیت و روژانە پێگوهرێن و هێلێن کارەبێ ژی ژ کاردکەڤن و پێدڤی ب زووترین دەم دا بهێنە دروست کرن داکو ئاریشە بۆ هاولاتیان دروست نەبیت.

ناڤهاتی گوت ژی : ئەم ب هێڤی نە ئەڤ نەسریا هەیڤانە بهێتە زێدەکرن هەر چو نەبیت هەما 50٪ وەکو نەسریا سالێن 2012 لێ بهێت بۆ زێدەکرنا نەسریێ ژی مە داخواز ژهەمی لایەنێن پەیوەندیدار ژی کری یە و هەر دیسان ب رێیا پەرلەمانتاران ژی مە ئەڤ داخواز یە کری یە و ب هیڤی نە ئەڤ کوژمە زێدەتر لێ بهێت داکو باشتر بشێن خزمەتا هاولاتیان بکەین.

دەزگایێ بارزانی دیاریێن جەژنێ بەلاڤ کرن

17/08/2019 18:00

ئەڤرۆ نیوز، عەلی حاجی:

د داخویانیەکێ دا بەرپرسێ ئوفیسا زاخۆ یا دەزگایێ بارزانیێ نەمر بۆ ئەڤرۆ نیوز دیارکر د ماوێ هەیڤەکێ دا مە شیا چەندین هاریکاریان بگەهینە هاولاتیێن خوە جهێن زاخۆ، دبەرنامەیێ مە دایە چەندین هاریکاریێن دیتر ژی بگەهینن وه‌لاتیان.

محەمەد مەهدی ئەو چەندە ژی گوت: بەری جەژنا قوربانێ دو روژان وەکو دەزگایێ بارزانیێ نەمر مە ۸ ئامیرە ل سەر ۸ پەککەڤتیێن زاخۆ بەلاف کرن و بریارە هەر د ماوێ دو حەفتیان دا ئامیرەیێن تایبەت ب پەککەفتیان ڤە بەلاڤ بکەین، ژبەکو رێژەیەکا زور یا ناڤێ پەککەفتیان ل دەڤ مە هاتینە تومار کرن زێدەباری وێ چەندێ ژی دماوەیێ ڤێ هەیڤێ دا مەشیا چەندین هاریکاریان بگەهیننە وان کەسێن چادرێن وان دناڤ کەمپا چەمشکو دا سوتین.

ناڤهاتی گوت ژی : وەکو جەژن مە چەندین پێدڤیێن ناڤ مالێ پێشکێشی ۱۰خێزانێن هەژار ل زاخۆ کرن کو پرانیا وان کەسێن گەلەک دەست کورت بون؍ئەو دیاری ژی پێک دهاتن ژ ( سەلاجە و موجەمیدە و تەلەڤزیون) و گەلەک تشتێن دیتر؍کو بو هەر مالەکێ ب بهایێ 450 دولاران ئەو کەل و پەل بەرکەڤتن سەرجەمێ گشتیێ وان هاریکاریان دبو 3500 هزار دولارێن ئەمریکی ئەڤ پروژە ژی دێ بەردەوام بیت، هەتا کو بشێن پرانیا دەست کورتان وان هاریکاریان بگەهیننە دەستێ وان.

د بهێنڤه‌دانا جه‌ژنێ دا چه‌ند كه‌س ب رێيا ده‌رگه‌هێ ئيبراهيم خه‌ليل چووينه‌ توركيا؟

17/08/2019 12:11

1097

ئەڤرۆ نیوز،‎ ‎عەلی حاجی :‏

د‎ ‎داخویانیەکێ دا رێڤەبەرێ ئاسایشا گومرکا ئیبراھیم خەلیل بۆ ئەڤرۆ نیوز ئاشکەرا کر ئەو قەرەبالغا ل لایێ ‏تورکیا دروست بوویی کو بوویە ئەگەر بۆ ماوەیێ دو رۆژایە ھندەک ترۆمبێل ماینە د سرایێ دا ژ بەر رێژەیا ‏زورا چوونا وەلاتیێن کوردستانێ بۆ وەلاتێ تورکیا .‏

