ئەڤرۆ نیوز:
د ئۆپه‌راسیۆنه‌كێ دا ل به‌غدا یا پایته‌ختێ ئیراقێ، ئامیرەكێ چاپكرنا پارەیى و كوژمەكێ مەزن یێ پارەیى ل دەڤەرەكا بەغدا هاتینە دەستەسەر كرن.
یەحیا رەسول پەیڤدارێ هێزێن چەكدارێن ئیراقێ دیار كریه: هێزێن وان پتر ژ 13 ملیار دیناران و چاپخانەكا چاپكرن و سەختەكرنا پارێ ئیراقی ل دەڤەرەكا بەغدا ده‌سته‌سه‌ر كرینه.
ناڤهاتى گۆتیه ژى: ئەو چاپخانا پاره‌ى ل دەڤەرا شالجیە هاتییە دیتن و پتر ژ 13 ملیار دینارێن ئیراقی و 23 هزار دۆلارێن ئەمریكی ژی هاتینە دەستەسەر كرن.
ئەڤرۆ نیوز:
ئەندامه‌كێ جڤاتا نوونورێن عیراقێ دیار كر: جڤاتا نوونه‌رێن ئیراقێ دێ قانوونا قه‌ران ده‌ربازكه‌ت، هه‌كه كوژمێ قه‌ران 10 ترلیۆن دینار بن.
ئەندامێ جڤاتا نوونه‌رێن عیراقێ راگه‌هاند: حكومەتا كازمی داخوازا قەرزه‌كێ 41 ترلیۆن دیناران كریه و داخواز دكه‌ت پەرلەمان پەسەند بكه‌ت.
باسم خه‌شان زێده‌تر دبێژیت: هه‌كه ئه‌و قه‌ره بۆ 10 ترلتۆن دیناران بهێنه كێمكرن، دێ پەرلەمان پەسەند كه‌ت، بەلێ سیاسەتا دارایی یا سەرۆكوەزیرێن ئیراقێ دڤێت بێ لبه‌ر چاڤگرتنا ره‌وشا عیراقێ درێژێ ب سیاسەتا خوه بده‌ت.
ژ ئه‌نجامێ قەیرانا دارایی و نەبوون پارەى بۆ دابەشكرنا مووچێ فەرمانبەران، حكومەتا عیراقێ داخوازا قەرزه‌كێ 41 ترلیۆن دیناری كریە، بۆ ڤێ مه‌ره‌مێ داخواز ژ پەرلەمانى كریه قانوونا قەران پەسه‌ند بكه‌ت.
ئەڤرۆ جڤاتا نوونەرێن عیراقێ دێ كۆم بیت و لدووڤ بەرنامێ كاری ئه‌ڤ کۆمبوونه دێ گوتۆبێژان ده‌رباره‌ى 12 پڕۆژەقانوون و بابەتان كه‌ت، ژ وان ژى، خواندنا دویێ بۆ پڕۆژە قانوونا پڕکرنا كورتئینانا دارایی.
ئەڤرۆ نیوز:
هێشتا ڤاڤارتنا دەنگان ل چار ویلایەتێن ئێكگرتى یێن ئەمریکا ماینە، ئەو ویلایەتە دێ سەرۆکێ چار سالێن بهێت دیار کەت.
هه‌تا نوکە ل ویلایەتا جۆرجیا 99% یا دەنگان هاتینە ڤاڤارتن و ئه‌ڤ ویلایه‌ته خۆدانا 15 دەنگێن سەرۆکاتیێ یە، نوكه جۆ بایدن ب 4 هزار دەنگان ل پێشیا تره‌مپى یە.
ل ویلایەتا نیڤادا ژی 87% یا دەنگان هاتینە ڤاڤارتن و ئه‌ڤ ویلایه‌ته خۆدانا 6 دەنگێن سەرۆکاتیێ یە، جۆ بایدن ب 22 هزار دەنگان ل پێشیا تره‌مپى یە.
ل ویلایەتا پێنسلڤانیا ژى 99% یا دەنگان هاتینە ڤاڤارتن و ئه‌ڤ ویلایه‌ته خۆدانا 20 دەنگێن سەرۆکاتیێ یە، جۆ بایدن ب 28 هزار دەنگان ل پێشیا تره‌مپى یە.
ب تنێ ل ویلایەتا کارۆلینا باکور ترامپ ل پێشیا بایدنى یە ب 76 هزار دەنگان و ئەو ویلایەتە خۆدانا 15 دەنگێن سەرۆکاتیێ یە.
