ئەڤرۆ نیوز، بارزان مزووری:
بەری ھاتنا رێکخراوا تیرۆرستی یا داعش بۆ سەر پارێزگەھا مووسل ل 2014ێ کوردان چەندین پوستێن ئیداری ھەبوون، د نھا دا ئیدارا نوو یا مووسل دروست بوویە کورد یێ بزاڤێ دکەن کو دووبارە وان پوستان وەربگرن.
سیروان رۆژبەیانی، جێگرێ ئێکێ یێ پارێزگارێ مووسل بۆ ئەڤرۆ نیوز ئاشکرا کر کو ئەو یێ بزاڤێ دکەن دڤان رۆژێن بھێت دا کومبونەکێ ل پارێزگەھا مووسل ئەنجام بدەن ل دور پرکرنا وان پوستێن د دەستێ کوردان دا یێن بەری 2014ێ کو ئەو پوست دووبارە بھێنە پرکرن ژ لایێ کوردان ڤە، “ئەم ب مافێ خۆ دزانین وان پوستان وەرگرین”.
عەلی خەلیل، بەرپرسێ لقێ 14 یا مووسل یا پارتی دیموکراتی کوردستان بۆ ئەڤرۆ نیوز خویاکر پۆستێ سەرۆکێ جڤاتا پارێزگەھێ و سەرۆکێ جڤاتا قەزا مووسل و جێگرێ ئێکێ یێ پارێزگەھا مووسل د دەستێن پارتی دایە بەری شەرێ رێکخراوا تیرۆرستی یا داعش بۆ سەر پارێزگەھا مووسل گەلەک پۆستێن دی د دەستێن کوردان دا بوون.
بەرپرسێ لقێ 14 یێ مووسل ئاماژە ب وێ چەندێ ژی کر کو ئەو یێ بزاڤێ دکەن کو ئەوان پۆستان دووبارە وەرگرن ژ بەر کو پشکا مەزن یا پوستان یا پارتی یە ل ڤێ پارێزگەھێ حوکمێ وێ چەندێ ل جڤاتا پارێزگەھێ و قەزا مووسل پارتی 18 کورسی یێن ھەین.
ناڤھاتی خویاکر د نھا دا ئیدارا نوو یا مووسل یا دروست بوویی، “ئەم ژی ب مافێ خۆ دزانین ئەوان پۆستێن خۆ یێن بەری 2014ێ ڤەگەرینین”.
نيشاندان