عەبدوەلوەھاب محەمەد گۆتژی : ئەڤ قەرەبالغا نوکە ل لایێ وەلاتێ تورکیا دروست بوویی، ھەمان قەرەبالغ ل ‏پێشیا جەژنێ د ناڤ دەرگەھێ نێڤدەولەتی یێ ئیبراھیم خەلیل ژی دروست ببوو، ژ بەر کو دڤێ جەژنێ دا ‏رێژکا زۆر یا وەلاتیێن ھەرێما کوردستانێ قەستا وەلاتێ تورکیا کربوون ب مەرەما گەشتکرنێ، ئەم پێشبینی ‏دکەین ھەتا دو یان سێ روژێن دی ئەو قەرەبالغ بمینیت، ژ بەر کو د نوکە دا بھێنڤەدان ل کوردستانێ ب دووماھی ‏ھات و ئەو گەشتیار ژی ژ بەر ڤێ چەندێ ڤەدگەرنە کوردستانێ و ب چو رەنگەکێ ژی گومرگا تورکیا ‏رانەوەستیایە و بەردەوام یێ کار کەن، بەلێ ژ بەر ب رێڤەبرنا مامەلەێن گەشتیاران کار ب گیرۆ دبیت.‏

دیار کر ژی کو وەکو دەرگەھێ نێڤدەولەتی یێ ئیبراھیم خەلیل د پەیوەندیێن بەردەوام داینە د گەل ‏گومرکا وەلاتێ تورکیا بۆ چارەسەر کرنا ڤێ کێشێ و گۆتژی: دا کو چو کێشەیەک ل لایێ مە دروست نەبیت مە ‏چەندین کومپیوتەرێن پاسەپورتان خستینە د خزمەتا خەلکی دا.‏

دا زانین ژی کو دبیت ھێشتا ھندەک وەلاتیێن مە ل لایێ تورکیا مابن ژ بەر ڤێ قەرەبالغێ ڤەنەگەریابنە ‏کوردستانێ، ئەم د نوکە ژی دا بەردەوامین ل سەر ھەولێن خوە و دخوازین ژی د زووترین دەم دا ھەمی وەلاتی ‏ڤەگەرنە کوردستانێ ب سلامەتی.‏

ب گورەی پێزانینێن ب دەست ب ئەڤرۆ نیوز کەفتین ل دو روژێن بەریا جەژنێ ھەتا رۆژێن جەژنێ نێزیکی 55 ‏ھزار کەسان ب رێیا دەرگەھێ نێڤدەولەتی یێ ئیبراھیم خەلیل قەستا وەلاتێ تورکیا کر بوون.‏

پارێزگه‌رێ دهوكێ بوه‌كاله‌ت دویڤ چونا ره‌وشا ئاڤا دهوك وسێمێلێ دكه‌ت

14/08/2019 18:19

1572

ئەڤرۆ نیوز:

پشتى ل روژێن ده‌ربازبوى ئاریشا كێم ئاڤیێ ل هنده‌ك تاخێن دهوك وسێمێلێ په‌یدابوى وژبو دویڤ چونا ئاریشا كێم ئاڤیێ ل سه‌نته‌رێن هه‌ردوو قه‌زایێن ناڤبرى ئه‌ڤروسپێدێ 14-8-2019به‌رێز به‌هزاد على ئاده‌م پارێزگه‌رێ دهوكێ ب وه‌كاله‌ت وب هه‌ڤالینیا قایمقامێن قه‌زایێن دهوك وسێمێلێ ورێڤه‌به‌رێ ئاڤا دهوكێ سه‌را پروژێ سه‌ره‌كى یێ ئاڤێ ل خراب دێمى دا ژلایێ رێڤه‌به‌رێ پروژه‌ى پێشوازى لێ هاته‌ كرن.
پاش كومبونه‌ك هاته‌ ئه‌نجامدان دكومبونێدا به‌حسێ ره‌وشا پروژه‌ى وپه‌یدابونا هنده‌ك ئاریشێن ته‌كنیكى د پروژه‌ى دا هاته‌ كرن.
هه‌روه‌سا هاته‌ دیاركرن كو ژبه‌ر بلندبونا پله‌یێن گه‌رمێ كه‌ڤز دعومبارێن ئاڤێ دا په‌یدابویه‌ وئه‌ڤ ئاریشه‌ بویه‌ سه‌ده‌م هنده‌ك فلته‌رێن پاقژكرنا ئاڤێ خرابوینه‌ وئاڤ وه‌كو پێدڤى بو تاخێن باژێرێن دهوك وسێمێلێ ناهێته‌ پالدان.
پاش دكونگره‌كێ روژنامه‌ڤانیدا پارێزگه‌رێ دهوكێ ب وه‌كاله‌ت و قایمقامێن قه‌زایێن دهوك وسێمێلێ ورێڤه‌به‌رێ ئاڤا دهوكێ دیاركرن كو نوكه‌ كاردپاقژكرنا فلته‌ران دا دهێته‌ كرن ول ده‌مه‌كێ نێزیك ئه‌ڤ كێشه‌ دێ هێته‌ چاره‌سه‌ركرن وپروژه‌ وه‌كو جاران دێ ئاڤێ پالده‌ت بو تاخێن هه‌ردوو باژێرا وئه‌و ئاڤا هه‌ى ب دادوه‌رى ل سه‌ر هه‌موو تاخان دهێته‌ به‌لافكرن وئه‌و تاخێن دى ب تانكه‌را ئاڤ دێ لسه‌ر هێته‌ به‌لافكرن هه‌تا كێشه‌ ب ته‌مامى دهێته‌ چاره‌سه‌ركرن.

