ئەڤرۆ نیوز:

چوونا ستێرا بەلجیکی ئیدن ھازارد ژ یانا چێلسی یا ئنگلیزی بۆ یانا ریال مەدرید ئێکلا بوویە، پشتی راپورتێن رۆژنامەڤانی یێن ئسپانی و ئنگلیزی ب دووماھی ھاتیە تنێ مایە ب فەرمی ژ لایێ یانا مەلەکی ڤە بھێتە راگەھاندن.

راپورتێن رۆژنامەڤانی ئەو چەندە ژی دیارکریە پشتی بۆ ماوێ دو حەفتیان دانوستاندێن درێژ و بەردەوام ناڤبەرا ھەردو یانان دا ل دووماھیێ یانا چێلسی ب زەحمەت ھاتیە رازیکرن داکو دەستبەرداری ستێرا خوە ھازاردی بیت ژ بەرکو نوکە یانا چێلسی یا ئنگلیزی ھاتیە سزادان ژ لایێ ئێکەتیا فیفایێ ڤە ژ بەر سەرپێچیا وێ د بازارێ ڤەگوھاستنان دا لەورا سەرۆکێ یانا چێلسی ل دووماھیێ بریار دا ستێرا خوە ھازاردی بفروشیت و مفای ژ داھاتێ فروتنا وی وەرگریت ژ بەرکو ل سالا بھێت دێ بەلاش یانێ بجە ھێلیت لەورا ھەردولا ل سەر بھایێ ڤێ ھەڤبەستێ ١٠٠ ملیۆن جونیە ئسترلینی رێککەفتینە و ١٥ ملیۆن ژی پاداشێن دەستڤەئینانا ناسناڤان و گوھۆرینان ل دووڤ شیانێن وی یێن تاکەکەسی و رولێ وی د سەرکەفتنێن تیمێ دا، دیسان ھازارد حەفتیێ ٤٠٠ ھزار جونیە ئسترلینی وەک مووچە دێ ژ کارگێریا یانا مەلەکی وەرگریت.

سویسرا، ئازاد گولەیی:
چە ند وێنە ک ژ دە ستپێکرنا یاریا دووماھیا قارەمانیا جنێف یا تەنسێ دناڤبە را یاریکەرێ ئەلمانی ئە لکسەندەر زڤێرێڤ ویێ چیلی نیکولاس جاری و نوکە گێمێ ئێکێ بدوماھیک ھات دبە رژەوەندیا زڤێرێڤی ئەوێ ل رێزا پێنجێ درێزبەندا جیھانێ دا دھێت ل سەر ئاستێ تەنسێ ل جیھانێ..