ئەڤرۆ نیوز، زنار تۆڤی:
گرنگە ئەڤ كريارە د وەرزێ پاییزێ دا بهێنە كرن، ل سەر وان داروبارێن بەلگێن خوە دوەرینن، داکو ل وەرزێ بهارێ ئەڤ چەندە ببيتە بارسڤکیەک بۆ جوتياران، لەوما یا پێدڤیە جۆتیار د ڤی وەرزی ڤان گاڤان بهاڤێژن، ژ پێخەمەت بشێت بەرهەمەکێ باش بەرهەم بینن.
محەمەد عەبدولرەحمان بەرواری، رێڤەبەرێ ڤەکۆلینین چاندنێ ل پارێزگەها دهۆکێ، بۆ ئەڤرۆ نیوز دیار کر: د وەرزێ پاییزێ دا پێدڤیە جۆتیار زەڤیێن خوە یێن چاندنێ پاقژ بکەن، ژ بەرمايكێن بەرهەمى و بەلگێت وەريایی و باشترە وان بەلگ و بەرمایکان ب سۆژن، چونکی ئەڤە دێ بیتە ئەگەرێ ژناڤبرنا نەساخيا و مێش و موران ژی، هەروەسا پێدڤیە جۆتیار کژ و گیای ب درویت و ب سۆژیت، ب مەرەما ژناڤبرنا ئەگەرێن نەساخيا و نەمانا مێش و موران ئەوێن ل وەرزێ زڤستانێ ل سەر گژ و گیای دمينن.
ناڤهاتی گۆت ژی: د پاییزێ دا باشترە ئەرد بهێتە زبل کرن ب زبلێ گیانەران، ب مەرجەکێ ئەو زبل هاتبیتە رزاندن بۆ دەمێ دو سالان، دیسان باشترە هەر سێ سالان جارەکێ، زبلێ گیانەران ب کار بینی بۆ چاندنێ، نابیت جۆتیار وی زبلی بکەتە بەر وان دارێن ژیێ وان ژ سێ سالان کێمتر بیت، هەروەسا زبل کرنا زەڤیێن چاندنێ ب زبلێ دەستکرد ژی کارەکێ باشە، لێ دڤێت لدووڤ پێدڤیێن ئاخێ و لدووڤ ژیێ دارێن چاندنێ بیت، دڤێت ئەرد ژی بهێتە کێلان، ب مەرەما بن ئاخكرنا زبلى، هەروەسا بن ئاخکرنا بەلگان و بەرمايکێن داروبارى ژی.
محەمەدی ئەو ژی ئاشکرا کر: باشتره ل دووماهیا وەرزێ پاییزێ، کریارا کەزاختنا داروبارێ چاندنێ بهێتە کرن، بمەرجەکێ پلێن گەرماتیێ نزم ببن، هەروەسا دار چوبیتە د قۆناغا متبوونێ دا، پاشی بەرمايكێن وان دارێن کەزاختی بهێنە کۆم کرن و بهێنە دوورخستن ژ زەڤیێ هەتا كو هشك دبن و پاشی بهێنە سۆتن، هەروەسا باشتره ئەو نەمامێن ژنوو هاتینە چاندن بهێنە گرێدان، داکو ئەو نەمامە بهێتە پاراستن، ژ هرروبایێن ب هێز یێن زڤستانێ، دیسان دوورپێچکرنا قورمێن داران ب گیایی یان ب نایلۆنی، بۆ پاراستنێ ژ گیانەرێن وەکو کێڤریشکان و مشکی و جوردان، داکو قورمێن وان سپی نەکەن، دڤێت ل وەرزێ بهارێ ئەو گیا و نایلۆن بهێنە راکرن و سۆتن.
ئەڤرۆ نیوز:
سه‌رۆككۆمارێ ئیرانێ راگه‌هاند، ئه‌نجامێن هه‌لبژارتنێن ئه‌مریكا گرنگییا خوه بۆ ته‌هرانێ نینه، یا گرنگ ئه‌وه سه‌رۆكێ بهێت یێ ئه‌مریكا رێزێ ل قانوون و په‌یماننامێن نێڤده‌وله‌تى بگریت.
حه‌سه‌ن رۆحانى، سه‌رۆككۆمارێ ئیرانێ د په‌یڤه‌كێ دا راگه‌هاند، ژبۆ ته‌هرانێ، سیاسه‌ت و گاڤێن ئیدارا نوى یا ئه‌مریكا دگرنگن، یا گرنگ نینه كى د هه‌لبژارتنێن سه‌رۆكاتییا ئه‌مریكا ب سه‌ركه‌ڤیت. ئه‌و دخوازن ئیدارا نوو رێزێ ل وانبگریت، گرنگ ژى نینه كى سه‌ركه‌ڤیت، سیاسه‌ت و بیروباوه‌ر دگرنگن.