بەحسێ پێدڤیا پارێزگەھا دھۆکێ ب نەخۆشخانان ھاتە کرن

08/08/2019 21:48

129

ئەڤرۆ نیوز:
ئه‌ڤرو ئێڤارى 8 / 8/2019 ل كوچكا مێهڤانداریان فه‌رهاد ئه‌مین ئه‌تروشى پارێزگه‌رێ دهوكێ پێشوازیا (سامان حسێن به‌رزنجى ) وه‌زیرێ ساخله‌میا حكومه‌تا هه‌رێما كوردستانێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا رێڤه‌به‌رێ گشتى یێ ساخله‌میێ ل پارێزگه‌هێ به‌حسێ ره‌وشا دام وده‌زگه‌هێن ساخله‌میێ ل پارێزگه‌هێ وئه‌و فشارا ئاواره‌ وپه‌نابه‌ران ئێخستیه‌ سه‌ر هه‌موو نه‌خوشخانه‌ وبنگه‌هێن ته‌ندورستى ل پارێزگه‌هێ وپێدڤیا پارێزگه‌هێ ب ئاڤاكرنا چه‌ند نه‌خوشخانا تایبه‌ت نه‌خوشخانا په‌نجه‌شێرێ هاته‌ كرن.
پارێزگه‌رێ دهوكێ خوشحالیا خو ب سه‌ره‌دانێ دیاركر وته‌كه‌زكر كو پارێزگه‌ها دهوكێ پێدڤیا ب ئاڤاكرنا وان نه‌خوشخانا هه‌یه‌ یێن كو به‌رى نوكه‌ كار ل سه‌ر هاتیه‌ كرن وماینه‌ ب رێڤه‌ تایبه‌تى نه‌خوشخانا په‌نجه‌شێرێ هه‌روه‌سا كێماسى یا ل دامه‌زراندنا نوشدار وكارمه‌ندێن ساخله‌میێ وئامیره‌تێن نوشدارى وچه‌ند پێدڤیێن دن هه‌یه‌ وخواست كو وه‌زاره‌تا ساخله‌میێ گرنگیێ بده‌ته‌ وان پێدڤى وپروژان چونكو دگرێداینه‌ ب ژیانا روژانه‌ یا وه‌لاتیان ڤه‌ وبه‌رهه‌ڤیا پارێزگه‌هێ نیشان دا بو هه‌ر هه‌ڤكاریه‌كێ.
ژلایێ خوڤه‌ وه‌زیرێ ساخله‌میێ ته‌كه‌زكر كو ئه‌م هاتینه‌ دا ژنێزیك كێم وكاسیێن كه‌رتێ ساخله‌میێ ل پارێزگه‌هێ ببینن وپشتى ڤه‌دگه‌رین بو پایته‌ختى دێ دگه‌ل جڤاتا وه‌زیران گفتو گوكه‌ین كو هه‌موو كێماسى بهێنه‌ چاره‌سه‌ركرن.

هه‌ر كه‌سه‌كێ پرا ده‌لال تێكبده‌ت دێ سكالا ل سه‌ر هێته‌ توماركرن

07/08/2019 18:00

117

ئه‌ڤرۆ نیوز ، عه‌لى حاجى:

د داخویانیه‌كێ دا رێڤه‌به‌رێ شینوارێن زاخۆ بۆ ئه‌ڤرۆ نیوز ئاشكه‌را كر ئێدى ب هیچ ره‌نگه‌كێ قه‌بیل ناكه‌ین پرا ده‌لال تێكده‌ن و هه‌لكرنا ئاگرى و چه‌ندین تشتێن دى پێدڤى یه‌ بهێنه‌ قه‌ده‌غه‌كرن .