ل سالا 2018، دۆنالد ترامپ سه‌رۆكێ ئه‌مریكا خۆه ژ رێككه‌فتنا ئه‌تۆمى یا سالا 2015 ل گه‌ل ئیرانێ ڤه‌كێشا و سزایێن مه‌زن ب سه‌ر ته‌هرانێ دا سه‌پاندن.
د نها دا، جۆ بایدن به‌ربژارێ پارتا دیمۆكراتى بو پوستێ سه‌رۆكاتییا ئه‌مریكا، سوز دایه دوباره ڤه‌گه‌ریته دناڤ رێككه‌فتنا ئه‌تۆمى دا ب وى مه‌رجى ته‌هران پێگرییێ ب خالێن رێككه‌فتنێ بكه‌ت.
ئەڤرۆ نیوز:
ل گه‌ل نێزیكبوونا سه‌ركه‌فتنا مه‌زن یا جۆ بایدنی د هه‌لبژارتنێن سه‌رۆكاتییا ئه‌مریكا دا بهایێن نەفتێ و دۆلاری داكه‌فتن.
پرۆسه‌یا هه‌لبژارتنا ده‌نگێن هه‌لبژارتنێن سه‌رۆكاتییا ویلایه‌تێن ئێكگرتی یێن ئه‌مریكا به‌رده‌وامه و تا نها جۆ بایدن، پێش دۆنالد ترامپی كه‌فتییه، ڤێ چەندێ ژی كارتێكرنه‌كا نه‌رێنی ل بازارێ نەفتێ كرییه و بوویه ئه‌گه‌رێ داكه‌فتنا بهایێ نەفتێ، كو ئه‌ڤرۆ بهایێ وێ سه‌دێ ئێك پۆینت سیهـ و سێ داكه‌فتییه و هه‌ر به‌رمیله‌كێ ب چل دۆلار و سیهـ و سێ سه‌نتان بازار پێهاتییه كرن.
هه‌روه‌ها دۆلارێ ئه‌مریكی ژی ب رێژه‌یه‌كا به‌رچاڤ داكه‌فتییه به‌رانبه‌ر پاره‌یێ یوان یێ چینى كو ده‌مێ دو سالانه ئه‌و داكه‌فتنا مه‌زن یا ب وی شێوه‌ی ب خوه‌ڤه نه‌دیتیه.
ل گۆر پێشبیێن چاڤدێران ژی، ئیداره‌یا بایدنی، دێ یا كێم وێنه بیت تایبه‌ت د سیاسه‌تا بازرگانییێ دا.
ئەڤرۆ نیوز:
ته‌ڤگه‌ره‌كا نوو یا سیاسی ب ناڤێ عه‌هدوللا ب سه‌رۆكاتییا هاشم حه‌یده‌ری، كه‌ساتییێ شیعه، ل عیراقێ هاتە راگه‌هاندن، وێ ته‌ڤگه‌رێ د به‌یاننه‌كێ دا راگه‌هاندیه، ویلایه‌تا فه‌قیهـ روحوللا خومه‌ینی، دامه‌زرێنه‌رێ كۆمارا ئیسلامییا ئیرانێ، رێبازه‌كه د سنۆرێ وه‌لاته‌كی دا بێهن ته‌نگی بۆ لایێن دی ناهێلیت.
حه‌یده‌ری د به‌یانێ دا خویا ژی كرییه، ئه‌و نفشێ په‌یمانا خودێ نه، رۆلێ خامنه‌ی و خومه‌ینی ل عیراقێ دگێرن، ته‌ڤگه‌را وان مه‌زهه‌بی یه و باوه‌رییه‌كا موكوم ب ئیسلام و سه‌ركردایه‌تییا ئومه‌تا ئیسلامێ هه‌یه.
راگه‌هاندنا ته‌ڤگه‌را شیعه‌یان د ده‌مه‌كی دایه ل گه‌ل ئاماده‌كاریێن ئالیێن سیاسی بۆ ب رێڤه‌برنا پرۆسه‌یا هه‌لبژارتنێن پێشوه‌خت كو بڕیاره ل خزیرانا سالا بهێت بهێنە ئەنجامدان.