محه‌مه‌د یوسف ئه‌و چه‌نده‌ ژى گوت: د پارچه‌ ڤیدیویه‌كێ دا دیار بیت كو هنده‌ك كه‌س ل ته‌نشت پرا ده‌لال ئاگرى هه‌لدكه‌ن، ب راستى وان دیمه‌نا ئه‌م ئێشاندین ژبه‌ركو پرا ده‌لال جهه‌كێ دیروكیێ ڤى باژێرى یه‌ و دڤێت ژنێزیك ڤه‌ چاڤدێرى لێ بهێته‌ كرن، زێده‌بارى وێ چه‌ندێ ژى ماوه‌كه‌ كومپانیا راكرنا گلێشى به‌رمایك و گلێشێ ل نێزیك پرا ده‌لال بۆ ماوێ چه‌ند روژه‌كا دهێلیت و ناراكه‌ت و ئه‌ڤ چه‌نده‌ ژى دیمه‌نه‌كێ كرێت ده‌ته‌ پرا ده‌لال و هاتنا گه‌شتیاران بۆ وى جهى دزێده‌بونێ دایه‌.

ناڤبرى گوت ژى : بو ڤێ چه‌ندێ دێ دو نڤیساران ره‌وانه‌ى كه‌ین ، ئێك بۆقاممقامیا زاخۆ و یا دى ژى بۆ باژێرڤانیا زاخۆ،ژبه‌ر كو دا ژنێزیك ڤه‌ چاڤدێرى ل پرا ده‌لال بهێته‌ كرن یان ژى خاله‌كا پولیسان ل لایێ دیێ پرێ بهێته‌ دان دا كو رێگرى ل خراب كارا بهێته‌ گرتن و هه‌ر كه‌سه‌كێ ب وى كارى رابیت ژى دێ سكالایێ ل سه‌ر تومار كه‌ین.

زیان ڤێ کەفتیێن کەمپا چەمشکو دێ هێنە قەرەبوکرن

06/08/2019 18:00

ئەڤرۆ نیوز، عەلی حاجی :

پشتی ئەڤرۆ ل روژا سێ شەمبێ ل دەمژمێر ٦:۲۰ خولەک ژ ئەگەرێ شورتەکێ کارەبێ ۲۰ خيڤه‌تێن دناف کەمپا چەمشکو دا سوتین و زیانێن ماددی بەر خودانێن وان کەڤتین نوكه‌ كار بۆ قه‌ره‌بووكرنا وان دهێته‌ كرن.

مەئمون یەحیا رێڤەبەرێ کەمپا چەمشکو بۆ، ئه‌ڤرۆ نیوز ئاشکەرا کر پشتی ئەو روودانا سوتنێ روویدای دناڤ کەمپێ دا ئێسکەر قایممامێ زاخۆ و سەرۆکێ باژێرڤانیا زاخۆ و رێڤەبەرێ ئاسایشا زاخۆ ل جهێ روودانێ ئامادەبوون و بەرهەڤیا خوە دیار کرینە کو زووترین دەم دا ئەو هاولاتی یە بهێنە قەرەبوکرن، هەر دیسان بۆ قوناغا ئێکێ مە جهەک بۆ وان خێزانان دەست نیشان کرینە کو ژیانا خوە دەرباز بکەن دناڤ کەمپێ دا، هەتا کو جهێ وان بهێتە نووژەنکرن.

ناڤهاتی گوت ژی: دێ هەوەکا مەزن دناڤ کەمپێ دا دەست پێ کەین داکو جل و بەرگ و پێدڤیێن خارنێ بۆ ڤان ۲۱ خێزانا بهێنە دابین کرن و هەر دیسان دنوکە دا ئەم چاڤەرێ هندێ نە راپورتا بەرەڤانیا باژێری نە ژبو وێ چەندێ ئەم بزانین زەرەرو زیانێن وێ روودانێ چەندن ل پشت را ئەو راپورت دێ هێتە رەوانەکرن بۆ جهێن شولەژێ و زێدەباری وێ چەندێژی مە راپورتەک دی ڤرێکری یە بو بوردێ کاروبارێن مروڤانل پارێزگەها دهوکێ دا کو ئەو ۲۱ خێزان بهێنە قەرەبوکرن و چادرێن نوو بو وان بهێنە دابین کرن.

نيشاندان 1...737475...85 زێده‌تر

لاپه‌ر 74 ژ 85