ئەڤرۆ نیوز:
ئه‌ندامه‌كێ به‌ره‌یێ رزگاری و گه‌شه‌پێدان یا ئیراقى راگه‌هاند؛ بڕیاره ل حه‌فتییا بهێت سه‌د ئه‌ندامێن به‌ره‌یی داخوازا ژده‌ست كاركێشانا محه‌مد حه‌لبووسی، سه‌رۆكێ جڤاتا نوونه‌ران ژ پۆستێ وی بكه‌ن.
ئه‌سیل نوجێفی راگه‌هاند، ، به‌رژه‌وه‌ندی دێ ل گۆره‌ی رێزبه‌ندییا جڤاتا نوونه‌ران بیت و ئه‌ڤ ئه‌ركه ژی ل سه‌رملێن پێكهاته‌یا سوننه یه ژ به‌ركو سه‌رۆكاتییا په‌رله‌مانێ به‌هرا وانه.
دیار ژی كر، چ راستی بۆ نوونه‌رێ ئێك لا د ناڤا سوننه‌یان دا نینه و محه‌مه‌د حه‌لبووسی دكاریت هه‌ڤركیێ ل ئه‌نبار بكه‌ت نه‌ك ل هه‌موو ده‌ڤه‌رێن سوننه‌یان.
ئەڤرۆ نیوز:
پشتى دائێخستنا بنگه‌هێن ده‌نگدانێ بۆ هه‌لبژارتنا سه‌رۆكێ ئه‌مریكا، خۆه‌نیشاندان ل چه‌ند ویلایه‌تێن ئه‌مریكى ل دژى دۆنالد ترامپى هاتنه كرن.
خۆه‌نیشاندان دژى ترمپى ل واشنتۆنا پایته‌خت و شیكاگۆ و چه‌ند باژێرێن دى هاتنه كرن، رێپیڤانه‌كا ئاشتییانه ژى ل باژێرێن سیاتل و نیۆیۆرك هاتنه كرن و تێدا خۆه‌نیشانده‌ران داخوازا به‌رده‌وامبوونا هژمارتنا ده‌نگان و راگه‌هاندنا ئه‌نجامان كر.
شه‌ڤا سێشه‌مبى، پشتى داخستنا بنگه‌هێن ده‌نگدانێ، نێزیكى هزار خۆه‌نیشانده‌ران ل گوره‌پانه‌كێ كۆمبوون و درویشمێن دژى دۆنالد ترامپ بلندكرن و به‌ره‌ڤ جاده‌یێن ده‌وروبه‌رێن كوچكا سپى چوون.
خۆه‌نیشاندانا لایه‌نگرێن جۆ بایدن، به‌ربژارێ دیمۆكراتان پشتى وێ راگه‌هاندنا ترامپى هات یا كو وى پارتا دیمۆكرات ب سه‌خته‌كارییان گونه‌هباركرى و داخوازا راوستاندنا هژماركرنا ده‌نگان كرى ل ویلایه‌تێن ویسكۆنسن و میشیگان و پێنسلڤانیا.
نێزیكى 200 كه‌سان ژ ئه‌ندامێن سه‌ندیكا كرێكاران و گروپێن ژینگه‌هپارێزى د خۆه‌نیشاندانێ دا پشكداربوون و راگه‌هاند، بۆ پاراستنا دیمۆكراتییێ هاتینه سه‌ر جاده‌یان.
ئەڤرۆ نیوز:
جۆداكرنا ده‌نگێن هه‌لبژارتنا سه‌رۆكاتییا ئه‌مریكا ل پێنج ویلایه‌تان به‌رده‌وامه و بتنێ شه‌ش كۆرسى ماینه جۆ بایدن سه‌ركه‌فتنێ ب ده‌ستڤه‌بینیت.
ل هه‌ر ئێك ژ ویلایه‌تێن پێنسلڤانیا، نۆرس كارۆلینا، جۆرجینا، نیڤادا و ئالاسكا، جۆداكرنا ده‌نگێن هه‌لبژارتنان به‌رده‌وامه.
تا نها جۆ بایدن به‌ربژارێ دیمۆكراتان دوسه‌د و شێست و چار كورسی مسۆگه‌ر كرینه، دۆنالد ترامپ، سه‌رۆكێ ئه‌مریكا و به‌ربژارێ كۆمارییان ژىدوسه‌د و چارده كۆرسى ب ده‌ستڤه‌ئیناینه.
دوهی، دۆنالد ترامپی د گۆتاره‌كێ دا پارتا دیمۆكراتان ب سه‌خته‌كارییێ د هه‌لبژارتنان دا گونه‌هباركر و راگه‌هاند، ئه‌و دێ سكالایێ ل دادگه‌ها بلندا ئه‌مریكا بو تانه‌دانێ تۆماركه‌ت.
نيشاندان